လုကာ 21
21
ပွန်မွန်မူးရှိုက်အတာမာဘူ
1စရားကူးတာလားလောင်တာမာဘူကလဲနူ ပရာအားပရာလေလားနူးတာမာဘူနူ ဘွေအုတ်ဆူနူလော်။ ပရာဒူယောင်းတဟယ်နူမယ် အလေမာဘူတာတဟယ်လော်။ 2ပရာမူးရှိုက်ပရာနူ အလေလားနူး အတာရူး#21:2 ရူး ရူးဘိန်လီဘာမယ်နိုင်းယု့ဒေါ်ဒေနာရီတဘိန်နူလော်။ မယ်တာမာဘူဒုန်းနု့ဘာ နူဘွေအုတ်ဆူလော်။ 3ဘုန်းငှားဘွေနူ “ပရာမူးရှိုက်ယိုးနူအတာဖင်အော်အာ့ ဒူဒေါ်ပရာကူးရူတဟယ်နူလော်။ 4ပရာတဟယ်အကလဲသုံးဇာ့အော်ဒေါ် အအော်တောင်းကလယ်မာဘူမူးတာနူလော်။ မွေးပရာမူးရှိက်ယိုးပရာအတာဇာ့အော်မသော်မယ် တာဒုန်းအအော်ဒေါ်ဝေလော်နူးတဟယ်နူ အမာဘူလောင်လောနူလော်” မယ်ဘွေအတာမှာလောင်လော်။
တာဆိန့်လောင်ယာဘာဇာ့ဒေါ်စရာ့ကဘာတာမာကေးရီကေး
5စရားကူးနူလုန်းယာ အရောင်တဟယ်နူအဖုတ်ဒေါ်ဇကလိပ်နူလော်။ မာဘူလောင်တာလဲတဟယ်နူမယ် တာဒုန်းအရီအရောင့်ဒေါ်အာဖုတ်တဟယ်နူလော်မယ် ပရာအတာထော်ယု့လော်။ 6ဘုန်အခါးနူ ဘွေနဲ “တာဒုန်းသူးအုတ်ဆူဘာ တာလောနူးတဟယ် နူ အကာထမိုက်လောလော်။ လုန်းတမာမှကဇာ့အော်တောင်းဘာအကလဲ။ တာလောနူးတဟယ်နူ တာကမာလောင်ဖရာ့အော် အခိန်ကတူးနူလော်” နူမယ်ဘွေအတာနဲလောင်ယာနူလော်။ 7ပရာတဟယ်နူ လွိုက်ဘွေ “တာတဟယ်နူ အကထွားထောင်သရားခိန်မီ၊ တာကဖီးထောင်တာကယိုးနူ ပါကဘာအုတ်ဆူဘာတာစကလိတ်သရား ဒေါ်ပါကသိုက်ကမား။”
မုန်းနုန်ကာဒွန်တာအော်လုန်းထောင်တဟယ်
8ဘွေနူ “သူးဇာ့ခေါင် ပရာဘလာအယ်သူးကာ၊ ပရာတဟယ်နူ အကမာအနဲမကိုက်ခေးဒေါ် ကနဲ ခေးမယ်မေရှိယ၊ မုန်းနူအခိန်အကာလောင်ဘာဟုန်းနူမယ် အဝေသူးတဟယ်ကနဲသူးနူလော်။ 9သူးတဟယ်နူ တာဒို့အရီကေးတဟယ်၊ တာကလေဒို့ရောက် အရီအကေးနူသူးသိုက်ငှားခိန်နူ သူးဇာ့သာဘိုက်ကာ၊ တာကမာနဲယိုးတဟယ်နူအကာဖီးထောင်ရူးကူးလော်။ နဲမယ်အာဇာ့မွက်ဂက်ကေးခိန်မူးကိုး။
10ဘုန်နူ ပရာတကလူဒေါ်တကာလူ၊ 11ဆူးဂက်တာဘာဒေါ်တာဘာ ကဒို့ရောက်နူလော်။ ကလဲအားကလောင်နူ ဟယ်ခူခီချု့ဒူ တာကအော်ဝီးအော်အွန်း တာဆွေ့တာဆား ကအော်ထောင်အမူးမူးလော်။ သူးကအုတ်ဆူဘာ တာသဘိုက်စကလိတ်စငှားတဟယ် ကအော်ထောင်ဒုန်းမော့ခူနူလော်။
12တာရီတာကေးတဟယ်ယိုး အာဇာ့ဖီးထောင်မူးခိန်နူ ပရာတဟယ်နူကဖူသူးဒေါ် ကမာဆုန်းရေသူးလော်။ တာကဖူသူးဒုန်း တာအော်ရွန်းအော်ဘလုန်ကလဲ၊ ကလောင်ဘာထော်၊ တာကဖင်သူးတာကမာ၊ သူးတဟယ်နူ ခေးခူစားသူးကတူးဒုန်းစဟွာဒေါ် ပရာခူပရာနာ့အဒူတဟယ် အလောင်မောက်လော်၊ 13မာကယိုးဒေါ် သူးတဟယ်နူ သူးကတုတ်ယူး တာရီတာကေးတဟယ် အနခူးကအော်ထောင်နူလောင်။ 14နဲမယ် သူးကဘာနဲရှူဇိန်ကမားနူ သူးဇာ့ဘာယုန်ကာ၊ 15အဘာသရားနဲမယ် သူးဒူသူးဒါးတဟယ်ဇာ့နဲဇိန်ဒါသူးနဲခူး၊ အဝေသူးကနဲထောင်နတာကာမှာ ဇာ့ဒါနဲခူးခေးကဖင်လောင်သူး တာသသိုက်ငှားဒေါ်ခူအားတဟယ်နူလော်။ 16နာမူးနာဖား၊ ပွန်းဝေး၊ ရွီးလောင်း၊ နာခီးနာငေါ်တဟယ်နူ အာကာဆားအယ်သူးလော်။ ဒုန်းအဝေသူးကား ပရာတဟယ် 17ကဘာတာမာသူးဒုန်း ခေးခူစား၊ ဒေါ်ပရာတဟယ်နူ အကာဇာ့တိုးဝေနူလော်။ 18နဲမယ် သူးဇာ့ဘာယုန်ကာ၊ 19ဖိတ်ကလုန်ဒေါ်အော်ကလုန်ယူးရောင့် သူးတာယူးတာနာဒုန်းခေးလခူတဟယ်နူ ဒေါ်သူးကနူးဘာ တာအူကေခေါ်ကေလော်” ဆိန့်မွန်းကနူလော်။
ဂျေရုဆလင်ဝိန်အတာကေး
20“ဂျေရုဆလင်ဝိန်နူကအုတ်ဆူ ပရာရှိုက်တာဖော့အော်ခွိုက်ရိန်ဝိန်ဒေါ် သူးကသိုက်ဒုန်းဝိန်နူ တာကမာကေးလောနူလော်။ 21ဘုန်းအခိန်နူ ပရာအော်ဒုန်း#21:21 ပရာအော်ဒုန်း မယ်ပရာတဟယ်ဒုန်း တာဒို့ဘုန်ဒေါ်အရှုန်တဟယ် နုဘာတာဖူဇိန်ဒေါ်မကိုက်ဇု့တဟယ်နူလော်။ ယုဒဆူးဂက်တဟယ် ကွိုင်ရိုင်ထောင်ဒုန်းခေါနားကာ၊ ပရာအော်ဝိန်ကူးတဟယ်နူ ဆွားထောင်ဖလောက်ဒုန်းဝိန်ကွန်ကာ၊ သူးမွက်းအော်ဝိန်ကွန်ဒေါ် ဇာ့လေနူးဝိန်ကူးကာ၊ 22ငှားအခိန်နူ မကိုက်လိုင်ဆောင်းဆူးကူးနူ သူးကဖင်ဘာဇိန် တာကမာအဘူးအယောင်းလော်။ 23ဘုန်းအခိန်နူပရာမူးဒုန်းတဟယ်ဒေါ် ပရာဖော့ဆီတဟယ်နူ အကအုတ်ဆူဘာ တာဗေါင်းတာဆာားဒုန်းအဒူလော်။ ဆူးဂက်ပွန့်ဘာကူးနူ တာဗေါင်းတာဆားကအော်ဒေါ် ပရာလောနူး တဟယ်ဒုန်းအာကာကုန်းခေါင်ဘာတာနူလော်။ 24ဒုန်းပရာတဟယ်နူအကား တဟယ်နူတာကပိုက်သူးဒေါ်နူးဒူလော်။ ပရာကူးရူတဟယ်နူးမယ် တာကဇိန်ဖူဟော့ဝေမကိုက်ဇု့ဒုန်း ဆူးဂက်ကူးရူတဘာကူးနူလော် ပရာကလူကူးရူတဟယ်နူ အကရူးဝိန်ဂျေရုဆလင်ဘုန် အဝေသူးအကျု့ အခိန်အာကလော်ဇာ့လောထူးသာရေး ယေရုရှလင်နူကအော်ဘာဒုန်း တာမာဒေါ့မာနွားအကာလာ့နူလော်”
ပရာဖော့ခူးအတာဇိန်လောင်ဘလယ်
25ဘုန်းနုန်အခိန်နူ မော့ခူဆာတဟယ် ကအော်လုန်းမကိုက် တာဒုန်းအကာဖီးထောင်ဒေါ် ကမာအနဲတဟယ်နူလော်။ “ဟယ်ခူတဒေးဘာဒူမယ် ပရာဟယ်ခူဖော့တဟယ် ကသဘိုက်သာဟွဘာဒုန်း ဆူးဒူဆူးလောင်းပရီငေါ့ဒေါ် အကာဘာမာကမားနူ အဇာ့သိုက်ပယ်ကိုးနူလော်။ 26တာဖီးထောင်နဲတဟယ်အခူစား ပရာလောနူးတဟယ်နူ အကာသဘိုက်ဒေါ်အသာ့ကဆီနူလော်။ မော့ခူနူမယ် ဘွေတာတာပရော်တာပရောက် ကလုန်းဒေါ်တာကာကီချု့နူလော်။ 27အခိန်နူပရာဖော့ခူးနူ ဘွေကအော်ဒုန်းမော့ခူဒေါ် ကလောင်ဒေါ်အတာပရော်တာပရောက်ခိန် သူးကအုတ်ဆူဘာလော်။ 28တာမာနဲတဟယ်ယိုး သူးမွက်အုတ်ဆူနူဒေါ် တာအူဇိန်ခေါ်ဇိန်သူးကတူးခိန်နူ ဆုန်းထုန်အော်ဒုန်းနာသာ့သေးကာ။ သူးတဟယ်နူသူးကထောင်ဘလွတ်ဒုန်းတာအာကလိုက်ကူးနူ” မယ်ဘွေအတာမာလောင်နူလော်။
တာအဒိုးဒုန်းအမွက်ကကွန်သာမုန်း
29ဘုန်နူ ဘွေနဲသားမူး ငေါ့စပရီးတာတော်နူလောင် “အုတ်ဆော့ကွန်သာမုန်းဒေါ် တာမုန်းကူးရူတဟယ်နူကာ။ 30ကွန်သာမုန်းဇာ့မွက်မယ်တာမုန်းကူးရူ အလာကလောင်ရူးလောနူဒေါ် သူးကသိုက်ငှားဒေါ် သူးကနာပူတဒုန်းကတူးစိုင်းကူးခိန်နူလော်။ 31တာဒုန်းခေးဆိန့်နူးသူးတဟယ်နူ သူးမွက်အုတ်ဆူဘာဒေါ် ဘွေမော့ခူဆူးဂက်တူးဟုန်းနူလော်။ 32ခေးကနဲနူးယွန်းသူးမယ် တာဒုန်းအကာဖီးထောင်တဟယ် ဇာ့ထွားထောင်မူးနူခိန် အဝေသူးတဟယ်ကသူးလောနူလော်။ 33မော့ခူဒေါ်ဟယ်ခူဇာ့အော်ကလုန် မသော်မယ်ဘွေအဟွားအငေါ့နူကအော်ကလုန်ကာတာ့လော်။”
ဘုန်းမုန်းနုန်၊ ဘုန်းအခိန်ကလောင်နူပရာဇာ့သိုက်ငှားတပရားကိုး
34“အယ်အယ် အွန်းအွန်း၊ ဘာကူဘာကိုက်တာအော်မူးနဲခူးဒေါ် ဇာ့မာလောသူးခိန်ကနူကာ။ 35ဒုန်းကယိုးနူ သူးခိန်ကာလောနူမယ် သူးနခူးကထွားထောင် တာလောင်ဟယ်ကူးနူလော်။ ဘုန်းနုန်နူပရာတဟယ်နူ ကာတာမွတ်တာမောင်းလောနူးမွန်းနူလော်။ 36လားသွန်လားသာ့ဒေါ်အော်ဒေါ်တာသဘားကာ။ သူးကပူးဘလွတ်ထောင်ဒုန်း တာကာဖီးထောင်နဲတဟယ် အကူး၊ တာလိုဘာတမီမယ်သူးဘာအော်မူးမကိုက်ဘွေအတာသနူး။” ဘွေအတာဖင်သနဲထောင်နူလော်။ 37ဘွေယေရှုနူး အဒေါထွန့်လောင်တာဒုန်းစရားကူးပွန်းနူလော်။ သဘားဒုန်းသံလွင်ခေါနားနူပွန်းနာလော်။ 38ပရာလောနူးတဟယ်နူ ဆုန်းထုန်ရွန်ဒေါ်ဒုန်းစရားကူးဒေါ် လေနာဒိန်းဘွေဟွားဘွေငေါ့နူလော်။
നിലവിൽ തിരഞ്ഞെടുത്തിരിക്കുന്നു:
လုကာ 21: GHK
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Karen-Geko Bible by Beyond Translation is licensed under Creative Commons Attribution-ShareAlike 4.0 License.
လုကာ 21
21
ပွန်မွန်မူးရှိုက်အတာမာဘူ
1စရားကူးတာလားလောင်တာမာဘူကလဲနူ ပရာအားပရာလေလားနူးတာမာဘူနူ ဘွေအုတ်ဆူနူလော်။ ပရာဒူယောင်းတဟယ်နူမယ် အလေမာဘူတာတဟယ်လော်။ 2ပရာမူးရှိုက်ပရာနူ အလေလားနူး အတာရူး#21:2 ရူး ရူးဘိန်လီဘာမယ်နိုင်းယု့ဒေါ်ဒေနာရီတဘိန်နူလော်။ မယ်တာမာဘူဒုန်းနု့ဘာ နူဘွေအုတ်ဆူလော်။ 3ဘုန်းငှားဘွေနူ “ပရာမူးရှိုက်ယိုးနူအတာဖင်အော်အာ့ ဒူဒေါ်ပရာကူးရူတဟယ်နူလော်။ 4ပရာတဟယ်အကလဲသုံးဇာ့အော်ဒေါ် အအော်တောင်းကလယ်မာဘူမူးတာနူလော်။ မွေးပရာမူးရှိက်ယိုးပရာအတာဇာ့အော်မသော်မယ် တာဒုန်းအအော်ဒေါ်ဝေလော်နူးတဟယ်နူ အမာဘူလောင်လောနူလော်” မယ်ဘွေအတာမှာလောင်လော်။
တာဆိန့်လောင်ယာဘာဇာ့ဒေါ်စရာ့ကဘာတာမာကေးရီကေး
