Luke 19
19
Jisɔs Ɔluk Uvɔk Onu Zacchaeus Ɔbɔghɔ-utip
1Ku onu amagefei, Jisɔs ma mbed izighi egezim uduŋ Jericho ezaŋa efei.
2Onji onwi omu egegre Zacchaeus omu agabak ku uduŋ-on. Onyi ogonu okpɨno-onwi onu ima ɔbɔghɔ-utip, alagha onu onji kpɔ onwi.
3Onyi ɔgɔluŋɔ idivak nzutɔ onwi omu Jisɔs onu, onu eekɨme-ou ku ntak otu enwi, sia onyi ogonu ukpok ku ulagha.
4Ene, Zacchaeus abiak efei otu-enwi, ɔnɔŋ aga oniŋi ɔnyɔŋ etu man onyi edegid Jisɔs, sia ku onyi odizaŋa odighi ŋgaŋ onu ifei.
5Onu kini Jisɔs odizɨm ufine onu Zacchaeus oduh-on, Onyi adagha onji ogid onyi, ɔdɔghɔ onyi, “Zacchaeus, wura-wura tɨghe di, ku ndi okie nnɔ vi ɔgɔesi-em.”
6Ene Zacchaeus awra ɔnɔŋ etɨghe odi, ɔnɔŋ ebei Jisɔs aga uvɔk izighi ma uni-ogid.
7Onu kini enwi omu egebɨno non egid sughu Jisɔs aga uvɔk onu Zacchaeus, ovid emu etɔŋɔ idigɔn ogu, “Onyi aga okih ku uvɔk onwi omu onu ene-udiɔk-kpɔ.”
8Ku uyo ini kpa ku use onu, Zacchaeus alagha ɔdɔghɔ Ɔfɔŋ Jisɔs ogu, “Mbɔk kei su ndi-nzughu, Ɔfɔŋ, ŋwɔŋɔ idibaghade ŋgaŋ gi unji omi nnɔ ima ufei, ŋgo enwi omu ŋgumbɔghɔ emu utip ŋwak ŋke sughu mmuŋgu mbɔghɔ, ma nsɔ mgbei uzɔ nnɔ ku utei iniaŋ.”
9Ene Jisɔs ɔdɔghɔ onyi, “Mvɨn-em, Abazi onu anyiŋ-inyiaŋa ɔnɔ vi ma uvɔk ovu, ozighi vi ku uven udiɔk kpɔ, sia ku ovu ŋgo onu oyo ku uvɔk onu Abraham;
10ku omi, Oyo Onwi ŋgundi izɔŋ idiluŋɔ enwi omu ekieŋe ilagha isɔ inyiaŋa emu izighi ku uven udiɔk-kpɔ emu.”
Ukeh Ŋkip Ɔkuk Gold
11Kini otu-enwi ezughu ekpaŋ-utɔŋ enɔ su Jisɔs ozughu, Onyi otuh onuŋ ukeh ɔnɔ emu ogu, “sia gu emu egekpɨne idizim uduŋ Jeruzelem, enwi ŋgo elagha egre ku Ugra Abazi oditɔŋɔ ku ulu-ulu onu Jisɔs ɔluk Jeruzelem.”
12Jisɔs ɔdɔghɔ emu, “Onwi okpɨno-ulagha gi ku ubon omu ɔwuɔ etuh agaga ɔnjiɔŋ-odighi ulid, idigibɔghɔ ulu isi aga ugra ididinu ɔfɔŋ ku ikpɨghe uduŋ izighi. Kini imu ibɔghɔ ulu-on, emu misɔ-inyɔŋ idi uduŋ emu idigra.
13Onyi okuh eyo-uvɔk izighi lughu ote ku izɔŋ kpaŋa alagha, ɔnɔ emu ŋkip ɔkuk gold#19:13 Ukip gold ki ogonu ɔkuk omu ede ekpei onwi uto use ikie. ki-ki ku-onwi. Onyi ɔdɔghɔ emu, ‘ebei ɔkuk omu edio ku mbubɨne enɔ mi tutu nyɔŋ-ndi.’
