Exodus 28
28
Yikoverero youpristeli
(Ex 39:1-7)
1“Ngo ninka to gusa mombunga zoVaisraeli mukuroge Arona novana vendi wovagara, ngo va ninke va hede koge, asi ngava kerere nge mosirugana soupristeli: Arona novana vendi wovagara oNadabu naAbihu naEliyasera naItamara. 2Ano mukuroge Arona to mu honzere yikoverero yokupongoka yefumano yomutaro. 3Ove hena ngo uyunge nononkurungu nadinye edi na zwida mpepo zounongo asi va ruganene Arona yikoverero yokumupongwesa, nga kerere nge moyirugana youpristeli. 4Yikoverero eyi ngava rugana yeyi: sikoverero soponturo nesi sokomapepe nerwakani neyerera eli va limbagura nomafano, nembare nekwamo. Yimo nye ngava ruganena mukuroge Arona novana vendi wovagara yikoverero ngoso, asi ngava kerere nge moyirugana youpristeli. 5Ngava ruganese ngorodo nonongodi dougehamburau nedi dopurupuli nedi dougehahonde nedi dolina zonderu.
6“Ngava rugane sikoverero sokomapepe solina zene‐zene, ezi va tunga nonongodi dokupoha dosineguru nedi dopurupuli nedi donongeha nedi dongorodo, ngava si limbagure nomaurenga. 7Ngasi kare notumukwi tuvali topomapepe tokusigwanekedesa konohuro daso mbali, asi si kore. 8Ngama zokusimangesa nazo zekehe lyonongodi dokulifana naso, va honzerera kumwe, azo zonongodi dongorodo nedi dosineguru nedi dopurupuli nedi donongeha nolina zene‐zene zonongodi dokupoha. 9Ngo guse mamanya gokareneliya, ngo tjokwere po madina govana murongo navavali vaIsraeli wovagara, 10moomu va likwamena, gatano‐nalimwe pemanya eli, ano aga gatano‐nalimwe hena pekwawo. 11Papara nkurungu zomamanya gomulyo, ngazi tjokwere po pomamanya gavali madina govana vaIsraeli wovagara, makura ogo mamanya tazi ga tura momaukwatero gongorodo. 12Ngo ga ture potumukwi topomapepe tokosikoverero sokomapepe, ga kare sidiworokeso somarudi murongo nagavali gaIsraeli. Monkedi zangesi yimo nye nga simbira Arona madina gawo komapepe gendi, asi ame Hompa ngani diworoke nkenye apa mbunga zange. 13Ngo rugane maukwatero gavali gongorodo 14notulyenge tuvali tongorodo zene‐zene tokupoha ngwendi nongodi, makura to tu manga komaukwatero.
Ndjato zoponturo
(Ex 39:8-21)
15“Ngo rugane ndjato zoponturo, ezi nga dwara mupristeli gomunene pokukwatekesa ko mpango zaKarunga. Ngava zi rugane zekehe lyokufana lyosikoverero sokomapepe, makura tava zi limbagura ngwendi yiso. 16Azo ngo zi rambakane, tazi kara zosikwambando, monaure nomonompatji namunye nosentimeta nomurongo mbali nantatu ngoso. 17Ngo ture mo nomukweyo ne domamanya gomulyo. Momukweyo gomuhowo ngo ture mo mamanya aga: rubini natopasi nagarenedi. 18Momukweyo gwauvali gaga: emeralidi nasafire nadiamondi. 19Momukweyo gwautatu: bereli naakate naametisi. 20Ano mukweyo gwaune kilisolite nakareneliya naonikisi. Ago ngo ga ture momaukwatero gongorodo. 21Pogo mamanya murongo nagavali, nkenye eli ngo tjokwere po edina limwe lyamunwaJakopo gomugara, ga faneke marudi murongo nagavali gaIsraeli. 22Ngo rugane tulyenge tongorodo zene‐zene, tokupoha moomu ava poho nongodi, ngatu kare kondjato zoponturo. 