Genesis 19
19
Unzoni woVasodoma
1Ngurova vaengeli vavali makura tava wiza moSodoma, age Roto kuna hingire perungavero lyaSodoma. Roto apa ga va mwene, ta katuka a va simbagwire, makura ta tongeke nongoro a twe sipara pevhu. 2Ta tanta asi: “Otate, ame kwa kerera mo omu ni mu kwafe. Na kanderere, ya tu zeni kembo lyange, mu ka likuhwe nompadi deni mu ka rare. Ngurangura ntani muna kukatuka mu ze.” Vena awo tava limburura asi: “Hawe, ose tatu rara paapa ponze.” 3Nye age ta va sininike ngorooro, moruhura tava gomoka, tava zi nendi membo lyendi. Age ta va ruganene nondya, ta va dosere nomboroto da hana muhahu, makura tava li.
4Vagenda awo simpe nokurara si, vagara womoSodoma tava ya wongo kembo. Vagara navenye womositata kwa ya pongere, yimo movasesu yimo mwava wokukurupa. 5Awo makura tava zigida Roto, tava mu pura asi: “Vagara ava vana wiza va ya rare moge, kupi vana kara? Va tu pwagesera tu ya va rare.”
6Roto ta va pwagere, ta zedire evero! 7Ta va tantere asi: “Na mu kanderere vakwetu, mwa ha rugana yihuna ya sika opo! 8Tareni, ame kwa kara novana vange wovakadona vavali, ava va dira kuguma rumwe vagara. Sigeni ni va mu retere, mu va rugane nkenye omu muna harere. Nye ava vagara ava mwa ha va guma, yeeyi awo vagenda vemembo lyange, ano ame nyame tupu kuvapopera.”
9Nye awo tava tanta asi: “Lipora ko, munayirongo ove! Ogu ga ku tantera asi nyove gokuturonga eyi natu rugana yilye? Lipora ko, neisi natu ku rugana momudona kupitakana awo.” Tava mu kokere kwina, tava heda ko asi va teze evero.
10Vagara vavali ava va kere monda, tava pwagesa mawoko, va kokere Roto monzugo, tava zedire evero. 11Vena makura tava twiza navenye ava va kere ponze, makura evero nokulimona si.
Roto ta tundu mo moSodoma
12Owo vagara tava pura Roto asi: “Wolye hena ava wa kara nawo omu? Otamweyi zoge novana woge wovagara nava wovakadi ava wa kara nawo omu mositata, va gusa mo omu, 13yeeyi evega eli tatu li zonagura po. Morwa nzogera zawo nene kosipara saHompa, Hompa yiyo ana tu tumu, tu ya li zonagure po.”
14Roto ta zi a ka tantere otamweyi zendi, ava va vandekerere vana vendi asi: “Liwapaikeni, mu tunde mo omu, yeeyi Hompa kuna hara a si hanagure po esi sitata.” Awo kwa mu tere ngwendi gogu asi ta teura.
15Tupu lina kuvandura kwina, vaengeli tava tumangeda Roto asi: “Liwapaika, tundeni mo namukadoge novana woge wovakadi vavali, ava wa kara nawo, neisi nau mu hweda unzoni wositata, none mu fe.” 16Nye age kuna kulikata‐kata, owo vagara makura tava mu kwata kokuwoko namukadendi novana vendi wovakadi vavali, morwa Hompa kwa here kuvagusira po. Makura ta va pwagesa ponze zositata. 17Va va pwagesa ponze, ta tanta asi: “Dukisa mwenyo goge! Wa ha setuka konyima, ndi asi o sikamadare poJorodana. Dukira konondundu, ntani no dira kufa!”
18Roto makura ta va limburura asi: “Hawe, kapisi ngoso, tate lyange! 19Komu tara si, muntu gweni ame muna retere nge nkenda zonene pokudira kuzonagura mwenyo gwange. Ame nokuvhura si kudukira konondundu, neisi ngayi ka gwanena nge ko yimpagwa, ngani fe. 20Mokatatagona oko kopopepi yimo na hara kudukira; kene‐kene kanunu, nye yimo na hara kukara, ngani parukire mo.”
21Age makura ta mu tantere asi: “Opo napo nani ku fira tupu nkenda, noso sitata ono kuuyunga, kapi nani si hanagura po. 22Dukira mo nye usimbu, yeeyi asi ame kapi nani rugana yuma, ove wa hana kukasika mo simpe.” Yipo nye ava si tumbwire oso sitata asi Sowara (kuninka asi ‘Genderera, duka!’).
