LUKA 5
5
Tdenzeli na ngambeyi
(Mt. 4:18-22; Mk. 1:16-20)
1Kpakpa kpoa Yesu tdoto tomo ga ngô na Genezalete; gbongbo vowo gbé zinga laye nga zé gbongo ka Moome. 2Me hé gà tbisi etdoto tdingo. Wagisiwo zoo tonza gà kawo tda wo banda nga zuta gbanda kawo. 3Kpoa kaga gà ni emanika Simona. Yesu ho tonza gà ni tda me gbonganga tbeye tboni ye soyi la gà ni ndzekeni go tdango, tda Yesu doto tonza gà tda me banda nga gomene tbo vowo gombaso. 4Tdakpeno me gomene tbo vowo nzia, me gbotbo Simona, tdita ga go tdango dada na liba ka mombu gbanda ka moma si. 5Simona dule tbeye: “Da, ame bili biti kpekele no ama si kpoa so, tda nga gbongo kamo, ato mbu gbanda!” 6Tdakpeno Simona la yakupiyewo me wanino Yesu gbotbo wo, wo ma sï wo ngbe. Tda gbanda kawo nga pi. 7Singa mosé niwo embala tbo kaga ya yakupiwo no wotonza ga kwa gà yo don kayo hokpayo tbiya. Wo doh, tda wo tdo sï ngba gà tbisi tda ga nga bindi. 8Tdakpeno Simona petelo hé mene no emetaye, me kpitito mogbu Yesu, tda megbo: “Dà, gozi tditinya nga donzo noma ma vona siti!” 9Kwale, Petelo la yakupiye wo mego bo nga hé gbongbo sï no woma dabi. 10Zake la Yowani, woma yakupi Simona, wo mego bo. Wotbisigbo woma tdeka Zebedayi. No Yesu gbotbo Simona, “megoko. Banda tdayi moto goma wagi vo ma kawo go tdenzeli kanya.” 11Tdakpeno wagisi wo gbia gà kawo goto mongo, wo ita bili kawo na gbanda tda wo désinga Yesu kawo go tdenzeli kaye.
Yesu kotbo vona maba
(Mt. 8:1-14; Mk. 1:40-45)
12Ga tbayi kpoa no Yesu bu tonza ga kpoa ka ga ngba, ga mosé kpoa nome la maba dabino. Tdakpeno me hé Yesu, me kpitito tda mebia tdaye to nga ndongo Yesu kame kotbo ye. Me gbodabi, gavo, “ma hin tboni mo ye kamo kotbo noma, nga tdo la gaga na nga kotbo noma.” 13Yesu himikpaye, tda me itivoni tda me gbotbo: “maye nga kotbo tdo. Kotbo.” Tda dada kpoa maba enzia. 14Yesu yoye tboni: Ye gbonganga tbo vo kpoa ko, ya ka mogotamo tbo gavo ka Moome, tda mbu makatbo no mobeko ka Moyize tdikoye, nga gbotboni mokotbo tdaka modowa wagbozungo kanya. 15Tda gbongo ka Yesu ebanda nga tdia tda gbongbo vowo banda nga do nga zé ye langa kotbo to koni kawo. 16Tda Yesu tdia to dada kaye kpoa nga ndongo.
