matiyu 28
28
Yesɔ yune yusaa
1Aknti lee gbete shɔ susu yɛ, alee susune zɨɨnkɔ, Mariyamu Magadala a Mariyamu wɔ i shɛrɛ neyi ɗe Yesɔ yusaa pɛ.
2A leekɔ tipi zɨntirɛ waane, aruugbete Ɗa jashone lapa no alapa yɛne Yesɔ yusaa, puu tari gbete shɔ mɛɛ yusaa awuni a ɔ̃ ɗɔn. 3U bii koli yaa naa jalɛ, u fãrã bii puru ɓolon-ɓolon naa rutɛ. 4Shɔ yusaa gane i zɛ nam seti pɛlirɛ i nwesi a tipi naa i vɔtɛ.
5Ɗa jashone lapa geli suwiyi nɛ, << ɔkɔɔ tã setine, n zɛtɛttɔ ɔ kã Yesɔ gbete shɔ ɓau naa laa yɛ. 6U ɓa ɗɔni ɓa; yulapa tɛ, nagbete shasiyɛ. ɔ ane ɔ zɛ ɗɔgbete roosi yɛ. 7Yɛ gbãgbã ɔ geliu jaɗoyiː <yulapa tɛ a yusaa ni, ntatɛ awɔ dekn yɛne Galili. ɔ yɛ zɛu aɗɔukɔ. > Doddorim n gelɔɔ tɛ. >>
8Suwiyi i yaa yusau gbãgbã seti ai bii waane, sɔ̃n ɗɔn i nta bii nyatone waane, i yurɛ yɛne Yesɔ ɗɔ jadoyi geline. 9Kɛɗɔn Yesɔ shɛrɛ a kpai rɛ. << ɔ nta lema, >>Yesɔ sharɛ. I au ɗɔbii maani a mutuu abii. 10Kɛɗɔn Yesɔ geliyi ne, << ɔkɔɔ nta setine. ɔ yɛne ɔ geli mazɔyi nei yɛ Galili; i yɛ zɛng a ɗɔwakɔ. >>
Ruu gbete shɛ a shɔ yusaa ganeyi nya
11Aɗagbete suwiyi sã yãba yɛne tɛ, shɔ yusaa gane gãsiyi, i yɛ shɔ yupɛ̃ni nya nwane jaa Ɗa ɗɔbii i geliu ruu vigbete i zɛyɛ piti kpai. 12Yupɛni nya nwane jaa Ɗa a shɔ pɛ̃ni gbete i a kou i naki ruu rɛ, i ã sojayi saa pɛ̃niba, 13Ɔ geliyi ne, <<ɔ shane, <Yesɔ jaɗoyi a azɨmba i ɓɔɔ vɔrɔ rɛ usi nɔrɔ. > 14Ruum kɛ to Bilatu shone, u yɛ geliu tɔ ɔ shɛshi ɔ ayɛti yukɔnɛm.>> 15Kɛdɔn Sojayi i tu saau rɛ apɛli nagbete shɔ ãsiyi nya yɛ. Ruum raa tipi Yahudawayi piti kpai ane nem.
Yesɔ shɛ au jaɗoyi bii
16Kɛɗɔn Yesɔ jaɗoyi kopi tu gbete i yɛ Galili, a yukɔpɔ gbete Yesɔ geliyi nei yɛ -yɛ. 17Naa Yesɔ jadoyi i zɛu tɛ, i geu nya rɛ; ama gãsi i sɨsin si ɓau biini ɓa. 18Kɛɗɔn Yesɔ ai ɗɔbii ashane, <<Maye ãng kakaa tɛttɔ kolapa a tipi kpai a naa. 19Aruunkɔ ɔ yɛne nwari shɔ nn nya ruu bii akoo piti kpai i ɔ̃ nn jadoyi, ɔ pɛliyi batizima au Beye nii, au jaa, a suru wɔsɔ-wɔsɔ, 20Ɔ matiyi noo vigbete nn ãsɔɔ nya ɔ gnyɛ piti kpai. Nn zɛtɛttɔ nn yɛ ɔ̃ a ukɔɔ ni lee-lee, ane lee gbete koo yɛ yisi yɛ.>>
നിലവിൽ തിരഞ്ഞെടുത്തിരിക്കുന്നു:
matiyu 28: Laa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria
