oMak 1
1
Oyohana Ino Obatisma Kyo Owe Tu
(oMatiyu 3.1-12; oLuka 3.1-9,15-17; Oyohana 1.19-28)
1Ikyikyo ko oshu neshi ikweyi ko Oyesu Okristi Oyi ko Owuso. 2Byoni inobane Ishaya ta ni mo:
<<Ma, nyya to oyoleho hin oleho, ya yo ohobu wo,
ko kyowe ya gbishi wo.>> #1.2 MAL 3.1
3<<Oko kashe ya yogwu ipu ko ododa ya kamo,
<Ala kyowe tu da# Adole,
kyowe tiriri danu!>>>#1:3 Isaiah 40:3
4Kweyi Oyohana wa, ya tono ipu ko ododa shini ase na shagbotu shini ona yuwa Obatisma shini ana yo ozalabi wa gbuwa. 5Kpiri kase ka agye ko Oyahuda, kpase ko Ojerusele, webenu, ba shagbotu ko ozalabi wa kweyi oyuwo Obatisma ipu ki Ishu ko Ojoda. 6Oshiye ko Oyohana atu kpo oya ko onyakwimi kpo okpa ko gbogbeyi nu. Kweyi ozarore nu wikpaga kpinyi keyi. 7Oya tono mo: <<Itikpi hin ashe ni shun ni yawa, ni kwo ogwa ko okpabawu nu nyya gege ya yi lo. 8Nyya yala Obatisma kpi inyo, anu ke ya wa yala Obatisma kpo Omaku ko Owuso.>>
Obatisma kpo Omama ko Oyesu
(oMatiyu 3.13-17; oLuka 3.21-22; 4.1-13)
9Ipu ki ishi oni Oyesu wa bwo Onazareti agye ko Ogalili, kweyi Oyohana yo obatisma ipu ki ishu ko Ojoda. 10Ni Oyesu ya bose bwipu ki inyo ni, omi iso gwa, kweyi Omaku ko Owuso sa ikpiye nu byo otitiribi. 11Kweyi, oko kela bwi iso ya kamo, <<Omani wo Oyi hin ni nyya yimu ni. Nyya shotunehe kpa awo.>>
12Ebebeni Omaku ko Owuso byo gipu ko ododa, 13kweyi oyo ododa ke eno awene, Ibiri ya moma. Oyo kpa awobekwu, kweyi ayoleho ko Owuso ba to otugbagba.
Oyesu ya Awotinyi Ene Ogwu
(oMatiyu 4.12-22; oLuka 4.14-15; 5.1-11)
14Itikpi ni ayo Oyohana shetu ni, Oyesu gipu ko Ogalili ya tono ko oshu neshi ko Owuso. 15Oya kamo, <<Ishi gye wa, obula ko Owuso yo pee! Ala shagbotu, shini ala kyogwu kpo oshu neshi!>>
16Ni Oya yawu ega ki ishu ko Ogalili ni, omo Osimo kpo oyinanu Andru, ba she eya ipu ki ishu-nyakwu, awa awotinyi la. 17Oyesu ka da awa mo, <<Ala wa, gbosun, nyya ya ala ba wa awino kwa asuse okwunu ke ebinyi.>> 18Ebebeni ashe eya wa bita kweyi gboso.
19Ni oyawu go ohobu ke ni, omo Oyakubu oyi ko Ozebedi kpo oyinanu Oyohana bipu ko owu ki inyo ba kye eya wa tu. 20Ebebeni oyuwo ogwu, kweyi asha Ada wa Ozebedi bita ipu ko owu, kpa awo yo oko ka abola kweyi gboso.
