Luke 12
12
Ndɔd-utɔŋ Ku Abaŋa Mbubuk
(Mattiu 10:26,27)
1Ku ukem ini onu, otu-enwi omu enwi nume ekime idibad edivughɔ tutu onu su ndizuk enwi enetɨm enwi ku ukpe, Jisɔs, azaŋa-onji ɔdɔghɔ mbed izighi ogu, “Evra ile ku ekpɔtɔd onu ima Farisi omu onu mbubuk.”
2Ekula su emu, sia ovid kpɔ omu enwi evuk enim Abazi ma ogih ayak. Evu ikime idi ilib kpɔ ku nzinzi.
3Ene, ŋkpɔ-sugi omu evu egezughu ku nninime, megei ku ŋgim-ŋwaŋa anwa-anwa, su onu-onu ogu evu efeh ku nlibi ɔvɔghɔ eleh omu equequei, edi idu ku otɨmobo ikpɔk inɔ ovid enwi egei.
Biak Abazi
(Mattiu 10:8-31)
4Jisɔs aganji ɔdɔghɔ emu ogu, “Nzaŋ omi, eniŋede ekpaŋ-utɔŋ, egunji ubɨghe ubaŋa enwi, sia emu enɔŋ ekɔd ewuh ikpɔkile evu, onu ku onu efei, esɔ enji udiɔk sugi omu emu ekɨme idisɔ ine evu ike onu-ou.
5Onu Abazi onu onyi omu anasu evu ebiak. Onyi eenji ulu idiwuh enwi kpɔd-kpɔd-ou, onu onyi ɔnɔŋ ɔsɔ onji ugra osu idito emu idɔŋ ku hell. Nsɔ ntam ndɔghɔ evu ngu, Abazi onu onyi omu anasu evu eniŋenji ebiak.
6Ovid enwi evag ku enjie unuŋɔ-eguŋ itɨŋ ku trɔ iba. Onu kpazuk ma ku onu alasu emu ebak ufɔ, Abazi efre idibɔk sugi ku otu emu.
7Onu amanu evu, Abazi avak ozim ata ibad idi ubughu evu. Ene eguyak ubɨghe ɔmuɔ evu-ou; sia evu enu okpe-kpe ku onji Abazi eke awak-iwak unuŋɔ-eguŋ.”
Yɨme Krais Ku Onji Enwi
(Mattiu 10:32,33)
8Ene, Jisɔs aganji ogu, “Eniŋede ekpaŋ-utɔŋ, onogu onwi sugi ɔzɔŋɔ ku onji enwi ku emu inu mbed omi, non ku ami Oyo Onwi ndiŋkɔŋ nzɔŋɔ nyɨme ku onji Abazi ma ima enjel ku onyi onu mbed omi.
9Onu onogu onwi agaŋ mi ku onji enwi ku imu inu mbed omi, omi ŋgo ma ŋkaŋ ku onyi meenu mbed omi ku onji Abazi ma ima enjel izighi.
10Onogu onwi sugi ozughu nsiŋi emiom adian mi Oyo Onwi, Abazi ma alagha ɔnɔ onyi; onu onwi sugi omu ozughu udiɔk nsiŋi adian Elile Spirit, Abazi edilagha-inɔ onyi.
11Ene, kini enwi emuɔ evu elaga edu evu nsiŋi ku ima Synagogue edede ɔsɔ onu ku onji ima etei ugra, ma ima ɔnɔ ewɔu, egufina ile ubaŋa sughu edizaŋa idinyiaŋa ile evu, nu-onu su evu edizughu.
12Sia Elile Spirit ma ekpiek evu ku ata ini onu nnenen odighi omu anasu evu ebrɔ.”
Ku Uduk-uduk Su Ndisɨme Onwi Unji
13Ene, onwi gi ɔwuɔ ku otu enwi ɔdɔghɔ Jisɔs ogu, “Ɔfɔŋ, mbɔk dɔghɔ okpɨno oyo-eke omi egei ogomi udɨme ekpe uvɔk eti enyin ma omi.”