23Ngo rugana hena nolinga mbali dongorodo, ngo di kogeke komakovhu gavali gepeguru gondjato zoponturo. 24Ngo mange nongodi mbali dongorodo konolinga mbali, 25ano edi nohuro dimwe donongodi odo mbali ngo di mange komaukwatero gavali, monkedi ezi to tu gwanekedesa nosikoverero sokomapepe korwameho. 26Rugana hena tumusere tuvali tongorodo, makura o tu kogeke komaruha gepevhu goruhwira roponturo. 27Rugana hena tumusere tumwe tuvali tongorodo, o tu kogeke koyiha yepevhu komeho zomapepe gavali gerwakani, popepi nomukunkuro keguru lyongama. 28Tumusere toruhwira roponturo kutumanga nokangodi kousovangani weguru wokusita, ka ka kwate kotumusere twerwakani. Ano ruhwira taru kambama nye kongama, asi ru dire kukara ruha rumwe. 29Ano Arona nsene ta hwilire mEvega lyoKupongoka, ago madina govana Vaisraeli kuna kara poruhwira roponturo romatokwero ponturo zendi, asi Hompa a va diworoke nkenye apa. 30Tura Ulimu naTumimu moruhwira roponturo romatokwero, ayi kare ponturo zaArona, nsene ta zi kwaHompa. A dware narunye ruhwira roponturo ponturo zendi romatokwero govana vaIsraeli kosipara saHompa.
Yikoverero yapeke youpristeli
(Ex 39:22-31)
31“Honza hena eguwo lyere lyosineguru lyokukara kontunda zeyerera konhi. 32Keguru lyeguwo pokatji pa kare mpito zokuhwililira mutwe. Konontere dompito, ruganena ko nohuki moomu ayi kara kononsingo donombaikisa doyipapa, ngali dire kutavauka. 33Komukunkuro gwalyo gwepevhu, ruganena ko nopomegaranate donongodi dosineguru nousovagani wosineguru wokusita nougeha. Pokatji konopomegaranate pitaika po tungenzo tongorodo. 34Yimo nye ngoso ngatu kara, mukweyo gotungenzo tongorodo nonopomegaranate tagu ka likwata nomukunkuro gwepevhu. 35Arona nga li dware, nsene ta ka rugana yirugana youpristeli. Nsene ta hwilire mevega lyokupongoka ndi ta pwaga mo, muhagaro gotungenzo tagu zuvhika, makura kapi va mu dipage.
36“Rugana mbandi zongorodo zene‐zene, makura o tjokore po asi: ‘Kwa si pongwera Hompa’. 37Zi mangerera komeho zosinsumbere notuliva tosineguru. 38Azi kare kosipara saArona, si kare sidiviso asi age yige wa tumbukira nkenye unzoni woyigava yokupongoka yoVaisraeli. Mbandi azi kare nkenye apa kosipara sendi si kare sidiviso asi Hompa ana va fire nkenda.
39“Rugana sikoverero nosinsumbere sekehe lyewa lyolina lyatooto. Ngama to zi limbagura.
40“Ruganena hena vana vaArona nohema nonongama noyinsumbere. Yinsumbere yawo to yi rugana yi kare yoyiwa yomutaro. 41Ninka mukuroge Arona novana vendi va dware mudwaro nagunye ogu. Va tapeka magadi, to va tungike to va pongora, ngava ruganene nge yirugana youpristeli. 42Va ruganena nomburukweva dononzera dokutunda mombunda dogoro komatungi, va dire kumoneka mpenywina. 43Arona novana vendi ava di dware nkenye apa, nsene tava zi moNkongoronzugo ndi nsene asi tava heda kosizambero, va rugane yirugana youpristeli mEvega lyokupongoka. Oyo yokuninkira asi mpenywina zawo zi dire kumoneka, neisi va va dipaga. Ezi mpangera zanarunye ngazi kara noku kwava ngava kwama ko.