14Onu ndizuk enwi uduŋ izighi egezughe-zughe onyi, kini omu onyi alagha, emu nedɔŋ nzuŋ-uto ega ebɨne aga-ugra adai-adai egedɔghɔ, ‘enyin iluŋɔ onwi omu onu ɔfɔŋ enyin-ou.’
15Onu aga-ugra ogosuk ene onyi ɔfɔŋ. Nonu kini omu onyi ɔsɔ ɔnyɔŋ-ɔdi, ku ama-ɔgɔbɔghɔ ufɔŋ, onyi okuh eyo-uvɔk omu onyi ɔgɔnɔ ɔkuk edebin mbubɨne-n edi ebine onyi. Onyi ɔgɔluŋɔ idivak ulagha ɔkuk ivaŋ omu onwi gi-gi onji ku udu mbubɨne izighi.
16Akpa-onwi odidɔghɔ onyi, ‘Ɔfɔŋ, nsɔ nji ŋkip ɔkuk gold lughu ku uduh ndian ku onyi onu ovu ɔgɔnɔ mi-en.’
17Ɔfɔŋ ɔdɔghɔ onyi ogu, ‘Ene ejei! Ovu onu edɨghe oyo-uvɔk; sia ku ovu egene akpanikwɔ ku ata uyo-kpɔ ɔnɔ mi, nnɔ vi ulu idigra uduŋ lughu.’
18Ɔyɔghɔ onwi iba odidɔghɔ onyi, ‘Ɔfɔŋ, omi nsɔ nji ŋkip gold itɨŋ ku uduh ndian ma onyi onu ɔgɔnɔ mi-en.’
19Ɔfɔŋ ɔdɔghɔ onyi, ‘Nnɔ vi ulu idigra ku uduŋ itɨŋ.’
20Ɔyɔghɔ oyo-uvɔk ite odidɔghɔ onyi ogu, ‘Ɔfɔŋ, seh ŋkip gold ovu mu. Ŋgu ŋwaŋ onyi ku use nlib nnim ku edighe ubi.
21Ŋgu nne zon sia ŋgu-nji ubighe mbaŋa vi sia ku ovu onu otu-itu onwi. Ovu etei ɔbɔghɔ enwi ɔkuk omu numa unwina-wina, ɔnɔŋ etei ɔbɔu ku ukɔ omu numa ugutɔ.’
22Nonu ku ɔfɔŋ ɔbrɔ onyi, ‘Ndinde inue ovu mbɨere ikpe nnɔ vi, ovu onu oyo-uvɔk omu otid-etid utɔŋ! Ovu ozughu avak ku omi nnu otu-itu onwi omu ntei ɔbɔghɔ enwi ɔkuk omu numa aŋganwɨna-wɨna nlagha mbɔu ku ukɔ omu numa-ɔngɔntɔ.
23Onogu onu zon, nzizu egene vi numu ugubei ɔkuk ɔmi ugudio ku ubi unim ɔkuk, edenu kini omi nyɔŋ-ndi, omi ndi-mbɔghɔ ɔkuk ɔmi-en ma uduh?’
24Nonu ku ɔfɔŋ ɔdɔghɔ ima onu egela nu-onu, ‘ebɔghɔ onyi ukip ɔkuk gold onu ebei enɔ oyo-uvɔk onu onji ŋkip gold lughu-on.’
25Onu enwi omu egebɨno-on edɔghɔ onyi, ‘Ɔfɔŋ, onu oyo-uvɔk onyiem onji-onji ŋkip gold lughu-ou.’
26Nonu ku ɔfɔŋ ɔbrɔ emu, Ndɔghɔ evu ku onwi omu ene akpan-ikwɔ mesɔ enɔ onyi awak-iwak edian. Onu onwi omu numene akpanikwɔ, ile uyo onu onyi ogonji mebɔghɔ onyi enɔ onuŋ onwi.
