Luke 17
17
Mbuɔdile Ma Uto
(Mattiu 18:6,7; Mark 9:42)
1Ene, Jisɔs ɔdɔghɔ mbed izighi ogu, “Idɨme ozughu odibak-abak omu odine enwi edughɔ ku udiɔk, etid utɔŋ ma Abazi, onu su odidiɔk dighi ma onwi omu odinu ŋkpɔ idɨme inɔ enwi ededughɔ eluk ku udiɔk-kpɔ!
2Ɔmɔfɔ ma onyi onogu emebei okpɨno utɨghe ugɔk-kpɔ ekiɔ onyi ku utɔŋ, enɔŋ ebei onyi etuu edio ku itabri-inyaŋ, oke onyi imidine onwi omu numenji su elei, ku otu omu ɔdughɔ.
3Ekpɨme ile evu sughu evu edu uwem. Onogu oyo-eke evu ku Abazi elei evu, ezughe nɔ onyi; onogu onyi efei mkpeviɔk, elagha enɔ onyi.
4Onu onogu onwi omu avak Abazi elei vi ɔkpɔ-tɨŋaba ku use gi, ene, ɔnɔŋ ɔsɔ odi ɔkpɔ-tɨŋaba ku use gi onu, odidɔghɔ vi ogu, ‘Ami mfei mkpeviɔk,’ anasu ovu alagha ɔnɔ onyi.”
5Onu ima apɔsul edɔghɔ Ɔfɔŋ Jisɔs, ogu, “Nwam enyin itam-atam inji mbuɔd-ile ku Abazi.”
6Ene Jisɔs ɔdɔghɔ ogu, “Onogu evu emenji uyo ntiti mbuɔd-ile omu ku Abazi, omu alasu ukɨp ntiyuŋ, evu emekɨme idinɔ okpɨno atak ukim omu usi ogu, ‘Di momu ma ɔliɔŋ nɔŋ ga wughɔ ku inyaŋ,’ ene su evu esughu ɔmɔwuɔ osu.
7Onogu onwi ku otu evu, omu onji oyo-uvɔk omu oti izɔŋ nu-onu okpɨme ɔrɔŋ, ɔnyɔŋ iditi izɔŋ, nu-onu idikpɨme ɔrɔŋ odi, ududɔghɔ onyi kini onyi osi ukɔ odi ogu, ‘di, tei momu liekpɔ.’
8Utuk konu, ovu odigap idɔghɔ oyo-uvɔk ovu ogu, ‘Kpughɔ useh, si ile, ne kpɔ nɔ mi nlie nɔŋ labi mi tutu nlie-kpɔ ŋgre, kpaŋ ovu elie ogovu.
9Kpa ma gonu uzug udu kɔkɔ oyo-uvɔk ovu onu ku ntak omu onyi ene ima ŋkpɔ onu ɔgɔdɔghɔ onyi ene onu-ou.’
10Kpa sonu ku ozug odinu ma evu kini evu egene ovid-evid kpɔ omu eti-uvɔk evu ɔgɔdɔghɔ evu ene egre, evu medɔghɔ, ‘Enyin inu eyo-uvɔk omu numido itro. Enyin inɔŋ ine su ogonu uto enyin idine.’”
Jisɔs Ene Enwi Akpa-Mvia Lughu Eleh
11Ene use gi, sughu Jisɔs azaŋa ma mbed izighi aga uduŋ Jeruzelem, emu ezaŋa efei ku uvɔd uduŋ Samaria ma Galilee.
12Ene sughu emu egeluŋɔ idiluk ɔvɔghɔ uduŋ gi, enwi akpa-mvia lughu ela nsese egid onyi.
13Onu emu ekpɔk ku otuitu usi ogu, “Jisɔs, Ɔfɔŋ enyin, fei enyin isɨghe, lagha kɔk ulɔŋɔ enyin!”