നിലവിൽ തിരഞ്ഞെടുത്തിരിക്കുന്നു:
Exodus 28: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 28
28
Yikoverero youpristeli
(Ex 39:1-7)
1“Ngo ninka to gusa mombunga zoVaisraeli mukuroge Arona novana vendi wovagara, ngo va ninke va hede koge, asi ngava kerere nge mosirugana soupristeli: Arona novana vendi wovagara oNadabu naAbihu naEliyasera naItamara. 2Ano mukuroge Arona to mu honzere yikoverero yokupongoka yefumano yomutaro. 3Ove hena ngo uyunge nononkurungu nadinye edi na zwida mpepo zounongo asi va ruganene Arona yikoverero yokumupongwesa, nga kerere nge moyirugana youpristeli. 4Yikoverero eyi ngava rugana yeyi: sikoverero soponturo nesi sokomapepe nerwakani neyerera eli va limbagura nomafano, nembare nekwamo. Yimo nye ngava ruganena mukuroge Arona novana vendi wovagara yikoverero ngoso, asi ngava kerere nge moyirugana youpristeli. 5Ngava ruganese ngorodo nonongodi dougehamburau nedi dopurupuli nedi dougehahonde nedi dolina zonderu.
6“Ngava rugane sikoverero sokomapepe solina zene‐zene, ezi va tunga nonongodi dokupoha dosineguru nedi dopurupuli nedi donongeha nedi dongorodo, ngava si limbagure nomaurenga. 7Ngasi kare notumukwi tuvali topomapepe tokusigwanekedesa konohuro daso mbali, asi si kore. 8Ngama zokusimangesa nazo zekehe lyonongodi dokulifana naso, va honzerera kumwe, azo zonongodi dongorodo nedi dosineguru nedi dopurupuli nedi donongeha nolina zene‐zene zonongodi dokupoha. 9Ngo guse mamanya gokareneliya, ngo tjokwere po madina govana murongo navavali vaIsraeli wovagara, 10moomu va likwamena, gatano‐nalimwe pemanya eli, ano aga gatano‐nalimwe hena pekwawo. 11Papara nkurungu zomamanya gomulyo, ngazi tjokwere po pomamanya gavali madina govana vaIsraeli wovagara, makura ogo mamanya tazi ga tura momaukwatero gongorodo. 12Ngo ga ture potumukwi topomapepe tokosikoverero sokomapepe, ga kare sidiworokeso somarudi murongo nagavali gaIsraeli. Monkedi zangesi yimo nye nga simbira Arona madina gawo komapepe gendi, asi ame Hompa ngani diworoke nkenye apa mbunga zange. 13Ngo rugane maukwatero gavali gongorodo 14notulyenge tuvali tongorodo zene‐zene tokupoha ngwendi nongodi, makura to tu manga komaukwatero.
Ndjato zoponturo
(Ex 39:8-21)
15“Ngo rugane ndjato zoponturo, ezi nga dwara mupristeli gomunene pokukwatekesa ko mpango zaKarunga. Ngava zi rugane zekehe lyokufana lyosikoverero sokomapepe, makura tava zi limbagura ngwendi yiso. 16Azo ngo zi rambakane, tazi kara zosikwambando, monaure nomonompatji namunye nosentimeta nomurongo mbali nantatu ngoso. 17Ngo ture mo nomukweyo ne domamanya gomulyo. Momukweyo gomuhowo ngo ture mo mamanya aga: rubini natopasi nagarenedi. 18Momukweyo gwauvali gaga: emeralidi nasafire nadiamondi. 19Momukweyo gwautatu: bereli naakate naametisi. 20Ano mukweyo gwaune kilisolite nakareneliya naonikisi. Ago ngo ga ture momaukwatero gongorodo. 21Pogo mamanya murongo nagavali, nkenye eli ngo tjokwere po edina limwe lyamunwaJakopo gomugara, ga faneke marudi murongo nagavali gaIsraeli. 22Ngo rugane tulyenge tongorodo zene‐zene, tokupoha moomu ava poho nongodi, ngatu kare kondjato zoponturo. 