Matayo 22
22
Nsi̱mo sa Bhu̱geni̱ sa amana
(Luka 14:15-24)
1Du̱mbi̱ Yesu nakitodha nakionga na bhabhembi̱ bhangbeku na Bhafali̱sayo ka nsi̱mo nakigia bhiyo; 2“Kusali̱a ndia gulu ali bhia sali̱a mindia akola bhu̱geni̱ sa amana ndia mi̱ki̱ mindiaki mu̱lu̱ku̱aki. 3Bwile sa bhu̱geni̱ ndia aduwa, abhutika bhakoli̱ ndibhaki i̱ya kani̱li̱sa bhageni̱ ndibha abhi̱ nabhu̱eki̱o, no nibhakikoma i̱yabho.
4“Du̱mbi̱ abhutika bhakoli̱ ndibhetolo nakigia bhiyo; ‘Bhubhutolie bhenjo ndibhe ni̱bhu̱eki̱o eti niambi̱ li̱eli̱, ninikibhuola bhandawa na bhante bhamanyeta ndibhe nibhutunga olabho ka bhu̱geni̱ ndia mi̱ki̱ mindiamo mu̱lu̱ku̱aki toli̱ nitekani̱zi̱ kima poni, bhu̱bi̱ke ka bhu̱geni̱ sa amana.’
5“No bhageni̱ ndibha abhi̱ nabhu̱eki̱o bhakasigana toli̱ nibhakyeyeli̱li̱a, moti̱ naki̱ya ka ti̱ko ndiaki mindietolo naki̱ya ka subula, 6ndibhetolo bhabhugba bhakoli̱ ndibhaki, nibhaki̱bhu̱bhi̱nda toli̱ nibhakibhuola. 7Sali̱a azigidhiluwa si̱ni̱. Abhutika bhasilikale ndibhaki eti bhabhu̱sweki̱se bholi̱ bhenjo toli̱ bhasu̱mbe tau̱ni̱ ndiabho manyeta.
8“Du̱mbi̱ nakibhugia bhakoli̱ ndibhaki bhiyo; ‘Li̱eli̱ sa bhu̱geni̱ sa amana abi̱dhi̱ya, no bhenjo ndibhe ni̱bhi̱ ni̱ni̱bhu̱eki̱ bhakomi̱ bi̱kabho. 9Ti̱-no bhu̱ye ka makani poni sa ngudhe bhubhueke bhakpa bhoponi ka bhu̱geni̱ sa amana.’ 10Bhakoli̱ nibhaki̱ya ka nesi̱yo nibhakibhukumesa bhakpa bhoponi ndibha bhabhutakanaku̱, bhamabhonga na bhenjo ndibha bhakabhongi̱, toli̱ kisika kindia yabhakoli̱li̱ bhu̱geni̱, bhageni̱ nibhaki̱tu̱maku̱.
11“No sali̱a ndia ai̱ya zi̱ba bhageni̱, antangia muluku mindia abha ndia kaloli̱ ngoye sa bhu̱geni̱. 12Sali̱a nakimuolu̱li̱a bhiyo; ‘Bhotuami, ogodhi̱ kehe bhoni̱ ndio kololi̱ ngoye ndia agbokiliani̱ ka bhu̱geni̱?’ Muluku kaonga kima poni.
13“Du̱mbi̱ sali̱a nakibhutolia bhakoli̱ ndibhaki bhiyo; ‘Bhu̱mbu̱we kibhoko na kigu toli̱ bhumumake kansenge, ka ki̱li̱mi̱ki̱aga kindia akibha ngamu na kwebhabhu̱a ngaga.’
14“Yesu nakidhakililia nakigia bhiyo; ‘Bi̱yabho bhadakibhueka no bhabhu̱bhu̱weku̱ bhake.’ ”
Olu̱li̱a ndia agbei̱be pesi̱a musolo kindia Kai̱sali̱
(Maliko 12:13-17; Luka 20:20-26)
15Du̱mbi̱ Bhafali̱sayo bhahu̱wa kansenga tegeka nesi̱ bhakimuleka Yesu ka ndia aki̱bhu̱siki̱aku̱ andu̱lu̱ bhangbe bhampesi̱aku̱ ka bhalemi̱ ndibha ka Loma. 16Bhabhutika bhaegi̱ ndibhabho imamoti̱ na ndibha bhabhi̱ ka kpata ndia Helude kowaki. Nibhakingia bhiyo; “Mwegesi̱, ki̱bi̱ nesi̱ okuongaga mazima toli̱ okuegesaga nesi̱yo ndia Mambombi̱ yeli̱a ka mazima. Oku̱bhu̱bi̱sagaku̱ bhakpa poni ngu̱ko ndio kosigani̱ nesi̱ bhaenyagi̱o. 17Okitolie ndio oli ka kweli̱li̱kana, ali ka kilagilo pesi̱a musolo kindia Kai̱sali̱ mindia Bhaloma kedha bba?”