14Jisɔs ose emu ɔnɔŋ ɔdɔghɔ emu ogu, “Ega, egewuɔ ɔkɔuw ile evu, yak ose nu evu eleh.” Onu sughu emu ezaŋa ega idibei ile emu igiwuɔ ɔkɔuw Abazi, onwi ki ku otu emu ogid ku Abazi ɔkɔk imu.
15Onu kini omu onwi ki ku otu emu ogid ku Abazi ɔkɔk imu, onyi ɔsɔdi obine Jisɔs odikpɔk ukpeguŋ idra otro Abazi,
16ini gi-ini gi onyi ɔdughɔ okid onji ku izɔŋ ku ukpono ɔnɔ Jisɔs ekɔ. Onyi ogosi Samaria.
17Jisɔs ɔdɔghɔ enwi omu egebɨno ma onyi, “Enu enwi akpamvia lughu ku ŋgu-ŋkɔk, nzi ene enwi itɨŋ-aniaŋ ogu ugugɔŋ usɔ udi udukɔ Abazi?”
18Onu onwi-eni gi ku otu lughu onu ɔsɔdi oditro Abazi, onu onwi onu enɔŋ eenunu onwi Jew-ou!
19Onu Jisɔs ɔdɔghɔ onyi ogu, “Laghala, nyɔŋ ogovu, ovu ɔbɔghɔ ɔkɔk-ikɔk, sia ovu onji mbuɔd-ile ku omi.”
Odidi Ugra Abazi
20Use ki, ima Farisi ebid Jisɔs, “Nzuse ku ugra Abazi odidi?” Jisɔs ɔbrɔ emu, “Utɨbe-kpɔ ma idiɔŋɔ sugi eedibak omu odiwuɔ ku Ugra Abazi mmɔ odi-odi-ou.
21Enwi eedidɔghɔ ogu, ‘Seh Ugra Abazi mu, nonu seh Ugra Abazi ku!’ Sia ugra Abazi mmɔgu abak-abak momu ma evu.”
22Jisɔs ɔdɔghɔ mbed izighi ogu, “Ima use ma odi kini omu evu ediluŋɔ idigid ki ku otu ima use omu omi Oyo Onwi ndiŋgra su ɔfɔŋ ku ukpɔk use ki, onu evu idigid-ou.
23Onu enwi ma edɔghɔ evu, ‘Seh Mezaya mu, nonu seh Mezaya gu!’ Ekunim emu unɔŋ uwuɔ uga idiluŋɔ-ou.
24Ku onu omi Oyo onwi ma ndi ku odighi omu enwi edigid omu odila su emineŋ-mɨneŋ omu odine ovid ikpe-ɔnyɔŋ ayima kini onyi odidi.
25Onu kpaŋa mkpɔ omu otɨbe, omi ma mbɔghɔ otuitu uven, enwi esi omu ma egɨn mi.
26Tuei su ogotibe ku esi onu Noah kini ogu, kpaŋ mmɔŋ ukwuɔ odi, sughu enwi egedu uwem. Kpa su onu ŋgo ku odinu ku ima use omu omi Oyo Onwi ndisɔ ndi izɔŋ:
27Ku ima use onu, kpaŋ mmɔŋ ukwuɔ ogodi, enwi egelie, enɔŋ enwɔŋ, emu elɔnɔ mmani, enɔŋ etaŋ eyo-mmani emu enɔ ku nlɔ, emu eganji tutu use omu Noah ma uvɔk izighi elagha eluk ubo, egebuk-ɔbuk, mmɔŋ ukwuɔ odi, ɔnɔŋ odizɨbo ovid enwi omu nume egeluk ubo.
28Ku ukem onu, kini ndisɔ ndi, odila sughu ogonu ku esi onu Lot omu agabak ku izɔŋ: Emu elie, emu enwɔŋ, emu eliŋi, emu enyan, emu etɔ kpɔ, emu efuɔ uvɔk;
29onu ku ata use omu Lot ɔgɔwuɔ ku uduŋ Sodom, Abazi ɔdɔŋ egaŋ ma itai osi ku heaven odizɨbo ovid emu.