Yesu kotbo wa gbono
(Mt. 9:1-8; Mk. 2:1-12)
17Ga kpakpa kpoa, Yesu banda dabi nga gomene, edabi laga bafalisayi la watdiko mobeko ka Moyize wo doto dabino. Wotdo to gangba na Galileya, la ngba na Yudeya, la gangba na Yelusaleme. Tda kpekpeke ka Moome edabi paye nga kotbo vona koniwo. 18Ga vowo kpoa wo bée ga wa gbono kpoa pa gbagba, wogi kpaze nga tipa laye tonza tete nga oye mogbu Yesu. 19Wa nino gbongbo vowo dabino, woma kpaze nga tipa tonza tete so. Tda wo ho tonzo tete, wome yuku tda wozolaye zetavo mogbu Yesu. 20Tdakpeno Yesu hé engango kawo, megbo: “Yakupinya ma limbisa siti kamo nzia. 21Bafalisayi wola wa gomene na mobeko ka Moyize banda nga tdenge tomotbalewo: Vo waki mema tda no meto gù Moome na? Vo kpoa le no metde nga limbisa siti eka ma Moome.” 22Yesu hin tdengeta kawo tda me gbotbo wo, Nga donzo nya no yoto tdenge wani tomotbaleyo? 23Gbongo no etdanda so kama gbotbo wa gbono tboni: “Siti kamo limbisa taye nzia, tda mogozi kamo yenge?” 24Nga gbotboni yo hin tboni, noma, tdekavo nomela kpekpeke nga limbisa siti kavo patdato waki! Me gbotbo wa gbono: “Gozi kamo ha sala kamo, kamo go tonza tete kamo!” 25Mbala kpoa, me gozi tda metdoto zetawo kpekele, me ha sala kaye no meto tdadabi pepe, tda mego tonza tete kaye me ndongo Moome. 26Vo kpekele wo mego tda wo ndongo gaga ka Moome; Wosi lago tda wo banda ngagbo, Tdayi a hé mene na go!
Yesu embala tbo Lewi kame do tdenzeli kayi
(Mt. 9:9-13; Mk. 2:13-17)
27Singanga, Yesu koto mbaso tdakpaze me hé wa tdo nginza na pako kpoa no medoto dada bili kaye. No eyema Lewi, Yesu gbotbeye tboni: “denganya kamo go tdenzeli kanya!” 28Lewi gozi, tda me ita bili kaye na nga tdo nginza na nzombeti, tda me denga Yesu kame go tdenzeli kaye. 29Tda Lewi mega fete tonza tete kaye. Ga wa tdo nginza wola ga kwa vowo wo hun zoo laye dada kpoa. 30Bafalisayi wola wa gomene na mobeko ka Moyize dabi dada kpoa wo banda nga tdenge siti gbongo nga donzo wamotima wo ka Yesu: Nga donzo nya no yoto hun zoo tda yoto nzoo dada kpoa la wafuta pako la wa siti wo? 31Yesu dule tbowo: “Vo nino wola zu ngbolo wola nza wa ha yolole tbale, tda ma wakoni.
32Ma do ma nga vona zuzu wo so, tda ma do ma nga vona siti kawo zinga tbalewo.”
Hingango na nga se zoo
(Mt. 9:14-17; Mk. 2:18-22)
33Tda wo gbotbo Yesu: “Nga donzo nya wamotima ka Yowani waduvo tongo la bafalisayi wo woto senga hun-zoo kpakpa kpekele no woto hotawo nga ndongo, tda wamotima kamo woto hun zoo la nga nzo?” 34Yesu dule tbowo: “Yo tdenge nga setbo vowo no wo embala tbowo to fete na nga samo wo hun ko tdakpeno mose na nga samo melawo?” Kpoa le. 35Tda etodola kpakpa kpoa no woto boto mose na nga samo mola yakupiyewo, tdakpeno yakupiye wo tose nga hun zoo. 36Yesu gbotbo wo sapu waki: “Vo kpoa le no metde nga kon motbongo kaye na toto kame fu la tbongo na didili, kwale moto gbo tomotbongo kamo, tda dutbo eto gotaye mbilimbili le. 37Vo kpoa le no metde nga ho vino kaye na toto tonza zogbo na didili. Tdakpeno meme wani, to ngô pe eto pi zogbo, tda eto tuto. 38Tda ngopé na toto tdenga tu tô go tonza zogbona toto. 39Tda vo kpoa le, singa nzonzo di ngopé me to tdetbo nga nzotbo nina toto le. Nga donzo di ngopé manina zuzu.”
നിലവിൽ തിരഞ്ഞെടുത്തിരിക്കുന്നു:
LUKA 5: GIX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Gilima Bible by Beyond Translation is licensed under Creative Commons Attribution-ShareAlike 4.0 License.
