Málkus 11
11
Gubíŋín guá Yésuse Yelusalɛ́m
(Mat 21.1-11; Lúk 19.28-40; Sáŋ 12.12-19)
1Bámaágányɛ mɔdɔg na Yelusalɛ́m, bágányɛ gá guɛ́d ganandá gibéyi giá bidɔŋ giá Betfasé na Betaní, ebéneg ɔmbɔ́g huá bindaánd biá ɔŋuɛnyɛ huá madɛ́ ɔmɔɔ́ bɔ́dɔ́ŋɔná áneé olifié mánya. Yésuse uwadɔ́m bebinene bég báandɛ uguá busió, 2úmuanyɛ gɔ́b áneé: «Idánánɔ uguá gidɔŋ igínya uguánɔ guá busió igíné. Nugeéméneg, nugégégie muɔ́n wa abaŋabinúhá asugán uyɔɔ́ ta mɔndɔ úmanyaá udidadímɛ́n guɔ́. Sulúnénénu yɔ́, nuól na yɔ́. 3Mɔndɔ úmónúóhún áneé: “Giagɛ igiɛ́ nuálanɔ́ igigányɛ?” Nuondinye yɔ́ áneé: “Ɔgúná únyaá nsan na yɔ́. Ugoóguondie yɔ́ dabdab.”»
4Abɛ́d, ebégégie muɔ́n wa abaŋabinúhá agá nígadá, asugán mɔdɔg na ŋŋil agá buáyɛ buá buyal, ebésulun. 5Uguá ɔlɔŋ huá bandɔ abámabá hɔ́, bómodi obóhún áneé: «Gá giagɛ núsulunenú muɔ́n wa abaŋabinúhá ugányɛ?» 6Obóndinye haná Yésuse úmɔ́yídɛ́n bɔ́, bandɔ abánihɛn bɔ́ abɛ́d na yɔ́. 7Abídɛn Yésuse na yɔ́, ɔbɔ́dɔ́bígɔn bihuya biɔ́b guɔ́, Yésuse uwadadimɛn. 8Giod giá bandɔ igíábanigan bihuya biɔ́b uguá ŋŋil, bómodi básúmba biáŋɔ uguá mesíge bábanigan eguísi.#11.8 Uguá ginɛŋ giá Yésuse bámabá bábana bisɔn na biáŋɔ gá mfínenyi. 9Bandɔ abámabá bánda uguá busió naá abámabá bebinene uguélém béhéhenye, bɔ́ya áneé: «Osána! Unyɛ asayán uwoóloneé uguá ɔhɛ́n huá Ɔgúná! 10Ánaá Niguili iníóloneé níbá inisayánɔ, Niguili niá Dáfide, síe wasɔ! Osána na Uhaluá unyaá hádɛ ugumɔn!» 11Yésuse uwebíŋín Yelusalɛ́m, uwɛɛ́d uguá idúl hiá bayúdɛn. Umaámáman gubídíbenye muand gidigid umúmábídúmbán egég gá buáyɛ, haná buɔ́sɛ búmásɛɛ́d búmáman, uwɛɛ́d Betaní na bebinene bég báad na báandɛ.
Gilɔm giá figié
(Mat 21.18-19)
12Na giamádá, obólígie Betaní, nsan iyanúmɛ́d Yésuse. 13Uwaán budɛ́ ubuɔ́ bɔ́dɔ́ŋɔ́naá áneé figié hádɛ enéné na biányɛ, uwɛɛ́d gá bíyɛg mmába búmehúm. Umaágányɛ mɔdɔg na buɔ́ ta guán gibɔg guɔ́ pɛ́ŋ biányɛ na biányɛ, gá giagiá búmasábá ginɛŋ giá buɔ́ giá húm. 14Uwɔyidɛn buɔ́ áneé: «Ta mɔndɔ udianándanyá gibɔg giáhɔ buɔ́sɛ. Bebinene bég ɔbɔɔ́b.»
Yésuse waágúŋa beduísi uguadá guá idúl hiá bayúdɛn
(Mat 21.12-17; Lúk 19.45-48)
15Ebéneg Yelusalɛ́m. Yésuse uwebíŋín uguá idúl hiá bayúdɛn, uwɛɛ́d gá gúŋa beduísi na boóndi muand uguadá. Uwegusenye dubáŋ duá benúgiŋŋúme na indig siá beduís mbɛŋ. 16Gúu úmadiádáabán áneé mɔndɔ ubídúgɛn buand buég gá yal idúl hiá bayúdɛn. 17Uwehuínyihuinye bɔ́ na dugálɔ uduɔ áneé: «Ŋŋɔ́ŋɛ síɔ́guɔya áneé giansɛ giámɛ bɔ́nɔ́dɔ́ŋɔn giɛ́ áneé giansɛ giá mbísógóli gá busió buá maán gidigid. Gúu banuá núésiéyé giɛ́ nibínamba niá beébi!»
