انجیل لوقا 1
1
1تِئوفیلوس خان، اَگارِنه که خیلیان عیسی مسیح کاران، نیویشتَه شان جمع آکَردنده، 2درست اَجوره کِه اَوان صِفته نه اِشتن چشمانه ویندشانه و خادم کلام بِندِه، آماشان دِرَسمارده، اَز نی اَجوره اِشته را واتَرِم. 3اَز نی که همه چی صِفته نه، دِقَتِنه بررسیم کَرده، ایزِم صلاح بینده که اَوان تَرتیبنه شاما را بینیویسِم، 4تا مطمین بیبی هر چی که آموتره، درسته.
یحیی تعمید دهنده دونیا آمییَنه پیشگویی
5هیرودیسه دورانِک، که یهودیه منطقه پادشاه به، کاهنی اَبیا گروهک به، که چَه نام زَکَریا به. چَه زنین، اِلیزابِتَ، هارونِ کاهنه تیروطایفک بیا. 6خدا نظرک اَوه هر دو گله صالح آدم بِندِه و خداونده احکام و قوانینشان همه چاک چاکینه انجام دِسّه. 7امّا چَوان را خوردَن نیبیَردِه، چون اِلیزابِتَ سانسوز بیا و هر دو نفر پیر بِندِه.
8ای را که زکریا گروه خدمته نوبه بِه، و زکریا خدا را کاهنیتیش کَردَرده، 9کاهنان روسوماته شوار، زکریا انتخاب بِبه تا دیشی خداونده معبده دِله و بخور بوسوجانِه. 10بخور سوجانسَنه موقع، اَوه که بَرِک وندرسَه بِنده دعاشان کَردَرده. 11ایرادَن، ایگله خداونده فِرِشته، زکریا را ظاهر آبه. فرشته بخورسوجانَه یاگا راستَه طرفک پا وندرسه به. 12زکریا فرشته وینَدَنِک، هویل و بلا دِگِس و خیلی بِتَرسس. 13امّا، فِرشته اَوِنش باته: «ای زکریا، مترس! اِشته دوعا مستجاب بیه، اِشته زنه، اِلیزابِتَ اِشته را زایی دونیا آوَریه و ته چوه نامه یحیی اَنَیی. 14تِه شاد و خوشال بی، و خیلیان چَوه دونیا آمییَنک خوشحال آبینده، 15چون اَ، خداونده نَظَرک پیلَه شخصی آبی. اَ گه هیچ وقت شراب و عرق اِشتن لِوان آمَسونه. حتی اَدَمینه که اِشتن مار تِرنکه، خدا مقدس روح نه فِت آبی، 16یحیی، خدا قومک خیلیان، خداوند، چَوان خدا طَرَفه را، آگاردنه. 17اَ اِشتن خدمتِه، هَه روح و قدرتینه انجام دَیه که، ایلیا نبی انجام دِسّه. اَ خداونده پرانتَر آیه تا پییَران و خُردنان هندیگرنه صلح آدیه و یاغیان آگاردِنه صالحان راه را، تا حاضر و آماده قومی خداوند را آماده آکره.» 18زکریا فرشتک آپرسس: «کاردنه اِمه بزانم؟ چون از اِشتن پیرَه مَردَکم و چِمن زَنین پیرا.» 19فرشته جواب بدا: «از جبرئیلم، که خدا پیشگاک وِندرِم. اِسا نی خِرسانسَه بییِم تا تِنه لاوَه بِکرِم و اِم چاکَه خبره ته آرِسانم. 20دیَس، ته لال بی و تا اِم چیان اتفاق دگسنه روجِه، نِتانی لاوَه کَردن، چون چِمنِر لاوَر که اِشتن موقعک اتفاق دِگننده باورِر نِکه.»
21مردم همه زکریا منتظر بِندِه و تعجبشان کرده به که چیه را اییَنده معبده دِلک وندرسه. 22وختی زکریا بَر بَرشه و نِتانسشه لاوَه بِکره، مردم چَوه ایما و ایشاره کَردنک بزانسِه که معبدکش رویایی وینده. 23زکریا، خدمت نوبه اوجرسَنه پش، آگردس اِشتن کیه.