Oyesu Ngmo Omaku Bibi
(oLuka 4.31-37)
21Ebeni anu kpa awogboso go Okapanahu Eno ko Minyo kweyi foza ipu ko ekpa wa. 22Ozafofu nu da ase igbashi ikweyi koni oya foza kpo oshu, olema bya awofono ni lalo. 23Ebebeni ongo oye ni gbo omaku bibi ni ngmegba ipu ke ekpa mo, 24<<Oji ni oya tikpo ebe ka aha Oyesu ko Onazareti, owa ko wa yaha bya la? Ngya ase ni owe ni! Awo pini wa ase Sere ko Owuso la!>>
25Oyesu gbeha mo, <<Sha! Bose sho!>> 26Omaku bibi ja anu ebe ni kweyi ongmegba ome osho bita.
27Igbashi yuwa kwu kpiri kweyi adiyiwa oka mo, <<Omani wo oji yo ni? Oza fofu pepe kpo oshu! Okela kweyi omaku bibi geyagye danu.>> 28Oshu kela ikweyi ko Oyesu ge ebebenya kpiri ipu ka agye ko Ogalili.
Oyesu Da Ase Lewa Ogege
(oMatiyu 8.14-15; oLuka 4.38-39)
29Oyesu sho ekpa bita kpo Oyakubu kpo Oyohana ogo ole ko Osimo kpo Andru. 30Oshu ye ene ko onya ko Osimo kwu, ogwutagye ikweyi ko ogwudu, Oyesu wa ebebeni aka danu. 31Ebeni oga ta anu, obya abo kweyi zo iso. Ebebeni oshu kweyi, kweyi oyo ozarore da awa.
32Ni eno gbo ni, abya awine ke ere kpa awase ni gbo omaku bibi ni wa do Oyesu. 33Ase ko ogya kpiri gbayi okwunu kole, 34ebeni awase ni gbo ose gogo-gogo ni, Oyesu da awo ogege. Okyi no omaku bibi nwashika enya. Oshu wa bita kela lo ikweyi koni agye ase ni owe ni.
Oyesu Tinarigwu Ebeni Gba Ashishe lo ni
(oLuka 4.42-44)
35Ogwu togwu, Oyesu nyiso ge ebe ni gba ashishe lo ni kweyi ga tinarigwu. 36Osimo kpa awase ni bagye kpa anu ni ba tikpo nu, 37ishini amo ni, akamo, <<Ananoho ba tikpo wo!>>
38Oyesu kyogwu mo, <<Ahan ga awogya oye hoha shini na ki ga tono da awa. Oza ni byun wa ni oma.>> 39Kweyi oga awogya ipu ko Ogalili ya tono ipu ke ekpa kweyi ya na awomaku bibi enya.
Oyesu do Ongo ni Gbo Ose ki Iyiwa ni Ogege
(oMatiyu 8.1-4; oLuka 5.12-16)
40Ongo oye gbo ose ki iyiwa wa kwagye obutu ko Oyesu ya bo mo, <<Owoni okyogwu, ogbo oshu ko da ami ogege.>>
41Oyesu mo ongo ni kpi iyinyinyi kweyi oga anu abo kweyi kamo, <<Ngbi imu, pyo ogege!>> 42Ebebeni iyiwa nu kweyi, kweyi ongo ni pyo ogege.
43Ebeni Oyesu yo mo ona ga, kweyi opya akpaha mo, 44<<Ka ka da ashishe lo, ke ge ebe ko osapa shini ona mo kpe eshi byoni ono ko Omusa ka ikweyi kawase ni pyo ogege ki iyiwa ni. Ebeni ase ba gye kamo, opyo ogege.>> 45Ongo oni ke ga ko oshu oni ebebe nya da ase, ikweyi koni Oyesu gege ko gogya oyoye kyakya kelo, oke ya ge ebe ni ashishe ba anu lo ni. Kwikyikyeni ase ba we ebe nu bwe ebebe nya.
