LUKA 7
7
Yesu kotbo wabili ka gavo ka soda wo
(Mt. 8:5-13; Yn. 4:46-54)
1Singa gbongo kpekele no Yesu gbo vowo, me tdia la tdenzeli kayewo tongba na kapalanawuma. 2Tonza gangba ni, gavo ka soda wo mokama kpoa medo dabino. Medabi laga kakpe kaye kpoa no meye bo. Kakpeni medabi la koni no me nga kpi. 3Tdakpeno me zé gbongo ka Yesu, metima kpoa ka dola ka Bayudawo, kame popomoye tbeye ka medo kotbo kakpe kayi. 4Tdakpeno wobu mogbu Yesu, wo popomowo tbeye tboni: “Gavo waki metde kawo me tbeye wani, 5Nga donzo meye vokaya wo bo, tda me motete na Sinagoga tbiya.” 6Tda Yesu yalawo dada kpoa, tonza tete ka gavoni. Tdakpeno Yesu bu dalidali la tete, gavoni tima yakupiye kame gbonganga tbo Yesu tboni: wa “gomene, dola tdengeta ko, nga do tonza tete kanya ko. Nga donzo matde so tboni motipa tonza tete kanya. 7Hé dodo no tdia nga moso. Tda gboka gbongo kpoa ka wabili kanya kotbo.” 8Tda ma hin denge no gaga to dole. Gavo kanya wo hama mobeko tda mato meye. Tda noma duka la soda wo satinya, tda ma gbotbo kaga kpoa: “Tdia!, Metoya ma gbotbo wabili kanya do meto do! Noma gbotbo wabili kanya tboni: Meniki meto me” 9Tdakpeno Yesu zé gbongo waki, me sila nyomo nga donzo ye, tda me zinga tdaye go zeta vonino woto tdia singaye, tda me gbotboni Ma gbotbiyo la kitdatda, ma hé ga malaka e engango waniki so tonza Yisalayele, vono me enganya wadala wasiti waki 10Tdakpeno yakupi gavoni wogo tonza tete, woma wabili ni me kotbo nzia.
Wakpiko zon
11Singa ga kpakpa, Yesu ya to gangba kpoa no e ele kaye: ma Nayina. Tda wamotima kayewo laga vowo ngbee wo yalaye dada kpoa. 12Takpeno wobu dali-dali la mooté na gangba, Me hé vowo ngbe nga bé kô ga tdipile mosé kpoa nga tdia nga tduye. Wazuye ma wose no mosé kpi ma tonzoye, no medabi ka la tdipile kpoa. Wangbawo hoye yele. 13Tdakpeno Yesu hé wose na gula, mesi la nyomo nga donzo ye, tda me gbotbeye: “kungba ko!” 14Yesu tditaye dali tda me iti kesi, wo nino wo be kesi wo tdoto; tda Yesu gbo: “Tdipile mose, ma gbotbo, gozi!” 15Mbala kpoa, wa kpiko zon, me doto tda me banda nga gbongo. Tda Yesu haye dule tbo wazuye. 16Gbongbo vowo sila go, panganga wo ndongo Moome tda wo gbotbo, watdondolongo kpoa na gaga koto zetiya tda Moome do nga kotbo vo kaye. 17Gbongo ka Yesu ha tonza ngba na Yudeya kpekelegbo opa ga ngba na dodo.