Ezonaguro lyaSodoma naGomora
23Ga ka sika Roto moSowara, alyo ezuva yipo lina kuvandura. 24Hompa makura ta rokesere Sodoma naGomora mundiro nomamanya gomundiro gokutunda meguru. 25Yitata eyi nedamenena lyaJorodana nalinye, novantu ava va kere moyitata neyi nayinye ya menene mevhu ta yi zonagura po. 26MukadaRoto ta setuka a tare konyima, makura ta lisitunuka siguru somungwa.
27Ngurangura Abirahamu ta meneka a ronde pevega eli ga sikamene komeho zaHompa. 28Ta tara koSodoma naGomora nokomuramba nagunye, ta mono musi guna kututumuka mosirongo ngwendi gwesita lyenene. 29Nye Karunga apa ga hanagwire yitata yomomuramba, ta diworoka Abirahamu, makura ta parura Roto.
Ntundiliro zoVamowaba naVaamoni
30Morwa Roto kwa tjilire kukara moSowara, makura nage novana vendi wovakadi vavali tava zi konondundu, memukero lyomondundu. 31Mukurona po ta tantere mumbyendi asi: “Guhyetu ta kurupa, ano mosirongo hena mutupu mugara ogu ga hupa mo asi nga tu kwara, nkumwe ngatu gwane ruvharo moomu ya kara po. 32Ninka nkumwe tu korwese guhyetu, tu rare nendi, ngatu gwane ko vana.” 33Masiku ogo tava pe guhyawo vhinyu a nwe. Mukurona po makura ta zi a ka rare noguhwe, awo oguhwe nkara dawo.
34Eyi kwa sa, mukurona ta tantere mumbyendi asi: “Masiku aga ame notate na rara. Ano nkumwe tu mu korwese hena, nove o rugane moomu na rugana ame. Makura nkumwe ngatu gwane ko vana kwaguhyetu.” 35Masiku ogo tava mu korwesa hena. Munona po nage ta zi a ka rare nendi. Napoopo si kwa korwere ga korwere nkara dendi.
36Vana vaRoto navenye mouvali wawo tava kara nomazimo gaguhyawo. 37Gomukurona po ta hampuruka munona gomugara, ta mu ruku Mowaba (kuninka asi ‘Gomotate’). Age yige zinyakurwaVamowaba vantaantani. 38Munona po nage ta hampuruka munona gomugara, ta mu ruku Beni‐Ami (kuninka asi ‘Gemekoro lyange’). Age yige zinyakurwaVaamoni vantaantani.
നിലവിൽ തിരഞ്ഞെടുത്തിരിക്കുന്നു:
Genesis 19: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 19
19
Unzoni woVasodoma
1Ngurova vaengeli vavali makura tava wiza moSodoma, age Roto kuna hingire perungavero lyaSodoma. Roto apa ga va mwene, ta katuka a va simbagwire, makura ta tongeke nongoro a twe sipara pevhu. 2Ta tanta asi: “Otate, ame kwa kerera mo omu ni mu kwafe. Na kanderere, ya tu zeni kembo lyange, mu ka likuhwe nompadi deni mu ka rare. Ngurangura ntani muna kukatuka mu ze.” Vena awo tava limburura asi: “Hawe, ose tatu rara paapa ponze.” 3Nye age ta va sininike ngorooro, moruhura tava gomoka, tava zi nendi membo lyendi. Age ta va ruganene nondya, ta va dosere nomboroto da hana muhahu, makura tava li.
4Vagenda awo simpe nokurara si, vagara womoSodoma tava ya wongo kembo. Vagara navenye womositata kwa ya pongere, yimo movasesu yimo mwava wokukurupa. 5Awo makura tava zigida Roto, tava mu pura asi: “Vagara ava vana wiza va ya rare moge, kupi vana kara? Va tu pwagesera tu ya va rare.”
6Roto ta va pwagere, ta zedire evero! 7Ta va tantere asi: “Na mu kanderere vakwetu, mwa ha rugana yihuna ya sika opo! 8Tareni, ame kwa kara novana vange wovakadona vavali, ava va dira kuguma rumwe vagara. Sigeni ni va mu retere, mu va rugane nkenye omu muna harere. Nye ava vagara ava mwa ha va guma, yeeyi awo vagenda vemembo lyange, ano ame nyame tupu kuvapopera.”
9Nye awo tava tanta asi: “Lipora ko, munayirongo ove! Ogu ga ku tantera asi nyove gokuturonga eyi natu rugana yilye? Lipora ko, neisi natu ku rugana momudona kupitakana awo.” Tava mu kokere kwina, tava heda ko asi va teze evero.
10Vagara vavali ava va kere monda, tava pwagesa mawoko, va kokere Roto monzugo, tava zedire evero. 11Vena makura tava twiza navenye ava va kere ponze, makura evero nokulimona si.