30Ukem onu ŋgo, ku use omu omi Oyo onwi ndisɔ ndi, odinu mkpɔ unina-uduonji ma ŋwra-ŋwra ŋkpɔ.
31Ku use onu, onwi sugi omu odu ku ɔnyɔŋ ɔgɔ-ɔgɔ, yak onyi ugutɨghe uduluk uvɔk uduzighi kpɔ sugi-ou. Onwi sugi omu agaga ukɔ, ukusɔ unyɔŋ udi uvɔk udubei kpɔ sugi-ou.
32Etuei su ogotibe ɔnɔ ŋwa onu Lot.
33Sia onwi ogu ononu omu ɔluŋɔ idinyiaŋa ukpɔŋ izighi ku oduobod omu edinji nzi-nzi uwem-ou. Onu onwi ogu ononu, omu odiza uwem izighi iyak ku ntak omu onyi onu mbed omi, ma onji nzi-nzi uwem.
34Ndɔghɔ evu ŋgu, kini omu omi ndisɔ-ndi, enwi iba ma ena ku mkpɨna ki; Abazi ma ebei onwi ki, ɔnɔŋ alagha ayak onwi ki ogu.
35Onogu mmani iba ene ŋkilie ku ufine gi, Abazi ma ebei onwi gi alagha, ma ɔnɔŋ alagha ayak enwa onyi ogu.
36Enwi nnini iba ma ela eneuto ku ukɔ, Abazi ma ebei onwi ki ayak ki ogu.”
37Onu emu ebid Jisɔs, ogu, “Ɔfɔŋ enyin, konuŋ ku ima kpɔ omu oditɨbe?” Onu Onyi ɔbrɔ emu, ogu, “Ufine omu okpu kpɔ ana, nonu ku ima uteghelei evughɔ ufine gi.”
നിലവിൽ തിരഞ്ഞെടുത്തിരിക്കുന്നു:
Luke 17: ORX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.
Luke 17
17
Mbuɔdile Ma Uto
(Mattiu 18:6,7; Mark 9:42)
1Ene, Jisɔs ɔdɔghɔ mbed izighi ogu, “Idɨme ozughu odibak-abak omu odine enwi edughɔ ku udiɔk, etid utɔŋ ma Abazi, onu su odidiɔk dighi ma onwi omu odinu ŋkpɔ idɨme inɔ enwi ededughɔ eluk ku udiɔk-kpɔ!
2Ɔmɔfɔ ma onyi onogu emebei okpɨno utɨghe ugɔk-kpɔ ekiɔ onyi ku utɔŋ, enɔŋ ebei onyi etuu edio ku itabri-inyaŋ, oke onyi imidine onwi omu numenji su elei, ku otu omu ɔdughɔ.
3Ekpɨme ile evu sughu evu edu uwem. Onogu oyo-eke evu ku Abazi elei evu, ezughe nɔ onyi; onogu onyi efei mkpeviɔk, elagha enɔ onyi.
4Onu onogu onwi omu avak Abazi elei vi ɔkpɔ-tɨŋaba ku use gi, ene, ɔnɔŋ ɔsɔ odi ɔkpɔ-tɨŋaba ku use gi onu, odidɔghɔ vi ogu, ‘Ami mfei mkpeviɔk,’ anasu ovu alagha ɔnɔ onyi.”
5Onu ima apɔsul edɔghɔ Ɔfɔŋ Jisɔs, ogu, “Nwam enyin itam-atam inji mbuɔd-ile ku Abazi.”
6Ene Jisɔs ɔdɔghɔ ogu, “Onogu evu emenji uyo ntiti mbuɔd-ile omu ku Abazi, omu alasu ukɨp ntiyuŋ, evu emekɨme idinɔ okpɨno atak ukim omu usi ogu, ‘Di momu ma ɔliɔŋ nɔŋ ga wughɔ ku inyaŋ,’ ene su evu esughu ɔmɔwuɔ osu.