Yesu opa Yowani wa duvo tongo
(Mt. 11:2-11)
18Tdakpeno Yowani waduvo tongo dabi to bitete, wamotima kayewo gbongo kpekele na mene no Yesu meye. 19Yowani embala tbo wamotima wo tbisi kame timawo tbo Yesu kawo hinga ye: “Tdo ma wakotbo, no Moome gbodabi nganga tboni meto do? Tda a hénga ga kokwa?” 20Tdakpeno tdenzeli ka Yowani wobu mogbu Yesu, wogbo Yesu, Yowani waduvo tongo no metimaya tbo ka ahinga tdo: “Tdo ma wakotbo? Tda a hénga ga kwa?.” 21Tdakpeno wamotima ka Yowani waduvo tongo wo dabino, Yesu kotbo gbongbo vowo no wodabi la koni la gbongbo vonino wodabi la siti kuse, tda Me kwi tda wa ofotdawo. 22Tda Yesu dula moye tbo tdenzeli no Yowani timawo tboni: “Yo go kayo gbonga tbo Yowani nino yo hé opa nino yo zé: Wa ofotda ekpé dutbo, wa kpoze wo zengo, wa gbono wo yenge, wa maba wo gola zuzu, wa kpiko zon tda gbongo na zuzu ka Moome gbotaye tbo wakiyawo.” 23Yo gbonganga dutbo tbo Yowani tboni “Moome to okpaye pa vono me to dola kopo le nga donzo gbongo kanya.” 24Tdakpeno wamotima ka Yowani wo tbisi wogo, Yesu banda nga gbotbo gbongbo vowo nga donzo Yowani: Yoya koto tonza ndongo nga gi manyi? Mo koto nga hé ma nà no pipa to moye? 25Tda yoya nga hé meneno so, nya no yoya nga hé? Ela ga vono meyo tbongo na nginza? Kpoa le! Nga donzo vonino woto yo dabi tbongo na nginza woto dotonza tete ka gavo. 26Tda yoya nga hé manyi so? Yoya hé ma watdondolongo? Kitdatda aya nga hé ma watdondolongo. Tda magbotbiyo la kitdatda mema ga watdodolongo nga tdia gagawo. 27Yowani ma wamotima no wotdiko to mbeti dabi dili nga donzo ye: “Matotima wabili kanya ngambeyi tbo matima tdo. Meto tde dodo kamo.” 28Nga donzo magbotbiyo, zeta vowo kpekele no wo koto la kpaze ka wose, vo kpoa no me tdia Yowani la titili tbale. Tda tdevo tonza gaga ka Moome me tdia Yowani.
(Mt. 11:16-19)
29Vo kpekele, la wa tdonginza wo, tdakpeno wo zé gbongo ka Yesu wo enganga tboni kpaze ka Moome ma kitdatda tda Yowani duwo tongo. 30Bafalisayi wola wagomene na mobeko ka moyize wo se kpaze ka Moome nga donzo wo, nga donzo wo se nga duduvo tongo ka Yowani. 31Vona mokpeni wo tdekpa la tda? 32Wo wadala tdipile no wo doto to ga malase tda wola gbongo zetawo kpoa la kpoa: “Agbonduma tbiyo tda yo nobe so; a bisi na nga samo tbiyo tda yo senga nobe! Eno abisi na koli tbiyo, tda yo senga kungba!” 33Magbo wani kwale nga Yowani waduvo tongo medo, tda me hun zoo na mumu tda meto nzo pée na vino le, tda yo gbotbo: “Memala siti kuse!” 34Nga donzo nya tdekavo, mato hun-zoo langa nzo pé, wadala ga kwa vowo tda yo senoma langa gboni noma watdango no mato nzo pé bo, tda mato dola wa tdonginza na nzombeti wo 35Tda nzali to gotaye la kitdatda to kulu ka wonino woto desinganga.
