Luke 21
21
Enɔ Ufei Ebi-Ukpa
(Mark 12:41-44)
1Sughu Jisɔs ma mbed izighi ezug etei ku eziŋi tempul, Jisɔs azuan onji ose ɔnɔŋ ogid ima onji-kpɔ sughu edɔŋ enɔ emu ku ukie ubɔghɔ enɔ.
2Jisɔs ogid ufei ebi-ukpa ki sughu azaŋa odi. Onyi odio nniŋke ŋkip ɔkuk iba omu numa ewuɔ ŋkie sugi.
3Jisɔs ɔdɔghɔ mbed izighi ogu, “Ku akpanikwɔ, ndɔghɔ evu ku ufei ebi-ukpa omu odio enɔ omu onji uluh oke ovid su enwi ima ogu enɔ;
4sia ovid ima onji kpɔ onu, ezighi uyo ntiti ku otu awak-iwak unji emu ededio enɔ Abazi, onu ufei ebi-ukpa omu, ku ufei izighi, ebei ovid-evid su onyi emede odu uwem ɔnɔ Abazi.”
Idiɔŋɔ Utid Esi
(Mattiu 24:1,2; Mark 13:1,2)
5Ku onu ama egefei, ndizuk mbed onu Jisɔs etɔŋɔ idizughu ibaŋa tempul. Egu, “Seh ijeŋ-ijeŋ ntighe tempul ma ima idighe enɔ omu enwi enɔ ede ene onyi ejei.”
6Onu Jisɔs ɔdɔghɔ emu ogu, “Yak ndɔghɔ evu mkpɔ gi mbaŋa ima kpɔ omu evu egid-em, ima use mɔkodi omu ovid uvɔk omu ma ntɨghe-m edigɨba ibɨno ku izɔŋ.”
7Mbed onu Jisɔs ebid onyi, “Ɔfɔŋ, ini onuŋ ku ima kpɔ omu oditɨbe? Nzi odinu idiɔŋɔ omu odibak kini ima kpɔ omu oditɨbe?”
8Onu Jisɔs ɔdɔghɔ emu ogu: “Ekpɨme, onwi sugi udubiaŋa evu kini omu ini onu odidi. Sia kini onji-onji enwi ma ezu-nzu enɔ evu ku emu ide ulu omi ide ine ima utɨbe-kpɔ. Emu ma ezu-nzu ku emu enu Mezaya, ma enɔŋ edɔghɔ ku utid oduobod okpɨne, onu ekunim emu ku akpanikwɔ-ou.”
9Onu kini evu egei ebaŋa ima uduŋ omu enwɨna ukiɔ, ma enwi omu ekai utɔŋ ma ugra uduŋ emu, eguyak ubɨghe ɔmuɔ evu-ou. Sia imakpɔm ma ezaŋanji etibe kaŋa onu utid oduobod eze ewra edio-u.
10Ene, Jisɔs ŋgo ɔnɔŋ ɔsɔ ɔdɔghɔ ogu, “Uduŋ ima Gentile gi ma elagha ela ukiɔ ma onuŋ uduŋ, ima ifɔŋ ma ima ukiɔ emu ma elagha ela ukiɔ ma onuŋ ifɔŋ ma ukiɔ emu.
11Ima itu-itu unjeŋ-izɔŋ ma abak, enwi ma elɔŋɔ mbiɔŋ ekpaŋa, ima ndiɔk ulɔŋɔ mebak ku ovid oduobod. Ma ovidevid ndiɔk onyi-ndek idiɔŋɔ ma utɨbe-kpɔ omu odinji enwi utɨŋe ma abak ku heaven omu odiwuɔ ku utid oduobod okpɨne.
12Onu kpaŋa ima kpɔ onu otɨbe, ima ezughe evu ma emuɔ ndizuk evu elagha ene evu kpɔ ku ukpak. Emu ma edu evu ndidu ku synagogue, ma edio evu ku uvɔk-mkpɔkɨbɔ. Ma ebei evu edi gu onji onu ima ifɔŋ ma ima aga ugra, eyak evu enɔ ima ede odighi ku synagogue, ku ntak omu evu enu mbed omi.
13Onu mkpɔm ma eliek onu uvaŋ ɔnɔ evu ididɔghɔ emu ibaŋa Ugra Abazi.