18No Yesu abha nai̱bi̱ tegeka ndiabho mazinana nakibhugia bhiyo; “Bhenu̱ bhangobhi̱a bhuli ka lekami nangeki? 19Bhuniani̱se mukwenge ndie bhukusasulaga sa musolo.” Nibhaki̱bi̱ki̱sa kaki Dinali̱#22:19 Dinali̱ Yabhi̱ mukwenge ka Loma., 20du̱mbi̱ nakibhuolu̱li̱a bhiyo; “Kisisani̱ na i̱na ndia alibe ali ndia ani̱?”
21Nibhaki̱nsi̱ki̱aku̱ bhiyo; “Ali ndia Kai̱sali̱.”
Du̱mbi̱ nakibhugia bhiyo; “Ndia Kai̱sali̱ bhu̱mpesi̱e Kai̱sali̱ na ndia Mambombi̱ bhu̱mpesi̱e Mambombi̱.”
22Ndia bhaoka injo, nki̱li̱ nakibhutina, nibhakintukabe, nibhaki̱ya.
Olu̱li̱a ndia agbei̱be Hu̱mbu̱ka
(Maliko 12:18-27; Luka 20:27-40)
23Ka tolo injo toto, Bhasadukayo ndibha yabhagiaga eti hu̱mbu̱ka kalibe, bhai̱ya kindia Yesu nibhakimuolu̱li̱a bhiyo; 24“Mwegesi̱, Musa agia eti muluku kaku̱wa ndia kabhokoti̱, namaki agbokiliani̱ anjelie maki̱ku̱si̱a mindiaki andu̱lu̱ ambokotebe bhani̱ki̱ ke i̱na namaki mindia aku̱wa. 25Kindiasu̱ kuwo abha nalibe bhatua kunama bhalu̱ku̱abho ncambu̱, ngbeku nakimuama nkali̱ no naki̱ku̱wa ndia kambokoti̱be mi̱ki̱ du̱mbi̱ namaki nakinjelia maki̱ku̱si̱a. 26Kima sie injo toto nakimuenikanabe namaki mindia kebhali na mindia kesalo doi̱sa ka namaki mindia kencambu̱. 27Ka dhakililia, nkali̱ naye naki̱ku̱wa. 28Ka hu̱mbu̱ka, ada kibha nkali̱ mindia ani̱ nanga bhatua kunama ncambu̱ bhoponi bhamuamabe?”
29Yesu naki̱bhu̱si̱ki̱aku̱ bhiyo; “Bhu̱bhu̱li̱a nanga bhu̱ku̱i̱bi̱ Ndia Bhahandika kedha mani̱ ndia Mambombi̱. 30Ka hu̱mbu̱ka bhakpa bhakada kiama kedha amana bhuai̱be bhakibha bhia bhamalai̱ka gulu. 31Toli̱ ndia agbei̱be hu̱mbu̱ka ndia ndibha bhaku̱wo, bhu̱ku̱somi̱mbebe ndia Mambombi̱ abhutolia nakigia bhiyo; 32‘Andimi Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo?’ Kali Mambombi̱ mindia ndibha bhaku̱wo no ali mindia ndibha bhali̱ki̱o.”
33Bi̱ya bhakpa ndia bhaoka yoho, nki̱li̱ nakibhutina nanga egesa ndiaki.
Kilagilo sa mani̱
(Maliko 12:28-34; Luka 10:25-28)
34Bhafali̱sayo ndia bhaoka eti Yesu abhudakisa Bhasadukayo, bhekumesa imamoti̱. 35Moti̱ kowabho, mindia abhi̱ mwegesi̱ sa kilagilo amulengesa Yesu nakimuolu̱li̱a bhiyo; 36“Mwegesi̱, ali kilagilo ti̱na ndia akoli̱ mani̱ ka kilagilo poni?”