23Ngo rugana hena nolinga mbali dongorodo, ngo di kogeke komakovhu gavali gepeguru gondjato zoponturo. 24Ngo mange nongodi mbali dongorodo konolinga mbali, 25ano edi nohuro dimwe donongodi odo mbali ngo di mange komaukwatero gavali, monkedi ezi to tu gwanekedesa nosikoverero sokomapepe korwameho. 26Rugana hena tumusere tuvali tongorodo, makura o tu kogeke komaruha gepevhu goruhwira roponturo. 27Rugana hena tumusere tumwe tuvali tongorodo, o tu kogeke koyiha yepevhu komeho zomapepe gavali gerwakani, popepi nomukunkuro keguru lyongama. 28Tumusere toruhwira roponturo kutumanga nokangodi kousovangani weguru wokusita, ka ka kwate kotumusere twerwakani. Ano ruhwira taru kambama nye kongama, asi ru dire kukara ruha rumwe. 29Ano Arona nsene ta hwilire mEvega lyoKupongoka, ago madina govana Vaisraeli kuna kara poruhwira roponturo romatokwero ponturo zendi, asi Hompa a va diworoke nkenye apa. 30Tura Ulimu naTumimu moruhwira roponturo romatokwero, ayi kare ponturo zaArona, nsene ta zi kwaHompa. A dware narunye ruhwira roponturo ponturo zendi romatokwero govana vaIsraeli kosipara saHompa.
Yikoverero yapeke youpristeli
(Ex 39:22-31)
31“Honza hena eguwo lyere lyosineguru lyokukara kontunda zeyerera konhi. 32Keguru lyeguwo pokatji pa kare mpito zokuhwililira mutwe. Konontere dompito, ruganena ko nohuki moomu ayi kara kononsingo donombaikisa doyipapa, ngali dire kutavauka. 33Komukunkuro gwalyo gwepevhu, ruganena ko nopomegaranate donongodi dosineguru nousovagani wosineguru wokusita nougeha. Pokatji konopomegaranate pitaika po tungenzo tongorodo. 34Yimo nye ngoso ngatu kara, mukweyo gotungenzo tongorodo nonopomegaranate tagu ka likwata nomukunkuro gwepevhu. 35Arona nga li dware, nsene ta ka rugana yirugana youpristeli. Nsene ta hwilire mevega lyokupongoka ndi ta pwaga mo, muhagaro gotungenzo tagu zuvhika, makura kapi va mu dipage.
36“Rugana mbandi zongorodo zene‐zene, makura o tjokore po asi: ‘Kwa si pongwera Hompa’. 37Zi mangerera komeho zosinsumbere notuliva tosineguru. 38Azi kare kosipara saArona, si kare sidiviso asi age yige wa tumbukira nkenye unzoni woyigava yokupongoka yoVaisraeli. Mbandi azi kare nkenye apa kosipara sendi si kare sidiviso asi Hompa ana va fire nkenda.
39“Rugana sikoverero nosinsumbere sekehe lyewa lyolina lyatooto. Ngama to zi limbagura.
40“Ruganena hena vana vaArona nohema nonongama noyinsumbere. Yinsumbere yawo to yi rugana yi kare yoyiwa yomutaro. 41Ninka mukuroge Arona novana vendi va dware mudwaro nagunye ogu. Va tapeka magadi, to va tungike to va pongora, ngava ruganene nge yirugana youpristeli. 42Va ruganena nomburukweva dononzera dokutunda mombunda dogoro komatungi, va dire kumoneka mpenywina. 43Arona novana vendi ava di dware nkenye apa, nsene tava zi moNkongoronzugo ndi nsene asi tava heda kosizambero, va rugane yirugana youpristeli mEvega lyokupongoka. Oyo yokuninkira asi mpenywina zawo zi dire kumoneka, neisi va va dipaga. Ezi mpangera zanarunye ngazi kara noku kwava ngava kwama ko.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003