14Eku zaŋa-zaŋa-onji ufina ile ubaŋa su evu edizughu idine emu enyime ku evu milei-ou;
15Omi ma nnɔ evu mvuvak idivak su evu edizughu. Su onwi sugi ku otu ima onu edu evu nsiŋi elagha ekɨbɔ evu onu numa edikime ididɔghɔ ku evu ezu-nzu.
16Ile ima eti ma eke evu, ma njuga, ima mme evu ma nzizaŋ evu metap evu enɔ ima ugra; ndien ima ugra-n ma enɔŋ ewuh ndizuk evu.
17Ovid udid enwi ma ezughe evu ku ntak omu evu enu mbed omi.
18Onu Abazi ma anyiaŋa evu ozighi ku nzi-nzi nzɨbo.
19Onugu evu ediyɔ utɔ ituitu ini onu numa iza mbuɔd-ile evu ku omi iyak, Abazi ma ɔnɔ ukpɔŋ evu nzi-nzi uwem.”
Nzɨbo Jeruzelem
(Mattiu 24:15-28; Mark 13:14-23)
20Jisɔs aganji, kini evu egid ima ukiɔ sughu egan uduŋ Jeruzelem ekuk, anasu evu evag ku emu ma ewra ezɨbo onyi ezighi fab-fab.
21Ene yak ima omu edɔŋɔ ku uduŋ Judea ebiak enyɔŋ ikpɨno obod utuk ku ede ewuh emu. Yak ima omu edɔŋɔ ku uvɔd izɔŋ uduŋ Jeruzelem ewra-ewra ewuɔŋɔ, ma ima omu edɔŋɔ ku ɔvɔghɔ uduŋ omu ala okpɨne ugusɔ uluk udi ɔvɔghɔ uduŋ-ou.
22Sia kini omu, Abazi ma ɔnɔ enwi Jeruzelem uven. Uven omu ene ɔwuɔ ozu ovid su ima prɔved egezughu elagha ewid ku ŋwid Abazi.
23Odinu otuitu kpɔ inɔ mmani omu ezaŋa ma udib, ma ima eke omu ega eyo ku ubɔk ku use onu! Ku onu okpɨno nnan-onji ma abak ku izɔŋ, uje-ogid Abazi ma oduh ima enwi ku ile.
24Ima ukiɔ ma ewod ndizuk emu ku ofid, menɔŋ etaŋ ndizuk emu enyɔŋ su ivɔn ukiɔ ku ima nzighi-nzighi ulid. Ene ima Gentile menɔŋ enuaŋ elagha evi enwi Jeruzelem tutu ini omu Abazi onim ɔnɔ ima Gentile idigra odisu.
Odidi Oyo-Onwi
(Mattiu 24:29-31; Mark 13:24-27)
25Kini ima kpɔ omu ama egefei, nyɔ-nyɔ idiɔŋɔ ma utɨbe-kpɔ ma ede utei ku utɨn ma ku afiaŋ ma ku ntanta-afiaŋ; idine evag ku utid oduobod okpɨne. Enwi ima Gentile ma eniŋenji ebak ku nta-ile ma ndutɨmere ku ntak okpɨno uyom awawa itabri-inyiaŋ ma ulagha-akpa.
26Enwi ma ebak ku ubɨghe tutu emu ezzɔuh, sia enwi ediga nzize ku ubɔk ibaŋa udiɔk ŋkpɔ-ntɨbe omu odide oduobod. Abazi ma enyiŋe nta-nta afiaŋ ma ima ikpɨghe oduobod ku ikpe-ɔnyɔŋ.
27Kini onu, ovid enwi ku ovid ubi emu ma egid mi, Oyo Onwi, sughu ntɨghe ku ikpe-ɔnyɔŋ ndi ma ulu ma okpɨno unyima ufɔŋ omi.
28Onu kini ima kpɔ omu ɔtɔŋɔ iditɨbe, etuakela ukuko ma uduonji enɔŋ ebei ubughu evu ku ɔnyɔŋ, sia Abazi ma awra avak evu ozighi ku uven.
Ukeh Omu Abaŋa Etuh Fig
(Mattiu 24:32-35; Mark 13:28-31)
29Ene, Jisɔs otu ukeh ɔnɔ emu idizughu ibaŋa utid esi, “Ese su otɨbe ɔnɔ etuh fig#21:29 Etu mvri omu ɔyɔk uduŋ Israel, ma ovid-evid ima etu.