37Yesu naki̱nsi̱ki̱aku̱ bhiyo; “Onkunde Sali̱a Mambombi̱ mindiako na mulima ndiako poni na mwoyo ndiako poni na magezi̱ ndiako poni.#Kilagilo 6:5 38Injo andu̱lu̱ kilagilo ndia kateketa toli̱ sa mani̱ si̱ni̱.” 39Toli̱ ndia kebhali andu̱lu̱ yoho, “Onkunde dako nesi̱ weku̱ndi̱o.”#Bhalevi̱ 19:18 40Ka kilagilo bhali yoho, Kilagilo ndia Mambombi̱ ampesi̱a Musa na ndia bhanabbi̱ bhahandika atu̱ki̱li̱ kau̱.
Yesu nakibhuegesa bhakpa kowa Masiya
(Maliko 12:35-37; Luka 20:41-44)
41Bhafali̱sayo nibhalia nibheku̱mesi̱ imamoti̱, Yesu abhuolu̱li̱a bhiyo; 42“Masiya bhu̱ku̱mweli̱li̱kanagabe eki? Ali mi̱ki̱ mindia ani̱?”
Nibhaki̱nsi̱ki̱aku̱ bhiyo; “Ali nana Dhau̱dhi̱.”
43Yesu nakitodha nakibhugia bhiyo; “Andiki ndia akidhuaga Dhau̱dhi̱ kolilia kowa Mwoyo angia eti Sali̱a?” Agia bhiyo;
44“Sali̱a Mambombi̱ aonga na Sali̱a mindiamo Yesu bhiyo;
‘Oli̱ke ka kibhoko ndiamo sa kuluku
doi̱sa ni̱ni̱bhu̱bi̱si̱ bhangi̱gu̱ ndibhako
ku̱si̱a kiguako.’ ”#Zabbu̱li̱ 110:1
45“Toli̱ Dhau̱dhi̱ kabha nakingiaga eti Sali̱a, toli̱ akibha bhoni̱ nanaki?” 46Kalibe nkpa poni mindia ansi̱ki̱aku̱, toli̱ tukilia ka tolo injo kalibe mindia atodha olu̱li̱aki.
നിലവിൽ തിരഞ്ഞെടുത്തിരിക്കുന്നു:
Matayo 22: KWAMBA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc., 2025
Matayo 22
22
Nsi̱mo sa Bhu̱geni̱ sa amana
(Luka 14:15-24)
1Du̱mbi̱ Yesu nakitodha nakionga na bhabhembi̱ bhangbeku na Bhafali̱sayo ka nsi̱mo nakigia bhiyo; 2“Kusali̱a ndia gulu ali bhia sali̱a mindia akola bhu̱geni̱ sa amana ndia mi̱ki̱ mindiaki mu̱lu̱ku̱aki. 3Bwile sa bhu̱geni̱ ndia aduwa, abhutika bhakoli̱ ndibhaki i̱ya kani̱li̱sa bhageni̱ ndibha abhi̱ nabhu̱eki̱o, no nibhakikoma i̱yabho.
4“Du̱mbi̱ abhutika bhakoli̱ ndibhetolo nakigia bhiyo; ‘Bhubhutolie bhenjo ndibhe ni̱bhu̱eki̱o eti niambi̱ li̱eli̱, ninikibhuola bhandawa na bhante bhamanyeta ndibhe nibhutunga olabho ka bhu̱geni̱ ndia mi̱ki̱ mindiamo mu̱lu̱ku̱aki toli̱ nitekani̱zi̱ kima poni, bhu̱bi̱ke ka bhu̱geni̱ sa amana.’
5“No bhageni̱ ndibha abhi̱ nabhu̱eki̱o bhakasigana toli̱ nibhakyeyeli̱li̱a, moti̱ naki̱ya ka ti̱ko ndiaki mindietolo naki̱ya ka subula, 6ndibhetolo bhabhugba bhakoli̱ ndibhaki, nibhaki̱bhu̱bhi̱nda toli̱ nibhakibhuola. 7Sali̱a azigidhiluwa si̱ni̱. Abhutika bhasilikale ndibhaki eti bhabhu̱sweki̱se bholi̱ bhenjo toli̱ bhasu̱mbe tau̱ni̱ ndiabho manyeta.