24ای مدته پَش، زکریا زنَه، اِلیزابِتَ، اِوِر آبییا و پنج ماه اِشتنش مردمک نوین آکَه. 25اِلیزابِتِه واتردِه: «ام کارِه، خداوندِه چِمرا کرده. اَ اِم روجانک منش لطف کرده و اَ چی ای که مردمه وَرک چِمه را ننگه باعث به اَکتشه.»
عیسی دونیا آمییَن پیشگویی
26شش ماه به که الیزابِتَه اِوِر بییا، فِرشته جبرائیل، خدا طرف نه خرسانسَه ببه جلیله منطقه، اَ شهری که چوه نام ناصره به. 27تا بیشی ایگله کیلی ای وَر که چَه نام مریم به. مریمَه یوسفه پِیوندی بیا، یوسف، داوود پادشاه خاندانک به. 28فرشته بامِه مریمه وَر و اَوِنه باتشه: «سلام بر ته، ته ای که خداونده تِش محبت کرده، و تِنَیه.» 29امّا مریمَه چَه لاوَآن اَشنوسنِک پِر هویل و بلا دِگِسا و رایش به بزانیه که اِم چنجوره سلامیه. 30فرشته اَوِنش باته: «ای مریم، مترس! خداونده تِش لطف کرده. 31دیَس، اِوِر بی، زایی دنیا آوَری که چَوه نامه عیسی اَنَیی. 32اَ پیلَه شخصی آبی و اَوِنه خدای متعاله زا واجنده. خداوند خدا، چوه جد، داووده پادشاهیَه تخته اَوه آدَیه. 33اَ تا آخِر، یعقوبه خاندانه سلطنت کَره و چَوه پادشاهی هرگز اُونوجَرِه.» 34مریمِه فرشتَک آپرسِس: «چنجوره ایزه بی، از که کیلیم؟» 35فرشته جواب بدا: «خدا مقدَس روح اِشته سر نازل آبی و خدای متعاله قدرت ته نیا داره. چِمه واسنه، اَ خُردننه، قدوس واجِنده، یانی خدا زا. 36دیَس، اِلیزابِتَ که اِشته قوم خویشا، پیریک زا ایی اِوِرا. اَوِنَشان که سانسوز واته، شیش ماه که اِوِرا. 37چون هیچ کاری نی که خدا متانه انجام دییَن!» 38مریمِه باته: «از، خداوندِه کَنیزم. بدا ایزه که زَ باتره، بیبی.» اَدمی فرشته چه وَرِنه بِشه.
مریمَه اِلیزابِت ویندنه را شییَه
39اَ روجانک، مریمَ عجلنَه بیشیا ایگله شهری را که یهودیه کوهستانیه منطقک به. 40مریمه دیشیا زکریا کییه دِله، و اِلیزابِت راش سلام بکه. 41وختی اِلیزابِتِه مریم سلامش بَشنَوس، خوردَن چَوه ترنه دلِک بلوس. اِلیزابِته خدا مقدس روح نه فِت آبیا، 42و بلندَه صصِنَش باته: «ته زَلیان دلَک مبارک اِسش، و اِشته رحمه ثمره نی مبارک اِسه! 43اَز کیم که چِمن سرور ما چِمن وَر باییه؟ 44دیَس، وختی اِشته سلامم بَشنوس، خوردَن، شادیک چِمن تِرنه دِلک بلوس. 45خَسّه ته ببا که خداونده وعدَر باور کرده.
مریمه خداونده ستایش کریه
46مریمِه باته:
«چِمَن جان خداوَنده ستایش کَره،
47و چِمَن روح، خداک، شادی کَره،
اَ خدایی که چِمن نجات دهندیه،
48چون اَوه اِشتن ناچیزه کنیزِش لطف کرده.
چمِه اَوَر همه‌ی نسله، مَنه واجنده خَسش ببا،
49چونکه خدا که قادره،
چِمن را پیلَه کارِش، کَردنده. و چوه نام قدوسه،
50چَوه رحمت، پِشت در پِشت کسانی را اِسه که،
اَوک ترسنده.