14Onu Jisɔs ɔbrɔ onwi onu ogu, “Ohte, onwi enim mi su obire-ikpeh idimuɔ ifuo ugei-kpɔ uvɔk omu enwi enji-ou”
15Ene, Jisɔs ɔdɔghɔ ovid emu ogu, “Ekpɨme enɔŋ evra ile ku udɔŋ ŋtɔŋ ku kpɔ sugi, sia sughu ovu odi inji-onji unji igizim, utɔŋ uwem ovu edio ku awak-iwak unji ovu onu-ou.”
16Ene Jisɔs otu ukeh ɔnɔ emu ogu, “Onji onwi unji gi omu ukɔ izighi ɔgɔluk kpɔ ata eke-eke-m.
17Onu onyi ogre ku ogid izighi, ‘Su ndinne dighi ulagha-m, sia numa onji okpɨno ize idibono kpɔ ŋkilie omi-em.’
18Ku akpatre, onyi obire ogu, ‘Ma ntɔ ize omu ŋgab nnɔŋ ŋfuɔ onuŋ omu okpo oke-n, nde ŋkɔd ntaŋ ovid-evid mkpogro ma unji omi mbɨno ku nyava izeh onu.’
19Ene ma ndɔghɔ unɔgi, ‘Nnji awak-iwak idɨghe mkpodughuo mbɨno nnɔ unɔgi omu odiga mi ku awak-iwak izughe. Su-ulu ovu, lie, wɔŋ lagha kei inem uwem.’
20Onu Abazi ɔdɔghɔ onyi ogu, ‘Ovu onu ndisɨme onwi, ɔgɔ-esi omu, ovu ma akpa. Ndien ovid kpɔ onu ataŋ obɨno ɔnɔ unɔgi onu odisɔ inu unji onuŋ enwi.’”
21Ene Jisɔs egre ukeh omu ku ididɔghɔ, “Su oditibe inɔ ima enwi omu ekwɔ unji ebɨno enɔ ile-emu ku izɔŋ-ɔm onon, omu nume emedine su Abazi ede okpɨno-kpɨno.”
Egufina Ile-ou Kap Nɨm Abazi Ku Akpan-ikwɔ
(Mattiu 6:19-21,25-34)
22Ene, Jisɔs ɔdɔghɔ mbed izighi ogu, “Ami ndɔghɔ evu ŋgu, egufina ile ubaŋa uwem evu, su nzi ku edilie; nu-onu ku abaŋa ikpe-ile ogu, su nzi ku evu edidɔŋɔ-ou.
23Ku iditam izughu, uwem evu okpo oke ŋkilie, ŋgo, ikpe-ile okpo oke use.
24Ekpiek kpɔ esi unuŋɔ omu eku ɔguk-afiaŋ, ku onu emu etɔ-tɔ enɔŋ ebu-ɔbɔu, omu nu emu eenji eleh-ubɨno-kpɔ, enji ize; onu Abazi ɔnɔ emu ulie. Onu evu enu okpe-okpe ku onji Abazi ekeh ima unuŋɔ onu.
25Niŋionwi sugi ku otu evu omu ku idifina ile okime ididian ata uyo ntiti ukpok ini inɔ uwem izighi?.
26Onugu evu ndien numikɨme idine ata nni-ŋkeh kpɔ omu, ene enazu evu esɔ efɨna ile ebaŋa kpɔ ima ogu.
27Egre ebaŋa uko-udɨm, sughu emu ebek, emu ebɨghɔ uven, enɔŋ esɔ eviagha ununɔh; onu ndɔghɔ evu ŋgu, kpa Sɔlɔmɔn ku ovid ufɔŋ izighi, egeban ile sugi, ku otu omu.
28Ene, onogu Abazi eniŋenji ose kpɔ abaŋa onyi ma mvaŋ ima ogu, omu obɨno ku ukɔ mvin, mkpɔŋ ekpok emu egɔŋ ku egaŋ, Abazi ma niŋenji ɔnɔ evu su oke onu, evu enwi uyo mbuɔd-ile.
29Ene, egugre su anasu evu elie nu-onu su anasu evu enwɔŋ. Egufina ile ubaŋa ima kpɔ omu-ou.
30Ima Gentile eluŋɔ ima kpɔ omu, onu Eti evu ku heaven adak-adak avak unina evu.
