لوقا 3
3
یحیی تعمید دَهنده، مسیح موعودی راه حاضیر آکَرِه
1تیبِریوسِ اِمپِراطری حکومتی پونزدَهمین سالی کا، وختی پُنتیوس پیلاتُس یهودیه ولایتی فَرماندار بَه، هیرودیس جَلیلی ولایتی حاکِم بَه. چَیی بِرا فیلیپُس ایتوریه و تِراخونیتیسی ولایتون حاکم بَه، و لیسانیوس آبیلینی ولایتی حاکِم بَه. 2هَ موقعی که حَنّا و قیافا کاهِنون اَعظم بینَه، خِدا کلام ویاوونی کا یحیی را، که زکریا زوعَه بَه، نازل بَه. 3یحیی اُردنی رِواری دور و اَطرافی گِردِ نواحی را بَشی و اِعلام بَکَردی که مردم اِشتَن گناه اون بَخشِستِه را توبه بِکَرن و غسل تَعمید بِگِرن. 4هَتَه که اِشعَیای پیغمبری کیتابی کا نیویشته بییَه که:
«ایی نفر ویاوونی کا بِلَنده سَسی نَه بَواتی:
”خِداوندی راه حاضیر آکَرَه!
چَیی اومِه را دوز آکَرَه!
5گِرد دَرَّه اِن پور آبون، و گِرد کوه اِن و کولِن صاف آبون،
کَجه راه اِن، راست آبون و ناهَمواره راه اِن هَموار آبون.
6اَ موقع گِرد آدَمِن خِدا نِجاتی بَویندین.“»
7یحیی، اَ جماعتی نَه که بومَین چَیی وَر تا غسل تعمید بِگِرِن، بَواتی: «اِی اَفعی کِتَه اِن، کی شِمَه هشدار دوعَشَه تا غَضبی کا که کارا بومَی دَوَزَه؟ 8شِمَه اَعمالی نَه نیشون بِدییَه که توبَه رون کَردَه و اِشتَن نَه مَواجَه که: ”اَمَه اِبراهیم پیغمبری نَسلی کا ایمونَه.“ چوم که شِمَه نَه بَواتیم خِدا قادِرَه اِم سِنگون کا اِبراهیمی را خِردَنونی خَلق بِکَرِه. 9حتی حِسَه تَبَری تیشه، آرَستَه دارون بِن و بِنجِقی کا. هَر داری که چاک میوه مَدَه، دَوِرِن و آتشی دیلَه کا دَرَفَنِن.»
10جَماعت یحیی کا دَفَرسِشونَه: «بَس اَمَه چِه بِکَرَم؟» 11یحیی جَواو دوشَه: «کَسی که دِ گِله خَلا هِستِشه، ایلَه آدَه اَ کسی که نیشَه، و کسی که خوراک هِستِشه نی، هِنتَه بِکَرِه.» 12باجگیرن نی اومینَه تا غسل تعمید بِگِرِن. اَوِن یحیی کا دَفَرسِشونَه: «اُستاد، اَمَه چِه بِکَرَم؟» 13یحیی اَوون نَه واتِشه: «اَ اَندازه ای کا که مُقَرر بییَه وِرتَر خَراج مَویگِرَه.» 14سَربازِن نی اَیی کا دَفَرسِشونَه: «اَمَه چِه بِکَرَم؟» یحیی اَوون نَه واتِشه: «کَسی کا زوری نَه پول مَویگِرَه، هیچکسی بُختون مَژَنه و شِمَه مُزدی نَه قانع بِبییَه.»
15مردم چِم بِه راه بینَه و گِرد اِشتَن نَه فیکر بَکَردین که یعنی مُمکنه یحیی هَ مسیح موعود بِبو یا نِه؟ 16یحیی گِردی جواوی کا واتِشه: «اَز شِمَه آوی نَه تعمید بَدایم، ولی کَسی که بَه مِن کا قُدرتمندتَره کارا بومَی. هَ کسی که اَز لایق نیمَه چَیی کَفشون بَندون آکَرِم. اَ شِمَه روح القدس و آتشی نَه غسل تعمید بَدای. 17اَ اِشتَن چَنگکی دَسی کا دارِه تا اِشتَن خَرمنی تَمیز آکَرِه و گندِمی اِشتَن اَنباری کا جَمع آکَرِه، امّا کِلَشی، آتشی دیلَه کا سونِه که دَکِشتَه نییَب.»