18Bagɔ́n bá bedúmbinusámb nuá Uhaluá na belinsibigodi ɔbɔ́b buónyi ubugányɛ, abásɛɛ́d gá guamba dudádɛ duá gimbín Yésuse gá guɔ́n yɔ́. Ta anagányɛ bɔ́mɔɔ́bɔ́n bugádɔ neéneg gá giagiá bandɔ bem bámabá báyíka guhuínyihuinye guég. 19Ginɛ́ŋ gímaámáguá, Yésuse na bebinene bég obólígie agá tísɔna.
Gigɔ́d giá figié
(Mat 21.20-22)
20Bámaágádúmbán na giamádá, abán bufigié ubugúdán na iŋaŋ gágá. 21Piéle uwebídúmdenye dugálɔ uduɔ́ úmɔɔ́b uguá niíd niá Yésuse, úmuanyɛ gég áneé: «Ehuínyihuínyi! Ndé bufigié ubuɔ́ ɔlɔ́m, búágɔ́d.» 22Yésuse uwondinye bɔ́ áneé: «Ánaá núág ɔdɛ́m agá Uhaluá, 23Hómohómue mmɔ́núɔyídɛ́n, mɔndɔ unyɛ wa guɔyidɛn ɔŋuɛnyɛ uhuɔ áneé: “Bálɔ́g agányɛ onobiómbín uguá máŋ.” Númánudibiá mpál agá ɔdɛ́m, nubídága gɔg áneé ubuɔ́ nusɔ́guɔŋɛn, waánúhuán buɔ́. 24Buand buáguɔ́ nnúɔyɔnaá áneé: Uguá ginɛŋ igiɛ́ núbísógólonyeé gá guɔŋɛn buand, nuág ɔdɛ́m áneé nusamanadáŋáab buɔ́, gúu báganúhuánɔ́ buɔ́. 25Ginɛŋ igiɛ́ núnya gindényé gá bísógólonye, mmába nugódi gidúdúlényé na sɔ́gá nuyibinɛn yɔ́. Gá gueleé Síe wanɔ́ unyaá ugumɔn unúyibinɛn súsɔ́n bilɔga biánɔ.» 26[Númánudiyibínánɛ́n gɔg bɔsɔ́gá, Síe wanɔ́ únyaá ugumɔn udianánúyibinɛn súsɔ́n bilɔga biánɔ ta buɔ́sɛ.]#11.26 Ɔlɔŋ uhuɔ húmasábá uguá mubu múmodi.
Bádiáguádáaban ihiligine hiá Yésuse
(Mat 21.23-27; Lúk 20.1-8)
27Obónduguond Yelusalɛ́m. Yésuse wanda uguá idúl hiá bayúdɛn woól wond, woól wond, umaáwándá anagányɛ bagɔ́n bá bedúmbinusámb nuá Uhaluá na belinsibigodi na bɔgɔ́ga, abákilɛn yɔ́. 28Obóhún yɔ́ áneé: «Ihiligine hiáhɔ ihiɛ́ álanɔ́ muand umuɔ híóguólonin hanyɛ? Ányá uwaáhuá bugaga buá guala muɔ́?» 29Uwondinye bɔ́ áneé: «Ɔ́bɔ́nɔ́n! Ŋŋaánúdɔ́d ŋŋóhúnín táŋ imoómi, numóŋondinye agányɛ ŋŋɔɔ́bɔ́dɔnúɔyidɛn buhɔɔ́m ubuɔ́ ihiligine hiámɛ híólonineé gá guala muand umugányɛ. 30Ányá umaádɔ́m Sáŋa gá yumenye bandɔ, Uhaluá lí bandɔ? Ánaá núŋondinye.» 31abɛ́d gá ségenye bámuanyɛ na bámuanyɛ, bɔ́bíɔ́yɔn áneé: «Dímóndinye áneé Uhaluá úmaádɔ́m yɔ́, ugoódióhún áneé: “Gá giagɛ númánudiádáab ubuɔ́ úmɔyá?”» 32Dímɔ́yɛd súsɔ́n gɔg áneé: «Búnyɛ bandɔ bɔ́ bámadɔ́m yɔ́. » (Digódi bugádɔ na giíŋ gá giagiá gímabá gíbídága áneé Sáŋa umabá hómohómue ebunebúné.) 33Obóndinye gɔg Yésuse áneé: «Basuá didiényi.» Yésuse uwondinye bɔ́ áneé: «Ahá! Ta yaŋuá súsɔ́n ndigɔɔ́núɔyidɛn buhɔɔ́m ubuɔ́ ihiligine hiámɛ híólonineé gá guala muand umugányɛ.»
നിലവിൽ തിരഞ്ഞെടുത്തിരിക്കുന്നു:
Málkus 11: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 11
11
Gubíŋín guá Yésuse Yelusalɛ́m
(Mat 21.1-11; Lúk 19.28-40; Sáŋ 12.12-19)
1Bámaágányɛ mɔdɔg na Yelusalɛ́m, bágányɛ gá guɛ́d ganandá gibéyi giá bidɔŋ giá Betfasé na Betaní, ebéneg ɔmbɔ́g huá bindaánd biá ɔŋuɛnyɛ huá madɛ́ ɔmɔɔ́ bɔ́dɔ́ŋɔná áneé olifié mánya. Yésuse uwadɔ́m bebinene bég báandɛ uguá busió, 2úmuanyɛ gɔ́b áneé: «Idánánɔ uguá gidɔŋ igínya uguánɔ guá busió igíné. Nugeéméneg, nugégégie muɔ́n wa abaŋabinúhá asugán uyɔɔ́ ta mɔndɔ úmanyaá udidadímɛ́n guɔ́. Sulúnénénu yɔ́, nuól na yɔ́. 3Mɔndɔ úmónúóhún áneé: “Giagɛ igiɛ́ nuálanɔ́ igigányɛ?” Nuondinye yɔ́ áneé: “Ɔgúná únyaá nsan na yɔ́. Ugoóguondie yɔ́ dabdab.”»
4Abɛ́d, ebégégie muɔ́n wa abaŋabinúhá agá nígadá, asugán mɔdɔg na ŋŋil agá buáyɛ buá buyal, ebésulun. 5Uguá ɔlɔŋ huá bandɔ abámabá hɔ́, bómodi obóhún áneé: «Gá giagɛ núsulunenú muɔ́n wa abaŋabinúhá ugányɛ?» 6Obóndinye haná Yésuse úmɔ́yídɛ́n bɔ́, bandɔ abánihɛn bɔ́ abɛ́d na yɔ́. 7Abídɛn Yésuse na yɔ́, ɔbɔ́dɔ́bígɔn bihuya biɔ́b guɔ́, Yésuse uwadadimɛn. 8Giod giá bandɔ igíábanigan bihuya biɔ́b uguá ŋŋil, bómodi básúmba biáŋɔ uguá mesíge bábanigan eguísi.#11.8 Uguá ginɛŋ giá Yésuse bámabá bábana bisɔn na biáŋɔ gá mfínenyi. 9Bandɔ abámabá bánda uguá busió naá abámabá bebinene uguélém béhéhenye, bɔ́ya áneé: «Osána! Unyɛ asayán uwoóloneé uguá ɔhɛ́n huá Ɔgúná! 10Ánaá Niguili iníóloneé níbá inisayánɔ, Niguili niá Dáfide, síe wasɔ! Osána na Uhaluá unyaá hádɛ ugumɔn!» 11Yésuse uwebíŋín Yelusalɛ́m, uwɛɛ́d uguá idúl hiá bayúdɛn. Umaámáman gubídíbenye muand gidigid umúmábídúmbán egég gá buáyɛ, haná buɔ́sɛ búmásɛɛ́d búmáman, uwɛɛ́d Betaní na bebinene bég báad na báandɛ.
Gilɔm giá figié
(Mat 21.18-19)
12Na giamádá, obólígie Betaní, nsan iyanúmɛ́d Yésuse. 13Uwaán budɛ́ ubuɔ́ bɔ́dɔ́ŋɔ́naá áneé figié hádɛ enéné na biányɛ, uwɛɛ́d gá bíyɛg mmába búmehúm. Umaágányɛ mɔdɔg na buɔ́ ta guán gibɔg guɔ́ pɛ́ŋ biányɛ na biányɛ, gá giagiá búmasábá ginɛŋ giá buɔ́ giá húm. 14Uwɔyidɛn buɔ́ áneé: «Ta mɔndɔ udianándanyá gibɔg giáhɔ buɔ́sɛ. Bebinene bég ɔbɔɔ́b.»
Yésuse waágúŋa beduísi uguadá guá idúl hiá bayúdɛn
(Mat 21.12-17; Lúk 19.45-48)
15Ebéneg Yelusalɛ́m. Yésuse uwebíŋín uguá idúl hiá bayúdɛn, uwɛɛ́d gá gúŋa beduísi na boóndi muand uguadá. Uwegusenye dubáŋ duá benúgiŋŋúme na indig siá beduís mbɛŋ. 16Gúu úmadiádáabán áneé mɔndɔ ubídúgɛn buand buég gá yal idúl hiá bayúdɛn. 17Uwehuínyihuinye bɔ́ na dugálɔ uduɔ áneé: «Ŋŋɔ́ŋɛ síɔ́guɔya áneé giansɛ giámɛ bɔ́nɔ́dɔ́ŋɔn giɛ́ áneé giansɛ giá mbísógóli gá busió buá maán gidigid. Gúu banuá núésiéyé giɛ́ nibínamba niá beébi!»