31Onu, etiŋenji eluŋɔ Ugra Abazi, ndien Abazi ma adian evid-evid ima kpɔ omu ɔnɔ evu.
32Egubiak ubɨghe, uyo otu mbed omi, ku onu ɔyɨghɔ uni-ogid onu Eti evu ku heaven idinɔ evu uduŋ ugra izighi.
33Ene enjie su evu enji, ebei ɔkuk onu edenɔ ima ufei unwam; Ku idine sonu, evu ma etaŋ unji ebɨno enɔ ile evu omu numedikieŋe. Unji heaven omu numa edibira-bira. Onwi sugi ediyip emu, atiagha sugi edita emu.
34Ku onu kpughu ŋkpɔ-uto ovu abak, ogid ovu odibak nonu ŋgo.”
Ene Akpanikwɔ Ma Nzunzu Oyo-uvɔk
(Mattiu 24:42-51)
35Jisɔs aganji ididɔghɔ ogu, “Ebak ku mbeŋile fabfab ini ebi mi, su eyo-uvɔk omu edɔŋɔ use-uto emu ma ayimiyama utrigaŋ ku ubɔk.
36Evu ela su eyo-uvɔk omu etei ebi eti-uvɔk emu ɔnyɔŋ ku uzrɔ nlɔ odi. Onugu onyi odiquei odighi, emu ewra-wra equɔŋɔ odighi enɔ onyi elagha edra onyi.
37Onugu eti-uvɔk emu ogid eyo-uvɔk izighi ku mbeŋile ebi nyɔŋ-ndi izighi, eyo-uvɔk onu edinu ata enwi okpino mfiso. Ku akpanikwɔ ku ndɔghɔ evu, ku eti-uvɔk onu ma ɔdɔŋɔ use-uto izighi alagha ɔdɔghɔ eyo-uvɔk izighi editei ku okpogro onyi ede ɔnɔ emu ŋkilie.
38Inh, onogu eti-uvɔk emu odigid eyo-uvɔk izighi ku mbeŋile etei-ebi nyɔŋ-ndi izighi, eyo-uvɔk onu edinu ima okpɨno mfiso, ɔnɔŋ edenu su onyi odidi ku egim ɔgɔesi, ɔsɔsɔnu kpaŋa ɔgugɔ-unni ɔkpɔk.
39Ise uwuɔ-kpɔ omu ise, onogu onji uvɔk amavak ini omu inɔ odidi mbume, onyi ama atɨba-ile etei okpɨme emenɔŋ eyak inɔ obum mkpɔ ku uvɔk izighi.
40Ku ukem odighi onu, evu ŋgo anazu ebak ku mbeŋile ku ovid-evid ini, sia omi Oyo Onwi ndindi kini omu evu numenji uduonji kuma ndi.”
41Ene Peter obid Jisɔs ogu, “Ɔfɔŋ, ovu ede otu ukeh omu ɔnɔ enyin kpɔd-kpɔd, nu ozughu ɔnɔ ovid enwi omu egei vi?”
42Ene Jisɔs ɔbrɔ onyi ogu, “Niŋi-onwi su onu aga-ukpughɔre omu ene akpanikwɔ alagha avag-kpɔ, omu Eti-uvɔk onim onyi ose-kpɔ abaŋa eyo-uvɔk ima ogu, alagha ɔnɔ emu udɨme ŋkilie emu ku osu ini?
43Ku ima ini ama egefei, Kini omu eti-uvɔk ɔnyɔŋ odizɨm utɔ oyo-uvɔk onu, omu eti-uvɔk odigid onyi sughu eneuto izighi, eti-uvɔk ma eneŋenji onni ogid ma onji.
44Ku akpanikwɔ ku ndɔghɔ evu, eti-uvɔk ma ene onyi onu agrigra ovid kpɔ su onyi onji.
45Onu, onogu oyo-uvɔk onu ogre ku ogid izighi ogu, ‘Eti-uvɔk omi ɔbuk ididi,’ onyi ɔtɔŋɔ idituai eyo-uvɔk nnini ma mmani ima ogu ku ubɔk ovid ini, alagha ɔtɔŋɔ idiku nlie.