LUKA 5
5
Tdenzeli na ngambeyi
(Mt. 4:18-22; Mk. 1:16-20)
1Kpakpa kpoa Yesu tdoto tomo ga ngô na Genezalete; gbongbo vowo gbé zinga laye nga zé gbongo ka Moome. 2Me hé gà tbisi etdoto tdingo. Wagisiwo zoo tonza gà kawo tda wo banda nga zuta gbanda kawo. 3Kpoa kaga gà ni emanika Simona. Yesu ho tonza gà ni tda me gbonganga tbeye tboni ye soyi la gà ni ndzekeni go tdango, tda Yesu doto tonza gà tda me banda nga gomene tbo vowo gombaso. 4Tdakpeno me gomene tbo vowo nzia, me gbotbo Simona, tdita ga go tdango dada na liba ka mombu gbanda ka moma si. 5Simona dule tbeye: “Da, ame bili biti kpekele no ama si kpoa so, tda nga gbongo kamo, ato mbu gbanda!” 6Tdakpeno Simona la yakupiyewo me wanino Yesu gbotbo wo, wo ma sï wo ngbe. Tda gbanda kawo nga pi. 7Singa mosé niwo embala tbo kaga ya yakupiwo no wotonza ga kwa gà yo don kayo hokpayo tbiya. Wo doh, tda wo tdo sï ngba gà tbisi tda ga nga bindi. 8Tdakpeno Simona petelo hé mene no emetaye, me kpitito mogbu Yesu, tda megbo: “Dà, gozi tditinya nga donzo noma ma vona siti!” 9Kwale, Petelo la yakupiye wo mego bo nga hé gbongbo sï no woma dabi. 10Zake la Yowani, woma yakupi Simona, wo mego bo. Wotbisigbo woma tdeka Zebedayi. No Yesu gbotbo Simona, “megoko. Banda tdayi moto goma wagi vo ma kawo go tdenzeli kanya.” 11Tdakpeno wagisi wo gbia gà kawo goto mongo, wo ita bili kawo na gbanda tda wo désinga Yesu kawo go tdenzeli kaye.
Yesu kotbo vona maba
(Mt. 8:1-14; Mk. 1:40-45)
12Ga tbayi kpoa no Yesu bu tonza ga kpoa ka ga ngba, ga mosé kpoa nome la maba dabino. Tdakpeno me hé Yesu, me kpitito tda mebia tdaye to nga ndongo Yesu kame kotbo ye. Me gbodabi, gavo, “ma hin tboni mo ye kamo kotbo noma, nga tdo la gaga na nga kotbo noma.” 13Yesu himikpaye, tda me itivoni tda me gbotbo: “maye nga kotbo tdo. Kotbo.” Tda dada kpoa maba enzia. 14Yesu yoye tboni: Ye gbonganga tbo vo kpoa ko, ya ka mogotamo tbo gavo ka Moome, tda mbu makatbo no mobeko ka Moyize tdikoye, nga gbotboni mokotbo tdaka modowa wagbozungo kanya. 15Tda gbongo ka Yesu ebanda nga tdia tda gbongbo vowo banda nga do nga zé ye langa kotbo to koni kawo. 16Tda Yesu tdia to dada kaye kpoa nga ndongo.