നിലവിൽ തിരഞ്ഞെടുത്തിരിക്കുന്നു:
oMak 1: ALA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
THE WORD FOR THE WORLD INTERNATIONAL, THE WORD FOR THE WORLD NIGERIA
oMak 1
1
Oyohana Ino Obatisma Kyo Owe Tu
(oMatiyu 3.1-12; oLuka 3.1-9,15-17; Oyohana 1.19-28)
1Ikyikyo ko oshu neshi ikweyi ko Oyesu Okristi Oyi ko Owuso. 2Byoni inobane Ishaya ta ni mo:
<<Ma, nyya to oyoleho hin oleho, ya yo ohobu wo,
ko kyowe ya gbishi wo.>> #1.2 MAL 3.1
3<<Oko kashe ya yogwu ipu ko ododa ya kamo,
<Ala kyowe tu da# Adole,
kyowe tiriri danu!>>>#1:3 Isaiah 40:3
4Kweyi Oyohana wa, ya tono ipu ko ododa shini ase na shagbotu shini ona yuwa Obatisma shini ana yo ozalabi wa gbuwa. 5Kpiri kase ka agye ko Oyahuda, kpase ko Ojerusele, webenu, ba shagbotu ko ozalabi wa kweyi oyuwo Obatisma ipu ki Ishu ko Ojoda. 6Oshiye ko Oyohana atu kpo oya ko onyakwimi kpo okpa ko gbogbeyi nu. Kweyi ozarore nu wikpaga kpinyi keyi. 7Oya tono mo: <<Itikpi hin ashe ni shun ni yawa, ni kwo ogwa ko okpabawu nu nyya gege ya yi lo. 8Nyya yala Obatisma kpi inyo, anu ke ya wa yala Obatisma kpo Omaku ko Owuso.>>
Obatisma kpo Omama ko Oyesu
(oMatiyu 3.13-17; oLuka 3.21-22; 4.1-13)
9Ipu ki ishi oni Oyesu wa bwo Onazareti agye ko Ogalili, kweyi Oyohana yo obatisma ipu ki ishu ko Ojoda. 10Ni Oyesu ya bose bwipu ki inyo ni, omi iso gwa, kweyi Omaku ko Owuso sa ikpiye nu byo otitiribi. 11Kweyi, oko kela bwi iso ya kamo, <<Omani wo Oyi hin ni nyya yimu ni. Nyya shotunehe kpa awo.>>
12Ebebeni Omaku ko Owuso byo gipu ko ododa, 13kweyi oyo ododa ke eno awene, Ibiri ya moma. Oyo kpa awobekwu, kweyi ayoleho ko Owuso ba to otugbagba.
Oyesu ya Awotinyi Ene Ogwu
(oMatiyu 4.12-22; oLuka 4.14-15; 5.1-11)
14Itikpi ni ayo Oyohana shetu ni, Oyesu gipu ko Ogalili ya tono ko oshu neshi ko Owuso. 15Oya kamo, <<Ishi gye wa, obula ko Owuso yo pee! Ala shagbotu, shini ala kyogwu kpo oshu neshi!>>
16Ni Oya yawu ega ki ishu ko Ogalili ni, omo Osimo kpo oyinanu Andru, ba she eya ipu ki ishu-nyakwu, awa awotinyi la. 17Oyesu ka da awa mo, <<Ala wa, gbosun, nyya ya ala ba wa awino kwa asuse okwunu ke ebinyi.>> 18Ebebeni ashe eya wa bita kweyi gboso.
19Ni oyawu go ohobu ke ni, omo Oyakubu oyi ko Ozebedi kpo oyinanu Oyohana bipu ko owu ki inyo ba kye eya wa tu. 20Ebebeni oyuwo ogwu, kweyi asha Ada wa Ozebedi bita ipu ko owu, kpa awo yo oko ka abola kweyi gboso.
