Exodus 22
22
Noveta detengwido
1“Nsene a vaka muntu ngombe ndi nzwi a ka lye ndi a ka randese, mongombe ta futu mo nongombe ntano, ano monzwi ta futu mo nonzwi ne. 2-4Yige kuzifuta. Nsene kapi ga weka yuma, tava mu randesa po, yi gwe mweyi ga vaka. Oso simuna ga vaka, zi kare hove ndi sindongili ndi nzwi, nsene va si mu kwatera, aso nomwenyo gwaso, ta futu mo yivali.
“Muwidi, nsene va mu kwata, age kuna kuteza nzugo, nye va mu dipage, ogu ana mu dipaga kutupu nzo zedipago. Nye nsene yi horoka, ako kuna si, ta kara nonzo zedipago.
5“Muntu nsene ana lisire mukwawo epya ndi sikunino sendi soyindjembere, yige kufuta mo yoyiwa po yemepya lyendi ndi yomosikunino sendi soyindjembere.
6“Muntu nsene a hwika mpire, makura mundiro gu hwike mapya govantu peke, ado nombuto simpe modili, ogu ana gu hwike va mu futise mopa‐mokuzura.
7“Muntu nsene ga mu pungwisa mukwawo yimaliva ndi yininke yongandi, makura muwidi a yi vake mo membo lyendi, va yi mu kwatere, ogo muwidi a yi fute ruvali. 8Muwidi nsene kapi vana mu kwata, nturagumbo zembo a ze kosipara saKarunga a ka gane nsene asi kapi ga guma ko kuwoko kwendi koyininke eyi va vaka.
9“Nkenye nzo nsene asi zokuhamena kongombe ndi kosindongili ndi koyidwara ndi kwankenye esi sa zumbana, munzoni gwangoso a ze kosipara saKarunga. Nsene ana ka moneka kwaKarunga asi age munzoni, a futire mukwawo ruvali.
10“Muntu nsene ga fisa mukwawo sindongili ndi ngombe ndi nzwi ndi nkenye tupu simuna, makura tasi fu ndi tasi remana ndi tasi kara ndongweretenga pwa hana nondipo, 11mugano gokugana kwaHompa yigo nagu tokora, nsene kapi ga guma yininke yamukwawo, a yi vake kwamwenyayo. Nsene yangoso yimo yina kara, kapi na futa hena kwamukwawo. 12Nye nsene kuna yi vaka kwamwenyayo, yige kufutira mwenyayo. 13Ano nsene koyikasama sina likana, a twarere mwenyaso yigorogogo ngoundipo, kapi hena na futa sokulikana.
14“Muntu nsene a hehera simuna samukwawo, makura tasi likana age mwenyaso patupu, yige kusifuta nawa‐nawa. 15Ano mwenyasimuna nsene pweli, nokusifuta si. Nye nsene kwa si hehera yiyo ga si futira, a fute yehehero.
Noveta dokuhamena kononkedi noukereliKarunga
16“Mugara nsene a zeda mukadona ogu va dira kuvandekera, makura a rare nendi, a gave mugondwa gononkwara age hena a mu kware po. 17Ano oguhwe nsene va nyoka kumumupangera, mugara a gave mugondwa komukadona gokuliza nogu gononkwara.
18“Nokusiga si murodi a kare nomwenyo.
19“Nkenye ogu ana kurara nosimuna, va mu dipage.
20“Ogu a zambere karunga peke, nye kapisi kwaHompa Karunga, va gu mu guse pafingiliro lyokupongoka.
21“Walye o hepeke munayirongo ndi asi o mu ninkilire mo, yeeyi none vanayirongo mwa kere moEgipite. 22Walye o hepeke mufisayendi ndi nsigwe. 23Nsene o va hepeka, makura va zigide nge, ame ngani va zuvha usimbu, 24tani handuka ni ka mu dipagese kegonga. Vakadi veni ngava kara vafisavayavawo novana veni tava kara nonsigwe.
25“Nsene o heheda yimaliva muntu gwange gomuhepwe, ogu wa tunga nendi, wa ha mu twanganesa ngwendi muli gomakongo ndi asi o mu pure nsonso. 26Nsene o gusa erwakani lyamukweni lyenene mekwato, li mu tengwidira mezuva lyoolyo alyo simpe kapi lina toko. 27Yeeyi asi gwelike mudwaro gwendi ogu a likudumike pokurara. Age nsene a kuga nge, tani mu zuvhu, yeeyi asi ame mufenkenda.
28“Walye o fingi Karunga ndi o tuke mupanguli gomuhoko goge.
29“Walye o ruwu kuzambera nge sipe sonombuto nesi sovhinyu nomagadi.
“Vana veni wonombeli wovagara omu va pe nge. 30Nongombe doge nononzwi doge yimo ngorooro mokudirugana. Mazuva gatano‐nagavali tadi kara kozinyado, ano lyautano‐nautatu to di zambere nge.
31“Tomu kara vantu vange wokupongoka, kapisi mu lye nyama zokulikana koyikasama. Ozo zokupa nombwa di lye.