18Bagɔ́n bá bedúmbinusámb nuá Uhaluá na belinsibigodi ɔbɔ́b buónyi ubugányɛ, abásɛɛ́d gá guamba dudádɛ duá gimbín Yésuse gá guɔ́n yɔ́. Ta anagányɛ bɔ́mɔɔ́bɔ́n bugádɔ neéneg gá giagiá bandɔ bem bámabá báyíka guhuínyihuinye guég. 19Ginɛ́ŋ gímaámáguá, Yésuse na bebinene bég obólígie agá tísɔna.
Gigɔ́d giá figié
(Mat 21.20-22)
20Bámaágádúmbán na giamádá, abán bufigié ubugúdán na iŋaŋ gágá. 21Piéle uwebídúmdenye dugálɔ uduɔ́ úmɔɔ́b uguá niíd niá Yésuse, úmuanyɛ gég áneé: «Ehuínyihuínyi! Ndé bufigié ubuɔ́ ɔlɔ́m, búágɔ́d.» 22Yésuse uwondinye bɔ́ áneé: «Ánaá núág ɔdɛ́m agá Uhaluá, 23Hómohómue mmɔ́núɔyídɛ́n, mɔndɔ unyɛ wa guɔyidɛn ɔŋuɛnyɛ uhuɔ áneé: “Bálɔ́g agányɛ onobiómbín uguá máŋ.” Númánudibiá mpál agá ɔdɛ́m, nubídága gɔg áneé ubuɔ́ nusɔ́guɔŋɛn, waánúhuán buɔ́. 24Buand buáguɔ́ nnúɔyɔnaá áneé: Uguá ginɛŋ igiɛ́ núbísógólonyeé gá guɔŋɛn buand, nuág ɔdɛ́m áneé nusamanadáŋáab buɔ́, gúu báganúhuánɔ́ buɔ́. 25Ginɛŋ igiɛ́ núnya gindényé gá bísógólonye, mmába nugódi gidúdúlényé na sɔ́gá nuyibinɛn yɔ́. Gá gueleé Síe wanɔ́ unyaá ugumɔn unúyibinɛn súsɔ́n bilɔga biánɔ.» 26[Númánudiyibínánɛ́n gɔg bɔsɔ́gá, Síe wanɔ́ únyaá ugumɔn udianánúyibinɛn súsɔ́n bilɔga biánɔ ta buɔ́sɛ.]#11.26 Ɔlɔŋ uhuɔ húmasábá uguá mubu múmodi.
Bádiáguádáaban ihiligine hiá Yésuse
(Mat 21.23-27; Lúk 20.1-8)
27Obónduguond Yelusalɛ́m. Yésuse wanda uguá idúl hiá bayúdɛn woól wond, woól wond, umaáwándá anagányɛ bagɔ́n bá bedúmbinusámb nuá Uhaluá na belinsibigodi na bɔgɔ́ga, abákilɛn yɔ́. 28Obóhún yɔ́ áneé: «Ihiligine hiáhɔ ihiɛ́ álanɔ́ muand umuɔ híóguólonin hanyɛ? Ányá uwaáhuá bugaga buá guala muɔ́?» 29Uwondinye bɔ́ áneé: «Ɔ́bɔ́nɔ́n! Ŋŋaánúdɔ́d ŋŋóhúnín táŋ imoómi, numóŋondinye agányɛ ŋŋɔɔ́bɔ́dɔnúɔyidɛn buhɔɔ́m ubuɔ́ ihiligine hiámɛ híólonineé gá guala muand umugányɛ. 30Ányá umaádɔ́m Sáŋa gá yumenye bandɔ, Uhaluá lí bandɔ? Ánaá núŋondinye.» 31abɛ́d gá ségenye bámuanyɛ na bámuanyɛ, bɔ́bíɔ́yɔn áneé: «Dímóndinye áneé Uhaluá úmaádɔ́m yɔ́, ugoódióhún áneé: “Gá giagɛ númánudiádáab ubuɔ́ úmɔyá?”» 32Dímɔ́yɛd súsɔ́n gɔg áneé: «Búnyɛ bandɔ bɔ́ bámadɔ́m yɔ́. » (Digódi bugádɔ na giíŋ gá giagiá gímabá gíbídága áneé Sáŋa umabá hómohómue ebunebúné.) 33Obóndinye gɔg Yésuse áneé: «Basuá didiényi.» Yésuse uwondinye bɔ́ áneé: «Ahá! Ta yaŋuá súsɔ́n ndigɔɔ́núɔyidɛn buhɔɔ́m ubuɔ́ ihiligine hiámɛ híólonineé gá guala muand umugányɛ.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക