ရှင်လုကာ 23
23
အခန်း (၂၃)
ပိလတ်မှ စစ်ဆေးမှုပြုခြင်း
(မ၊ ၂၇:၁-၂၊ ၁၁-၁၄။ မာ၊ ၁၅:၁-၅။ ယော၊ ၁၈:၂၈-၃၈)
1ထို့နောက် တရားလွှတ်တော်၌စုဝေးသော လူအပေါင်းတို့သည် ကိုယ်တော်ယေရှုကို ရောမဘုရင်ခံပိလတ်ထံသို့ ခေါ်ဆောင်သွားကြပြီးလျှင် 2“ဤသူသည် တိုင်းသူပြည်သားများအား မိမိသည် မေရှိယအမည်တွင်သော ဘုရင်တစ်ပါးဖြစ်ကြောင်း လှည့်ဖြားပြောဆို၍ ဧကရာဇ်မင်းကိုအခွန်မဆက်သရန် တားမြစ်ပိတ်ပင်နေကြောင်း အကျွန်ုပ်တို့ တွေ့ခဲ့ရပါသည်” ဟုပိလတ်၏ရှေ့မှောက်၌ ကိုယ်တော်အား စွပ်စွဲပြောဆိုကြလေ၏။
3ထိုအခါ ပိလတ်က ကိုယ်တော်အား “သင်သည် ဂျူးတို့၏ဘုရင်ဆိုသည်မှာ ဟုတ်သလော” ဟုမေးသဖြင့်
ကိုယ်တော်က “သင်ဆိုသည့်အတိုင်းပင်ဖြစ်၏” ဟုပြန်လည်၍မိန့်တော်မူ၏။
4ပိလတ်က ဂျူးပုရောဟိတ်အကြီးအကဲများနှင့် လူထုဘက်သို့လှည့်ပြီး “ဤသူ၌ အပြစ်တစ်စုံတစ်ရာ ငါမတွေ့” ဟုဆိုသော်လည်း
5သူတို့အားလုံးက “ဤသူသည် ဂါလိလဲပြည်မှစ၍ ပြည်သူလူထုကို ရုတ်ရင်းဆန်ခတ်ဖြစ်စေရန် ယုဒပြည်တစ်ပြည်လုံးတွင် လုပ်ဆောင်ခဲ့၍ ယခုဤအရပ်၌လည်း လာရောက်လုပ်ဆောင်နေပါ၏” ဟုအခိုင်အမာပြောဆိုကြလေ၏။
ယေရှုကို ဟေရုဒ်ရှေ့သို့ခေါ်ဆောင်လာခြင်း
6ထိုသို့ပြောကြသည်ကို ပိလတ်ကြားသောအခါ “ဤသူသည် ဂါလိလဲပြည်သားဟုတ်သလော” ဟုမေးပြီး 7ဟေရုဒ်အုပ်စိုးသော ဂါလိလဲနယ်မှဖြစ်ကြောင်း သိသောအခါ ထိုအချိန်၌ ဂျေရုဆလင်မြို့တွင် ရောက်ရှိနေသော ဘုရင်ခံဟေရုဒ်ထံသို့ ကိုယ်တော်ယေရှုကို ပို့လိုက်လေ၏။
8ဟေရုဒ်သည် ကိုယ်တော်ယေရှု၏အကြောင်းကို ကြားသိထား၍ တွေ့မြင်လိုသည်မှာ ကြာပြီဖြစ်သောကြောင့် ကိုယ်တော်အား တွေ့မြင်ရသောအခါ လွန်စွာဝမ်းမြောက်လေ၏။ သူသည် ကိုယ်တော်ယေရှု ပြုတော်မူသည့် အံ့ဖွယ်နိမိတ်လက္ခဏာတစ်ခုခုကို မြင်ရရန် မျှော်လင့်နေ၏။ 9ထို့ကြောင့် ဟေရုဒ်သည် ကိုယ်တော်အား မေးခွန်းမြောက်များစွာ မေးသော်လည်း ကိုယ်တော်က တစ်စုံတစ်ရာကိုမျှ ဖြေကြားတော်မူခြင်း မရှိခဲ့ပေ။ 10ထို့နောက် ဂျူးပုရောဟိတ်အကြီးအကဲများနှင့် ကျမ်းတတ်ဆရာများသည် ထ၍ ကိုယ်တော်အား ပြင်းထန်စွာ စွပ်စွဲကြလေ၏။ 11ဟေရုဒ်နှင့် သူ၏ရဲမက်များသည် ကိုယ်တော်အား လှောင်ပြောင်ကာ ပြက်ရယ်ပြု၍ ကိုယ်တော်အား တန်ဖိုးကြီးသောဝတ်ရုံကို ဝတ်ဆင်စေလျှက် ပိလတ်ဘုရင်ခံထံသို့ ပြန်ပို့လိုက်ကြ၏။ 12ဟေရုဒ်နှင့် ပိလတ်တို့သည် ယခင်က ရန်ဘက်များဖြစ်သော်ငြားလည်း ထိုနေ့၌ပင် မိတ်ဆွေများအဖြစ်သို့ ရောက်ရှိသွားကြ၏။
သေဒဏ်
(မ၊ ၂၇:၁၅-၂၆။ မာ၊ ၁၅:၆-၁၅။ ယော၊ ၁၈:၃၉-၁၉:၁၆)
13ပိလတ်ဘုရင်ခံသည် ဂျူးပုရောဟိတ်အကြီးအကဲများ၊ ဂျူးဘာသာရေးခေါင်းဆောင်များနှင့် လူထုပရိသတ်များကို စုဝေးစေ၍ 14“ဤသူသည် ဆူပူမှုဖြစ်အောင်လှုံ့ဆော်နေသည်ဟု အသင်တို့ ပြောဆို၍ ငါ့ထံသို့ ခေါ်လာသည့်အတွက် အသင်တို့ရှေ့မှောက်မှာ ငါသူ့ကို စစ်ဆေးခဲ့သော်လည်း သင်တို့စွပ်စွဲသလိုအပြစ်များကို ထိုသူကျူးလွန်ထားခြင်းကို ငါမတွေ့။ 15ဟေရုဒ်သည်ပင် ဤသူ၌ အပြစ်ရှာမတွေ့သဖြင့် မည်သည့်အပြစ်ဒဏ်မျှမပေးဘဲ ငါ့ထံပြန်ပို့လိုက်ခြင်းဖြစ်၏။ ထို့ကြောင့် ဤသူ၌ သေဒဏ်ထိုက်သင့်သောအပြစ်တစ်စုံတစ်ရာမရှိသည်မှာ ထင်ရှား၏။ 16ထို့ကြောင့် သူ့ကို ကြိမ်ဒဏ်ပေး၍ ပြန်လွှတ်လိုက်မည်” ဟုဆို၏။ 17ပိလတ်က ထိုသို့ပြောဆိုရခြင်းမှာ ပွဲတော်ရက်၌ လူတစ်ဦးကို လွတ်မြောက်ခွင့်ပေးရသည့် ထုံးစံကြောင့်ဖြစ်၏။
18သို့သော် လူထုအားလုံးက “ဤသူကို သေဒဏ်ပေးပြီး ဗာရဗ္ဗကို လွတ်ငြိမ်းချမ်းသာခွင့်ပေးပါ” ဟုတစ်ပြိုင်တည်း အော်ဟစ်တောင်းဆိုကြ၏။ 19ယခုအခါ ဗာရဗ္ဗသည် မြို့ထဲတွင် ဖြစ်ပျက်ခဲ့သော ပုန်ကန်မှုနှင့် လူသတ်မှုများကို ကျူးလွန်သူဖြစ်၍ အကျဉ်းထောင်ထဲတွင် ပြစ်ဒဏ်ကျခံနေရ၏။
20ပိလတ်သည် ကိုယ်တော်ယေရှုကို လွှတ်ပေးရန် အလိုရှိသောကြောင့် လူထုနှင့် ဘာသာရေးခေါင်းဆောင်တို့ကို နောက်တစ်ကြိမ်ထပ်မေးပြန်၏။ 21သို့သော် သူတို့က “သူ့ကို လက်ဝါးကပ်တိုင်ပေါ်မှာ တင်လိုက်ပါ။ သူ့ကို လက်ဝါးကပ်တိုင်ပေါ်မှာ တင်လိုက်ပါ” ဟုသာ ဆက်လက်၍ တောင်းဆိုနေကြ၏။
22ထိုအခါ ပိလတ်က “သူသည် အဘယ်ပြစ်မှုကို ကျူးလွန်ခဲ့သနည်း။ သူ့အား သေဒဏ်ပေးထိုက်သော အကြောင်းအရာတစ်စုံတစ်ရာကို ငါမတွေ့။ သို့ဖြစ်၍ သူ့ကိုဆုံးမ၍ လွှတ်လိုက်မည်” ဟုတတိယအကြိမ်ထပ်မံ၍ ဆိုလေ၏။
23သို့သော် လူထုပရိသတ်တို့ကလည်း#23:23 ဤနေရာ၌ လူထုပရိသတ်ဆိုသည်မှာ ဂျူးပုရောဟိတ်အကြီးအကဲများ၏လူများဖြစ်သည်။ ပိလတ်လိုက်လျောသည်အထိတိုင်အောင် ကိုယ်တော်ယေရှုအား လက်ဝါးကပ်တိုင်ပေါ်တွင် သေဒဏ်ပေးရန်အတွက်သာ ဆက်လက်၍ကျယ်လောင်စွာ အော်ဟစ်နေကြလေ၏။ 24နောက်ဆုံး၌ လူထုတောင်းဆိုသည့်အတိုင်း ပိလတ်ဘုရင်ခံလည်း လိုက်လျောလိုက်ပြီး 25သူသည် လူထုပရိသတ်က လွှတ်စေလိုသော ပုန်ကန်မှုနှင့် လူသတ်မှုများကို ကျူးလွန်၍ အကျဉ်းထောင်ထဲတွင် ပြစ်ဒဏ်ကျခံနေရသူ ရာဇဝတ်သား ဗာရဗ္ဗကို လွှတ်ပေးလိုက်ပြီး ကိုယ်တော်ယေရှုအား ထိုသူတို့၏သဘောဆန္ဒအတိုင်း ဆောင်ရွက်စေရန် သူတို့ထံ လွှဲအပ်လေ၏။
ကိုယ်တော်ယေရှုအား လက်ဝါးကပ်တိုင်ပေါ်တင်ခြင်း
(မ၊ ၂၇:၃၂-၄၄။ မာ၊ ၁၅:၂၁-၃၂။ ယော၊ ၁၉:၁၇-၂၇)
26ထို့နောက် ရဲမက်တို့သည် ကိုယ်တော်အား ခေါ်ဆောင်သွားစဉ် ကုရေနေအရပ်မှ ရှိမုန်ဆိုသူသည် တောရွာမှမြို့ထဲသို့ ပြန်လာသည်ကို မြင်သောအခါ သူ့အား ဖမ်းဆီး၍ ကိုယ်တော်၏အနောက်မှ လက်ဝါးကပ်တိုင်ကို ထမ်း၍လိုက်စေလေ၏။ 27လူအုပ်ကြီးနှင့်တကွ ကိုယ်တော်အတွက် ရင်ဘတ်စည်တီးလျှက် ငိုကြွေးနေကြသော အမျိုးသမီးတို့သည်လည်း ကိုယ်တော်၏နောက်မှလိုက်ပါသွားကြ၏။ 28ကိုယ်တော်သည် ထိုသူတို့ဘက်သို့ လှည့်၍ “ဂျေရုဆလင်မြို့မှအမျိုးသမီးတို့၊ ငါ့အတွက် မငိုကြွေးကြနှင့်။ သင်တို့နှင့် သင်တို့၏သားသမီးတို့အတွက်သာ ငိုကြွေးကြလော့။ 29‘မြုံသောမိန်းမ၊ ကိုယ်ဝန်မဆောင်ဖူးသောဗိုက်နှင့် နို့မတိုက်ဖူးသောသားမြတ်တို့သည်သာ မင်္ဂလာရှိ၏’ ဟုလူအများက ပြောဆိုကြမည့်နေ့ရက်များ ရောက်လာတော့မည်။ 30ထိုအချိန်ကာလရောက်လျှင်
လူတို့သည် တောင်တို့အား ‘ငါတို့အပေါ်ကို ပြိုကျကြပါ’ ဟုဆိုကြ၍
တောင်ကုန်းတို့ကိုလည်း ‘ငါတို့ကို ဖုံးအုပ်ကြပါ’ ဟုဆိုကြလိမ့်မည်။
31စိမ်းလန်းသည့်သစ်ပင်ကဲ့သို့ အပြစ်ကင်းစင်သည့် ငါ၌ပင် ဤမျှဆိုးရွားသောအရာများ ဖြစ်ပျက်နေသည်ဆိုပါက ခြောက်သွေ့သောအပင်များကဲ့သို့ အပြစ်ဒုစရိုက်သားများဖြစ်သော သင်တို့အပေါ်၌ မည်မျှပင် ပို၍ဆိုးရွားစွာဖြစ်ပျက်ကြလိမ့်မည်နည်း” ဟုမိန့်ဆိုလေ၏။
32ထိုနေရာ၌ အခြားရာဇဝတ်သားနှစ်ဦးသည်လည်း ကိုယ်တော်နှင့်အတူ သေဒဏ်ပေးခြင်းခံရရန် ခေါ်ဆောင်လာခြင်းခံရလေ၏။ 33ဦးခေါင်းခွံအမည်ရှိ တောင်ကုန်းပေါ်သို့ ရောက်လျှင် ကိုယ်တော့်အား လက်ဝါးကပ်တိုင်ပေါ်သို့တင်ကာ သံရိုက်လိုက်ကြ၏။ ကိုယ်တော်၏တစ်ဖက်တစ်ချက်စီတွင် ရာဇဝတ်သားနှစ်ဦးကိုလည်း ကိုယ်တော်၏လက်ယာဘက်၌ တစ်ဦး၊ လက်ဝဲဘက်၌တစ်ဦး လက်ဝါးကပ်တိုင်ပေါ်တင်၍ သံရိုက်လိုက်ကြ၏။ 34ထိုအခါ ကိုယ်တော်က “အဖဘုရားရှင်၊ သူတို့သည် မိမိကိုယ်ကို မည်သည့်အရာကို ပြုနေကြသည်ကိုပင် မသိကြသည့်အတွက်ကြောင့် သူတို့ကို ခွင့်လွှတ်ပေးတော်မူပါ” ဟုဆုတောင်းတော်မူ၏။ ထို့နောက် ရဲမက်တို့သည် ကိုယ်တော်၏အဝတ်များကို အလောင်းအစားလုပ်၍ ခွဲဝေယူကြ၏။
35လူတို့သည်လည်း မတ်တပ်ရပ်၍ ကြည့်နေကြစဉ် အကြီးအကဲတို့သည် ကိုယ်တော်ယေရှုအား လှောင်ပြောင်လျှက် “ဤသူသည် အခြားသူတို့ကို ကယ်တင်ခဲ့၏။ အကယ်၍ သူသည် ဘုရားရှင်ရွေးချယ်ထားတော်မူသည့် မေရှိယမှန်လျှင် သူ့ကိုယ်သူကယ်တင်ပါစေ” ဟုပြောဆိုကြ၏။
36ရဲမက်များသည်လည်း ကိုယ်တော့်အား လှောင်ပြောင်ကြပြီး ဝိုင်ချဉ်#23:36 ဝိုင်ချဉ် ဝိုင်ချဉ်ဆိုသည်မှာ အချဉ်ရည်တစ်မျိုးဖြစ်သည်။ နာကျင်မှုများ သက်သာစေရန်အတွက် အသုံးပြုကြသည်။ အချို့သောမူရင်းကျမ်းတွင် ပုံးရည်ဟု ဖော်ပြသည်။ကို တိုက်ကာ 37“သင်သည် ဂျူးလူမျိုးတို့၏ဘုရင်ဆိုပါက မိမိကိုယ်ကို ကယ်တင်လိုက်ပါ” ဟုဆိုကြ၏။
38ကိုယ်တော်၏ခေါင်းတော်အပေါ်မှာလည်း “ဤသူသည် ဂျူးတို့၏ဘုရင်ဖြစ်၏” ဟုကမ္ပည်းထိုးထားသော ဆိုင်းဘုတ်ကို ချိတ်ဆွဲထားလေ၏။
39ထို့နောက် လက်ဝါးကပ်တိုင်ပေါ်တွင် ချိတ်ဆွဲထားခြင်းခံရသော ရာဇဝတ်သားတစ်ဦးက ကိုယ်တော်အား “သင်သည် ကယ်တင်ရှင်မေရှိယဆိုပါက သင့်ကိုယ်သင်ကယ်လိုက်ပြီးနောက် ငါတို့ကိုလည်း ကယ်ပါ” ဟုကဲ့ရဲ့ပြောဆိုလေ၏။
40သို့သော် အခြားရာဇဝတ်သားတစ်ဦးက ထိုသူအား “သင်သည် ဤသူနှင့်တန်းတူ အပြစ်ဒဏ်စီရင်ခြင်းကို ခံနေရလျှက်ပင် ဘုရားရှင်ကို မကြောက်ရွံ့သေးသလော။ 41ငါတို့သည် အပြစ်ကိုကျူးလွန်ထားသည်ဖြစ်၍ အပြစ်ဒဏ်ကို ခံရရန်ထိုက်တန်၏။ သို့သော် ဤသူကား မည်သည့်အပြစ်ကိုမျှ ကျူးလွန်ထားခြင်းမရှိ” ဟုဆိုလေ၏။
42ထို့နောက် ထိုသူကဆက်၍ ကိုယ်တော်အား “ကိုယ်တော်၊ အသင်သည် ရှင်ဘုရင်တစ်ပါးအဖြစ် အုပ်စိုးဖို့ရန် ပြန်လာသည့်အချိန်၌ အကျွန်ုပ်ကို အောက်မေ့တော်မူပါ” ဟုလျှောက်လေ၏။
43ထိုအခါ ကိုယ်တော်က “သင့်အား ငါအမှန်ဆိုမည်ကား သင်သည် ယနေ့ပင်လျှင် ပရဒိသုဘုံ#23:43 ပရဒိသုဘုံ ပရဒိသုဘုံ (သုခဘုံ) ဆိုသည်မှာ ဖြောင့်မတ်သောသူတို့၏ အသက်ပြန်ရှင်ခြင်းနှင့် နောက်ဆုံးတရားစီရင်ခြင်းကို စောင့်မျှော်နေသော ငြိမ်းချမ်းသည့်နေရာဖြစ်သည်။၌ ငါနှင့်အတူရှိလိမ့်မည်” ဟုမိန့်တော်မူ၏။
ကိုယ်တော်ယေရှု အသက်ဇီဝိတဒါနပြုတော်မူခြင်း
(မ၊ ၂၇:၄၅-၅၆။ မာ၊ ၁၅:၃၃-၄၁။ ယော၊ ၁၉:၂၈-၃၀)
44ထိုအချိန်ကား နေမွန်းတည့်ချိန် ဖြစ်နေသော်လည်း ညနေသုံးနာရီထိတိုင်အောင် ကမ္ဘာတစ်ခွင်လုံးရှိ မိုးကောင်းကင်သည် မဲမှောင်နေ၏။ 45နေ၏အလင်းသည် ကွယ်ပျောက်သွားပြီး ဗိမာန်တော်ရှိ အမြင့်မြတ်ဆုံးသောနေရာကို ဖုံးအုပ်ထားသော ကန့်လန့်ကာကြီးသည် နှစ်ခြမ်းကွဲသွားလေတော့၏။ 46ကိုယ်တော်သည်လည်း ကျယ်လောင်သောအသံဖြင့် “အို အဖဘုရား၊ အကျွန်ုပ်၏ဝိညာဉ်ကို အဖဘုရားရှင်၏လက်တော်၌ အပ်နှံပါ၏” ဟု မြွက်ဆိုပြီးနောက် အသက်တော်ကိုစွန့်တော်မူ၏။
47ဤအဖြစ်ကိုတွေ့မြင်သော ရောမတပ်မှူးသည် ဘုရားရှင်၏ဂုဏ်တော်ကို ချီးမွမ်းလျှက် “ဤသူသည် ဖြောင့်မတ်မှန်ကန်သောသူဖြစ်ပါသည်တကား” ဟုဆိုလေ၏။ 48ဤအနိဌာရုံမြင်ကွင်းကို ကြည့်ရှုရန် စုဝေးရောက်ရှိလာကြသော လူထုပရိသတ်ကြီးသည် ကိုယ်တော်၏အဖြစ်ကိုမြင်ရပြီး ရင်ဘတ်စည်တီးကာ ဝမ်းနည်းပူဆွေးစွာဖြင့် မိမိတို့၏အိမ်သို့ ပြန်ကြလေ၏။ 49သို့သော် ကိုယ်တော်ယေရှု၏မိတ်ဆွေအပေါင်းနှင့် ဆွေမျိုးသားချင်းများ၊ ဂါလိလဲမှလိုက်ပါလာကြသော အမျိုးသမီးများသည် ခပ်လှမ်းလှမ်းတစ်နေရာ၌ ရပ်၍ စောင့်နေကြလေ၏။
ကိုယ်တော်ယေရှုအား သင်္ဂြိုဟ်ခြင်း
(မ၊ ၂၇:၅၇-၆၁။ မာ၊ ၁၅:၄၂-၄၇။ ယော၊ ၁၉:၃၈-၄၂)
50ထိုအချိန်အခါ၌ ယုဒပြည် အရိမဿဲမြို့မှ ယောသပ်ဆိုသူတစ်ဦး ရှိလေ၏။ သူသည် ဖြောင့်မတ်သော လူရိုးလူကောင်းတစ်ဦးဖြစ်ပြီး ဂျူးလူမျိုးတို့၏လွှတ်တော်အဖွဲ့ဝင်တစ်ဦးလည်းဖြစ်လေ၏။ 51သူသည် ကိုယ်တော်ယေရှုကို သတ်ရန် ကြံစည်ခဲ့ကြသော အခြားလွှတ်တော်အဖွဲ့ဝင်များ၏ ဆုံးဖြတ်ချက်နှင့် လုပ်ဆောင်ချက်များကို သဘောမတူခဲ့ပါ။ ထို့ပြင် ဤကမ္ဘာသို့ ဘုရားရှင်၏သာသနာတော် ရောက်ရှိရန် အထူးမျှော်လင့်နေသူလည်းဖြစ်၏။ 52သူသည် ကိုယ်တော်၏အလောင်းကို သင်္ဂြိုဟ်ခွင့်ပြုရန် ပိလတ်ထံမှ တောင်းခံရာ ပိလတ်သည်လည်း ခွင့်ပြုခဲ့လေ၏။ 53ထို့ကြောင့် သူသည် ကိုယ်တော်၏ခန္ဓာကိုယ်အား လက်ဝါးကပ်တိုင်မှ အောက်သို့ချပြီး ကောင်းမွန်သောပိတ်စဖြင့် ပတ်လေ၏။ ထို့နောက် ကျောက်တုံးကြီးတစ်တုံးကို ထွင်းထားသည့် မည်သူ့ကိုမျှမထားရသေးသော သင်္ချိုင်းဂူအသစ်ထဲတွင် ကိုယ်တော်၏ခန္ဓာကိုယ်အား ကောင်းမွန်စွာ ထားလေ၏။ 54ထိုနေ့သည် ပြင်ဆင်ရာနေ့ဖြစ်ပြီး ဥပုသ်နေ့စရန် နီးကပ်သောအချိန်ဖြစ်၏။
55ဂါလိလဲဒေသမှ ကိုယ်တော်နှင့်အတူ လိုက်လာခဲ့သော အမျိုးသမီးများသည်လည်း သင်္ချိုင်းဂူကိုလည်းကောင်း၊ ကိုယ်တော်၏ခန္ဓာကိုယ်အား လှဲလျောင်းထားသည်ကိုလည်းကောင်း တွေ့မြင်ကြရလေ၏။ 56ထို့နောက် သူတို့သည် အိမ်သို့ ပြန်ပြီး ကိုယ်တော်အား ပူဇော်ရန် ဆီမွှေးနှင့်အမွှေးနံ့သာတို့ကို ပြင်ဆင်ကြသည်။ သို့ရာတွင် သူတို့သည် ပညတ်တော်အရ ဥပုသ်နေ့၌ အနားယူခဲ့ကြလေ၏။
നിലവിൽ തിരഞ്ഞെടുത്തിരിക്കുന്നു:
ရှင်လုကာ 23: TPRV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Burmese Buddhist (TPRV) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 23
23
အခန်း (၂၃)
ပိလတ်မှ စစ်ဆေးမှုပြုခြင်း
(မ၊ ၂၇:၁-၂၊ ၁၁-၁၄။ မာ၊ ၁၅:၁-၅။ ယော၊ ၁၈:၂၈-၃၈)
1ထို့နောက် တရားလွှတ်တော်၌စုဝေးသော လူအပေါင်းတို့သည် ကိုယ်တော်ယေရှုကို ရောမဘုရင်ခံပိလတ်ထံသို့ ခေါ်ဆောင်သွားကြပြီးလျှင် 2“ဤသူသည် တိုင်းသူပြည်သားများအား မိမိသည် မေရှိယအမည်တွင်သော ဘုရင်တစ်ပါးဖြစ်ကြောင်း လှည့်ဖြားပြောဆို၍ ဧကရာဇ်မင်းကိုအခွန်မဆက်သရန် တားမြစ်ပိတ်ပင်နေကြောင်း အကျွန်ုပ်တို့ တွေ့ခဲ့ရပါသည်” ဟုပိလတ်၏ရှေ့မှောက်၌ ကိုယ်တော်အား စွပ်စွဲပြောဆိုကြလေ၏။
3ထိုအခါ ပိလတ်က ကိုယ်တော်အား “သင်သည် ဂျူးတို့၏ဘုရင်ဆိုသည်မှာ ဟုတ်သလော” ဟုမေးသဖြင့်
ကိုယ်တော်က “သင်ဆိုသည့်အတိုင်းပင်ဖြစ်၏” ဟုပြန်လည်၍မိန့်တော်မူ၏။
4ပိလတ်က ဂျူးပုရောဟိတ်အကြီးအကဲများနှင့် လူထုဘက်သို့လှည့်ပြီး “ဤသူ၌ အပြစ်တစ်စုံတစ်ရာ ငါမတွေ့” ဟုဆိုသော်လည်း
5သူတို့အားလုံးက “ဤသူသည် ဂါလိလဲပြည်မှစ၍ ပြည်သူလူထုကို ရုတ်ရင်းဆန်ခတ်ဖြစ်စေရန် ယုဒပြည်တစ်ပြည်လုံးတွင် လုပ်ဆောင်ခဲ့၍ ယခုဤအရပ်၌လည်း လာရောက်လုပ်ဆောင်နေပါ၏” ဟုအခိုင်အမာပြောဆိုကြလေ၏။
ယေရှုကို ဟေရုဒ်ရှေ့သို့ခေါ်ဆောင်လာခြင်း
6ထိုသို့ပြောကြသည်ကို ပိလတ်ကြားသောအခါ “ဤသူသည် ဂါလိလဲပြည်သားဟုတ်သလော” ဟုမေးပြီး 7ဟေရုဒ်အုပ်စိုးသော ဂါလိလဲနယ်မှဖြစ်ကြောင်း သိသောအခါ ထိုအချိန်၌ ဂျေရုဆလင်မြို့တွင် ရောက်ရှိနေသော ဘုရင်ခံဟေရုဒ်ထံသို့ ကိုယ်တော်ယေရှုကို ပို့လိုက်လေ၏။
8ဟေရုဒ်သည် ကိုယ်တော်ယေရှု၏အကြောင်းကို ကြားသိထား၍ တွေ့မြင်လိုသည်မှာ ကြာပြီဖြစ်သောကြောင့် ကိုယ်တော်အား တွေ့မြင်ရသောအခါ လွန်စွာဝမ်းမြောက်လေ၏။ သူသည် ကိုယ်တော်ယေရှု ပြုတော်မူသည့် အံ့ဖွယ်နိမိတ်လက္ခဏာတစ်ခုခုကို မြင်ရရန် မျှော်လင့်နေ၏။ 9ထို့ကြောင့် ဟေရုဒ်သည် ကိုယ်တော်အား မေးခွန်းမြောက်များစွာ မေးသော်လည်း ကိုယ်တော်က တစ်စုံတစ်ရာကိုမျှ ဖြေကြားတော်မူခြင်း မရှိခဲ့ပေ။ 10ထို့နောက် ဂျူးပုရောဟိတ်အကြီးအကဲများနှင့် ကျမ်းတတ်ဆရာများသည် ထ၍ ကိုယ်တော်အား ပြင်းထန်စွာ စွပ်စွဲကြလေ၏။ 11ဟေရုဒ်နှင့် သူ၏ရဲမက်များသည် ကိုယ်တော်အား လှောင်ပြောင်ကာ ပြက်ရယ်ပြု၍ ကိုယ်တော်အား တန်ဖိုးကြီးသောဝတ်ရုံကို ဝတ်ဆင်စေလျှက် ပိလတ်ဘုရင်ခံထံသို့ ပြန်ပို့လိုက်ကြ၏။ 12ဟေရုဒ်နှင့် ပိလတ်တို့သည် ယခင်က ရန်ဘက်များဖြစ်သော်ငြားလည်း ထိုနေ့၌ပင် မိတ်ဆွေများအဖြစ်သို့ ရောက်ရှိသွားကြ၏။
သေဒဏ်
(မ၊ ၂၇:၁၅-၂၆။ မာ၊ ၁၅:၆-၁၅။ ယော၊ ၁၈:၃၉-၁၉:၁၆)
13ပိလတ်ဘုရင်ခံသည် ဂျူးပုရောဟိတ်အကြီးအကဲများ၊ ဂျူးဘာသာရေးခေါင်းဆောင်များနှင့် လူထုပရိသတ်များကို စုဝေးစေ၍ 14“ဤသူသည် ဆူပူမှုဖြစ်အောင်လှုံ့ဆော်နေသည်ဟု အသင်တို့ ပြောဆို၍ ငါ့ထံသို့ ခေါ်လာသည့်အတွက် အသင်တို့ရှေ့မှောက်မှာ ငါသူ့ကို စစ်ဆေးခဲ့သော်လည်း သင်တို့စွပ်စွဲသလိုအပြစ်များကို ထိုသူကျူးလွန်ထားခြင်းကို ငါမတွေ့။ 15ဟေရုဒ်သည်ပင် ဤသူ၌ အပြစ်ရှာမတွေ့သဖြင့် မည်သည့်အပြစ်ဒဏ်မျှမပေးဘဲ ငါ့ထံပြန်ပို့လိုက်ခြင်းဖြစ်၏။ ထို့ကြောင့် ဤသူ၌ သေဒဏ်ထိုက်သင့်သောအပြစ်တစ်စုံတစ်ရာမရှိသည်မှာ ထင်ရှား၏။ 16ထို့ကြောင့် သူ့ကို ကြိမ်ဒဏ်ပေး၍ ပြန်လွှတ်လိုက်မည်” ဟုဆို၏။ 17ပိလတ်က ထိုသို့ပြောဆိုရခြင်းမှာ ပွဲတော်ရက်၌ လူတစ်ဦးကို လွတ်မြောက်ခွင့်ပေးရသည့် ထုံးစံကြောင့်ဖြစ်၏။
18သို့သော် လူထုအားလုံးက “ဤသူကို သေဒဏ်ပေးပြီး ဗာရဗ္ဗကို လွတ်ငြိမ်းချမ်းသာခွင့်ပေးပါ” ဟုတစ်ပြိုင်တည်း အော်ဟစ်တောင်းဆိုကြ၏။ 19ယခုအခါ ဗာရဗ္ဗသည် မြို့ထဲတွင် ဖြစ်ပျက်ခဲ့သော ပုန်ကန်မှုနှင့် လူသတ်မှုများကို ကျူးလွန်သူဖြစ်၍ အကျဉ်းထောင်ထဲတွင် ပြစ်ဒဏ်ကျခံနေရ၏။
20ပိလတ်သည် ကိုယ်တော်ယေရှုကို လွှတ်ပေးရန် အလိုရှိသောကြောင့် လူထုနှင့် ဘာသာရေးခေါင်းဆောင်တို့ကို နောက်တစ်ကြိမ်ထပ်မေးပြန်၏။ 21သို့သော် သူတို့က “သူ့ကို လက်ဝါးကပ်တိုင်ပေါ်မှာ တင်လိုက်ပါ။ သူ့ကို လက်ဝါးကပ်တိုင်ပေါ်မှာ တင်လိုက်ပါ” ဟုသာ ဆက်လက်၍ တောင်းဆိုနေကြ၏။
22ထိုအခါ ပိလတ်က “သူသည် အဘယ်ပြစ်မှုကို ကျူးလွန်ခဲ့သနည်း။ သူ့အား သေဒဏ်ပေးထိုက်သော အကြောင်းအရာတစ်စုံတစ်ရာကို ငါမတွေ့။ သို့ဖြစ်၍ သူ့ကိုဆုံးမ၍ လွှတ်လိုက်မည်” ဟုတတိယအကြိမ်ထပ်မံ၍ ဆိုလေ၏။
23သို့သော် လူထုပရိသတ်တို့ကလည်း#23:23 ဤနေရာ၌ လူထုပရိသတ်ဆိုသည်မှာ ဂျူးပုရောဟိတ်အကြီးအကဲများ၏လူများဖြစ်သည်။ ပိလတ်လိုက်လျောသည်အထိတိုင်အောင် ကိုယ်တော်ယေရှုအား လက်ဝါးကပ်တိုင်ပေါ်တွင် သေဒဏ်ပေးရန်အတွက်သာ ဆက်လက်၍ကျယ်လောင်စွာ အော်ဟစ်နေကြလေ၏။ 24နောက်ဆုံး၌ လူထုတောင်းဆိုသည့်အတိုင်း ပိလတ်ဘုရင်ခံလည်း လိုက်လျောလိုက်ပြီး 25သူသည် လူထုပရိသတ်က လွှတ်စေလိုသော ပုန်ကန်မှုနှင့် လူသတ်မှုများကို ကျူးလွန်၍ အကျဉ်းထောင်ထဲတွင် ပြစ်ဒဏ်ကျခံနေရသူ ရာဇဝတ်သား ဗာရဗ္ဗကို လွှတ်ပေးလိုက်ပြီး ကိုယ်တော်ယေရှုအား ထိုသူတို့၏သဘောဆန္ဒအတိုင်း ဆောင်ရွက်စေရန် သူတို့ထံ လွှဲအပ်လေ၏။
ကိုယ်တော်ယေရှုအား လက်ဝါးကပ်တိုင်ပေါ်တင်ခြင်း
(မ၊ ၂၇:၃၂-၄၄။ မာ၊ ၁၅:၂၁-၃၂။ ယော၊ ၁၉:၁၇-၂၇)
26ထို့နောက် ရဲမက်တို့သည် ကိုယ်တော်အား ခေါ်ဆောင်သွားစဉ် ကုရေနေအရပ်မှ ရှိမုန်ဆိုသူသည် တောရွာမှမြို့ထဲသို့ ပြန်လာသည်ကို မြင်သောအခါ သူ့အား ဖမ်းဆီး၍ ကိုယ်တော်၏အနောက်မှ လက်ဝါးကပ်တိုင်ကို ထမ်း၍လိုက်စေလေ၏။ 27လူအုပ်ကြီးနှင့်တကွ ကိုယ်တော်အတွက် ရင်ဘတ်စည်တီးလျှက် ငိုကြွေးနေကြသော အမျိုးသမီးတို့သည်လည်း ကိုယ်တော်၏နောက်မှလိုက်ပါသွားကြ၏။ 28ကိုယ်တော်သည် ထိုသူတို့ဘက်သို့ လှည့်၍ “ဂျေရုဆလင်မြို့မှအမျိုးသမီးတို့၊ ငါ့အတွက် မငိုကြွေးကြနှင့်။ သင်တို့နှင့် သင်တို့၏သားသမီးတို့အတွက်သာ ငိုကြွေးကြလော့။ 29‘မြုံသောမိန်းမ၊ ကိုယ်ဝန်မဆောင်ဖူးသောဗိုက်နှင့် နို့မတိုက်ဖူးသောသားမြတ်တို့သည်သာ မင်္ဂလာရှိ၏’ ဟုလူအများက ပြောဆိုကြမည့်နေ့ရက်များ ရောက်လာတော့မည်။ 30ထိုအချိန်ကာလရောက်လျှင်
လူတို့သည် တောင်တို့အား ‘ငါတို့အပေါ်ကို ပြိုကျကြပါ’ ဟုဆိုကြ၍
တောင်ကုန်းတို့ကိုလည်း ‘ငါတို့ကို ဖုံးအုပ်ကြပါ’ ဟုဆိုကြလိမ့်မည်။