27Munu ima ezughe mi onu nume egeluŋɔ mi nnu ɔfɔŋ emu-on, kon emu di mom lagha wod emu ku onji omi.”
Jisɔs Ɔluk Uduŋ Jeruzelem Su Ɔfɔŋ
(Mattiu 21:1-11; Mark 11:1-11; Jɔhn 12:12-19)
28Ku Ini Jisɔs ama-ogozughu ovid kpɔ omu ugre, Onyi efei aga uduŋ Jeruzelem ma mbed izighi.
29Sughu emu ezaŋa ekpɨne ima uduŋ Bethphage ma Bethany omu ela ekpɨne obod Olive, Jisɔs ozighi mbed izighi iba ɔdɔŋ ogu efei onyi onji ezaŋa,
30kini omu Jisɔs ɔdizuŋɔ emu idɔŋ, onyi ɔdɔghɔ emu, “Egeluk uduŋ onu ala uzughu-uzughu ma evu-onu, kuma egid uyo anaŋ-ubei-onwi sughu oyiri nonu. Egenene onwi sugi etei ku onyi-ou. Etra onyi ebei ezɔk mi.
31Onogu onwi sugi obid evu ogu, ‘Setra anaŋ onu ega nzi?’ Ebrɔ onyi ogu, ‘Ɔfɔŋ ku ɔluŋɔ onyi.’”
32Ene, ima onu elagha eluk uduŋ-on enɔŋ egegid onyi kpa sughu onyi ogozughu ɔnɔ emu.
33Onu sughu ima mbed etra uyo anaŋ-ubei-onwien, ima onji-inji izighi ebid emu “Setra anaŋ onu ega nzi?”
34Emu ebrɔ emu, “Ɔfɔŋ ɔluŋɔ onyi.”
35Ene mbed ede uyo anaŋ onu ezɔk Jisɔs. Emu ebid use emu ku ɔnyɔŋ anaŋ-ubei-onwi-en, enɔŋ ebei Jisɔs edu.
36Sughu Jisɔs ewueh ku anaŋ onu aga, enwi ebid use emu ku ɔkpɔ-odighi idikpono onyi.
37Ku ini Jisɔs ma otu-enwi ezaŋa egezim kpughu odighi etighe aga Obod Olive omu edezim uduŋ Jeruzelem, ovid otu mbed izighi etɔŋɔ idikpɔk ukpeguŋ ikwɔ idra itro Abazi ku otu-itu usi ibaŋa ovid-evid ima utɨbe-kpɔ omu emu egid Jisɔs ene,
38egu, “Ɔfɔfɔ ɔnɔ onyi omu odisu Ɔfɔŋ ma ulu Abazi! Yak Abazi onji emem ku heaven, ufɔŋ onji Abazi ku ata ɔnyɔŋ!”
39Ndizuk ima Farisi omu edɔŋɔ ku otu enwi-en edɔghɔ Jisɔs, “Ɔfɔŋ, dɔghɔ mbed ovu etre kpɔmu emu ezughu-om.”
40Onu Jisɔs ɔbrɔ emu ogu, “Ami nzughu akpan-ikwɔ nnɔ evu ŋgu, onogu ima omu etre idikwɔ itro-m, nteghe-m metɔŋɔ idikwɔ itrɔ”.
Jisɔs Efei Abaŋa Jeruzelem
41Sughu onyi enɨŋenji okpɨne ɔnɔŋ alagid uduŋ Jeruzelem, onyi ɔtɔŋɔ idifei esi ibaŋa onyi ma enwi omu edɔŋɔ ku onyi.
42Jisɔs ogu, “Ou, Jeruzelem, onogu enwi evu emegap evag mvin-em ku ede emem ezɔk evu! Onu tutu makom evu igɔd ivak-ou.