30Kini mvaŋ ɔtɔŋɔ-tɔŋɔ iditib ku ŋkɔk emu, evu mevak ku ile evu ku akaŋ ɔkɔuw.
31Ku utɔ odighi onu ŋgo, kini evu egid ima kpɔ ubighe-m sugu otɨbe, evag ku Ugra Abazi okpɨne.
32Nzughu akpanikwɔ nnɔ evu, ku ndizuk enwi omu ebak ku uwem ulagham kuma edikpa-ou tutu ovid ima kpɔ omu otɨbe.
33Use gi, ɔnyɔŋ ma izɔŋ ma efei, onu nsiŋi omi ku odighi sugi editre idiwuɔ izu-ou.”
Bak ku Mbeŋile Ovid-evid Ini Bi Jisɔs.
(Mattiu 24:36-44; Mark 13:32-37)
34Onu evag sughu edu-uwem, egubiad ini evu idilie inem uwem oduobod, ilagha ikpa-mmi, ma idifɨna ile ibaŋa mfina ku uwem evu. Numenu zon, evu edibak ku mbeŋile ibi odidi omi-ou sia use onu odibei evu mbuad su efie-ukwak omu amgbmayn una.
35Use onu odidi su efie inɔ ovid enwi omu ebak ku ovid oduobod.
36“Bak ku ukpɨme fabfab ini! Bɔŋ agam ovid-evid ini, yak Abazi ene evu ezaŋa efei ifre-ifre ku ovid ndiɔk-kpɔ omu oditibe, ilagha izaŋa idra-idra edibɨne mi Oyo Onwi ku use ikpe.”
37Ovid use Jisɔs ekpiek-kpɔ ku eziŋi tempul, onu ogonu kini mbresi, Onyi ɔwuɔ agabak ku ɔnyɔŋ okpɨno-obod omu eku Olive ovid ɔgɔesi ɔbɔŋ agam.
38Ovid-evid ukieki, enwi omu egetei ekpaŋ-utɔŋ enɔ ukpiek-kpɔ onu Jisɔs, esɔ etei edi eziŋi tempul idigei ukpiek-kpɔ izighi.
നിലവിൽ തിരഞ്ഞെടുത്തിരിക്കുന്നു:
Luke 21: ORX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.
Luke 21
21
Enɔ Ufei Ebi-Ukpa
(Mark 12:41-44)
1Sughu Jisɔs ma mbed izighi ezug etei ku eziŋi tempul, Jisɔs azuan onji ose ɔnɔŋ ogid ima onji-kpɔ sughu edɔŋ enɔ emu ku ukie ubɔghɔ enɔ.
2Jisɔs ogid ufei ebi-ukpa ki sughu azaŋa odi. Onyi odio nniŋke ŋkip ɔkuk iba omu numa ewuɔ ŋkie sugi.
3Jisɔs ɔdɔghɔ mbed izighi ogu, “Ku akpanikwɔ, ndɔghɔ evu ku ufei ebi-ukpa omu odio enɔ omu onji uluh oke ovid su enwi ima ogu enɔ;
4sia ovid ima onji kpɔ onu, ezighi uyo ntiti ku otu awak-iwak unji emu ededio enɔ Abazi, onu ufei ebi-ukpa omu, ku ufei izighi, ebei ovid-evid su onyi emede odu uwem ɔnɔ Abazi.”
Idiɔŋɔ Utid Esi
(Mattiu 24:1,2; Mark 13:1,2)
5Ku onu ama egefei, ndizuk mbed onu Jisɔs etɔŋɔ idizughu ibaŋa tempul. Egu, “Seh ijeŋ-ijeŋ ntighe tempul ma ima idighe enɔ omu enwi enɔ ede ene onyi ejei.”
6Onu Jisɔs ɔdɔghɔ emu ogu, “Yak ndɔghɔ evu mkpɔ gi mbaŋa ima kpɔ omu evu egid-em, ima use mɔkodi omu ovid uvɔk omu ma ntɨghe-m edigɨba ibɨno ku izɔŋ.”
7Mbed onu Jisɔs ebid onyi, “Ɔfɔŋ, ini onuŋ ku ima kpɔ omu oditɨbe? Nzi odinu idiɔŋɔ omu odibak kini ima kpɔ omu oditɨbe?”