46Ene, eti-uvɔk izighi, ma ɔnyɔŋ odi ku use omu onyi nume egenɔŋ enji-enji uduonji idigid onyi. Eti-uvɔk izighi ma amgbmayn onyi ata ɔlighiliɔghɔ-ɔlighiliɔghɔ, alagha ebei onyi odio ku ubi eyo-uvɔk ima omu nu emenim ku akpanikwɔ.
47Onu oyo-uvɔk omu avak ogugre onu eti-uvɔk, onu onyi nume ebeŋe ile izighi, nonu idine azaŋa agasu ma uduak onu eti-uvɔk izighi, ma ɔbɔghɔ awak-iwak ubɔk ikpe.
48Onu oyo-uvɔk omu numevag ogugre onu eti-uvɔk izighi alagha ene ima kpɔ omu odo umumgbmay, ma enmgbmay onyi uyo ubɔk-ikpe. Ku ukem odighi onu, Eti-uvɔk ɔluŋɔ awak-iwak kpɔ osi onyi omu onyi ɔnɔ awak-iwak kpɔ, eti-uvɔk ɔluŋɔ awak-iwak kpɔ osi onyi omu egeyak awak-iwak ubiɔŋ-uto edio onyi ku ubɔk.”
Krais Ede Ubaghare Odi
(Mattiu 10:34-39)
49Ene Jisɔs ɔdɔghɔ, “Ntak omu ŋgundi oduobod onu ididio egaŋ ku uvɔd enwi. Yɔyɔ omu egaŋ onu ama ga adagadak ɔtɔŋɔ idiyiri!
50Onu kpaŋ onyi onu otɨbe, nji uluɔk-mmɔŋ uven omu anasu mbɔghɔ omu afɨna mi ku ile tutu onyi egre.
51Ɔŋgondi idinɔ emem ku izɔŋ, Ndɔghɔ evu ku ŋgundi ididio ubaghare ku uvɔd enwi.
52Tɔŋɔ ku omu ede aga, onogu enwi itiŋ ebak ku uvɔk ki: ite ma enwɨna ma iba, iba ma enwɨna ma ite ku ntak omi.
53Ubaghare ma abak ku uvɔd eti ma eyo nnini izighi, ima eke ma eyo mmani emu, eke-ebi ma mmani-eyo emu, ku ntak omi.”
Idivak Ini
(Mattiu 16:1-4)
54Jisɔs ɔdɔghɔ otu enwi ogu, “Kini omu evu egid ɔnyɔŋ sughu ebre alagha ku uki-utin odi, ku ulu-ulu onu, evu ma evag ku edim mmɔgu odidih; omu ɔnɔŋ odinu su onu ŋgo.
55Ku ukem odighi onu ŋgo, kini ovum ɔwuɔ ku mkpakaŋa izɔŋ odi ku ɔzuɔzɔu, evu ma evag ku utɨn ma asiagha, omu ɔnɔŋ odinu su onu ŋgo.
56Evu ima mbubuk! Evu ekɨme idivak onji-ɔnyɔŋ ku idibei onji ise ɔnyɔŋ. Onu evu enwɨna egak idivak mkpɔ omu aganji ulagha omu ku oduobod sala ɔnɔ.
57Anazu evu egɔŋ ezaŋanji enji mvuvak ebaŋa mkpɔ su ɔfɔ idine.”
Ne Emem Ma Ezughe Ovu
58Jisɔs aganji ogu, Su uwuɔkpɔ, kini ezughe ovu ɔluŋɔ idibei vi iga ezop, ibɨne onji onu obire-ikpeh ididu vi ndidu, dɨme ukɨme idine emem ma onyi kpaŋa ovu ozim ezop. Numenu zon, onyi okɨme idide vi izim onji onu obire-ikpeh ku ulu, ene obire-ikpeh ma ayak fi ɔnɔ oburuzi, emu medio vi ku uvɔk ŋkpɔgɨbɔ.
59Ami nzɔŋɔ ndɔghɔ vi, ku ovu uduwuɔ ku uvɔk mkpɔkɨbɔ tutu ovu ekpei fab-fab kpɔ egre.
നിലവിൽ തിരഞ്ഞെടുത്തിരിക്കുന്നു:
Luke 12: ORX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.