Yesu boto siti ka wose
36Kpoa ka bafalisayi no eyema simona me embala tbo Yesu tonza tete kaye kawo hun zoo la ye. Tda Yesu tdia tonza tete ka mofalisayi ni tda me ha dada kaye nanga hun-zoo. 37Ga wose kpoa no wo hin kuye la siti tdongbà. Me zé tboni Yesu la hun zoo tonza tete ka mofalisayi, medola ndutu na alabata no ela môn na sese bo, nome tdia le. 38Me tipa tete tda metdoto dalidali tdino Yesu, me banda nga kungba. Tda me zutano Yesu la ngotdaye, medo tano Yesu la su nzoye. Tda me nzotbo tano Yesu. Tda me tdotano ye la môn na sese. 39Tdakpeno mofalisayi no me embala tbo Yesu kame hun-zoo hé wani, me tdenge tboni, “tda vo waki me dodé ma watdondolongo, meto hin ku wose no meto iti taye tda meto hin de memeta wose waki tbo mema wa siti.” 40Yesu dule tbeye tboni: Simona, noma la gbongo nga gbotbo. Wa gomene gboma. 41Tda Yesu gbo sapu waki tbowo: “edabi la gavo kpoa no me defa denariyo#7:41 Denariyo Denariyo kpoa ema nginza na nga futa lavo singa kpakpa kpoa tbo vowo tbisi. Me hatbo gaga kpoa nginza na kala mokama viye, novona tbisi me hatbeye nginza na kala nzokpa vo viye. 42Wanino wo tbisigbo wola nginza nga dule tbale, wa defa nginza limbisa wo tbisigbo. Yo tdenge manya? Zetawo tbisi vono meto ye bo matda?” 43Simona dula moye: “ma tdenge tboni, vo wano wo limbisa la gbongbo yongo.” Tda Yesu dule tbo simona: “dudula gbongo kamo etdekwa” 44singanga, Yesu zinga taye go nga wose ni, tda me gbotbo simona: “Mo hé wose waki? Tdakpeno matipa tonza tete kamo mo hama titili nga hangoma kama zula tanonya so; ema wose waki no me zu ta nonya la ngô tdaye, no me doh tanoya la su nzoye. 45Mo hama bala na titili so. Tda banda no matipano, wose waki ho nga nzotbo ta nonya so nga go engango kaye. 46Moyamba dabi noma so langa gbala môn na olive tonzonya. Eno wose waki no yamba noma langa tu môn na sese na nginza panonya. 47Nga donzonzo no mato gbonga tbo, siti kaye enzinzia, kwale me go zuzu na gaga. Tda vono woto limbisa ye ndzekene, meto go zuzu ndzekene. 48Tda Yesu gbotbeye: Siti kamo limbisa taye nzia! 49Vo nino woto hun-zoo laye dada kpoa wo banda nga tdenge to motbalewo: Vo waki mema tda? Nga limbisa siti. 50Yesu dule moye tbo wose: Engango kamo nga donzo nya e kotbo tdo, go la zuzu.”
നിലവിൽ തിരഞ്ഞെടുത്തിരിക്കുന്നു:
LUKA 7: GIX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Gilima Bible by Beyond Translation is licensed under Creative Commons Attribution-ShareAlike 4.0 License.
LUKA 7
7
Yesu kotbo wabili ka gavo ka soda wo
(Mt. 8:5-13; Yn. 4:46-54)
1Singa gbongo kpekele no Yesu gbo vowo, me tdia la tdenzeli kayewo tongba na kapalanawuma. 2Tonza gangba ni, gavo ka soda wo mokama kpoa medo dabino. Medabi laga kakpe kaye kpoa no meye bo. Kakpeni medabi la koni no me nga kpi. 3Tdakpeno me zé gbongo ka Yesu, metima kpoa ka dola ka Bayudawo, kame popomoye tbeye ka medo kotbo kakpe kayi. 4Tdakpeno wobu mogbu Yesu, wo popomowo tbeye tboni: “Gavo waki metde kawo me tbeye wani, 5Nga donzo meye vokaya wo bo, tda me motete na Sinagoga tbiya.” 6Tda Yesu yalawo dada kpoa, tonza tete ka gavoni. Tdakpeno Yesu bu dalidali la tete, gavoni tima yakupiye kame gbonganga tbo Yesu tboni: wa “gomene, dola tdengeta ko, nga do tonza tete kanya ko. Nga donzo matde so tboni motipa tonza tete kanya. 7Hé dodo no tdia nga moso. Tda gboka gbongo kpoa ka wabili kanya kotbo.” 8Tda ma hin denge no gaga to dole. Gavo kanya wo hama mobeko tda mato meye. Tda noma duka la soda wo satinya, tda ma gbotbo kaga kpoa: “Tdia!, Metoya ma gbotbo wabili kanya do meto do! Noma gbotbo wabili kanya tboni: Meniki meto me” 9Tdakpeno Yesu zé gbongo waki, me sila nyomo nga donzo ye, tda me zinga tdaye go zeta vonino woto tdia singaye, tda me gbotboni Ma gbotbiyo la kitdatda, ma hé ga malaka e engango waniki so tonza Yisalayele, vono me enganya wadala wasiti waki 10Tdakpeno yakupi gavoni wogo tonza tete, woma wabili ni me kotbo nzia.