5စရားကူးနူလုန်းယာ အရောင်တဟယ်နူအဖုတ်ဒေါ်ဇကလိပ်နူလော်။ မာဘူလောင်တာလဲတဟယ်နူမယ် တာဒုန်းအရီအရောင့်ဒေါ်အာဖုတ်တဟယ်နူလော်မယ် ပရာအတာထော်ယု့လော်။ 6ဘုန်အခါးနူ ဘွေနဲ “တာဒုန်းသူးအုတ်ဆူဘာ တာလောနူးတဟယ် နူ အကာထမိုက်လောလော်။ လုန်းတမာမှကဇာ့အော်တောင်းဘာအကလဲ။ တာလောနူးတဟယ်နူ တာကမာလောင်ဖရာ့အော် အခိန်ကတူးနူလော်” နူမယ်ဘွေအတာနဲလောင်ယာနူလော်။ 7ပရာတဟယ်နူ လွိုက်ဘွေ “တာတဟယ်နူ အကထွားထောင်သရားခိန်မီ၊ တာကဖီးထောင်တာကယိုးနူ ပါကဘာအုတ်ဆူဘာတာစကလိတ်သရား ဒေါ်ပါကသိုက်ကမား။”
မုန်းနုန်ကာဒွန်တာအော်လုန်းထောင်တဟယ်
8ဘွေနူ “သူးဇာ့ခေါင် ပရာဘလာအယ်သူးကာ၊ ပရာတဟယ်နူ အကမာအနဲမကိုက်ခေးဒေါ် ကနဲ ခေးမယ်မေရှိယ၊ မုန်းနူအခိန်အကာလောင်ဘာဟုန်းနူမယ် အဝေသူးတဟယ်ကနဲသူးနူလော်။ 9သူးတဟယ်နူ တာဒို့အရီကေးတဟယ်၊ တာကလေဒို့ရောက် အရီအကေးနူသူးသိုက်ငှားခိန်နူ သူးဇာ့သာဘိုက်ကာ၊ တာကမာနဲယိုးတဟယ်နူအကာဖီးထောင်ရူးကူးလော်။ နဲမယ်အာဇာ့မွက်ဂက်ကေးခိန်မူးကိုး။
10ဘုန်နူ ပရာတကလူဒေါ်တကာလူ၊ 11ဆူးဂက်တာဘာဒေါ်တာဘာ ကဒို့ရောက်နူလော်။ ကလဲအားကလောင်နူ ဟယ်ခူခီချု့ဒူ တာကအော်ဝီးအော်အွန်း တာဆွေ့တာဆား ကအော်ထောင်အမူးမူးလော်။ သူးကအုတ်ဆူဘာ တာသဘိုက်စကလိတ်စငှားတဟယ် ကအော်ထောင်ဒုန်းမော့ခူနူလော်။
12တာရီတာကေးတဟယ်ယိုး အာဇာ့ဖီးထောင်မူးခိန်နူ ပရာတဟယ်နူကဖူသူးဒေါ် ကမာဆုန်းရေသူးလော်။ တာကဖူသူးဒုန်း တာအော်ရွန်းအော်ဘလုန်ကလဲ၊ ကလောင်ဘာထော်၊ တာကဖင်သူးတာကမာ၊ သူးတဟယ်နူ ခေးခူစားသူးကတူးဒုန်းစဟွာဒေါ် ပရာခူပရာနာ့အဒူတဟယ် အလောင်မောက်လော်၊ 13မာကယိုးဒေါ် သူးတဟယ်နူ သူးကတုတ်ယူး တာရီတာကေးတဟယ် အနခူးကအော်ထောင်နူလောင်။ 14နဲမယ် သူးကဘာနဲရှူဇိန်ကမားနူ သူးဇာ့ဘာယုန်ကာ၊ 15အဘာသရားနဲမယ် သူးဒူသူးဒါးတဟယ်ဇာ့နဲဇိန်ဒါသူးနဲခူး၊ အဝေသူးကနဲထောင်နတာကာမှာ ဇာ့ဒါနဲခူးခေးကဖင်လောင်သူး တာသသိုက်ငှားဒေါ်ခူအားတဟယ်နူလော်။ 16နာမူးနာဖား၊ ပွန်းဝေး၊ ရွီးလောင်း၊ နာခီးနာငေါ်တဟယ်နူ အာကာဆားအယ်သူးလော်။ ဒုန်းအဝေသူးကား ပရာတဟယ် 17ကဘာတာမာသူးဒုန်း ခေးခူစား၊ ဒေါ်ပရာတဟယ်နူ အကာဇာ့တိုးဝေနူလော်။ 18နဲမယ် သူးဇာ့ဘာယုန်ကာ၊ 19ဖိတ်ကလုန်ဒေါ်အော်ကလုန်ယူးရောင့် သူးတာယူးတာနာဒုန်းခေးလခူတဟယ်နူ ဒေါ်သူးကနူးဘာ တာအူကေခေါ်ကေလော်” ဆိန့်မွန်းကနူလော်။