18بَس یحیی وِرَه نصیحتون و تشویقون نَه مردمی را شادَه خَوَری اِعلام بَکَردی. 19امّا یحیی، هیرودیس حاکِمی سَرزنش بَکَردی. چوم هیرودیس اِشتَن بِروَرَه ژِن، هیرودیا نَه بَه و وِر دییَر بَده کارونی کَردَش بَه. 20هیرودیس، یحیی دَرَفندِشه زندانی کا و اِنتَه اِشتَن بَده کارون سَری کا، اِمی نی اِضافه آکَردِشه.
عیسی غسل تعمید گِتِه
21وختی که مردم گِرد غسل تعمید بَگَتین و عیسی نی غسل تعمید گِتَش بَه و کارا دعا بَکَردی، آسِمونِن آبینَه 22و روح القدس جِسمی کا، ایلَه کَفتری شیوار اومَه جیر چَیی سَر و ایلَه سَسی آسِمونی کا اومَه که: «تِه چِمِن عَزیزگِرامی یَه زوعَه ایش، و اَز تِه کا راضی ایمَه.»
عیسی شَجره نومچَه
23عیسی تَقریبا سی ساله بَه که اِشتَن خدمتی شروع کَردِشه. مردم خیال بَکَردین عیسی، یوسفی زوعَه بَه، و یوسف هِلی زوعَه، 24هِلی مَتّاتی زوعَه بَه، متّات لاوی زوعَه، لاوی مِلكی زوعَه، مِلکی یَنّا زوعَه و یَنّا یوسفی زوعَه بَه، 25یوسف مَتّاتیا زوعَه بَه، متّاتیا عاموسی زوعَه، عاموس ناحومی زوعَه، ناحوم حِسلی زوعَه و حِسلی نَجَّی زوعَه بَه، 26نَجَّی مَعَتی زوعَه بَه، مَعَت مَتّاتیا زوعَه، مَتّاتیا سِمِعینی زوعَه، سِمِعین یُسِکی زوعَه و یُسِک یَهودا زوعَه بَه، 27یَهودا یوحَنانی زوعَه بَه، یوحَنان ریسا زوعَه، ریسا زِروبّابلی زوعَه، زِروبّابل شِئَلتیئیلی زوعَه و شِئَلتیئیل نیری زوعَه بَه، 28نیری مِلكی زوعَه بَه، مِلکی اَدّی زوعَه، اَدّی قوصامی زوعَه، قوصام اِلمادامی زوعَه و اِلمادام عیری زوعَه بَه، 29عیر یوشَع زوعَه بَه، یوشَع اِلعازاری زوعَه، اِلعازار یوریمی زوعَه، یوریم مَتّاتی زوعَه و مَتّات لاوی زوعَه بَه، 30لاوی شمعونی زوعَه بَه، شمعون یهودا زوعَه، یَهودا یوسُفی زوعَه، یوسُف یونامی زوعَه و یونام اِلیاقیمی زوعَه بَه، 31اِلیاقیم مِلیا زوعَه بَه، مِلیا مِنّا زوعَه، مِنّا مَتّاتا زوعَه، مَتّاتا ناتانی زوعَه و ناتان داوود پاُتشا زوعَه بَه، 32داوود یَسا زوعَه بَه، یَسا عوبیدی زوعَه، عوبید بوعَزی زوعَه، بوعَز سَلمونی زوعَه و سَلمون نَحشونی زوعَه بَه، 33نَحشون عَمّینادابی زوعَه بَه، عَمّیناداب رامی زوعَه، رام حِصرونی زوعَه، حِصرون فِرِصی زوعَه و فِرِص یهودا زوعَه بَه، 34یَهودا یعقوبی زوعَه بَه، یعقوب اِسحاقی زوعَه، اِسحاق اِبراهیمی زوعَه، اِبراهیم تارَحی زوعَه و تارَح ناحوری زوعَه بَه، 35ناحور سِروجی زوعَه بَه، سِروج رِعو زوعَه، رِعو فِلِجی زوعَه، فِلِج عِبِری زوعَه و عِبِر شِلَخی زوعَه بَه، 36شِلَخ قینانی زوعَه بَه، قینان اَرفَكشادی زوعَه، اَرفَکشاد سامی زوعَه، سام نوحی زوعَه و نوح لَمِکی زوعَه بَه، 37لَمِک مَتوشالَحی زوعَه بَه، مَتوشالَح خَنوخی زوعَه، خَنوخ یارِدی زوعَه، یارِد مَهَلَلئیلی زوعَه و مَهَلَلئیل قینانی زوعَه بَه، 38قینان اَنوشی زوعَه بَه، اَنوش شیثی زوعَه، شیث آدَمی زوعَه و آدَم خِدا زوعَه بَه.