Luke 12
12
Ndɔd-utɔŋ Ku Abaŋa Mbubuk
(Mattiu 10:26,27)
1Ku ukem ini onu, otu-enwi omu enwi nume ekime idibad edivughɔ tutu onu su ndizuk enwi enetɨm enwi ku ukpe, Jisɔs, azaŋa-onji ɔdɔghɔ mbed izighi ogu, “Evra ile ku ekpɔtɔd onu ima Farisi omu onu mbubuk.”
2Ekula su emu, sia ovid kpɔ omu enwi evuk enim Abazi ma ogih ayak. Evu ikime idi ilib kpɔ ku nzinzi.
3Ene, ŋkpɔ-sugi omu evu egezughu ku nninime, megei ku ŋgim-ŋwaŋa anwa-anwa, su onu-onu ogu evu efeh ku nlibi ɔvɔghɔ eleh omu equequei, edi idu ku otɨmobo ikpɔk inɔ ovid enwi egei.
Biak Abazi
(Mattiu 10:8-31)
4Jisɔs aganji ɔdɔghɔ emu ogu, “Nzaŋ omi, eniŋede ekpaŋ-utɔŋ, egunji ubɨghe ubaŋa enwi, sia emu enɔŋ ekɔd ewuh ikpɔkile evu, onu ku onu efei, esɔ enji udiɔk sugi omu emu ekɨme idisɔ ine evu ike onu-ou.
5Onu Abazi onu onyi omu anasu evu ebiak. Onyi eenji ulu idiwuh enwi kpɔd-kpɔd-ou, onu onyi ɔnɔŋ ɔsɔ onji ugra osu idito emu idɔŋ ku hell. Nsɔ ntam ndɔghɔ evu ngu, Abazi onu onyi omu anasu evu eniŋenji ebiak.
6Ovid enwi evag ku enjie unuŋɔ-eguŋ itɨŋ ku trɔ iba. Onu kpazuk ma ku onu alasu emu ebak ufɔ, Abazi efre idibɔk sugi ku otu emu.
7Onu amanu evu, Abazi avak ozim ata ibad idi ubughu evu. Ene eguyak ubɨghe ɔmuɔ evu-ou; sia evu enu okpe-kpe ku onji Abazi eke awak-iwak unuŋɔ-eguŋ.”
Yɨme Krais Ku Onji Enwi
(Mattiu 10:32,33)
8Ene, Jisɔs aganji ogu, “Eniŋede ekpaŋ-utɔŋ, onogu onwi sugi ɔzɔŋɔ ku onji enwi ku emu inu mbed omi, non ku ami Oyo Onwi ndiŋkɔŋ nzɔŋɔ nyɨme ku onji Abazi ma ima enjel ku onyi onu mbed omi.
9Onu onogu onwi agaŋ mi ku onji enwi ku imu inu mbed omi, omi ŋgo ma ŋkaŋ ku onyi meenu mbed omi ku onji Abazi ma ima enjel izighi.
10Onogu onwi sugi ozughu nsiŋi emiom adian mi Oyo Onwi, Abazi ma alagha ɔnɔ onyi; onu onwi sugi omu ozughu udiɔk nsiŋi adian Elile Spirit, Abazi edilagha-inɔ onyi.
11Ene, kini enwi emuɔ evu elaga edu evu nsiŋi ku ima Synagogue edede ɔsɔ onu ku onji ima etei ugra, ma ima ɔnɔ ewɔu, egufina ile ubaŋa sughu edizaŋa idinyiaŋa ile evu, nu-onu su evu edizughu.
12Sia Elile Spirit ma ekpiek evu ku ata ini onu nnenen odighi omu anasu evu ebrɔ.”
Ku Uduk-uduk Su Ndisɨme Onwi Unji
13Ene, onwi gi ɔwuɔ ku otu enwi ɔdɔghɔ Jisɔs ogu, “Ɔfɔŋ, mbɔk dɔghɔ okpɨno oyo-eke omi egei ogomi udɨme ekpe uvɔk eti enyin ma omi.”