ဂျေရုဆလင်ဝိန်အတာကေး
20“ဂျေရုဆလင်ဝိန်နူကအုတ်ဆူ ပရာရှိုက်တာဖော့အော်ခွိုက်ရိန်ဝိန်ဒေါ် သူးကသိုက်ဒုန်းဝိန်နူ တာကမာကေးလောနူလော်။ 21ဘုန်းအခိန်နူ ပရာအော်ဒုန်း#21:21 ပရာအော်ဒုန်း မယ်ပရာတဟယ်ဒုန်း တာဒို့ဘုန်ဒေါ်အရှုန်တဟယ် နုဘာတာဖူဇိန်ဒေါ်မကိုက်ဇု့တဟယ်နူလော်။ ယုဒဆူးဂက်တဟယ် ကွိုင်ရိုင်ထောင်ဒုန်းခေါနားကာ၊ ပရာအော်ဝိန်ကူးတဟယ်နူ ဆွားထောင်ဖလောက်ဒုန်းဝိန်ကွန်ကာ၊ သူးမွက်းအော်ဝိန်ကွန်ဒေါ် ဇာ့လေနူးဝိန်ကူးကာ၊ 22ငှားအခိန်နူ မကိုက်လိုင်ဆောင်းဆူးကူးနူ သူးကဖင်ဘာဇိန် တာကမာအဘူးအယောင်းလော်။ 23ဘုန်းအခိန်နူပရာမူးဒုန်းတဟယ်ဒေါ် ပရာဖော့ဆီတဟယ်နူ အကအုတ်ဆူဘာ တာဗေါင်းတာဆာားဒုန်းအဒူလော်။ ဆူးဂက်ပွန့်ဘာကူးနူ တာဗေါင်းတာဆားကအော်ဒေါ် ပရာလောနူး တဟယ်ဒုန်းအာကာကုန်းခေါင်ဘာတာနူလော်။ 24ဒုန်းပရာတဟယ်နူအကား တဟယ်နူတာကပိုက်သူးဒေါ်နူးဒူလော်။ ပရာကူးရူတဟယ်နူးမယ် တာကဇိန်ဖူဟော့ဝေမကိုက်ဇု့ဒုန်း ဆူးဂက်ကူးရူတဘာကူးနူလော် ပရာကလူကူးရူတဟယ်နူ အကရူးဝိန်ဂျေရုဆလင်ဘုန် အဝေသူးအကျု့ အခိန်အာကလော်ဇာ့လောထူးသာရေး ယေရုရှလင်နူကအော်ဘာဒုန်း တာမာဒေါ့မာနွားအကာလာ့နူလော်”
ပရာဖော့ခူးအတာဇိန်လောင်ဘလယ်
25ဘုန်းနုန်အခိန်နူ မော့ခူဆာတဟယ် ကအော်လုန်းမကိုက် တာဒုန်းအကာဖီးထောင်ဒေါ် ကမာအနဲတဟယ်နူလော်။ “ဟယ်ခူတဒေးဘာဒူမယ် ပရာဟယ်ခူဖော့တဟယ် ကသဘိုက်သာဟွဘာဒုန်း ဆူးဒူဆူးလောင်းပရီငေါ့ဒေါ် အကာဘာမာကမားနူ အဇာ့သိုက်ပယ်ကိုးနူလော်။ 26တာဖီးထောင်နဲတဟယ်အခူစား ပရာလောနူးတဟယ်နူ အကာသဘိုက်ဒေါ်အသာ့ကဆီနူလော်။ မော့ခူနူမယ် ဘွေတာတာပရော်တာပရောက် ကလုန်းဒေါ်တာကာကီချု့နူလော်။ 27အခိန်နူပရာဖော့ခူးနူ ဘွေကအော်ဒုန်းမော့ခူဒေါ် ကလောင်ဒေါ်အတာပရော်တာပရောက်ခိန် သူးကအုတ်ဆူဘာလော်။ 28တာမာနဲတဟယ်ယိုး သူးမွက်အုတ်ဆူနူဒေါ် တာအူဇိန်ခေါ်ဇိန်သူးကတူးခိန်နူ ဆုန်းထုန်အော်ဒုန်းနာသာ့သေးကာ။ သူးတဟယ်နူသူးကထောင်ဘလွတ်ဒုန်းတာအာကလိုက်ကူးနူ” မယ်ဘွေအတာမာလောင်နူလော်။
တာအဒိုးဒုန်းအမွက်ကကွန်သာမုန်း
29ဘုန်နူ ဘွေနဲသားမူး ငေါ့စပရီးတာတော်နူလောင် “အုတ်ဆော့ကွန်သာမုန်းဒေါ် တာမုန်းကူးရူတဟယ်နူကာ။ 30ကွန်သာမုန်းဇာ့မွက်မယ်တာမုန်းကူးရူ အလာကလောင်ရူးလောနူဒေါ် သူးကသိုက်ငှားဒေါ် သူးကနာပူတဒုန်းကတူးစိုင်းကူးခိန်နူလော်။ 31တာဒုန်းခေးဆိန့်နူးသူးတဟယ်နူ သူးမွက်အုတ်ဆူဘာဒေါ် ဘွေမော့ခူဆူးဂက်တူးဟုန်းနူလော်။ 32ခေးကနဲနူးယွန်းသူးမယ် တာဒုန်းအကာဖီးထောင်တဟယ် ဇာ့ထွားထောင်မူးနူခိန် အဝေသူးတဟယ်ကသူးလောနူလော်။ 33မော့ခူဒေါ်ဟယ်ခူဇာ့အော်ကလုန် မသော်မယ်ဘွေအဟွားအငေါ့နူကအော်ကလုန်ကာတာ့လော်။”
ဘုန်းမုန်းနုန်၊ ဘုန်းအခိန်ကလောင်နူပရာဇာ့သိုက်ငှားတပရားကိုး
34“အယ်အယ် အွန်းအွန်း၊ ဘာကူဘာကိုက်တာအော်မူးနဲခူးဒေါ် ဇာ့မာလောသူးခိန်ကနူကာ။ 35ဒုန်းကယိုးနူ သူးခိန်ကာလောနူမယ် သူးနခူးကထွားထောင် တာလောင်ဟယ်ကူးနူလော်။ ဘုန်းနုန်နူပရာတဟယ်နူ ကာတာမွတ်တာမောင်းလောနူးမွန်းနူလော်။ 36လားသွန်လားသာ့ဒေါ်အော်ဒေါ်တာသဘားကာ။ သူးကပူးဘလွတ်ထောင်ဒုန်း တာကာဖီးထောင်နဲတဟယ် အကူး၊ တာလိုဘာတမီမယ်သူးဘာအော်မူးမကိုက်ဘွေအတာသနူး။” ဘွေအတာဖင်သနဲထောင်နူလော်။ 37ဘွေယေရှုနူး အဒေါထွန့်လောင်တာဒုန်းစရားကူးပွန်းနူလော်။ သဘားဒုန်းသံလွင်ခေါနားနူပွန်းနာလော်။ 38ပရာလောနူးတဟယ်နူ ဆုန်းထုန်ရွန်ဒေါ်ဒုန်းစရားကူးဒေါ် လေနာဒိန်းဘွေဟွားဘွေငေါ့နူလော်။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Karen-Geko Bible by Beyond Translation is licensed under Creative Commons Attribution-ShareAlike 4.0 License.