43Sia gu ini mfɨna madi obine evu. Onu ku ima ini-en, ima ezughe evu mefuɔ ɔkɔ-utighe egan evu eguk, emu meguk evu edɔŋ. Ene emu mevi evu ku ovid-evid odighi.
44Emu megab uduŋ evu ebɨno ku izɔŋ elagha ewod ovid evu etim edian ku izɔŋ. Emu megab ovid uvɔk evu ebɨno ku izɔŋ. Mkpɔ omu oditɨbe inɔ evu ku ntak omu evu numa igivak ini omu Abazi odi idinyiaŋa evu-ou.”
Jisɔs Obɨne Ima Enjie-kpɔ Ku Tempul Ɔzuŋɔ
(Mattiu 21:12-17; Mark 11:15-19; Jɔhn 2:12-25)
45Ene Jisɔs agazim Jeruzelem ɔluk aga eziŋi tempul. Ɔtɔŋɔ idibɨne ima enjie-kpɔ izuŋɔ,
46Jisɔs ɔdɔghɔ emu, “Egewid ku ŋwid Abazi ogu, ‘Tempul omi odinu uzughu omu enwi edebɔŋ agam enɔ mi.’” Onu evu ene onyi alagha su uduŋ onu ima ifɔŋ ŋwo.
47Ku onyienu amagegre, Jisɔs ekpiek enwi kpɔ ovid-evid use ku eziŋi tempul. Onu ima ifɔŋ ikɔuw, ima ekpiek-ibed onu Mozes, ma ima omu enu ima edenwi odighi ku Jew, eluŋɔ odighi idiwu Onyi.
48Sughu ŋkpɔ ɔsɔ ala, emu egɔd egid odighi omu emu ekɨme idine-ou sia ovid enwi egetei enɔ onyi okpɨno ŋkpaŋ-utɔŋ ma mbeŋile idigei su onyi ekpiek.
നിലവിൽ തിരഞ്ഞെടുത്തിരിക്കുന്നു:
Luke 19: ORX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.
Luke 19
19
Jisɔs Ɔluk Uvɔk Onu Zacchaeus Ɔbɔghɔ-utip
1Ku onu amagefei, Jisɔs ma mbed izighi egezim uduŋ Jericho ezaŋa efei.
2Onji onwi omu egegre Zacchaeus omu agabak ku uduŋ-on. Onyi ogonu okpɨno-onwi onu ima ɔbɔghɔ-utip, alagha onu onji kpɔ onwi.
3Onyi ɔgɔluŋɔ idivak nzutɔ onwi omu Jisɔs onu, onu eekɨme-ou ku ntak otu enwi, sia onyi ogonu ukpok ku ulagha.
4Ene, Zacchaeus abiak efei otu-enwi, ɔnɔŋ aga oniŋi ɔnyɔŋ etu man onyi edegid Jisɔs, sia ku onyi odizaŋa odighi ŋgaŋ onu ifei.
5Onu kini Jisɔs odizɨm ufine onu Zacchaeus oduh-on, Onyi adagha onji ogid onyi, ɔdɔghɔ onyi, “Zacchaeus, wura-wura tɨghe di, ku ndi okie nnɔ vi ɔgɔesi-em.”
6Ene Zacchaeus awra ɔnɔŋ etɨghe odi, ɔnɔŋ ebei Jisɔs aga uvɔk izighi ma uni-ogid.
7Onu kini enwi omu egebɨno non egid sughu Jisɔs aga uvɔk onu Zacchaeus, ovid emu etɔŋɔ idigɔn ogu, “Onyi aga okih ku uvɔk onwi omu onu ene-udiɔk-kpɔ.”