നിലവിൽ തിരഞ്ഞെടുത്തിരിക്കുന്നു:
لوقا 3: ITB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
لوقا 3
3
یحیی تعمید دَهنده، مسیح موعودی راه حاضیر آکَرِه
1تیبِریوسِ اِمپِراطری حکومتی پونزدَهمین سالی کا، وختی پُنتیوس پیلاتُس یهودیه ولایتی فَرماندار بَه، هیرودیس جَلیلی ولایتی حاکِم بَه. چَیی بِرا فیلیپُس ایتوریه و تِراخونیتیسی ولایتون حاکم بَه، و لیسانیوس آبیلینی ولایتی حاکِم بَه. 2هَ موقعی که حَنّا و قیافا کاهِنون اَعظم بینَه، خِدا کلام ویاوونی کا یحیی را، که زکریا زوعَه بَه، نازل بَه. 3یحیی اُردنی رِواری دور و اَطرافی گِردِ نواحی را بَشی و اِعلام بَکَردی که مردم اِشتَن گناه اون بَخشِستِه را توبه بِکَرن و غسل تَعمید بِگِرن. 4هَتَه که اِشعَیای پیغمبری کیتابی کا نیویشته بییَه که:
«ایی نفر ویاوونی کا بِلَنده سَسی نَه بَواتی:
”خِداوندی راه حاضیر آکَرَه!
چَیی اومِه را دوز آکَرَه!
5گِرد دَرَّه اِن پور آبون، و گِرد کوه اِن و کولِن صاف آبون،
کَجه راه اِن، راست آبون و ناهَمواره راه اِن هَموار آبون.
6اَ موقع گِرد آدَمِن خِدا نِجاتی بَویندین.“»
7یحیی، اَ جماعتی نَه که بومَین چَیی وَر تا غسل تعمید بِگِرِن، بَواتی: «اِی اَفعی کِتَه اِن، کی شِمَه هشدار دوعَشَه تا غَضبی کا که کارا بومَی دَوَزَه؟ 8شِمَه اَعمالی نَه نیشون بِدییَه که توبَه رون کَردَه و اِشتَن نَه مَواجَه که: ”اَمَه اِبراهیم پیغمبری نَسلی کا ایمونَه.“ چوم که شِمَه نَه بَواتیم خِدا قادِرَه اِم سِنگون کا اِبراهیمی را خِردَنونی خَلق بِکَرِه. 9حتی حِسَه تَبَری تیشه، آرَستَه دارون بِن و بِنجِقی کا. هَر داری که چاک میوه مَدَه، دَوِرِن و آتشی دیلَه کا دَرَفَنِن.»
10جَماعت یحیی کا دَفَرسِشونَه: «بَس اَمَه چِه بِکَرَم؟» 11یحیی جَواو دوشَه: «کَسی که دِ گِله خَلا هِستِشه، ایلَه آدَه اَ کسی که نیشَه، و کسی که خوراک هِستِشه نی، هِنتَه بِکَرِه.» 12باجگیرن نی اومینَه تا غسل تعمید بِگِرِن. اَوِن یحیی کا دَفَرسِشونَه: «اُستاد، اَمَه چِه بِکَرَم؟» 13یحیی اَوون نَه واتِشه: «اَ اَندازه ای کا که مُقَرر بییَه وِرتَر خَراج مَویگِرَه.» 14سَربازِن نی اَیی کا دَفَرسِشونَه: «اَمَه چِه بِکَرَم؟» یحیی اَوون نَه واتِشه: «کَسی کا زوری نَه پول مَویگِرَه، هیچکسی بُختون مَژَنه و شِمَه مُزدی نَه قانع بِبییَه.»
15مردم چِم بِه راه بینَه و گِرد اِشتَن نَه فیکر بَکَردین که یعنی مُمکنه یحیی هَ مسیح موعود بِبو یا نِه؟ 16یحیی گِردی جواوی کا واتِشه: «اَز شِمَه آوی نَه تعمید بَدایم، ولی کَسی که بَه مِن کا قُدرتمندتَره کارا بومَی. هَ کسی که اَز لایق نیمَه چَیی کَفشون بَندون آکَرِم. اَ شِمَه روح القدس و آتشی نَه غسل تعمید بَدای. 17اَ اِشتَن چَنگکی دَسی کا دارِه تا اِشتَن خَرمنی تَمیز آکَرِه و گندِمی اِشتَن اَنباری کا جَمع آکَرِه، امّا کِلَشی، آتشی دیلَه کا سونِه که دَکِشتَه نییَب.»
