oMak 3
3
Oyesu Di Ine ka Abo Winyi Ogege
(oMatiyu 12.9-14; oLuka 6.6-11)
1Ishi oye Oyesu ki gipu ke ekpa, kweyi omo ongo oye ni abo nu winyi ni ebeni. 2Ashishini kase ba tikpo ko owe ko kwo Oyesu epwo, akpi iyi kwo ko ma kwe oya danu ogege Eno ko Minyo. 3Oyesu ka danu mo, <<Nyiso hagye otutehe wa.>>
4Ebeni Oyesu duwoka mo, <<Onya shoshi she ko ya Eno ko Minyo? Oneshi la kwe obibi, ko ngma ase kwe ko ya ase ngmo?>> Ake kela lo.
5Oyesu pyi iyi muwa kpa anya kpo otu byobya nwashika ikweyi ko otu loshu wa, ebeni oka do ongo ni mo, <<Na abo wo ta.>> Ona abo nu ta kweyi opyo ogege ka abo nu. 6Ebeni Awofarisi bose ge ese ga gbela kpi ikpo ko Ohiridus ko yo Oyesu ngmo.
Ase Lewa Gboso Oyesu
7Oyesu she ebeni bita kpa awogboso go ega ki ishu nyakwu, ewa kase nwashika bwo Ogalili, kpo Oyahuda ke gboso. 8Ni apwo oza kpiri ni Oya ya ni, lewa kase bwo Oyahuda kpo Ojerusele, kpo Idumiya we ebe nu kpa awase ni bo osheyi ki ishu ko Ojoda, kpa awase ni bo Otaya kpo Osidon ni. 9Ikweyi koni ase lewa ni, Oyesu ka do awogboso mo ana labo ko owu leke hagye shini ewa ka naka shogba to lo. 10Oda ase lewa ogege, mani oni awine ke ere lewa ba sabo ko ga anu abo. 11Kweyi kpiri ki ishini omaku bibi mo aba gbo obutu nu ba kyegba mo, <<Owo Oyi ko Owuso la.>> 12Oke ya pyuwa akpaha mo ana ka ka da ashishe lo.
Oyesu Sha Ayikoko Igwepa
(oMatiyu 10.1-4; oLuka 6.12-16)
13Oyesu toshi giso kefu kweyi yawase ni oya yimu ni ogwu, kweyi agebe nu. 14Oshase igwepa ni oya yuwo ogwu mo ayikoko ko ni, shini ana bagye kpa anu, shini ona bi tuwo oleho ko tono kela nu, 15kweyi oki da awo oshu ko ngmo awomaku bibi. 16Iye ka ayikoko ko Oyesu igwepa ni yoma, kikyikyo wo Osimo ni Oyesu ya yogwu mo Obitrus ni, 17kpo Oyakubu oyi ko Ozebedi kpo oyinanu Oyohana ni Oyesu da awa iye mo Obowanege, ikweyi nu wo, <<Ayi ka akpula ni.>> 18Kpa Andru, kpo Ofilibus kpo Obatolomi kpo Omatiyu kpo Otoma kpo Oyakubu oyi ko Alfayos kpo Otadiyos kpo Osimo ni gbotudose kokpagye nu ni, 19kpo Oyahuza Iskariyoti, anu ni yo Oyesu ra ni.