8Ku uyo ini kpa ku use onu, Zacchaeus alagha ɔdɔghɔ Ɔfɔŋ Jisɔs ogu, “Mbɔk kei su ndi-nzughu, Ɔfɔŋ, ŋwɔŋɔ idibaghade ŋgaŋ gi unji omi nnɔ ima ufei, ŋgo enwi omu ŋgumbɔghɔ emu utip ŋwak ŋke sughu mmuŋgu mbɔghɔ, ma nsɔ mgbei uzɔ nnɔ ku utei iniaŋ.”
9Ene Jisɔs ɔdɔghɔ onyi, “Mvɨn-em, Abazi onu anyiŋ-inyiaŋa ɔnɔ vi ma uvɔk ovu, ozighi vi ku uven udiɔk kpɔ, sia ku ovu ŋgo onu oyo ku uvɔk onu Abraham;
10ku omi, Oyo Onwi ŋgundi izɔŋ idiluŋɔ enwi omu ekieŋe ilagha isɔ inyiaŋa emu izighi ku uven udiɔk-kpɔ emu.”
Ukeh Ŋkip Ɔkuk Gold
11Kini otu-enwi ezughu ekpaŋ-utɔŋ enɔ su Jisɔs ozughu, Onyi otuh onuŋ ukeh ɔnɔ emu ogu, “sia gu emu egekpɨne idizim uduŋ Jeruzelem, enwi ŋgo elagha egre ku Ugra Abazi oditɔŋɔ ku ulu-ulu onu Jisɔs ɔluk Jeruzelem.”
12Jisɔs ɔdɔghɔ emu, “Onwi okpɨno-ulagha gi ku ubon omu ɔwuɔ etuh agaga ɔnjiɔŋ-odighi ulid, idigibɔghɔ ulu isi aga ugra ididinu ɔfɔŋ ku ikpɨghe uduŋ izighi. Kini imu ibɔghɔ ulu-on, emu misɔ-inyɔŋ idi uduŋ emu idigra.
13Onyi okuh eyo-uvɔk izighi lughu ote ku izɔŋ kpaŋa alagha, ɔnɔ emu ŋkip ɔkuk gold#19:13 Ukip gold ki ogonu ɔkuk omu ede ekpei onwi uto use ikie. ki-ki ku-onwi. Onyi ɔdɔghɔ emu, ‘ebei ɔkuk omu edio ku mbubɨne enɔ mi tutu nyɔŋ-ndi.’
14Onu ndizuk enwi uduŋ izighi egezughe-zughe onyi, kini omu onyi alagha, emu nedɔŋ nzuŋ-uto ega ebɨne aga-ugra adai-adai egedɔghɔ, ‘enyin iluŋɔ onwi omu onu ɔfɔŋ enyin-ou.’
15Onu aga-ugra ogosuk ene onyi ɔfɔŋ. Nonu kini omu onyi ɔsɔ ɔnyɔŋ-ɔdi, ku ama-ɔgɔbɔghɔ ufɔŋ, onyi okuh eyo-uvɔk omu onyi ɔgɔnɔ ɔkuk edebin mbubɨne-n edi ebine onyi. Onyi ɔgɔluŋɔ idivak ulagha ɔkuk ivaŋ omu onwi gi-gi onji ku udu mbubɨne izighi.
16Akpa-onwi odidɔghɔ onyi, ‘Ɔfɔŋ, nsɔ nji ŋkip ɔkuk gold lughu ku uduh ndian ku onyi onu ovu ɔgɔnɔ mi-en.’
17Ɔfɔŋ ɔdɔghɔ onyi ogu, ‘Ene ejei! Ovu onu edɨghe oyo-uvɔk; sia ku ovu egene akpanikwɔ ku ata uyo-kpɔ ɔnɔ mi, nnɔ vi ulu idigra uduŋ lughu.’
18Ɔyɔghɔ onwi iba odidɔghɔ onyi, ‘Ɔfɔŋ, omi nsɔ nji ŋkip gold itɨŋ ku uduh ndian ma onyi onu ɔgɔnɔ mi-en.’
19Ɔfɔŋ ɔdɔghɔ onyi, ‘Nnɔ vi ulu idigra ku uduŋ itɨŋ.’