Roto ta tundu mo moSodoma
12Owo vagara tava pura Roto asi: “Wolye hena ava wa kara nawo omu? Otamweyi zoge novana woge wovagara nava wovakadi ava wa kara nawo omu mositata, va gusa mo omu, 13yeeyi evega eli tatu li zonagura po. Morwa nzogera zawo nene kosipara saHompa, Hompa yiyo ana tu tumu, tu ya li zonagure po.”
14Roto ta zi a ka tantere otamweyi zendi, ava va vandekerere vana vendi asi: “Liwapaikeni, mu tunde mo omu, yeeyi Hompa kuna hara a si hanagure po esi sitata.” Awo kwa mu tere ngwendi gogu asi ta teura.
15Tupu lina kuvandura kwina, vaengeli tava tumangeda Roto asi: “Liwapaika, tundeni mo namukadoge novana woge wovakadi vavali, ava wa kara nawo, neisi nau mu hweda unzoni wositata, none mu fe.” 16Nye age kuna kulikata‐kata, owo vagara makura tava mu kwata kokuwoko namukadendi novana vendi wovakadi vavali, morwa Hompa kwa here kuvagusira po. Makura ta va pwagesa ponze zositata. 17Va va pwagesa ponze, ta tanta asi: “Dukisa mwenyo goge! Wa ha setuka konyima, ndi asi o sikamadare poJorodana. Dukira konondundu, ntani no dira kufa!”
18Roto makura ta va limburura asi: “Hawe, kapisi ngoso, tate lyange! 19Komu tara si, muntu gweni ame muna retere nge nkenda zonene pokudira kuzonagura mwenyo gwange. Ame nokuvhura si kudukira konondundu, neisi ngayi ka gwanena nge ko yimpagwa, ngani fe. 20Mokatatagona oko kopopepi yimo na hara kudukira; kene‐kene kanunu, nye yimo na hara kukara, ngani parukire mo.”
21Age makura ta mu tantere asi: “Opo napo nani ku fira tupu nkenda, noso sitata ono kuuyunga, kapi nani si hanagura po. 22Dukira mo nye usimbu, yeeyi asi ame kapi nani rugana yuma, ove wa hana kukasika mo simpe.” Yipo nye ava si tumbwire oso sitata asi Sowara (kuninka asi ‘Genderera, duka!’).
Ezonaguro lyaSodoma naGomora
23Ga ka sika Roto moSowara, alyo ezuva yipo lina kuvandura. 24Hompa makura ta rokesere Sodoma naGomora mundiro nomamanya gomundiro gokutunda meguru. 25Yitata eyi nedamenena lyaJorodana nalinye, novantu ava va kere moyitata neyi nayinye ya menene mevhu ta yi zonagura po. 26MukadaRoto ta setuka a tare konyima, makura ta lisitunuka siguru somungwa.
27Ngurangura Abirahamu ta meneka a ronde pevega eli ga sikamene komeho zaHompa. 28Ta tara koSodoma naGomora nokomuramba nagunye, ta mono musi guna kututumuka mosirongo ngwendi gwesita lyenene. 29Nye Karunga apa ga hanagwire yitata yomomuramba, ta diworoka Abirahamu, makura ta parura Roto.
Ntundiliro zoVamowaba naVaamoni
30Morwa Roto kwa tjilire kukara moSowara, makura nage novana vendi wovakadi vavali tava zi konondundu, memukero lyomondundu. 31Mukurona po ta tantere mumbyendi asi: “Guhyetu ta kurupa, ano mosirongo hena mutupu mugara ogu ga hupa mo asi nga tu kwara, nkumwe ngatu gwane ruvharo moomu ya kara po. 32Ninka nkumwe tu korwese guhyetu, tu rare nendi, ngatu gwane ko vana.” 33Masiku ogo tava pe guhyawo vhinyu a nwe. Mukurona po makura ta zi a ka rare noguhwe, awo oguhwe nkara dawo.
34Eyi kwa sa, mukurona ta tantere mumbyendi asi: “Masiku aga ame notate na rara. Ano nkumwe tu mu korwese hena, nove o rugane moomu na rugana ame. Makura nkumwe ngatu gwane ko vana kwaguhyetu.” 35Masiku ogo tava mu korwesa hena. Munona po nage ta zi a ka rare nendi. Napoopo si kwa korwere ga korwere nkara dendi.
36Vana vaRoto navenye mouvali wawo tava kara nomazimo gaguhyawo. 37Gomukurona po ta hampuruka munona gomugara, ta mu ruku Mowaba (kuninka asi ‘Gomotate’). Age yige zinyakurwaVamowaba vantaantani. 38Munona po nage ta hampuruka munona gomugara, ta mu ruku Beni‐Ami (kuninka asi ‘Gemekoro lyange’). Age yige zinyakurwaVaamoni vantaantani.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003