Asuse Kamo Oyesu Ya Yoko kpo Oshu ko Obelizebu
(oMatiyu 12.22-32; oLuka 11.14-23; 12.10)
20Ishi oni Oyesu gipu kole oye. Ase lewa gboso gbi ishini anu kpa ayikoko ko Oyesu nu gege ko roza lo. 21Ishini ayinanu pwo mani ni abose ko wa byo go ole, ikweyi koni akamo, <<Ikweyi nu pya!>>
22Awofono wa bwo ogya ko Ojerusele kweyi kamo, <<Ogbo omaku ko Obelizebu! Kpo oshu ko ose ko omaku bibi pini oya ngmo obibi la.>>
23Ebeni Oyesu yuwo ogwu kweyi kelase da awa mo, <<Oya le moji owoni Ibiri ni Ibiri enya? 24Obula ni ase nu ba kpepwu kpi iyiwa obula ni ya hagye lo. 25Mamani, ole ni yi iyinu ko we epa, ole oni ya hagye lo. 26Owoni Ibiri ya ni Ibiri enya, oyi iyinu ko pini yoma, oya ya moji ni obula nu ya hagye? Igbo nu wa ma. 27Kwe anoho ya gege ya go ole kase ni loshu ni ga wi? So ke kwobonu yo gbo ime oya go ole nu ga yi iyo ya wi kpiri la. 28Nyya ka dala okwokwoshi, kpiri ko ozalabi ni ase ya kpe ela ka arigbetu ni oka, aba yi na. 29Kpiri kase in ke kela bibi ikweyi ko Omaku ko Owuso, aba yo ozalabi nu na lo, anu oni yo ozalabi gbogbo-gbogbo.>>
30Oka mani ikweyi koni aba akamo, <<Ogbo omaku bibi ni.>>
Ene ko Oyesu kpa Ayinanu We Ebe nu
(oMatiyu 12.46-50; oLuka 8.19-21)
31Ebeni, ene ko Oyesu kpa ayinanu wa hagye ese, kweyi ata ashe oleho mo ona yo ogwu. 32Ewa shogba to, ebeni ashe ka danu mo, <<Ene wo kpa ayene wo hagye ese, aba yimu ko kela kpa awo.>>
33Oyesu duwoka mo, <<Anoho we ene hin kpa ayene hin?>>
34Ebeni opyi iyi kweyi ma awase ni shogba to ni kweyi kamo, <<Awamani pini we ene hin kpa ayene hin la. 35Kpiri kase ni yo oza ni sha Ada hin ni yi iso ni otu, anu pini we ene hin kpa ayene hin la.>>
നിലവിൽ തിരഞ്ഞെടുത്തിരിക്കുന്നു:
oMak 3: ALA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
THE WORD FOR THE WORLD INTERNATIONAL, THE WORD FOR THE WORLD NIGERIA
oMak 3
3
Oyesu Di Ine ka Abo Winyi Ogege
(oMatiyu 12.9-14; oLuka 6.6-11)
1Ishi oye Oyesu ki gipu ke ekpa, kweyi omo ongo oye ni abo nu winyi ni ebeni. 2Ashishini kase ba tikpo ko owe ko kwo Oyesu epwo, akpi iyi kwo ko ma kwe oya danu ogege Eno ko Minyo. 3Oyesu ka danu mo, <<Nyiso hagye otutehe wa.>>
4Ebeni Oyesu duwoka mo, <<Onya shoshi she ko ya Eno ko Minyo? Oneshi la kwe obibi, ko ngma ase kwe ko ya ase ngmo?>> Ake kela lo.
5Oyesu pyi iyi muwa kpa anya kpo otu byobya nwashika ikweyi ko otu loshu wa, ebeni oka do ongo ni mo, <<Na abo wo ta.>> Ona abo nu ta kweyi opyo ogege ka abo nu. 6Ebeni Awofarisi bose ge ese ga gbela kpi ikpo ko Ohiridus ko yo Oyesu ngmo.
Ase Lewa Gboso Oyesu
7Oyesu she ebeni bita kpa awogboso go ega ki ishu nyakwu, ewa kase nwashika bwo Ogalili, kpo Oyahuda ke gboso. 8Ni apwo oza kpiri ni Oya ya ni, lewa kase bwo Oyahuda kpo Ojerusele, kpo Idumiya we ebe nu kpa awase ni bo osheyi ki ishu ko Ojoda, kpa awase ni bo Otaya kpo Osidon ni. 9Ikweyi koni ase lewa ni, Oyesu ka do awogboso mo ana labo ko owu leke hagye shini ewa ka naka shogba to lo. 10Oda ase lewa ogege, mani oni awine ke ere lewa ba sabo ko ga anu abo. 11Kweyi kpiri ki ishini omaku bibi mo aba gbo obutu nu ba kyegba mo, <<Owo Oyi ko Owuso la.>> 12Oke ya pyuwa akpaha mo ana ka ka da ashishe lo.