31စိမ်းလန်းသည့်သစ်ပင်ကဲ့သို့ အပြစ်ကင်းစင်သည့် ငါ၌ပင် ဤမျှဆိုးရွားသောအရာများ ဖြစ်ပျက်နေသည်ဆိုပါက ခြောက်သွေ့သောအပင်များကဲ့သို့ အပြစ်ဒုစရိုက်သားများဖြစ်သော သင်တို့အပေါ်၌ မည်မျှပင် ပို၍ဆိုးရွားစွာဖြစ်ပျက်ကြလိမ့်မည်နည်း” ဟုမိန့်ဆိုလေ၏။
32ထိုနေရာ၌ အခြားရာဇဝတ်သားနှစ်ဦးသည်လည်း ကိုယ်တော်နှင့်အတူ သေဒဏ်ပေးခြင်းခံရရန် ခေါ်ဆောင်လာခြင်းခံရလေ၏။ 33ဦးခေါင်းခွံအမည်ရှိ တောင်ကုန်းပေါ်သို့ ရောက်လျှင် ကိုယ်တော့်အား လက်ဝါးကပ်တိုင်ပေါ်သို့တင်ကာ သံရိုက်လိုက်ကြ၏။ ကိုယ်တော်၏တစ်ဖက်တစ်ချက်စီတွင် ရာဇဝတ်သားနှစ်ဦးကိုလည်း ကိုယ်တော်၏လက်ယာဘက်၌ တစ်ဦး၊ လက်ဝဲဘက်၌တစ်ဦး လက်ဝါးကပ်တိုင်ပေါ်တင်၍ သံရိုက်လိုက်ကြ၏။ 34ထိုအခါ ကိုယ်တော်က “အဖဘုရားရှင်၊ သူတို့သည် မိမိကိုယ်ကို မည်သည့်အရာကို ပြုနေကြသည်ကိုပင် မသိကြသည့်အတွက်ကြောင့် သူတို့ကို ခွင့်လွှတ်ပေးတော်မူပါ” ဟုဆုတောင်းတော်မူ၏။ ထို့နောက် ရဲမက်တို့သည် ကိုယ်တော်၏အဝတ်များကို အလောင်းအစားလုပ်၍ ခွဲဝေယူကြ၏။
35လူတို့သည်လည်း မတ်တပ်ရပ်၍ ကြည့်နေကြစဉ် အကြီးအကဲတို့သည် ကိုယ်တော်ယေရှုအား လှောင်ပြောင်လျှက် “ဤသူသည် အခြားသူတို့ကို ကယ်တင်ခဲ့၏။ အကယ်၍ သူသည် ဘုရားရှင်ရွေးချယ်ထားတော်မူသည့် မေရှိယမှန်လျှင် သူ့ကိုယ်သူကယ်တင်ပါစေ” ဟုပြောဆိုကြ၏။
36ရဲမက်များသည်လည်း ကိုယ်တော့်အား လှောင်ပြောင်ကြပြီး ဝိုင်ချဉ်#23:36 ဝိုင်ချဉ် ဝိုင်ချဉ်ဆိုသည်မှာ အချဉ်ရည်တစ်မျိုးဖြစ်သည်။ နာကျင်မှုများ သက်သာစေရန်အတွက် အသုံးပြုကြသည်။ အချို့သောမူရင်းကျမ်းတွင် ပုံးရည်ဟု ဖော်ပြသည်။ကို တိုက်ကာ 37“သင်သည် ဂျူးလူမျိုးတို့၏ဘုရင်ဆိုပါက မိမိကိုယ်ကို ကယ်တင်လိုက်ပါ” ဟုဆိုကြ၏။
38ကိုယ်တော်၏ခေါင်းတော်အပေါ်မှာလည်း “ဤသူသည် ဂျူးတို့၏ဘုရင်ဖြစ်၏” ဟုကမ္ပည်းထိုးထားသော ဆိုင်းဘုတ်ကို ချိတ်ဆွဲထားလေ၏။
39ထို့နောက် လက်ဝါးကပ်တိုင်ပေါ်တွင် ချိတ်ဆွဲထားခြင်းခံရသော ရာဇဝတ်သားတစ်ဦးက ကိုယ်တော်အား “သင်သည် ကယ်တင်ရှင်မေရှိယဆိုပါက သင့်ကိုယ်သင်ကယ်လိုက်ပြီးနောက် ငါတို့ကိုလည်း ကယ်ပါ” ဟုကဲ့ရဲ့ပြောဆိုလေ၏။
40သို့သော် အခြားရာဇဝတ်သားတစ်ဦးက ထိုသူအား “သင်သည် ဤသူနှင့်တန်းတူ အပြစ်ဒဏ်စီရင်ခြင်းကို ခံနေရလျှက်ပင် ဘုရားရှင်ကို မကြောက်ရွံ့သေးသလော။ 41ငါတို့သည် အပြစ်ကိုကျူးလွန်ထားသည်ဖြစ်၍ အပြစ်ဒဏ်ကို ခံရရန်ထိုက်တန်၏။ သို့သော် ဤသူကား မည်သည့်အပြစ်ကိုမျှ ကျူးလွန်ထားခြင်းမရှိ” ဟုဆိုလေ၏။
42ထို့နောက် ထိုသူကဆက်၍ ကိုယ်တော်အား “ကိုယ်တော်၊ အသင်သည် ရှင်ဘုရင်တစ်ပါးအဖြစ် အုပ်စိုးဖို့ရန် ပြန်လာသည့်အချိန်၌ အကျွန်ုပ်ကို အောက်မေ့တော်မူပါ” ဟုလျှောက်လေ၏။
43ထိုအခါ ကိုယ်တော်က “သင့်အား ငါအမှန်ဆိုမည်ကား သင်သည် ယနေ့ပင်လျှင် ပရဒိသုဘုံ#23:43 ပရဒိသုဘုံ ပရဒိသုဘုံ (သုခဘုံ) ဆိုသည်မှာ ဖြောင့်မတ်သောသူတို့၏ အသက်ပြန်ရှင်ခြင်းနှင့် နောက်ဆုံးတရားစီရင်ခြင်းကို စောင့်မျှော်နေသော ငြိမ်းချမ်းသည့်နေရာဖြစ်သည်။၌ ငါနှင့်အတူရှိလိမ့်မည်” ဟုမိန့်တော်မူ၏။