നിലവിൽ തിരഞ്ഞെടുത്തിരിക്കുന്നു:
Exodus 22: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 22
22
Noveta detengwido
1“Nsene a vaka muntu ngombe ndi nzwi a ka lye ndi a ka randese, mongombe ta futu mo nongombe ntano, ano monzwi ta futu mo nonzwi ne. 2-4Yige kuzifuta. Nsene kapi ga weka yuma, tava mu randesa po, yi gwe mweyi ga vaka. Oso simuna ga vaka, zi kare hove ndi sindongili ndi nzwi, nsene va si mu kwatera, aso nomwenyo gwaso, ta futu mo yivali.
“Muwidi, nsene va mu kwata, age kuna kuteza nzugo, nye va mu dipage, ogu ana mu dipaga kutupu nzo zedipago. Nye nsene yi horoka, ako kuna si, ta kara nonzo zedipago.
5“Muntu nsene ana lisire mukwawo epya ndi sikunino sendi soyindjembere, yige kufuta mo yoyiwa po yemepya lyendi ndi yomosikunino sendi soyindjembere.
6“Muntu nsene a hwika mpire, makura mundiro gu hwike mapya govantu peke, ado nombuto simpe modili, ogu ana gu hwike va mu futise mopa‐mokuzura.
7“Muntu nsene ga mu pungwisa mukwawo yimaliva ndi yininke yongandi, makura muwidi a yi vake mo membo lyendi, va yi mu kwatere, ogo muwidi a yi fute ruvali. 8Muwidi nsene kapi vana mu kwata, nturagumbo zembo a ze kosipara saKarunga a ka gane nsene asi kapi ga guma ko kuwoko kwendi koyininke eyi va vaka.
9“Nkenye nzo nsene asi zokuhamena kongombe ndi kosindongili ndi koyidwara ndi kwankenye esi sa zumbana, munzoni gwangoso a ze kosipara saKarunga. Nsene ana ka moneka kwaKarunga asi age munzoni, a futire mukwawo ruvali.
10“Muntu nsene ga fisa mukwawo sindongili ndi ngombe ndi nzwi ndi nkenye tupu simuna, makura tasi fu ndi tasi remana ndi tasi kara ndongweretenga pwa hana nondipo, 11mugano gokugana kwaHompa yigo nagu tokora, nsene kapi ga guma yininke yamukwawo, a yi vake kwamwenyayo. Nsene yangoso yimo yina kara, kapi na futa hena kwamukwawo. 12Nye nsene kuna yi vaka kwamwenyayo, yige kufutira mwenyayo. 13Ano nsene koyikasama sina likana, a twarere mwenyaso yigorogogo ngoundipo, kapi hena na futa sokulikana.
14“Muntu nsene a hehera simuna samukwawo, makura tasi likana age mwenyaso patupu, yige kusifuta nawa‐nawa. 15Ano mwenyasimuna nsene pweli, nokusifuta si. Nye nsene kwa si hehera yiyo ga si futira, a fute yehehero.
Noveta dokuhamena kononkedi noukereliKarunga
16“Mugara nsene a zeda mukadona ogu va dira kuvandekera, makura a rare nendi, a gave mugondwa gononkwara age hena a mu kware po. 17Ano oguhwe nsene va nyoka kumumupangera, mugara a gave mugondwa komukadona gokuliza nogu gononkwara.
18“Nokusiga si murodi a kare nomwenyo.
19“Nkenye ogu ana kurara nosimuna, va mu dipage.
20“Ogu a zambere karunga peke, nye kapisi kwaHompa Karunga, va gu mu guse pafingiliro lyokupongoka.
21“Walye o hepeke munayirongo ndi asi o mu ninkilire mo, yeeyi none vanayirongo mwa kere moEgipite. 22Walye o hepeke mufisayendi ndi nsigwe. 23Nsene o va hepeka, makura va zigide nge, ame ngani va zuvha usimbu, 24tani handuka ni ka mu dipagese kegonga. Vakadi veni ngava kara vafisavayavawo novana veni tava kara nonsigwe.
25“Nsene o heheda yimaliva muntu gwange gomuhepwe, ogu wa tunga nendi, wa ha mu twanganesa ngwendi muli gomakongo ndi asi o mu pure nsonso. 26Nsene o gusa erwakani lyamukweni lyenene mekwato, li mu tengwidira mezuva lyoolyo alyo simpe kapi lina toko. 27Yeeyi asi gwelike mudwaro gwendi ogu a likudumike pokurara. Age nsene a kuga nge, tani mu zuvhu, yeeyi asi ame mufenkenda.
28“Walye o fingi Karunga ndi o tuke mupanguli gomuhoko goge.
29“Walye o ruwu kuzambera nge sipe sonombuto nesi sovhinyu nomagadi.
“Vana veni wonombeli wovagara omu va pe nge. 30Nongombe doge nononzwi doge yimo ngorooro mokudirugana. Mazuva gatano‐nagavali tadi kara kozinyado, ano lyautano‐nautatu to di zambere nge.
31“Tomu kara vantu vange wokupongoka, kapisi mu lye nyama zokulikana koyikasama. Ozo zokupa nombwa di lye.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003