8“Du̱mbi̱ nakibhugia bhakoli̱ ndibhaki bhiyo; ‘Li̱eli̱ sa bhu̱geni̱ sa amana abi̱dhi̱ya, no bhenjo ndibhe ni̱bhi̱ ni̱ni̱bhu̱eki̱ bhakomi̱ bi̱kabho. 9Ti̱-no bhu̱ye ka makani poni sa ngudhe bhubhueke bhakpa bhoponi ka bhu̱geni̱ sa amana.’ 10Bhakoli̱ nibhaki̱ya ka nesi̱yo nibhakibhukumesa bhakpa bhoponi ndibha bhabhutakanaku̱, bhamabhonga na bhenjo ndibha bhakabhongi̱, toli̱ kisika kindia yabhakoli̱li̱ bhu̱geni̱, bhageni̱ nibhaki̱tu̱maku̱.
11“No sali̱a ndia ai̱ya zi̱ba bhageni̱, antangia muluku mindia abha ndia kaloli̱ ngoye sa bhu̱geni̱. 12Sali̱a nakimuolu̱li̱a bhiyo; ‘Bhotuami, ogodhi̱ kehe bhoni̱ ndio kololi̱ ngoye ndia agbokiliani̱ ka bhu̱geni̱?’ Muluku kaonga kima poni.
13“Du̱mbi̱ sali̱a nakibhutolia bhakoli̱ ndibhaki bhiyo; ‘Bhu̱mbu̱we kibhoko na kigu toli̱ bhumumake kansenge, ka ki̱li̱mi̱ki̱aga kindia akibha ngamu na kwebhabhu̱a ngaga.’
14“Yesu nakidhakililia nakigia bhiyo; ‘Bi̱yabho bhadakibhueka no bhabhu̱bhu̱weku̱ bhake.’ ”
Olu̱li̱a ndia agbei̱be pesi̱a musolo kindia Kai̱sali̱
(Maliko 12:13-17; Luka 20:20-26)
15Du̱mbi̱ Bhafali̱sayo bhahu̱wa kansenga tegeka nesi̱ bhakimuleka Yesu ka ndia aki̱bhu̱siki̱aku̱ andu̱lu̱ bhangbe bhampesi̱aku̱ ka bhalemi̱ ndibha ka Loma. 16Bhabhutika bhaegi̱ ndibhabho imamoti̱ na ndibha bhabhi̱ ka kpata ndia Helude kowaki. Nibhakingia bhiyo; “Mwegesi̱, ki̱bi̱ nesi̱ okuongaga mazima toli̱ okuegesaga nesi̱yo ndia Mambombi̱ yeli̱a ka mazima. Oku̱bhu̱bi̱sagaku̱ bhakpa poni ngu̱ko ndio kosigani̱ nesi̱ bhaenyagi̱o. 17Okitolie ndio oli ka kweli̱li̱kana, ali ka kilagilo pesi̱a musolo kindia Kai̱sali̱ mindia Bhaloma kedha bba?”
18No Yesu abha nai̱bi̱ tegeka ndiabho mazinana nakibhugia bhiyo; “Bhenu̱ bhangobhi̱a bhuli ka lekami nangeki? 19Bhuniani̱se mukwenge ndie bhukusasulaga sa musolo.” Nibhaki̱bi̱ki̱sa kaki Dinali̱#22:19 Dinali̱ Yabhi̱ mukwenge ka Loma., 20du̱mbi̱ nakibhuolu̱li̱a bhiyo; “Kisisani̱ na i̱na ndia alibe ali ndia ani̱?”
21Nibhaki̱nsi̱ki̱aku̱ bhiyo; “Ali ndia Kai̱sali̱.”
Du̱mbi̱ nakibhugia bhiyo; “Ndia Kai̱sali̱ bhu̱mpesi̱e Kai̱sali̱ na ndia Mambombi̱ bhu̱mpesi̱e Mambombi̱.”
22Ndia bhaoka injo, nki̱li̱ nakibhutina, nibhakintukabe, nibhaki̱ya.