8Onu Jisɔs ɔdɔghɔ emu ogu: “Ekpɨme, onwi sugi udubiaŋa evu kini omu ini onu odidi. Sia kini onji-onji enwi ma ezu-nzu enɔ evu ku emu ide ulu omi ide ine ima utɨbe-kpɔ. Emu ma ezu-nzu ku emu enu Mezaya, ma enɔŋ edɔghɔ ku utid oduobod okpɨne, onu ekunim emu ku akpanikwɔ-ou.”
9Onu kini evu egei ebaŋa ima uduŋ omu enwɨna ukiɔ, ma enwi omu ekai utɔŋ ma ugra uduŋ emu, eguyak ubɨghe ɔmuɔ evu-ou. Sia imakpɔm ma ezaŋanji etibe kaŋa onu utid oduobod eze ewra edio-u.
10Ene, Jisɔs ŋgo ɔnɔŋ ɔsɔ ɔdɔghɔ ogu, “Uduŋ ima Gentile gi ma elagha ela ukiɔ ma onuŋ uduŋ, ima ifɔŋ ma ima ukiɔ emu ma elagha ela ukiɔ ma onuŋ ifɔŋ ma ukiɔ emu.
11Ima itu-itu unjeŋ-izɔŋ ma abak, enwi ma elɔŋɔ mbiɔŋ ekpaŋa, ima ndiɔk ulɔŋɔ mebak ku ovid oduobod. Ma ovidevid ndiɔk onyi-ndek idiɔŋɔ ma utɨbe-kpɔ omu odinji enwi utɨŋe ma abak ku heaven omu odiwuɔ ku utid oduobod okpɨne.
12Onu kpaŋa ima kpɔ onu otɨbe, ima ezughe evu ma emuɔ ndizuk evu elagha ene evu kpɔ ku ukpak. Emu ma edu evu ndidu ku synagogue, ma edio evu ku uvɔk-mkpɔkɨbɔ. Ma ebei evu edi gu onji onu ima ifɔŋ ma ima aga ugra, eyak evu enɔ ima ede odighi ku synagogue, ku ntak omu evu enu mbed omi.
13Onu mkpɔm ma eliek onu uvaŋ ɔnɔ evu ididɔghɔ emu ibaŋa Ugra Abazi.
14Eku zaŋa-zaŋa-onji ufina ile ubaŋa su evu edizughu idine emu enyime ku evu milei-ou;
15Omi ma nnɔ evu mvuvak idivak su evu edizughu. Su onwi sugi ku otu ima onu edu evu nsiŋi elagha ekɨbɔ evu onu numa edikime ididɔghɔ ku evu ezu-nzu.
16Ile ima eti ma eke evu, ma njuga, ima mme evu ma nzizaŋ evu metap evu enɔ ima ugra; ndien ima ugra-n ma enɔŋ ewuh ndizuk evu.
17Ovid udid enwi ma ezughe evu ku ntak omu evu enu mbed omi.
18Onu Abazi ma anyiaŋa evu ozighi ku nzi-nzi nzɨbo.
19Onugu evu ediyɔ utɔ ituitu ini onu numa iza mbuɔd-ile evu ku omi iyak, Abazi ma ɔnɔ ukpɔŋ evu nzi-nzi uwem.”
Nzɨbo Jeruzelem
(Mattiu 24:15-28; Mark 13:14-23)
20Jisɔs aganji, kini evu egid ima ukiɔ sughu egan uduŋ Jeruzelem ekuk, anasu evu evag ku emu ma ewra ezɨbo onyi ezighi fab-fab.
21Ene yak ima omu edɔŋɔ ku uduŋ Judea ebiak enyɔŋ ikpɨno obod utuk ku ede ewuh emu. Yak ima omu edɔŋɔ ku uvɔd izɔŋ uduŋ Jeruzelem ewra-ewra ewuɔŋɔ, ma ima omu edɔŋɔ ku ɔvɔghɔ uduŋ omu ala okpɨne ugusɔ uluk udi ɔvɔghɔ uduŋ-ou.
22Sia kini omu, Abazi ma ɔnɔ enwi Jeruzelem uven. Uven omu ene ɔwuɔ ozu ovid su ima prɔved egezughu elagha ewid ku ŋwid Abazi.
23Odinu otuitu kpɔ inɔ mmani omu ezaŋa ma udib, ma ima eke omu ega eyo ku ubɔk ku use onu! Ku onu okpɨno nnan-onji ma abak ku izɔŋ, uje-ogid Abazi ma oduh ima enwi ku ile.