14Onu Jisɔs ɔbrɔ onwi onu ogu, “Ohte, onwi enim mi su obire-ikpeh idimuɔ ifuo ugei-kpɔ uvɔk omu enwi enji-ou”
15Ene, Jisɔs ɔdɔghɔ ovid emu ogu, “Ekpɨme enɔŋ evra ile ku udɔŋ ŋtɔŋ ku kpɔ sugi, sia sughu ovu odi inji-onji unji igizim, utɔŋ uwem ovu edio ku awak-iwak unji ovu onu-ou.”
16Ene Jisɔs otu ukeh ɔnɔ emu ogu, “Onji onwi unji gi omu ukɔ izighi ɔgɔluk kpɔ ata eke-eke-m.
17Onu onyi ogre ku ogid izighi, ‘Su ndinne dighi ulagha-m, sia numa onji okpɨno ize idibono kpɔ ŋkilie omi-em.’
18Ku akpatre, onyi obire ogu, ‘Ma ntɔ ize omu ŋgab nnɔŋ ŋfuɔ onuŋ omu okpo oke-n, nde ŋkɔd ntaŋ ovid-evid mkpogro ma unji omi mbɨno ku nyava izeh onu.’
19Ene ma ndɔghɔ unɔgi, ‘Nnji awak-iwak idɨghe mkpodughuo mbɨno nnɔ unɔgi omu odiga mi ku awak-iwak izughe. Su-ulu ovu, lie, wɔŋ lagha kei inem uwem.’
20Onu Abazi ɔdɔghɔ onyi ogu, ‘Ovu onu ndisɨme onwi, ɔgɔ-esi omu, ovu ma akpa. Ndien ovid kpɔ onu ataŋ obɨno ɔnɔ unɔgi onu odisɔ inu unji onuŋ enwi.’”
21Ene Jisɔs egre ukeh omu ku ididɔghɔ, “Su oditibe inɔ ima enwi omu ekwɔ unji ebɨno enɔ ile-emu ku izɔŋ-ɔm onon, omu nume emedine su Abazi ede okpɨno-kpɨno.”
Egufina Ile-ou Kap Nɨm Abazi Ku Akpan-ikwɔ
(Mattiu 6:19-21,25-34)
22Ene, Jisɔs ɔdɔghɔ mbed izighi ogu, “Ami ndɔghɔ evu ŋgu, egufina ile ubaŋa uwem evu, su nzi ku edilie; nu-onu ku abaŋa ikpe-ile ogu, su nzi ku evu edidɔŋɔ-ou.
23Ku iditam izughu, uwem evu okpo oke ŋkilie, ŋgo, ikpe-ile okpo oke use.
24Ekpiek kpɔ esi unuŋɔ omu eku ɔguk-afiaŋ, ku onu emu etɔ-tɔ enɔŋ ebu-ɔbɔu, omu nu emu eenji eleh-ubɨno-kpɔ, enji ize; onu Abazi ɔnɔ emu ulie. Onu evu enu okpe-okpe ku onji Abazi ekeh ima unuŋɔ onu.
25Niŋionwi sugi ku otu evu omu ku idifina ile okime ididian ata uyo ntiti ukpok ini inɔ uwem izighi?.
26Onugu evu ndien numikɨme idine ata nni-ŋkeh kpɔ omu, ene enazu evu esɔ efɨna ile ebaŋa kpɔ ima ogu.
27Egre ebaŋa uko-udɨm, sughu emu ebek, emu ebɨghɔ uven, enɔŋ esɔ eviagha ununɔh; onu ndɔghɔ evu ŋgu, kpa Sɔlɔmɔn ku ovid ufɔŋ izighi, egeban ile sugi, ku otu omu.
28Ene, onogu Abazi eniŋenji ose kpɔ abaŋa onyi ma mvaŋ ima ogu, omu obɨno ku ukɔ mvin, mkpɔŋ ekpok emu egɔŋ ku egaŋ, Abazi ma niŋenji ɔnɔ evu su oke onu, evu enwi uyo mbuɔd-ile.
29Ene, egugre su anasu evu elie nu-onu su anasu evu enwɔŋ. Egufina ile ubaŋa ima kpɔ omu-ou.
30Ima Gentile eluŋɔ ima kpɔ omu, onu Eti evu ku heaven adak-adak avak unina evu.