20Ɔyɔghɔ oyo-uvɔk ite odidɔghɔ onyi ogu, ‘Ɔfɔŋ, seh ŋkip gold ovu mu. Ŋgu ŋwaŋ onyi ku use nlib nnim ku edighe ubi.
21Ŋgu nne zon sia ŋgu-nji ubighe mbaŋa vi sia ku ovu onu otu-itu onwi. Ovu etei ɔbɔghɔ enwi ɔkuk omu numa unwina-wina, ɔnɔŋ etei ɔbɔu ku ukɔ omu numa ugutɔ.’
22Nonu ku ɔfɔŋ ɔbrɔ onyi, ‘Ndinde inue ovu mbɨere ikpe nnɔ vi, ovu onu oyo-uvɔk omu otid-etid utɔŋ! Ovu ozughu avak ku omi nnu otu-itu onwi omu ntei ɔbɔghɔ enwi ɔkuk omu numa aŋganwɨna-wɨna nlagha mbɔu ku ukɔ omu numa-ɔngɔntɔ.
23Onogu onu zon, nzizu egene vi numu ugubei ɔkuk ɔmi ugudio ku ubi unim ɔkuk, edenu kini omi nyɔŋ-ndi, omi ndi-mbɔghɔ ɔkuk ɔmi-en ma uduh?’
24Nonu ku ɔfɔŋ ɔdɔghɔ ima onu egela nu-onu, ‘ebɔghɔ onyi ukip ɔkuk gold onu ebei enɔ oyo-uvɔk onu onji ŋkip gold lughu-on.’
25Onu enwi omu egebɨno-on edɔghɔ onyi, ‘Ɔfɔŋ, onu oyo-uvɔk onyiem onji-onji ŋkip gold lughu-ou.’
26Nonu ku ɔfɔŋ ɔbrɔ emu, Ndɔghɔ evu ku onwi omu ene akpan-ikwɔ mesɔ enɔ onyi awak-iwak edian. Onu onwi omu numene akpanikwɔ, ile uyo onu onyi ogonji mebɔghɔ onyi enɔ onuŋ onwi.
27Munu ima ezughe mi onu nume egeluŋɔ mi nnu ɔfɔŋ emu-on, kon emu di mom lagha wod emu ku onji omi.”
Jisɔs Ɔluk Uduŋ Jeruzelem Su Ɔfɔŋ
(Mattiu 21:1-11; Mark 11:1-11; Jɔhn 12:12-19)
28Ku Ini Jisɔs ama-ogozughu ovid kpɔ omu ugre, Onyi efei aga uduŋ Jeruzelem ma mbed izighi.
29Sughu emu ezaŋa ekpɨne ima uduŋ Bethphage ma Bethany omu ela ekpɨne obod Olive, Jisɔs ozighi mbed izighi iba ɔdɔŋ ogu efei onyi onji ezaŋa,
30kini omu Jisɔs ɔdizuŋɔ emu idɔŋ, onyi ɔdɔghɔ emu, “Egeluk uduŋ onu ala uzughu-uzughu ma evu-onu, kuma egid uyo anaŋ-ubei-onwi sughu oyiri nonu. Egenene onwi sugi etei ku onyi-ou. Etra onyi ebei ezɔk mi.
31Onogu onwi sugi obid evu ogu, ‘Setra anaŋ onu ega nzi?’ Ebrɔ onyi ogu, ‘Ɔfɔŋ ku ɔluŋɔ onyi.’”
32Ene, ima onu elagha eluk uduŋ-on enɔŋ egegid onyi kpa sughu onyi ogozughu ɔnɔ emu.
33Onu sughu ima mbed etra uyo anaŋ-ubei-onwien, ima onji-inji izighi ebid emu “Setra anaŋ onu ega nzi?”
34Emu ebrɔ emu, “Ɔfɔŋ ɔluŋɔ onyi.”
