لوقا 5
5
عیسی اوّلین شاگِردِن
1ایی روز که عیسی جِنیسارِتی دریاچه وَری کا مَندَه بَه و مردم هَر طرفی نه بَیی هجوم بواَردین تا خِدا کلامی دَرَسِن، 2عیسی دریاچه کَناری کا دِ گِله لوتکا ویندِشه که صیادِن اَوون کا ویرمَه بینَه و کارا اِشتَن ماشکون شورین. 3عیسی ایلَه اَ لوتکا اون کا دَنِشته که شمعونی شِن بَه و بَیی کا پیستِشَه که لوتکا تِلی ساحلی کا دور آکَرِه. دومله نِشته و لوتکا دیلَه نَه اَ مردمی تعلیم دوشَه. 4وختی عیسی گَفِن تَمون آبینَه، شمعونی نَه واتِشه: «لوتکا بِبَه دریاچه عمیق جِگا را و شِمَه ماشکون مایی گِتِه را آوی دیلَه کا دَرَفَنَه.» 5شمعون جَواو دوشه: «اُستاد، اَمَه تَمون شو بَرک زحمت کَشَمونَه و اَصلا هیچی گِتَمون نییَه. امّا حِسَه چوم تِه بَواتیش، ماشکون دَرَفَنَم آوی دیلَه.» 6وختی اَوِن اِنتَه کَردِشونَه، هِندی مایی گِتِشونَه که چَوون ماشکِن کارا پَله بَبین! 7بَس اَوِن اِشتَن هَمکارون را، که اَ ایلَه لوتکا کا مَندَه بینَه اِشاره کَردِشونَه که چَوون کمکی را بان. اَوِن اومینَه و هَر دِ گِله لوتکا هِندی مایی نَه پور آکَردِشونَه که نِزدیک بَه آوی دیلَه کا ویشون. 8وختی شمعونِ پطرس اِمی ویندِشه، عیسی پا دَلَکه و واتِشه: «اِی خِداوند، بَه مِن کا دور آبو، چوم اَز گناه کارَه مِردی ایمَه!» 9شمعون و گِرد چَیی هَمراه اِن مایی اون گِتَه ماجرا کا مات و مبهوت بینَه. 10یعقوب و یوحنا، زِبدی زوعَه اِن، نی که شمعونی همکار بینَه، هَ حالی دارین. عیسی شمعونی نَه واتِشه: «مَتَرس، چِمی پَش آدَمون صِید بَکَردیش.» 11وختی اَوِن اِشتَن لوتکا اون وَردِشونَه ساحِلی را، هَمه چی وِل آکَردِشونَه، شینَه عیسی دومله.
ایلَه جُذامی یَه مِردی شفا
12وختی که عیسی ایلَه شَهرون کا بَه، ایلَه مِردی اومَه که جُذام چَیی جانی گِردی گِتَش بَه. وختی اَ جُذامی عیسی ویندِشه، چَیی پا دَلَکه و مِنّت کَردِشه، واتِشه: «آقا، اَگم تِه بِپیش بَشای مِن شَفا بِدَی.» 13عیسی اِشتَن دَسی دِراز آکَردِشه و اَیی دَس آسوشَه و واتِشه: «پیستِمَه، شَفا بِگِه!» اَلبَحَل اَ مِرد جُذامی کا شَفا گِتِشه. 14دومله عیسی اَیی سفارش کَردِشه که اِم ماجرا هیچکسی نَه مَواجِه ولی اَیی نَه واتِشه که: «بِش و اِشتَن، کاهِنی نیشون بِدَه و قِربونی ایی بِکه كه مخصوص شَفا یَه، هَ قِربونی که موسی پیغمبر حُکم کَردَشه، تا اَوون را ثابت بِبو که تِه شَفا گِتَره.» 15ولی با اِم حال عیسی کارون خَوَر وِرتَر پَخش آبی، و یالَه جماعتونی جمع آبین تا چَیی گَفون دَرَسِن و اِشتَن درد و مَرضون کا شَفا بِگِرِن. 16ولی عیسی بَشی دور افتاده جِگا اون را و دعا بِکَردی.