7Onogu onwi ku otu evu, omu onji oyo-uvɔk omu oti izɔŋ nu-onu okpɨme ɔrɔŋ, ɔnyɔŋ iditi izɔŋ, nu-onu idikpɨme ɔrɔŋ odi, ududɔghɔ onyi kini onyi osi ukɔ odi ogu, ‘di, tei momu liekpɔ.’
8Utuk konu, ovu odigap idɔghɔ oyo-uvɔk ovu ogu, ‘Kpughɔ useh, si ile, ne kpɔ nɔ mi nlie nɔŋ labi mi tutu nlie-kpɔ ŋgre, kpaŋ ovu elie ogovu.
9Kpa ma gonu uzug udu kɔkɔ oyo-uvɔk ovu onu ku ntak omu onyi ene ima ŋkpɔ onu ɔgɔdɔghɔ onyi ene onu-ou.’
10Kpa sonu ku ozug odinu ma evu kini evu egene ovid-evid kpɔ omu eti-uvɔk evu ɔgɔdɔghɔ evu ene egre, evu medɔghɔ, ‘Enyin inu eyo-uvɔk omu numido itro. Enyin inɔŋ ine su ogonu uto enyin idine.’”
Jisɔs Ene Enwi Akpa-Mvia Lughu Eleh
11Ene use gi, sughu Jisɔs azaŋa ma mbed izighi aga uduŋ Jeruzelem, emu ezaŋa efei ku uvɔd uduŋ Samaria ma Galilee.
12Ene sughu emu egeluŋɔ idiluk ɔvɔghɔ uduŋ gi, enwi akpa-mvia lughu ela nsese egid onyi.
13Onu emu ekpɔk ku otuitu usi ogu, “Jisɔs, Ɔfɔŋ enyin, fei enyin isɨghe, lagha kɔk ulɔŋɔ enyin!”
14Jisɔs ose emu ɔnɔŋ ɔdɔghɔ emu ogu, “Ega, egewuɔ ɔkɔuw ile evu, yak ose nu evu eleh.” Onu sughu emu ezaŋa ega idibei ile emu igiwuɔ ɔkɔuw Abazi, onwi ki ku otu emu ogid ku Abazi ɔkɔk imu.
15Onu kini omu onwi ki ku otu emu ogid ku Abazi ɔkɔk imu, onyi ɔsɔdi obine Jisɔs odikpɔk ukpeguŋ idra otro Abazi,
16ini gi-ini gi onyi ɔdughɔ okid onji ku izɔŋ ku ukpono ɔnɔ Jisɔs ekɔ. Onyi ogosi Samaria.
17Jisɔs ɔdɔghɔ enwi omu egebɨno ma onyi, “Enu enwi akpamvia lughu ku ŋgu-ŋkɔk, nzi ene enwi itɨŋ-aniaŋ ogu ugugɔŋ usɔ udi udukɔ Abazi?”
18Onu onwi-eni gi ku otu lughu onu ɔsɔdi oditro Abazi, onu onwi onu enɔŋ eenunu onwi Jew-ou!
19Onu Jisɔs ɔdɔghɔ onyi ogu, “Laghala, nyɔŋ ogovu, ovu ɔbɔghɔ ɔkɔk-ikɔk, sia ovu onji mbuɔd-ile ku omi.”
Odidi Ugra Abazi
20Use ki, ima Farisi ebid Jisɔs, “Nzuse ku ugra Abazi odidi?” Jisɔs ɔbrɔ emu, “Utɨbe-kpɔ ma idiɔŋɔ sugi eedibak omu odiwuɔ ku Ugra Abazi mmɔ odi-odi-ou.
21Enwi eedidɔghɔ ogu, ‘Seh Ugra Abazi mu, nonu seh Ugra Abazi ku!’ Sia ugra Abazi mmɔgu abak-abak momu ma evu.”