18بَس یحیی وِرَه نصیحتون و تشویقون نَه مردمی را شادَه خَوَری اِعلام بَکَردی. 19امّا یحیی، هیرودیس حاکِمی سَرزنش بَکَردی. چوم هیرودیس اِشتَن بِروَرَه ژِن، هیرودیا نَه بَه و وِر دییَر بَده کارونی کَردَش بَه. 20هیرودیس، یحیی دَرَفندِشه زندانی کا و اِنتَه اِشتَن بَده کارون سَری کا، اِمی نی اِضافه آکَردِشه.
عیسی غسل تعمید گِتِه
21وختی که مردم گِرد غسل تعمید بَگَتین و عیسی نی غسل تعمید گِتَش بَه و کارا دعا بَکَردی، آسِمونِن آبینَه 22و روح القدس جِسمی کا، ایلَه کَفتری شیوار اومَه جیر چَیی سَر و ایلَه سَسی آسِمونی کا اومَه که: «تِه چِمِن عَزیزگِرامی یَه زوعَه ایش، و اَز تِه کا راضی ایمَه.»
عیسی شَجره نومچَه
23عیسی تَقریبا سی ساله بَه که اِشتَن خدمتی شروع کَردِشه. مردم خیال بَکَردین عیسی، یوسفی زوعَه بَه، و یوسف هِلی زوعَه، 24هِلی مَتّاتی زوعَه بَه، متّات لاوی زوعَه، لاوی مِلكی زوعَه، مِلکی یَنّا زوعَه و یَنّا یوسفی زوعَه بَه، 25یوسف مَتّاتیا زوعَه بَه، متّاتیا عاموسی زوعَه، عاموس ناحومی زوعَه، ناحوم حِسلی زوعَه و حِسلی نَجَّی زوعَه بَه، 26نَجَّی مَعَتی زوعَه بَه، مَعَت مَتّاتیا زوعَه، مَتّاتیا سِمِعینی زوعَه، سِمِعین یُسِکی زوعَه و یُسِک یَهودا زوعَه بَه، 27یَهودا یوحَنانی زوعَه بَه، یوحَنان ریسا زوعَه، ریسا زِروبّابلی زوعَه، زِروبّابل شِئَلتیئیلی زوعَه و شِئَلتیئیل نیری زوعَه بَه، 28نیری مِلكی زوعَه بَه، مِلکی اَدّی زوعَه، اَدّی قوصامی زوعَه، قوصام اِلمادامی زوعَه و اِلمادام عیری زوعَه بَه، 29عیر یوشَع زوعَه بَه، یوشَع اِلعازاری زوعَه، اِلعازار یوریمی زوعَه، یوریم مَتّاتی زوعَه و مَتّات لاوی زوعَه بَه، 30لاوی شمعونی زوعَه بَه، شمعون یهودا زوعَه، یَهودا یوسُفی زوعَه، یوسُف یونامی زوعَه و یونام اِلیاقیمی زوعَه بَه، 31اِلیاقیم مِلیا زوعَه بَه، مِلیا مِنّا زوعَه، مِنّا مَتّاتا زوعَه، مَتّاتا ناتانی زوعَه و ناتان داوود پاُتشا زوعَه بَه، 32داوود یَسا زوعَه بَه، یَسا عوبیدی زوعَه، عوبید بوعَزی زوعَه، بوعَز سَلمونی زوعَه و سَلمون نَحشونی زوعَه بَه، 33نَحشون عَمّینادابی زوعَه بَه، عَمّیناداب رامی زوعَه، رام حِصرونی زوعَه، حِصرون فِرِصی زوعَه و فِرِص یهودا زوعَه بَه، 34یَهودا یعقوبی زوعَه بَه، یعقوب اِسحاقی زوعَه، اِسحاق اِبراهیمی زوعَه، اِبراهیم تارَحی زوعَه و تارَح ناحوری زوعَه بَه، 35ناحور سِروجی زوعَه بَه، سِروج رِعو زوعَه، رِعو فِلِجی زوعَه، فِلِج عِبِری زوعَه و عِبِر شِلَخی زوعَه بَه، 36شِلَخ قینانی زوعَه بَه، قینان اَرفَكشادی زوعَه، اَرفَکشاد سامی زوعَه، سام نوحی زوعَه و نوح لَمِکی زوعَه بَه، 37لَمِک مَتوشالَحی زوعَه بَه، مَتوشالَح خَنوخی زوعَه، خَنوخ یارِدی زوعَه، یارِد مَهَلَلئیلی زوعَه و مَهَلَلئیل قینانی زوعَه بَه، 38قینان اَنوشی زوعَه بَه، اَنوش شیثی زوعَه، شیث آدَمی زوعَه و آدَم خِدا زوعَه بَه.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company