ایفلیجَ مِردی شفا
17ایلَه اَ روزون کا، وختی که عیسی تعلیم بَدای فریسی فِرقه عُلما و توراتی معلِمِن نی گِردِ جلیل و یهودیه ولایتون کا و اورشلیمی شهری کا اومَه بینَه و اوآکا نِشت بینَه. خِداوندی قدرت عیسی نَه بَه تا مریضون شفا بِدَه. 18ایی دفعه چَن گِله مِرد اومینَه که ایلَه اِفلیجی چَیی دوشَکی نَه کارا بواَردین. اَوِن تَقَّلا بَکَردین اَیی بِبَرین کَ دیلَه و عیسی پیشی کا بِنَن. 19امّا چوم جماعتی وِر بییِه واسی نِشاستِشونَه اَ ایفلیجی بِبَرِن کَ دیلَه، پِشینَه کَ بومی سَر و سَقفی سُفالون وسطی کا اَ ایفلیجی چَیی دوشَکی نَه ویسا آکَردِشونَه جیر و جماعتی وسطی کا نوشونَه عیسی پیشی کا. 20عیسی وختی چَوون ایمانی ویندِشه واتِشه: «اِی مِرد، اِشتِه گناه اِن بَخشِسته بینَه!» 21توراتی معلِمِن و فریسییِن اِشتَن نَه فیکر بَکَردین که: «اِم کییَه که کُفر بَواتی؟ خِدا غِیراز کی بَشای گناه اون بِبَخشه؟» 22عیسی که چَوون فیکری بَزنی دَفَرسِشه: «چیرا شِمَه دیلون کا اِنتَه ره فیکرون بَکَردیرون؟ 23کَمیله گفی واتِه راحتتَرَه: ”اِشتِه گناه اِن بَخشِسته بینَه“ یا اِم که ”پِرِز و راه بِش“؟ 24امّا اِمی واسی که بِزونَه اِنسانی زوعَه، زمینی کا اِختیارِش اِستَه گناه اون بِبَخشِه» اَ اِفلیجَ مِردی نَه واتِشه: «تِنَه بَواتیم، پِرِز، اِشتِه دوشَکی پِگِه و بِش کَ!» 25اَ مِرد اَلبَحَل، چَوون چِمی پیشی کا پِرِشتَه، اَ دوشَکی که چَیی سَری کا خِتَه بَه پِگِتِشه و خِدا شُکر کَردِه کَردِه، شَه کَ. 26گِردِ اَوِن اِم ماجرا کا حَیرون بینَه، خِدا ستایش کَردِشونَه و تَرس چَوون جانی کا دَلَکَه بَه، و بَواتین: «اوری چِنتَه رَه عجیبَ چییونی ویندِمونَه.»
عیسی، باج گیرَه لاوی دعوت بَکَردی
27دومله عیسی اَ کَ کا اومَه بِرون و ایلَه باجگیری ویندِشه که باج ویگِته دَکَه کا نِشت بَه. چَیی نوم لاوی بَه. عیسی اَیی نَه واتِشه: «چِمِن دومله بِری.» 28لاوی پِرِشته، هَمه چی اوآکا نوشه و عیسی دومله شَه.
29لاوی عیسی را اِشتَن کَ کا یال مِهمونی دوشَه. وِرَه جماعتی، باجگیرون و دییَر میهمونون کا اَوون نَه سِفره سَری کا نِشتینَه. 30فریسی فِرقه عُلما و ایی گروه توراتی معلمون کا که چَوون فِرقه کا بینَه، عیسی شاگِردون را غُرغُر بَکَردین و بَواتین: «چیرا شِمَه باجگیرون و گناه کارون نَه هَره و هِنجَه؟» 31عیسی چَوون جَواوی کا واتِشه: «مریضِن طَبیب پیستِشونَه، نِه سالِمِن. 32اَز اومَیمَه گناه کارون دعوت بِکَرِم توبه بِکَرِن نِه کسونی که صالِحی نَه.»