Wakpiko zon
11Singa ga kpakpa, Yesu ya to gangba kpoa no e ele kaye: ma Nayina. Tda wamotima kayewo laga vowo ngbee wo yalaye dada kpoa. 12Takpeno wobu dali-dali la mooté na gangba, Me hé vowo ngbe nga bé kô ga tdipile mosé kpoa nga tdia nga tduye. Wazuye ma wose no mosé kpi ma tonzoye, no medabi ka la tdipile kpoa. Wangbawo hoye yele. 13Tdakpeno Yesu hé wose na gula, mesi la nyomo nga donzo ye, tda me gbotbeye: “kungba ko!” 14Yesu tditaye dali tda me iti kesi, wo nino wo be kesi wo tdoto; tda Yesu gbo: “Tdipile mose, ma gbotbo, gozi!” 15Mbala kpoa, wa kpiko zon, me doto tda me banda nga gbongo. Tda Yesu haye dule tbo wazuye. 16Gbongbo vowo sila go, panganga wo ndongo Moome tda wo gbotbo, watdondolongo kpoa na gaga koto zetiya tda Moome do nga kotbo vo kaye. 17Gbongo ka Yesu ha tonza ngba na Yudeya kpekelegbo opa ga ngba na dodo.
Yesu opa Yowani wa duvo tongo
(Mt. 11:2-11)
18Tdakpeno Yowani waduvo tongo dabi to bitete, wamotima kayewo gbongo kpekele na mene no Yesu meye. 19Yowani embala tbo wamotima wo tbisi kame timawo tbo Yesu kawo hinga ye: “Tdo ma wakotbo, no Moome gbodabi nganga tboni meto do? Tda a hénga ga kokwa?” 20Tdakpeno tdenzeli ka Yowani wobu mogbu Yesu, wogbo Yesu, Yowani waduvo tongo no metimaya tbo ka ahinga tdo: “Tdo ma wakotbo? Tda a hénga ga kwa?.” 21Tdakpeno wamotima ka Yowani waduvo tongo wo dabino, Yesu kotbo gbongbo vowo no wodabi la koni la gbongbo vonino wodabi la siti kuse, tda Me kwi tda wa ofotdawo. 22Tda Yesu dula moye tbo tdenzeli no Yowani timawo tboni: “Yo go kayo gbonga tbo Yowani nino yo hé opa nino yo zé: Wa ofotda ekpé dutbo, wa kpoze wo zengo, wa gbono wo yenge, wa maba wo gola zuzu, wa kpiko zon tda gbongo na zuzu ka Moome gbotaye tbo wakiyawo.” 23Yo gbonganga dutbo tbo Yowani tboni “Moome to okpaye pa vono me to dola kopo le nga donzo gbongo kanya.” 24Tdakpeno wamotima ka Yowani wo tbisi wogo, Yesu banda nga gbotbo gbongbo vowo nga donzo Yowani: Yoya koto tonza ndongo nga gi manyi? Mo koto nga hé ma nà no pipa to moye? 25Tda yoya nga hé meneno so, nya no yoya nga hé? Ela ga vono meyo tbongo na nginza? Kpoa le! Nga donzo vonino woto yo dabi tbongo na nginza woto dotonza tete ka gavo. 26Tda yoya nga hé manyi so? Yoya hé ma watdondolongo? Kitdatda aya nga hé ma watdondolongo. Tda magbotbiyo la kitdatda mema ga watdodolongo nga tdia gagawo. 27Yowani ma wamotima no wotdiko to mbeti dabi dili nga donzo ye: “Matotima wabili kanya ngambeyi tbo matima tdo. Meto tde dodo kamo.” 28Nga donzo magbotbiyo, zeta vowo kpekele no wo koto la kpaze ka wose, vo kpoa no me tdia Yowani la titili tbale. Tda tdevo tonza gaga ka Moome me tdia Yowani.