31Onu, etiŋenji eluŋɔ Ugra Abazi, ndien Abazi ma adian evid-evid ima kpɔ omu ɔnɔ evu.
32Egubiak ubɨghe, uyo otu mbed omi, ku onu ɔyɨghɔ uni-ogid onu Eti evu ku heaven idinɔ evu uduŋ ugra izighi.
33Ene enjie su evu enji, ebei ɔkuk onu edenɔ ima ufei unwam; Ku idine sonu, evu ma etaŋ unji ebɨno enɔ ile evu omu numedikieŋe. Unji heaven omu numa edibira-bira. Onwi sugi ediyip emu, atiagha sugi edita emu.
34Ku onu kpughu ŋkpɔ-uto ovu abak, ogid ovu odibak nonu ŋgo.”
Ene Akpanikwɔ Ma Nzunzu Oyo-uvɔk
(Mattiu 24:42-51)
35Jisɔs aganji ididɔghɔ ogu, “Ebak ku mbeŋile fabfab ini ebi mi, su eyo-uvɔk omu edɔŋɔ use-uto emu ma ayimiyama utrigaŋ ku ubɔk.
36Evu ela su eyo-uvɔk omu etei ebi eti-uvɔk emu ɔnyɔŋ ku uzrɔ nlɔ odi. Onugu onyi odiquei odighi, emu ewra-wra equɔŋɔ odighi enɔ onyi elagha edra onyi.
37Onugu eti-uvɔk emu ogid eyo-uvɔk izighi ku mbeŋile ebi nyɔŋ-ndi izighi, eyo-uvɔk onu edinu ata enwi okpino mfiso. Ku akpanikwɔ ku ndɔghɔ evu, ku eti-uvɔk onu ma ɔdɔŋɔ use-uto izighi alagha ɔdɔghɔ eyo-uvɔk izighi editei ku okpogro onyi ede ɔnɔ emu ŋkilie.
38Inh, onogu eti-uvɔk emu odigid eyo-uvɔk izighi ku mbeŋile etei-ebi nyɔŋ-ndi izighi, eyo-uvɔk onu edinu ima okpɨno mfiso, ɔnɔŋ edenu su onyi odidi ku egim ɔgɔesi, ɔsɔsɔnu kpaŋa ɔgugɔ-unni ɔkpɔk.
39Ise uwuɔ-kpɔ omu ise, onogu onji uvɔk amavak ini omu inɔ odidi mbume, onyi ama atɨba-ile etei okpɨme emenɔŋ eyak inɔ obum mkpɔ ku uvɔk izighi.
40Ku ukem odighi onu, evu ŋgo anazu ebak ku mbeŋile ku ovid-evid ini, sia omi Oyo Onwi ndindi kini omu evu numenji uduonji kuma ndi.”
41Ene Peter obid Jisɔs ogu, “Ɔfɔŋ, ovu ede otu ukeh omu ɔnɔ enyin kpɔd-kpɔd, nu ozughu ɔnɔ ovid enwi omu egei vi?”
42Ene Jisɔs ɔbrɔ onyi ogu, “Niŋi-onwi su onu aga-ukpughɔre omu ene akpanikwɔ alagha avag-kpɔ, omu Eti-uvɔk onim onyi ose-kpɔ abaŋa eyo-uvɔk ima ogu, alagha ɔnɔ emu udɨme ŋkilie emu ku osu ini?
43Ku ima ini ama egefei, Kini omu eti-uvɔk ɔnyɔŋ odizɨm utɔ oyo-uvɔk onu, omu eti-uvɔk odigid onyi sughu eneuto izighi, eti-uvɔk ma eneŋenji onni ogid ma onji.
44Ku akpanikwɔ ku ndɔghɔ evu, eti-uvɔk ma ene onyi onu agrigra ovid kpɔ su onyi onji.
45Onu, onogu oyo-uvɔk onu ogre ku ogid izighi ogu, ‘Eti-uvɔk omi ɔbuk ididi,’ onyi ɔtɔŋɔ idituai eyo-uvɔk nnini ma mmani ima ogu ku ubɔk ovid ini, alagha ɔtɔŋɔ idiku nlie.