سوال دَفَرسِه روزه گِتِه درباره
33اَوِن عیسی نَه واتِشونَه: «یحیی شاگِردِن معمولا روزه گِرِن و دعا کَرِن، فریسیون شاگِردِن نی هَتَه کَرِن، امّا اِشتِه شاگِردن هَرِن و هِنجِن.» 34عیسی جَواو دوشَه: «بَگم بَبی عروسی میهمونون مَجبور بِکَرَه، تا وختی که زِما اَوون نَه یَه، روزه بِگِرِن؟ 35روزونی بومَی که زِما اَوون کا ویگِتَه بَبی. اَ روزون کا، اَوِن نی روزه گِرِن.» 36عیسی اَوون را اِم مَثَّلی نی وَردِشه: «هیچکس ایلَه تازه خَلایی کا که آو دَشَه نییَه ایی تیکه نِدَوِرِه که اَیی نَه کَنَه خَلا پینَه بِکَرِه. اَگم اِنتَه بِکَرِه، هَم اَ تازه خَلا پَله بَبی و هَم تازه تیکه پارچه، کَنه خَلا را ناجوره وَصله یَه. 37هیچکس نی تازه شَراوی کَنَه مَشکون کا نِدَکَرِه. اَگم دَکَرِه، چوم تازه شَراو حَلا گازِش اِستَه مَشکِن پِزِرِن، شَراو ویبو و مَشکِن اَز بِین بَشین. 38بَلکَم تازه شَراوی بَسی تازه مَشکون کا دَکَرَم. 39هیچکس نی کَنَه شَراوی هِنتِه پَش، تازه شَراو نِپیشَه، چوم بَواتی: ”کَنه شَراو چاکتَرَه.“»
നിലവിൽ തിരഞ്ഞെടുത്തിരിക്കുന്നു:
لوقا 5: ITB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
لوقا 5
5
عیسی اوّلین شاگِردِن
1ایی روز که عیسی جِنیسارِتی دریاچه وَری کا مَندَه بَه و مردم هَر طرفی نه بَیی هجوم بواَردین تا خِدا کلامی دَرَسِن، 2عیسی دریاچه کَناری کا دِ گِله لوتکا ویندِشه که صیادِن اَوون کا ویرمَه بینَه و کارا اِشتَن ماشکون شورین. 3عیسی ایلَه اَ لوتکا اون کا دَنِشته که شمعونی شِن بَه و بَیی کا پیستِشَه که لوتکا تِلی ساحلی کا دور آکَرِه. دومله نِشته و لوتکا دیلَه نَه اَ مردمی تعلیم دوشَه. 4وختی عیسی گَفِن تَمون آبینَه، شمعونی نَه واتِشه: «لوتکا بِبَه دریاچه عمیق جِگا را و شِمَه ماشکون مایی گِتِه را آوی دیلَه کا دَرَفَنَه.» 5شمعون جَواو دوشه: «اُستاد، اَمَه تَمون شو بَرک زحمت کَشَمونَه و اَصلا هیچی گِتَمون نییَه. امّا حِسَه چوم تِه بَواتیش، ماشکون دَرَفَنَم آوی دیلَه.» 6وختی اَوِن اِنتَه کَردِشونَه، هِندی مایی گِتِشونَه که چَوون ماشکِن کارا پَله بَبین! 7بَس اَوِن اِشتَن هَمکارون را، که اَ ایلَه لوتکا کا مَندَه بینَه اِشاره کَردِشونَه که چَوون کمکی را بان. اَوِن اومینَه و هَر دِ گِله لوتکا هِندی مایی نَه پور آکَردِشونَه که نِزدیک بَه آوی دیلَه کا ویشون. 8وختی شمعونِ پطرس اِمی ویندِشه، عیسی پا دَلَکه و واتِشه: «اِی خِداوند، بَه مِن کا دور آبو، چوم اَز گناه کارَه مِردی ایمَه!» 9شمعون و گِرد چَیی هَمراه اِن مایی اون گِتَه ماجرا کا مات و مبهوت بینَه. 10یعقوب و یوحنا، زِبدی زوعَه اِن، نی که شمعونی همکار بینَه، هَ حالی دارین. عیسی شمعونی نَه واتِشه: «مَتَرس، چِمی پَش آدَمون صِید بَکَردیش.» 11وختی اَوِن اِشتَن لوتکا اون وَردِشونَه ساحِلی را، هَمه چی وِل آکَردِشونَه، شینَه عیسی دومله.