Yesu kotbo wa gbono
(Mt. 9:1-8; Mk. 2:1-12)
17Ga kpakpa kpoa, Yesu banda dabi nga gomene, edabi laga bafalisayi la watdiko mobeko ka Moyize wo doto dabino. Wotdo to gangba na Galileya, la ngba na Yudeya, la gangba na Yelusaleme. Tda kpekpeke ka Moome edabi paye nga kotbo vona koniwo. 18Ga vowo kpoa wo bée ga wa gbono kpoa pa gbagba, wogi kpaze nga tipa laye tonza tete nga oye mogbu Yesu. 19Wa nino gbongbo vowo dabino, woma kpaze nga tipa tonza tete so. Tda wo ho tonzo tete, wome yuku tda wozolaye zetavo mogbu Yesu. 20Tdakpeno Yesu hé engango kawo, megbo: “Yakupinya ma limbisa siti kamo nzia. 21Bafalisayi wola wa gomene na mobeko ka Moyize banda nga tdenge tomotbalewo: Vo waki mema tda no meto gù Moome na? Vo kpoa le no metde nga limbisa siti eka ma Moome.” 22Yesu hin tdengeta kawo tda me gbotbo wo, Nga donzo nya no yoto tdenge wani tomotbaleyo? 23Gbongo no etdanda so kama gbotbo wa gbono tboni: “Siti kamo limbisa taye nzia, tda mogozi kamo yenge?” 24Nga gbotboni yo hin tboni, noma, tdekavo nomela kpekpeke nga limbisa siti kavo patdato waki! Me gbotbo wa gbono: “Gozi kamo ha sala kamo, kamo go tonza tete kamo!” 25Mbala kpoa, me gozi tda metdoto zetawo kpekele, me ha sala kaye no meto tdadabi pepe, tda mego tonza tete kaye me ndongo Moome. 26Vo kpekele wo mego tda wo ndongo gaga ka Moome; Wosi lago tda wo banda ngagbo, Tdayi a hé mene na go!
Yesu embala tbo Lewi kame do tdenzeli kayi
(Mt. 9:9-13; Mk. 2:13-17)
27Singanga, Yesu koto mbaso tdakpaze me hé wa tdo nginza na pako kpoa no medoto dada bili kaye. No eyema Lewi, Yesu gbotbeye tboni: “denganya kamo go tdenzeli kanya!” 28Lewi gozi, tda me ita bili kaye na nga tdo nginza na nzombeti, tda me denga Yesu kame go tdenzeli kaye. 29Tda Lewi mega fete tonza tete kaye. Ga wa tdo nginza wola ga kwa vowo wo hun zoo laye dada kpoa. 30Bafalisayi wola wa gomene na mobeko ka Moyize dabi dada kpoa wo banda nga tdenge siti gbongo nga donzo wamotima wo ka Yesu: Nga donzo nya no yoto hun zoo tda yoto nzoo dada kpoa la wafuta pako la wa siti wo? 31Yesu dule tbowo: “Vo nino wola zu ngbolo wola nza wa ha yolole tbale, tda ma wakoni.
32Ma do ma nga vona zuzu wo so, tda ma do ma nga vona siti kawo zinga tbalewo.”
Hingango na nga se zoo
(Mt. 9:14-17; Mk. 2:18-22)
33Tda wo gbotbo Yesu: “Nga donzo nya wamotima ka Yowani waduvo tongo la bafalisayi wo woto senga hun-zoo kpakpa kpekele no woto hotawo nga ndongo, tda wamotima kamo woto hun zoo la nga nzo?” 34Yesu dule tbowo: “Yo tdenge nga setbo vowo no wo embala tbowo to fete na nga samo wo hun ko tdakpeno mose na nga samo melawo?” Kpoa le. 35Tda etodola kpakpa kpoa no woto boto mose na nga samo mola yakupiyewo, tdakpeno yakupiye wo tose nga hun zoo. 36Yesu gbotbo wo sapu waki: “Vo kpoa le no metde nga kon motbongo kaye na toto kame fu la tbongo na didili, kwale moto gbo tomotbongo kamo, tda dutbo eto gotaye mbilimbili le. 37Vo kpoa le no metde nga ho vino kaye na toto tonza zogbo na didili. Tdakpeno meme wani, to ngô pe eto pi zogbo, tda eto tuto. 38Tda ngopé na toto tdenga tu tô go tonza zogbona toto. 39Tda vo kpoa le, singa nzonzo di ngopé me to tdetbo nga nzotbo nina toto le. Nga donzo di ngopé manina zuzu.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Gilima Bible by Beyond Translation is licensed under Creative Commons Attribution-ShareAlike 4.0 License.