Olu̱li̱a ndia agbei̱be Hu̱mbu̱ka
(Maliko 12:18-27; Luka 20:27-40)
23Ka tolo injo toto, Bhasadukayo ndibha yabhagiaga eti hu̱mbu̱ka kalibe, bhai̱ya kindia Yesu nibhakimuolu̱li̱a bhiyo; 24“Mwegesi̱, Musa agia eti muluku kaku̱wa ndia kabhokoti̱, namaki agbokiliani̱ anjelie maki̱ku̱si̱a mindiaki andu̱lu̱ ambokotebe bhani̱ki̱ ke i̱na namaki mindia aku̱wa. 25Kindiasu̱ kuwo abha nalibe bhatua kunama bhalu̱ku̱abho ncambu̱, ngbeku nakimuama nkali̱ no naki̱ku̱wa ndia kambokoti̱be mi̱ki̱ du̱mbi̱ namaki nakinjelia maki̱ku̱si̱a. 26Kima sie injo toto nakimuenikanabe namaki mindia kebhali na mindia kesalo doi̱sa ka namaki mindia kencambu̱. 27Ka dhakililia, nkali̱ naye naki̱ku̱wa. 28Ka hu̱mbu̱ka, ada kibha nkali̱ mindia ani̱ nanga bhatua kunama ncambu̱ bhoponi bhamuamabe?”
29Yesu naki̱bhu̱si̱ki̱aku̱ bhiyo; “Bhu̱bhu̱li̱a nanga bhu̱ku̱i̱bi̱ Ndia Bhahandika kedha mani̱ ndia Mambombi̱. 30Ka hu̱mbu̱ka bhakpa bhakada kiama kedha amana bhuai̱be bhakibha bhia bhamalai̱ka gulu. 31Toli̱ ndia agbei̱be hu̱mbu̱ka ndia ndibha bhaku̱wo, bhu̱ku̱somi̱mbebe ndia Mambombi̱ abhutolia nakigia bhiyo; 32‘Andimi Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo?’ Kali Mambombi̱ mindia ndibha bhaku̱wo no ali mindia ndibha bhali̱ki̱o.”
33Bi̱ya bhakpa ndia bhaoka yoho, nki̱li̱ nakibhutina nanga egesa ndiaki.
Kilagilo sa mani̱
(Maliko 12:28-34; Luka 10:25-28)
34Bhafali̱sayo ndia bhaoka eti Yesu abhudakisa Bhasadukayo, bhekumesa imamoti̱. 35Moti̱ kowabho, mindia abhi̱ mwegesi̱ sa kilagilo amulengesa Yesu nakimuolu̱li̱a bhiyo; 36“Mwegesi̱, ali kilagilo ti̱na ndia akoli̱ mani̱ ka kilagilo poni?”
37Yesu naki̱nsi̱ki̱aku̱ bhiyo; “Onkunde Sali̱a Mambombi̱ mindiako na mulima ndiako poni na mwoyo ndiako poni na magezi̱ ndiako poni.#Kilagilo 6:5 38Injo andu̱lu̱ kilagilo ndia kateketa toli̱ sa mani̱ si̱ni̱.” 39Toli̱ ndia kebhali andu̱lu̱ yoho, “Onkunde dako nesi̱ weku̱ndi̱o.”#Bhalevi̱ 19:18 40Ka kilagilo bhali yoho, Kilagilo ndia Mambombi̱ ampesi̱a Musa na ndia bhanabbi̱ bhahandika atu̱ki̱li̱ kau̱.
Yesu nakibhuegesa bhakpa kowa Masiya
(Maliko 12:35-37; Luka 20:41-44)
41Bhafali̱sayo nibhalia nibheku̱mesi̱ imamoti̱, Yesu abhuolu̱li̱a bhiyo; 42“Masiya bhu̱ku̱mweli̱li̱kanagabe eki? Ali mi̱ki̱ mindia ani̱?”
Nibhaki̱nsi̱ki̱aku̱ bhiyo; “Ali nana Dhau̱dhi̱.”
43Yesu nakitodha nakibhugia bhiyo; “Andiki ndia akidhuaga Dhau̱dhi̱ kolilia kowa Mwoyo angia eti Sali̱a?” Agia bhiyo;
44“Sali̱a Mambombi̱ aonga na Sali̱a mindiamo Yesu bhiyo;
‘Oli̱ke ka kibhoko ndiamo sa kuluku
doi̱sa ni̱ni̱bhu̱bi̱si̱ bhangi̱gu̱ ndibhako
ku̱si̱a kiguako.’ ”#Zabbu̱li̱ 110:1
45“Toli̱ Dhau̱dhi̱ kabha nakingiaga eti Sali̱a, toli̱ akibha bhoni̱ nanaki?” 46Kalibe nkpa poni mindia ansi̱ki̱aku̱, toli̱ tukilia ka tolo injo kalibe mindia atodha olu̱li̱aki.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc., 2025