Oyesu Ngmo Omaku Bibi
(oLuka 4.31-37)
21Ebeni anu kpa awogboso go Okapanahu Eno ko Minyo kweyi foza ipu ko ekpa wa. 22Ozafofu nu da ase igbashi ikweyi koni oya foza kpo oshu, olema bya awofono ni lalo. 23Ebebeni ongo oye ni gbo omaku bibi ni ngmegba ipu ke ekpa mo, 24<<Oji ni oya tikpo ebe ka aha Oyesu ko Onazareti, owa ko wa yaha bya la? Ngya ase ni owe ni! Awo pini wa ase Sere ko Owuso la!>>
25Oyesu gbeha mo, <<Sha! Bose sho!>> 26Omaku bibi ja anu ebe ni kweyi ongmegba ome osho bita.
27Igbashi yuwa kwu kpiri kweyi adiyiwa oka mo, <<Omani wo oji yo ni? Oza fofu pepe kpo oshu! Okela kweyi omaku bibi geyagye danu.>> 28Oshu kela ikweyi ko Oyesu ge ebebenya kpiri ipu ka agye ko Ogalili.
Oyesu Da Ase Lewa Ogege
(oMatiyu 8.14-15; oLuka 4.38-39)
29Oyesu sho ekpa bita kpo Oyakubu kpo Oyohana ogo ole ko Osimo kpo Andru. 30Oshu ye ene ko onya ko Osimo kwu, ogwutagye ikweyi ko ogwudu, Oyesu wa ebebeni aka danu. 31Ebeni oga ta anu, obya abo kweyi zo iso. Ebebeni oshu kweyi, kweyi oyo ozarore da awa.
32Ni eno gbo ni, abya awine ke ere kpa awase ni gbo omaku bibi ni wa do Oyesu. 33Ase ko ogya kpiri gbayi okwunu kole, 34ebeni awase ni gbo ose gogo-gogo ni, Oyesu da awo ogege. Okyi no omaku bibi nwashika enya. Oshu wa bita kela lo ikweyi koni agye ase ni owe ni.
Oyesu Tinarigwu Ebeni Gba Ashishe lo ni
(oLuka 4.42-44)
35Ogwu togwu, Oyesu nyiso ge ebe ni gba ashishe lo ni kweyi ga tinarigwu. 36Osimo kpa awase ni bagye kpa anu ni ba tikpo nu, 37ishini amo ni, akamo, <<Ananoho ba tikpo wo!>>
38Oyesu kyogwu mo, <<Ahan ga awogya oye hoha shini na ki ga tono da awa. Oza ni byun wa ni oma.>> 39Kweyi oga awogya ipu ko Ogalili ya tono ipu ke ekpa kweyi ya na awomaku bibi enya.
Oyesu do Ongo ni Gbo Ose ki Iyiwa ni Ogege
(oMatiyu 8.1-4; oLuka 5.12-16)
40Ongo oye gbo ose ki iyiwa wa kwagye obutu ko Oyesu ya bo mo, <<Owoni okyogwu, ogbo oshu ko da ami ogege.>>
41Oyesu mo ongo ni kpi iyinyinyi kweyi oga anu abo kweyi kamo, <<Ngbi imu, pyo ogege!>> 42Ebebeni iyiwa nu kweyi, kweyi ongo ni pyo ogege.
43Ebeni Oyesu yo mo ona ga, kweyi opya akpaha mo, 44<<Ka ka da ashishe lo, ke ge ebe ko osapa shini ona mo kpe eshi byoni ono ko Omusa ka ikweyi kawase ni pyo ogege ki iyiwa ni. Ebeni ase ba gye kamo, opyo ogege.>> 45Ongo oni ke ga ko oshu oni ebebe nya da ase, ikweyi koni Oyesu gege ko gogya oyoye kyakya kelo, oke ya ge ebe ni ashishe ba anu lo ni. Kwikyikyeni ase ba we ebe nu bwe ebebe nya.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
THE WORD FOR THE WORLD INTERNATIONAL, THE WORD FOR THE WORLD NIGERIA