46Ene, eti-uvɔk izighi, ma ɔnyɔŋ odi ku use omu onyi nume egenɔŋ enji-enji uduonji idigid onyi. Eti-uvɔk izighi ma amgbmayn onyi ata ɔlighiliɔghɔ-ɔlighiliɔghɔ, alagha ebei onyi odio ku ubi eyo-uvɔk ima omu nu emenim ku akpanikwɔ.
47Onu oyo-uvɔk omu avak ogugre onu eti-uvɔk, onu onyi nume ebeŋe ile izighi, nonu idine azaŋa agasu ma uduak onu eti-uvɔk izighi, ma ɔbɔghɔ awak-iwak ubɔk ikpe.
48Onu oyo-uvɔk omu numevag ogugre onu eti-uvɔk izighi alagha ene ima kpɔ omu odo umumgbmay, ma enmgbmay onyi uyo ubɔk-ikpe. Ku ukem odighi onu, Eti-uvɔk ɔluŋɔ awak-iwak kpɔ osi onyi omu onyi ɔnɔ awak-iwak kpɔ, eti-uvɔk ɔluŋɔ awak-iwak kpɔ osi onyi omu egeyak awak-iwak ubiɔŋ-uto edio onyi ku ubɔk.”
Krais Ede Ubaghare Odi
(Mattiu 10:34-39)
49Ene Jisɔs ɔdɔghɔ, “Ntak omu ŋgundi oduobod onu ididio egaŋ ku uvɔd enwi. Yɔyɔ omu egaŋ onu ama ga adagadak ɔtɔŋɔ idiyiri!
50Onu kpaŋ onyi onu otɨbe, nji uluɔk-mmɔŋ uven omu anasu mbɔghɔ omu afɨna mi ku ile tutu onyi egre.
51Ɔŋgondi idinɔ emem ku izɔŋ, Ndɔghɔ evu ku ŋgundi ididio ubaghare ku uvɔd enwi.
52Tɔŋɔ ku omu ede aga, onogu enwi itiŋ ebak ku uvɔk ki: ite ma enwɨna ma iba, iba ma enwɨna ma ite ku ntak omi.
53Ubaghare ma abak ku uvɔd eti ma eyo nnini izighi, ima eke ma eyo mmani emu, eke-ebi ma mmani-eyo emu, ku ntak omi.”
Idivak Ini
(Mattiu 16:1-4)
54Jisɔs ɔdɔghɔ otu enwi ogu, “Kini omu evu egid ɔnyɔŋ sughu ebre alagha ku uki-utin odi, ku ulu-ulu onu, evu ma evag ku edim mmɔgu odidih; omu ɔnɔŋ odinu su onu ŋgo.
55Ku ukem odighi onu ŋgo, kini ovum ɔwuɔ ku mkpakaŋa izɔŋ odi ku ɔzuɔzɔu, evu ma evag ku utɨn ma asiagha, omu ɔnɔŋ odinu su onu ŋgo.
56Evu ima mbubuk! Evu ekɨme idivak onji-ɔnyɔŋ ku idibei onji ise ɔnyɔŋ. Onu evu enwɨna egak idivak mkpɔ omu aganji ulagha omu ku oduobod sala ɔnɔ.
57Anazu evu egɔŋ ezaŋanji enji mvuvak ebaŋa mkpɔ su ɔfɔ idine.”
Ne Emem Ma Ezughe Ovu
58Jisɔs aganji ogu, Su uwuɔkpɔ, kini ezughe ovu ɔluŋɔ idibei vi iga ezop, ibɨne onji onu obire-ikpeh ididu vi ndidu, dɨme ukɨme idine emem ma onyi kpaŋa ovu ozim ezop. Numenu zon, onyi okɨme idide vi izim onji onu obire-ikpeh ku ulu, ene obire-ikpeh ma ayak fi ɔnɔ oburuzi, emu medio vi ku uvɔk ŋkpɔgɨbɔ.
59Ami nzɔŋɔ ndɔghɔ vi, ku ovu uduwuɔ ku uvɔk mkpɔkɨbɔ tutu ovu ekpei fab-fab kpɔ egre.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Oro Bible by Beyond Translation is licensed under Creative Commons Attribution-ShareAlike 4.0 License.