(Mt. 11:16-19)
29Vo kpekele, la wa tdonginza wo, tdakpeno wo zé gbongo ka Yesu wo enganga tboni kpaze ka Moome ma kitdatda tda Yowani duwo tongo. 30Bafalisayi wola wagomene na mobeko ka moyize wo se kpaze ka Moome nga donzo wo, nga donzo wo se nga duduvo tongo ka Yowani. 31Vona mokpeni wo tdekpa la tda? 32Wo wadala tdipile no wo doto to ga malase tda wola gbongo zetawo kpoa la kpoa: “Agbonduma tbiyo tda yo nobe so; a bisi na nga samo tbiyo tda yo senga nobe! Eno abisi na koli tbiyo, tda yo senga kungba!” 33Magbo wani kwale nga Yowani waduvo tongo medo, tda me hun zoo na mumu tda meto nzo pée na vino le, tda yo gbotbo: “Memala siti kuse!” 34Nga donzo nya tdekavo, mato hun-zoo langa nzo pé, wadala ga kwa vowo tda yo senoma langa gboni noma watdango no mato nzo pé bo, tda mato dola wa tdonginza na nzombeti wo 35Tda nzali to gotaye la kitdatda to kulu ka wonino woto desinganga.
Yesu boto siti ka wose
36Kpoa ka bafalisayi no eyema simona me embala tbo Yesu tonza tete kaye kawo hun zoo la ye. Tda Yesu tdia tonza tete ka mofalisayi ni tda me ha dada kaye nanga hun-zoo. 37Ga wose kpoa no wo hin kuye la siti tdongbà. Me zé tboni Yesu la hun zoo tonza tete ka mofalisayi, medola ndutu na alabata no ela môn na sese bo, nome tdia le. 38Me tipa tete tda metdoto dalidali tdino Yesu, me banda nga kungba. Tda me zutano Yesu la ngotdaye, medo tano Yesu la su nzoye. Tda me nzotbo tano Yesu. Tda me tdotano ye la môn na sese. 39Tdakpeno mofalisayi no me embala tbo Yesu kame hun-zoo hé wani, me tdenge tboni, “tda vo waki me dodé ma watdondolongo, meto hin ku wose no meto iti taye tda meto hin de memeta wose waki tbo mema wa siti.” 40Yesu dule tbeye tboni: Simona, noma la gbongo nga gbotbo. Wa gomene gboma. 41Tda Yesu gbo sapu waki tbowo: “edabi la gavo kpoa no me defa denariyo#7:41 Denariyo Denariyo kpoa ema nginza na nga futa lavo singa kpakpa kpoa tbo vowo tbisi. Me hatbo gaga kpoa nginza na kala mokama viye, novona tbisi me hatbeye nginza na kala nzokpa vo viye. 42Wanino wo tbisigbo wola nginza nga dule tbale, wa defa nginza limbisa wo tbisigbo. Yo tdenge manya? Zetawo tbisi vono meto ye bo matda?” 43Simona dula moye: “ma tdenge tboni, vo wano wo limbisa la gbongbo yongo.” Tda Yesu dule tbo simona: “dudula gbongo kamo etdekwa” 44singanga, Yesu zinga taye go nga wose ni, tda me gbotbo simona: “Mo hé wose waki? Tdakpeno matipa tonza tete kamo mo hama titili nga hangoma kama zula tanonya so; ema wose waki no me zu ta nonya la ngô tdaye, no me doh tanoya la su nzoye. 45Mo hama bala na titili so. Tda banda no matipano, wose waki ho nga nzotbo ta nonya so nga go engango kaye. 46Moyamba dabi noma so langa gbala môn na olive tonzonya. Eno wose waki no yamba noma langa tu môn na sese na nginza panonya. 47Nga donzonzo no mato gbonga tbo, siti kaye enzinzia, kwale me go zuzu na gaga. Tda vono woto limbisa ye ndzekene, meto go zuzu ndzekene. 48Tda Yesu gbotbeye: Siti kamo limbisa taye nzia! 49Vo nino woto hun-zoo laye dada kpoa wo banda nga tdenge to motbalewo: Vo waki mema tda? Nga limbisa siti. 50Yesu dule moye tbo wose: Engango kamo nga donzo nya e kotbo tdo, go la zuzu.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Gilima Bible by Beyond Translation is licensed under Creative Commons Attribution-ShareAlike 4.0 License.