24Ima ukiɔ ma ewod ndizuk emu ku ofid, menɔŋ etaŋ ndizuk emu enyɔŋ su ivɔn ukiɔ ku ima nzighi-nzighi ulid. Ene ima Gentile menɔŋ enuaŋ elagha evi enwi Jeruzelem tutu ini omu Abazi onim ɔnɔ ima Gentile idigra odisu.
Odidi Oyo-Onwi
(Mattiu 24:29-31; Mark 13:24-27)
25Kini ima kpɔ omu ama egefei, nyɔ-nyɔ idiɔŋɔ ma utɨbe-kpɔ ma ede utei ku utɨn ma ku afiaŋ ma ku ntanta-afiaŋ; idine evag ku utid oduobod okpɨne. Enwi ima Gentile ma eniŋenji ebak ku nta-ile ma ndutɨmere ku ntak okpɨno uyom awawa itabri-inyiaŋ ma ulagha-akpa.
26Enwi ma ebak ku ubɨghe tutu emu ezzɔuh, sia enwi ediga nzize ku ubɔk ibaŋa udiɔk ŋkpɔ-ntɨbe omu odide oduobod. Abazi ma enyiŋe nta-nta afiaŋ ma ima ikpɨghe oduobod ku ikpe-ɔnyɔŋ.
27Kini onu, ovid enwi ku ovid ubi emu ma egid mi, Oyo Onwi, sughu ntɨghe ku ikpe-ɔnyɔŋ ndi ma ulu ma okpɨno unyima ufɔŋ omi.
28Onu kini ima kpɔ omu ɔtɔŋɔ iditɨbe, etuakela ukuko ma uduonji enɔŋ ebei ubughu evu ku ɔnyɔŋ, sia Abazi ma awra avak evu ozighi ku uven.
Ukeh Omu Abaŋa Etuh Fig
(Mattiu 24:32-35; Mark 13:28-31)
29Ene, Jisɔs otu ukeh ɔnɔ emu idizughu ibaŋa utid esi, “Ese su otɨbe ɔnɔ etuh fig#21:29 Etu mvri omu ɔyɔk uduŋ Israel, ma ovid-evid ima etu.
30Kini mvaŋ ɔtɔŋɔ-tɔŋɔ iditib ku ŋkɔk emu, evu mevak ku ile evu ku akaŋ ɔkɔuw.
31Ku utɔ odighi onu ŋgo, kini evu egid ima kpɔ ubighe-m sugu otɨbe, evag ku Ugra Abazi okpɨne.
32Nzughu akpanikwɔ nnɔ evu, ku ndizuk enwi omu ebak ku uwem ulagham kuma edikpa-ou tutu ovid ima kpɔ omu otɨbe.
33Use gi, ɔnyɔŋ ma izɔŋ ma efei, onu nsiŋi omi ku odighi sugi editre idiwuɔ izu-ou.”
Bak ku Mbeŋile Ovid-evid Ini Bi Jisɔs.
(Mattiu 24:36-44; Mark 13:32-37)
34Onu evag sughu edu-uwem, egubiad ini evu idilie inem uwem oduobod, ilagha ikpa-mmi, ma idifɨna ile ibaŋa mfina ku uwem evu. Numenu zon, evu edibak ku mbeŋile ibi odidi omi-ou sia use onu odibei evu mbuad su efie-ukwak omu amgbmayn una.
35Use onu odidi su efie inɔ ovid enwi omu ebak ku ovid oduobod.
36“Bak ku ukpɨme fabfab ini! Bɔŋ agam ovid-evid ini, yak Abazi ene evu ezaŋa efei ifre-ifre ku ovid ndiɔk-kpɔ omu oditibe, ilagha izaŋa idra-idra edibɨne mi Oyo Onwi ku use ikpe.”
37Ovid use Jisɔs ekpiek-kpɔ ku eziŋi tempul, onu ogonu kini mbresi, Onyi ɔwuɔ agabak ku ɔnyɔŋ okpɨno-obod omu eku Olive ovid ɔgɔesi ɔbɔŋ agam.
38Ovid-evid ukieki, enwi omu egetei ekpaŋ-utɔŋ enɔ ukpiek-kpɔ onu Jisɔs, esɔ etei edi eziŋi tempul idigei ukpiek-kpɔ izighi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.