Oyesu Sha Ayikoko Igwepa
(oMatiyu 10.1-4; oLuka 6.12-16)
13Oyesu toshi giso kefu kweyi yawase ni oya yimu ni ogwu, kweyi agebe nu. 14Oshase igwepa ni oya yuwo ogwu mo ayikoko ko ni, shini ana bagye kpa anu, shini ona bi tuwo oleho ko tono kela nu, 15kweyi oki da awo oshu ko ngmo awomaku bibi. 16Iye ka ayikoko ko Oyesu igwepa ni yoma, kikyikyo wo Osimo ni Oyesu ya yogwu mo Obitrus ni, 17kpo Oyakubu oyi ko Ozebedi kpo oyinanu Oyohana ni Oyesu da awa iye mo Obowanege, ikweyi nu wo, <<Ayi ka akpula ni.>> 18Kpa Andru, kpo Ofilibus kpo Obatolomi kpo Omatiyu kpo Otoma kpo Oyakubu oyi ko Alfayos kpo Otadiyos kpo Osimo ni gbotudose kokpagye nu ni, 19kpo Oyahuza Iskariyoti, anu ni yo Oyesu ra ni.
Asuse Kamo Oyesu Ya Yoko kpo Oshu ko Obelizebu
(oMatiyu 12.22-32; oLuka 11.14-23; 12.10)
20Ishi oni Oyesu gipu kole oye. Ase lewa gboso gbi ishini anu kpa ayikoko ko Oyesu nu gege ko roza lo. 21Ishini ayinanu pwo mani ni abose ko wa byo go ole, ikweyi koni akamo, <<Ikweyi nu pya!>>
22Awofono wa bwo ogya ko Ojerusele kweyi kamo, <<Ogbo omaku ko Obelizebu! Kpo oshu ko ose ko omaku bibi pini oya ngmo obibi la.>>
23Ebeni Oyesu yuwo ogwu kweyi kelase da awa mo, <<Oya le moji owoni Ibiri ni Ibiri enya? 24Obula ni ase nu ba kpepwu kpi iyiwa obula ni ya hagye lo. 25Mamani, ole ni yi iyinu ko we epa, ole oni ya hagye lo. 26Owoni Ibiri ya ni Ibiri enya, oyi iyinu ko pini yoma, oya ya moji ni obula nu ya hagye? Igbo nu wa ma. 27Kwe anoho ya gege ya go ole kase ni loshu ni ga wi? So ke kwobonu yo gbo ime oya go ole nu ga yi iyo ya wi kpiri la. 28Nyya ka dala okwokwoshi, kpiri ko ozalabi ni ase ya kpe ela ka arigbetu ni oka, aba yi na. 29Kpiri kase in ke kela bibi ikweyi ko Omaku ko Owuso, aba yo ozalabi nu na lo, anu oni yo ozalabi gbogbo-gbogbo.>>
30Oka mani ikweyi koni aba akamo, <<Ogbo omaku bibi ni.>>
Ene ko Oyesu kpa Ayinanu We Ebe nu
(oMatiyu 12.46-50; oLuka 8.19-21)
31Ebeni, ene ko Oyesu kpa ayinanu wa hagye ese, kweyi ata ashe oleho mo ona yo ogwu. 32Ewa shogba to, ebeni ashe ka danu mo, <<Ene wo kpa ayene wo hagye ese, aba yimu ko kela kpa awo.>>
33Oyesu duwoka mo, <<Anoho we ene hin kpa ayene hin?>>
34Ebeni opyi iyi kweyi ma awase ni shogba to ni kweyi kamo, <<Awamani pini we ene hin kpa ayene hin la. 35Kpiri kase ni yo oza ni sha Ada hin ni yi iso ni otu, anu pini we ene hin kpa ayene hin la.>>
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
THE WORD FOR THE WORLD INTERNATIONAL, THE WORD FOR THE WORLD NIGERIA