ایلَه جُذامی یَه مِردی شفا
12وختی که عیسی ایلَه شَهرون کا بَه، ایلَه مِردی اومَه که جُذام چَیی جانی گِردی گِتَش بَه. وختی اَ جُذامی عیسی ویندِشه، چَیی پا دَلَکه و مِنّت کَردِشه، واتِشه: «آقا، اَگم تِه بِپیش بَشای مِن شَفا بِدَی.» 13عیسی اِشتَن دَسی دِراز آکَردِشه و اَیی دَس آسوشَه و واتِشه: «پیستِمَه، شَفا بِگِه!» اَلبَحَل اَ مِرد جُذامی کا شَفا گِتِشه. 14دومله عیسی اَیی سفارش کَردِشه که اِم ماجرا هیچکسی نَه مَواجِه ولی اَیی نَه واتِشه که: «بِش و اِشتَن، کاهِنی نیشون بِدَه و قِربونی ایی بِکه كه مخصوص شَفا یَه، هَ قِربونی که موسی پیغمبر حُکم کَردَشه، تا اَوون را ثابت بِبو که تِه شَفا گِتَره.» 15ولی با اِم حال عیسی کارون خَوَر وِرتَر پَخش آبی، و یالَه جماعتونی جمع آبین تا چَیی گَفون دَرَسِن و اِشتَن درد و مَرضون کا شَفا بِگِرِن. 16ولی عیسی بَشی دور افتاده جِگا اون را و دعا بِکَردی.
ایفلیجَ مِردی شفا
17ایلَه اَ روزون کا، وختی که عیسی تعلیم بَدای فریسی فِرقه عُلما و توراتی معلِمِن نی گِردِ جلیل و یهودیه ولایتون کا و اورشلیمی شهری کا اومَه بینَه و اوآکا نِشت بینَه. خِداوندی قدرت عیسی نَه بَه تا مریضون شفا بِدَه. 18ایی دفعه چَن گِله مِرد اومینَه که ایلَه اِفلیجی چَیی دوشَکی نَه کارا بواَردین. اَوِن تَقَّلا بَکَردین اَیی بِبَرین کَ دیلَه و عیسی پیشی کا بِنَن. 19امّا چوم جماعتی وِر بییِه واسی نِشاستِشونَه اَ ایفلیجی بِبَرِن کَ دیلَه، پِشینَه کَ بومی سَر و سَقفی سُفالون وسطی کا اَ ایفلیجی چَیی دوشَکی نَه ویسا آکَردِشونَه جیر و جماعتی وسطی کا نوشونَه عیسی پیشی کا. 20عیسی وختی چَوون ایمانی ویندِشه واتِشه: «اِی مِرد، اِشتِه گناه اِن بَخشِسته بینَه!» 21توراتی معلِمِن و فریسییِن اِشتَن نَه فیکر بَکَردین که: «اِم کییَه که کُفر بَواتی؟ خِدا غِیراز کی بَشای گناه اون بِبَخشه؟» 22عیسی که چَوون فیکری بَزنی دَفَرسِشه: «چیرا شِمَه دیلون کا اِنتَه ره فیکرون بَکَردیرون؟ 23کَمیله گفی واتِه راحتتَرَه: ”اِشتِه گناه اِن بَخشِسته بینَه“ یا اِم که ”پِرِز و راه بِش“؟ 24امّا اِمی واسی که بِزونَه اِنسانی زوعَه، زمینی کا اِختیارِش اِستَه گناه اون بِبَخشِه» اَ اِفلیجَ مِردی نَه واتِشه: «تِنَه بَواتیم، پِرِز، اِشتِه دوشَکی پِگِه و بِش کَ!» 25اَ مِرد اَلبَحَل، چَوون چِمی پیشی کا پِرِشتَه، اَ دوشَکی که چَیی سَری کا خِتَه بَه پِگِتِشه و خِدا شُکر کَردِه کَردِه، شَه کَ. 26گِردِ اَوِن اِم ماجرا کا حَیرون بینَه، خِدا ستایش کَردِشونَه و تَرس چَوون جانی کا دَلَکَه بَه، و بَواتین: «اوری چِنتَه رَه عجیبَ چییونی ویندِمونَه.»