35Ene mbed ede uyo anaŋ onu ezɔk Jisɔs. Emu ebid use emu ku ɔnyɔŋ anaŋ-ubei-onwi-en, enɔŋ ebei Jisɔs edu.
36Sughu Jisɔs ewueh ku anaŋ onu aga, enwi ebid use emu ku ɔkpɔ-odighi idikpono onyi.
37Ku ini Jisɔs ma otu-enwi ezaŋa egezim kpughu odighi etighe aga Obod Olive omu edezim uduŋ Jeruzelem, ovid otu mbed izighi etɔŋɔ idikpɔk ukpeguŋ ikwɔ idra itro Abazi ku otu-itu usi ibaŋa ovid-evid ima utɨbe-kpɔ omu emu egid Jisɔs ene,
38egu, “Ɔfɔfɔ ɔnɔ onyi omu odisu Ɔfɔŋ ma ulu Abazi! Yak Abazi onji emem ku heaven, ufɔŋ onji Abazi ku ata ɔnyɔŋ!”
39Ndizuk ima Farisi omu edɔŋɔ ku otu enwi-en edɔghɔ Jisɔs, “Ɔfɔŋ, dɔghɔ mbed ovu etre kpɔmu emu ezughu-om.”
40Onu Jisɔs ɔbrɔ emu ogu, “Ami nzughu akpan-ikwɔ nnɔ evu ŋgu, onogu ima omu etre idikwɔ itro-m, nteghe-m metɔŋɔ idikwɔ itrɔ”.
Jisɔs Efei Abaŋa Jeruzelem
41Sughu onyi enɨŋenji okpɨne ɔnɔŋ alagid uduŋ Jeruzelem, onyi ɔtɔŋɔ idifei esi ibaŋa onyi ma enwi omu edɔŋɔ ku onyi.
42Jisɔs ogu, “Ou, Jeruzelem, onogu enwi evu emegap evag mvin-em ku ede emem ezɔk evu! Onu tutu makom evu igɔd ivak-ou.
43Sia gu ini mfɨna madi obine evu. Onu ku ima ini-en, ima ezughe evu mefuɔ ɔkɔ-utighe egan evu eguk, emu meguk evu edɔŋ. Ene emu mevi evu ku ovid-evid odighi.
44Emu megab uduŋ evu ebɨno ku izɔŋ elagha ewod ovid evu etim edian ku izɔŋ. Emu megab ovid uvɔk evu ebɨno ku izɔŋ. Mkpɔ omu oditɨbe inɔ evu ku ntak omu evu numa igivak ini omu Abazi odi idinyiaŋa evu-ou.”
Jisɔs Obɨne Ima Enjie-kpɔ Ku Tempul Ɔzuŋɔ
(Mattiu 21:12-17; Mark 11:15-19; Jɔhn 2:12-25)
45Ene Jisɔs agazim Jeruzelem ɔluk aga eziŋi tempul. Ɔtɔŋɔ idibɨne ima enjie-kpɔ izuŋɔ,
46Jisɔs ɔdɔghɔ emu, “Egewid ku ŋwid Abazi ogu, ‘Tempul omi odinu uzughu omu enwi edebɔŋ agam enɔ mi.’” Onu evu ene onyi alagha su uduŋ onu ima ifɔŋ ŋwo.
47Ku onyienu amagegre, Jisɔs ekpiek enwi kpɔ ovid-evid use ku eziŋi tempul. Onu ima ifɔŋ ikɔuw, ima ekpiek-ibed onu Mozes, ma ima omu enu ima edenwi odighi ku Jew, eluŋɔ odighi idiwu Onyi.
48Sughu ŋkpɔ ɔsɔ ala, emu egɔd egid odighi omu emu ekɨme idine-ou sia ovid enwi egetei enɔ onyi okpɨno ŋkpaŋ-utɔŋ ma mbeŋile idigei su onyi ekpiek.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.