ကိုယ်တော်ယေရှု အသက်ဇီဝိတဒါနပြုတော်မူခြင်း
(မ၊ ၂၇:၄၅-၅၆။ မာ၊ ၁၅:၃၃-၄၁။ ယော၊ ၁၉:၂၈-၃၀)
44ထိုအချိန်ကား နေမွန်းတည့်ချိန် ဖြစ်နေသော်လည်း ညနေသုံးနာရီထိတိုင်အောင် ကမ္ဘာတစ်ခွင်လုံးရှိ မိုးကောင်းကင်သည် မဲမှောင်နေ၏။ 45နေ၏အလင်းသည် ကွယ်ပျောက်သွားပြီး ဗိမာန်တော်ရှိ အမြင့်မြတ်ဆုံးသောနေရာကို ဖုံးအုပ်ထားသော ကန့်လန့်ကာကြီးသည် နှစ်ခြမ်းကွဲသွားလေတော့၏။ 46ကိုယ်တော်သည်လည်း ကျယ်လောင်သောအသံဖြင့် “အို အဖဘုရား၊ အကျွန်ုပ်၏ဝိညာဉ်ကို အဖဘုရားရှင်၏လက်တော်၌ အပ်နှံပါ၏” ဟု မြွက်ဆိုပြီးနောက် အသက်တော်ကိုစွန့်တော်မူ၏။
47ဤအဖြစ်ကိုတွေ့မြင်သော ရောမတပ်မှူးသည် ဘုရားရှင်၏ဂုဏ်တော်ကို ချီးမွမ်းလျှက် “ဤသူသည် ဖြောင့်မတ်မှန်ကန်သောသူဖြစ်ပါသည်တကား” ဟုဆိုလေ၏။ 48ဤအနိဌာရုံမြင်ကွင်းကို ကြည့်ရှုရန် စုဝေးရောက်ရှိလာကြသော လူထုပရိသတ်ကြီးသည် ကိုယ်တော်၏အဖြစ်ကိုမြင်ရပြီး ရင်ဘတ်စည်တီးကာ ဝမ်းနည်းပူဆွေးစွာဖြင့် မိမိတို့၏အိမ်သို့ ပြန်ကြလေ၏။ 49သို့သော် ကိုယ်တော်ယေရှု၏မိတ်ဆွေအပေါင်းနှင့် ဆွေမျိုးသားချင်းများ၊ ဂါလိလဲမှလိုက်ပါလာကြသော အမျိုးသမီးများသည် ခပ်လှမ်းလှမ်းတစ်နေရာ၌ ရပ်၍ စောင့်နေကြလေ၏။
ကိုယ်တော်ယေရှုအား သင်္ဂြိုဟ်ခြင်း
(မ၊ ၂၇:၅၇-၆၁။ မာ၊ ၁၅:၄၂-၄၇။ ယော၊ ၁၉:၃၈-၄၂)
50ထိုအချိန်အခါ၌ ယုဒပြည် အရိမဿဲမြို့မှ ယောသပ်ဆိုသူတစ်ဦး ရှိလေ၏။ သူသည် ဖြောင့်မတ်သော လူရိုးလူကောင်းတစ်ဦးဖြစ်ပြီး ဂျူးလူမျိုးတို့၏လွှတ်တော်အဖွဲ့ဝင်တစ်ဦးလည်းဖြစ်လေ၏။ 51သူသည် ကိုယ်တော်ယေရှုကို သတ်ရန် ကြံစည်ခဲ့ကြသော အခြားလွှတ်တော်အဖွဲ့ဝင်များ၏ ဆုံးဖြတ်ချက်နှင့် လုပ်ဆောင်ချက်များကို သဘောမတူခဲ့ပါ။ ထို့ပြင် ဤကမ္ဘာသို့ ဘုရားရှင်၏သာသနာတော် ရောက်ရှိရန် အထူးမျှော်လင့်နေသူလည်းဖြစ်၏။ 52သူသည် ကိုယ်တော်၏အလောင်းကို သင်္ဂြိုဟ်ခွင့်ပြုရန် ပိလတ်ထံမှ တောင်းခံရာ ပိလတ်သည်လည်း ခွင့်ပြုခဲ့လေ၏။ 53ထို့ကြောင့် သူသည် ကိုယ်တော်၏ခန္ဓာကိုယ်အား လက်ဝါးကပ်တိုင်မှ အောက်သို့ချပြီး ကောင်းမွန်သောပိတ်စဖြင့် ပတ်လေ၏။ ထို့နောက် ကျောက်တုံးကြီးတစ်တုံးကို ထွင်းထားသည့် မည်သူ့ကိုမျှမထားရသေးသော သင်္ချိုင်းဂူအသစ်ထဲတွင် ကိုယ်တော်၏ခန္ဓာကိုယ်အား ကောင်းမွန်စွာ ထားလေ၏။ 54ထိုနေ့သည် ပြင်ဆင်ရာနေ့ဖြစ်ပြီး ဥပုသ်နေ့စရန် နီးကပ်သောအချိန်ဖြစ်၏။
55ဂါလိလဲဒေသမှ ကိုယ်တော်နှင့်အတူ လိုက်လာခဲ့သော အမျိုးသမီးများသည်လည်း သင်္ချိုင်းဂူကိုလည်းကောင်း၊ ကိုယ်တော်၏ခန္ဓာကိုယ်အား လှဲလျောင်းထားသည်ကိုလည်းကောင်း တွေ့မြင်ကြရလေ၏။ 56ထို့နောက် သူတို့သည် အိမ်သို့ ပြန်ပြီး ကိုယ်တော်အား ပူဇော်ရန် ဆီမွှေးနှင့်အမွှေးနံ့သာတို့ကို ပြင်ဆင်ကြသည်။ သို့ရာတွင် သူတို့သည် ပညတ်တော်အရ ဥပုသ်နေ့၌ အနားယူခဲ့ကြလေ၏။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Burmese Buddhist (TPRV) Bible by Beyond Translation is licensed under Creative Commons Attribution-ShareAlike 4.0 License.