Genesis 11
11
Ruhungu rwaBabironi
1Pomuhowo‐howo, vantu navenye womouzuni ngava uyunga eraka limwe, tava ruganesa yitumbwiso yimwe tupu. 2Mokutunda kwawo koupumezuva, tava wiza pevega limwe mosirongo saSineara, makura tava tura. 3Makura tava litantera‐tantere asi: “Ninkeni oko! Tu foromeni po nodopi, makura tu di hwike.” Makura tava gwana po nodopi dokutungisa nerova lyokutungisisa. 4Makura tava ninki asi: “Ntaantani tatu tungeni po nye sitata soruhungu rorure rokukatwa meguru. Ngatu fumanene po, makura ngatu dire kulihanena mouzuni mudima.”
5 Hompa makura ta hegumuka a ya tare sitata noruhungu oru va tungire owo vantu, 6ta ninki asi: “Apa vana kara ngesi muhoko gumwe tupu, awo hena kuuyunga eraka limwe tupu, ano eli ngesi etameko tupu lyeyi ngava rugana komeho oko. Apa vana kara, ngava vhura kurugana nkenye eyi vana hara. 7Tu hegumukeni tu ka piyaganeke eraka lyawo, ngava dire kulizuvha.” 8Makura Hompa ta va haraganesa mouzuni mudima, makura tava hageke kutunga sitata. 9Yipo nye va si rukire oso sitata Babironi (kuninka moRuhebeli asi epiyagano), yeeyi Hompa yimo ga piyaganeserere eraka lyovantu navenye, makura ta va haraganesere mwa za uzuni omo.
Ruvharo rwaSema
10Ruvharo rwaSema roru: Eyi pa pita nomvhura mbali konyima zoruhanzo, age Sema nomvhura dendi efere limwe, ta reta muna gomugara Arepakesadi. 11Konyima zoyo, ta kara ko hena nomvhura mafere gatano, ta retere po hena vana vamwe.
12Ano Arepakesadi apa ga sikire konomvhura nomurongo ntatu nantano, ta reta muna gomugara, Sera. 13Konyima zoyo ta kara ko nomvhura mafere gane nantatu, ta retere po hena vana vamwe.
14Ano Sera apa ga kere nonomvhura nomurongo ntatu, ta reta muna gomugara, Ebere. 15Konyima zoyo, ta kara ko hena nomvhura mafere gane nantatu, ta retere po vana vamwe.
16Ano Ebere apa ga kere nonomvhura nomurongo ntatu nane, ta kara nomuna gomugara, Peregi. 17Konyima zoyo ta kara ko hena nomvhura mafere gane nonomurongo ntatu, ta retere po hena vana vamwe.
18Ano Peregi apa ga kere nonomvhura nomurongo ntatu, ta reta muna gomugara Reu. 19Konyima zoyo ta kara ko hena nomvhura mafere gavali nantano‐nane, ta retere ko hena vana vamwe.
20Ano Reu apa ga kere nonomvhura nomurongo ntatu nambali, ta reta muna gomugara Serugi. 21Konyima zoyo ta kara ko hena nomvhura mafere gavali nantano‐nambali, ta retere po hena vana vamwe.
22Ano Serugi apa ga kere nonomvhura nomurongo ntatu, ta reta muna gomugara Nahoro. 23Konyima zoyo ta kara ko hena nomvhura mafere gavali, ta retere po hena vana vamwe.
24Ano Nahoro apa ga kere nonomvhura nomurongo mbali nantano‐nane, ta reta muna gomugara Tera. 25Konyima zoyo ta kara ko hena nomvhura efere nomurongo nantano‐nane, ta retere po hena vana vamwe.
26Tera eyi ga koya ponomvhura nomurongo ntano‐nambali, ta kara guhya oAbiramu naNahoro naHarani.
27Ruvharo rwaTera roru: Tera yige guhyaAbiramu naNahoro naHarani, ano Harani yige guhyaRoto. 28Ano Harani kwa fire, age guhwe Tera simpe pweli, age mosirongo sendi somvharerwa, moUru moBabironiya. 29Ano oAbiramu naNahoro makura tava kwara vakadi. Edina lyomukadi gwaAbiramu yige Sarayi, ano edina lyomukadi gwaNahoro yige Milika, munwaHarani, guhya oMilika naJisika. 30Sarayi nganze ga kere, kapi ga peke muna. 31Ano Tera makura ta gusa munwendi Abiramu namutekurwendi Roto, munwaHarani, nangumweyi zendi Sarayi, mukadamunwendi Abiramu. Ava yiwo ga tundire nawo moUru moBabironiya, va ze kosirongo saKanani. Awo makura tava wiza dogoro poHarani, yipo va tungire. 32Mazuva gaTera nomvhura mafere gavali nantano, makura Tera ta fire moHarani.
നിലവിൽ തിരഞ്ഞെടുത്തിരിക്കുന്നു:
Genesis 11: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 11
11
Ruhungu rwaBabironi
1Pomuhowo‐howo, vantu navenye womouzuni ngava uyunga eraka limwe, tava ruganesa yitumbwiso yimwe tupu. 2Mokutunda kwawo koupumezuva, tava wiza pevega limwe mosirongo saSineara, makura tava tura. 3Makura tava litantera‐tantere asi: “Ninkeni oko! Tu foromeni po nodopi, makura tu di hwike.” Makura tava gwana po nodopi dokutungisa nerova lyokutungisisa. 4Makura tava ninki asi: “Ntaantani tatu tungeni po nye sitata soruhungu rorure rokukatwa meguru. Ngatu fumanene po, makura ngatu dire kulihanena mouzuni mudima.”
5 Hompa makura ta hegumuka a ya tare sitata noruhungu oru va tungire owo vantu, 6ta ninki asi: “Apa vana kara ngesi muhoko gumwe tupu, awo hena kuuyunga eraka limwe tupu, ano eli ngesi etameko tupu lyeyi ngava rugana komeho oko. Apa vana kara, ngava vhura kurugana nkenye eyi vana hara. 7Tu hegumukeni tu ka piyaganeke eraka lyawo, ngava dire kulizuvha.” 8Makura Hompa ta va haraganesa mouzuni mudima, makura tava hageke kutunga sitata. 9Yipo nye va si rukire oso sitata Babironi (kuninka moRuhebeli asi epiyagano), yeeyi Hompa yimo ga piyaganeserere eraka lyovantu navenye, makura ta va haraganesere mwa za uzuni omo.
Ruvharo rwaSema
10Ruvharo rwaSema roru: Eyi pa pita nomvhura mbali konyima zoruhanzo, age Sema nomvhura dendi efere limwe, ta reta muna gomugara Arepakesadi. 11Konyima zoyo, ta kara ko hena nomvhura mafere gatano, ta retere po hena vana vamwe.
12Ano Arepakesadi apa ga sikire konomvhura nomurongo ntatu nantano, ta reta muna gomugara, Sera. 13Konyima zoyo ta kara ko nomvhura mafere gane nantatu, ta retere po hena vana vamwe.
14Ano Sera apa ga kere nonomvhura nomurongo ntatu, ta reta muna gomugara, Ebere. 15Konyima zoyo, ta kara ko hena nomvhura mafere gane nantatu, ta retere po vana vamwe.
16Ano Ebere apa ga kere nonomvhura nomurongo ntatu nane, ta kara nomuna gomugara, Peregi. 17Konyima zoyo ta kara ko hena nomvhura mafere gane nonomurongo ntatu, ta retere po hena vana vamwe.
18Ano Peregi apa ga kere nonomvhura nomurongo ntatu, ta reta muna gomugara Reu. 19Konyima zoyo ta kara ko hena nomvhura mafere gavali nantano‐nane, ta retere ko hena vana vamwe.
20Ano Reu apa ga kere nonomvhura nomurongo ntatu nambali, ta reta muna gomugara Serugi. 21Konyima zoyo ta kara ko hena nomvhura mafere gavali nantano‐nambali, ta retere po hena vana vamwe.
22Ano Serugi apa ga kere nonomvhura nomurongo ntatu, ta reta muna gomugara Nahoro. 23Konyima zoyo ta kara ko hena nomvhura mafere gavali, ta retere po hena vana vamwe.
24Ano Nahoro apa ga kere nonomvhura nomurongo mbali nantano‐nane, ta reta muna gomugara Tera. 25Konyima zoyo ta kara ko hena nomvhura efere nomurongo nantano‐nane, ta retere po hena vana vamwe.
26Tera eyi ga koya ponomvhura nomurongo ntano‐nambali, ta kara guhya oAbiramu naNahoro naHarani.
27Ruvharo rwaTera roru: Tera yige guhyaAbiramu naNahoro naHarani, ano Harani yige guhyaRoto. 28Ano Harani kwa fire, age guhwe Tera simpe pweli, age mosirongo sendi somvharerwa, moUru moBabironiya. 29Ano oAbiramu naNahoro makura tava kwara vakadi. Edina lyomukadi gwaAbiramu yige Sarayi, ano edina lyomukadi gwaNahoro yige Milika, munwaHarani, guhya oMilika naJisika. 30Sarayi nganze ga kere, kapi ga peke muna. 31Ano Tera makura ta gusa munwendi Abiramu namutekurwendi Roto, munwaHarani, nangumweyi zendi Sarayi, mukadamunwendi Abiramu. Ava yiwo ga tundire nawo moUru moBabironiya, va ze kosirongo saKanani. Awo makura tava wiza dogoro poHarani, yipo va tungire. 32Mazuva gaTera nomvhura mafere gavali nantano, makura Tera ta fire moHarani.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003