عیسی، باج گیرَه لاوی دعوت بَکَردی
27دومله عیسی اَ کَ کا اومَه بِرون و ایلَه باجگیری ویندِشه که باج ویگِته دَکَه کا نِشت بَه. چَیی نوم لاوی بَه. عیسی اَیی نَه واتِشه: «چِمِن دومله بِری.» 28لاوی پِرِشته، هَمه چی اوآکا نوشه و عیسی دومله شَه.
29لاوی عیسی را اِشتَن کَ کا یال مِهمونی دوشَه. وِرَه جماعتی، باجگیرون و دییَر میهمونون کا اَوون نَه سِفره سَری کا نِشتینَه. 30فریسی فِرقه عُلما و ایی گروه توراتی معلمون کا که چَوون فِرقه کا بینَه، عیسی شاگِردون را غُرغُر بَکَردین و بَواتین: «چیرا شِمَه باجگیرون و گناه کارون نَه هَره و هِنجَه؟» 31عیسی چَوون جَواوی کا واتِشه: «مریضِن طَبیب پیستِشونَه، نِه سالِمِن. 32اَز اومَیمَه گناه کارون دعوت بِکَرِم توبه بِکَرِن نِه کسونی که صالِحی نَه.»
سوال دَفَرسِه روزه گِتِه درباره
33اَوِن عیسی نَه واتِشونَه: «یحیی شاگِردِن معمولا روزه گِرِن و دعا کَرِن، فریسیون شاگِردِن نی هَتَه کَرِن، امّا اِشتِه شاگِردن هَرِن و هِنجِن.» 34عیسی جَواو دوشَه: «بَگم بَبی عروسی میهمونون مَجبور بِکَرَه، تا وختی که زِما اَوون نَه یَه، روزه بِگِرِن؟ 35روزونی بومَی که زِما اَوون کا ویگِتَه بَبی. اَ روزون کا، اَوِن نی روزه گِرِن.» 36عیسی اَوون را اِم مَثَّلی نی وَردِشه: «هیچکس ایلَه تازه خَلایی کا که آو دَشَه نییَه ایی تیکه نِدَوِرِه که اَیی نَه کَنَه خَلا پینَه بِکَرِه. اَگم اِنتَه بِکَرِه، هَم اَ تازه خَلا پَله بَبی و هَم تازه تیکه پارچه، کَنه خَلا را ناجوره وَصله یَه. 37هیچکس نی تازه شَراوی کَنَه مَشکون کا نِدَکَرِه. اَگم دَکَرِه، چوم تازه شَراو حَلا گازِش اِستَه مَشکِن پِزِرِن، شَراو ویبو و مَشکِن اَز بِین بَشین. 38بَلکَم تازه شَراوی بَسی تازه مَشکون کا دَکَرَم. 39هیچکس نی کَنَه شَراوی هِنتِه پَش، تازه شَراو نِپیشَه، چوم بَواتی: ”کَنه شَراو چاکتَرَه.“»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company