22Jisɔs ɔdɔghɔ mbed izighi ogu, “Ima use ma odi kini omu evu ediluŋɔ idigid ki ku otu ima use omu omi Oyo Onwi ndiŋgra su ɔfɔŋ ku ukpɔk use ki, onu evu idigid-ou.
23Onu enwi ma edɔghɔ evu, ‘Seh Mezaya mu, nonu seh Mezaya gu!’ Ekunim emu unɔŋ uwuɔ uga idiluŋɔ-ou.
24Ku onu omi Oyo onwi ma ndi ku odighi omu enwi edigid omu odila su emineŋ-mɨneŋ omu odine ovid ikpe-ɔnyɔŋ ayima kini onyi odidi.
25Onu kpaŋa mkpɔ omu otɨbe, omi ma mbɔghɔ otuitu uven, enwi esi omu ma egɨn mi.
26Tuei su ogotibe ku esi onu Noah kini ogu, kpaŋ mmɔŋ ukwuɔ odi, sughu enwi egedu uwem. Kpa su onu ŋgo ku odinu ku ima use omu omi Oyo Onwi ndisɔ ndi izɔŋ:
27Ku ima use onu, kpaŋ mmɔŋ ukwuɔ ogodi, enwi egelie, enɔŋ enwɔŋ, emu elɔnɔ mmani, enɔŋ etaŋ eyo-mmani emu enɔ ku nlɔ, emu eganji tutu use omu Noah ma uvɔk izighi elagha eluk ubo, egebuk-ɔbuk, mmɔŋ ukwuɔ odi, ɔnɔŋ odizɨbo ovid enwi omu nume egeluk ubo.
28Ku ukem onu, kini ndisɔ ndi, odila sughu ogonu ku esi onu Lot omu agabak ku izɔŋ: Emu elie, emu enwɔŋ, emu eliŋi, emu enyan, emu etɔ kpɔ, emu efuɔ uvɔk;
29onu ku ata use omu Lot ɔgɔwuɔ ku uduŋ Sodom, Abazi ɔdɔŋ egaŋ ma itai osi ku heaven odizɨbo ovid emu.
30Ukem onu ŋgo, ku use omu omi Oyo onwi ndisɔ ndi, odinu mkpɔ unina-uduonji ma ŋwra-ŋwra ŋkpɔ.
31Ku use onu, onwi sugi omu odu ku ɔnyɔŋ ɔgɔ-ɔgɔ, yak onyi ugutɨghe uduluk uvɔk uduzighi kpɔ sugi-ou. Onwi sugi omu agaga ukɔ, ukusɔ unyɔŋ udi uvɔk udubei kpɔ sugi-ou.
32Etuei su ogotibe ɔnɔ ŋwa onu Lot.
33Sia onwi ogu ononu omu ɔluŋɔ idinyiaŋa ukpɔŋ izighi ku oduobod omu edinji nzi-nzi uwem-ou. Onu onwi ogu ononu, omu odiza uwem izighi iyak ku ntak omu onyi onu mbed omi, ma onji nzi-nzi uwem.
34Ndɔghɔ evu ŋgu, kini omu omi ndisɔ-ndi, enwi iba ma ena ku mkpɨna ki; Abazi ma ebei onwi ki, ɔnɔŋ alagha ayak onwi ki ogu.
35Onogu mmani iba ene ŋkilie ku ufine gi, Abazi ma ebei onwi gi alagha, ma ɔnɔŋ alagha ayak enwa onyi ogu.
36Enwi nnini iba ma ela eneuto ku ukɔ, Abazi ma ebei onwi ki ayak ki ogu.”
37Onu emu ebid Jisɔs, ogu, “Ɔfɔŋ enyin, konuŋ ku ima kpɔ omu oditɨbe?” Onu Onyi ɔbrɔ emu, ogu, “Ufine omu okpu kpɔ ana, nonu ku ima uteghelei evughɔ ufine gi.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.