51خداوند اِشتَن بازونه،
قدرتمنده کارش کردنده
و کسانی که اِشتن دلِه فکرک مغرورنده، پخش و پلا آکردشنده،
52قدرتمنده آدمش چَوان تختان سرنه جیرو وَردندِه
افتاده آدمش سر بلند آکردنده؛
53وَشیر آدمش چاکَ چیانّه سیر آکَردنده
و ثِروَتمند آدمش تِیَه دسِنه خرسانسندِه.
54اَو، اِشتن رحمتش ویر بوعرده،
و اِشتن خدمتگذار، اِشتن قومه، کمک کردنه را آمییه،
55اَجوره که زه چاما اجدادش، یعنی ابراهیم پیغمبر و چَوه نسلش وعده دیه به
که تا ابد اِنجوره کَره.»
56مریمَ تَقریبا سُه ماه اِلیزابِت وَرک بِندَرِسا هانده آگردسا اِشتَن کییه.
یحیی دونیا آمییَن
57وختی الیزابته فارغ آبییَنه موقع ببه، زایی بِزَندا. 58وقتی چَوه قونشوان و قوم خویشان بَشنّوِس که خداوندِ چِه پیلَه رحمتیشی اَوه کرده، اَونَشان شادی بکه.
59هشتمین روجِک، خوردَنه ختنۀ کردنِه را بامنده و گوَسردشانه چَه پییَر نام که زکریا به، اَوِک اَنَینده. 60ولی خوردنِ ما باته: «نه! چَه نام گه یحیی بیبی.» 61اَوان باته: «امّا اِشته قوم و خویشانک هیچکس اِنجوره نامش نِداشته.» 62پس ایشارَنَه، خوردنه پییرکشان آپرسس که رایشه اِشتن خوردنه نامه چِه اَنَیه. 63زکریا تخته ایی نیویشتنه را آخاشتشه و چَه سرک بینیوشتشه که: «چَه نام یحیی یه!» همّان تعجب بکه. 64ایرادن زکریا زوانَه آبییا و اِشتن گَرنه خداش ستایش بِکه. 65قونشوان همه بِتَرسِسِندِه و اِم خبر، همه‌ی یهودیه منطقه کواتِک اَپیچس. 66هر کی که اِم لاوَ لاوَش اَشنوسَردِنده، اِشتن دِلِکش واترده که: «اِم خوردَن چنجوره آدمی بی؟» چون خداونده قدرتمند دَس، اَ خوردَن نه به.
زکریا نبوت
67چَه په، زکریا، خدا مقدس روح نه فِت آبه و اِنجوره نبوّتش بکه و باتشه:
68«خداوند چاما قومه خدا، متبارک بیبی
چون اِشتن قومِه کمک را آمییه و اَوِش آزاد آکردنده.
69چاما راش نجات دهندَای قوی،
اِشتن خادم داوود پادشاه خاندانکش، خِرسانسَه،
70اَجوره که قَدیم در قَدیم
اِشتن مقدسه پیامبران زواننَه وَعدش دیه
71که آما، چاما دشمنان دسِک
و همه‌ی اَوانی که آماک نیفرت دارنده، نجات دَیه،
72تا اَ رحمتی که چوه وعدش چاما اجدادش آدیه به آمانه؛
و اِشتَن مقدس عهده ویر بوعره؛
73هَ قَسَمی که
چاما پییَر ابراهیم راش بِخه
74که آما چاما دشمنان دَسِک نجات بِدیه.
و آما اَوه بی هیچ ترسی،
75چَه پیشگاک همَه‌ی روجان
قدوسیت و صالحی نه عبادت بِکرام.
76و ته ای چِمَن خوردَن، تنه خدای متعاله پیغمبر واجِنده؛
چون خداونده پَرانتر مِتَری تا راه، چَوه را آماده بِکَری،
77و چَوه قومه خبردار بِکَری،
که چَوان گناهان بَخشِسَنّنه، اَوان نجات پیدا کرنده.
78چون چاما خدا دِلی داره که رحمتنه فتا،
و چِمه واسنه، تولیصیبی اُفتوعه، آسمانک چاما را برایه،
79تا اَوانی که تاریکیک و مرگ سادیمَه دلَک اِسنده، نور آدَیه،
و چاما لنگه صلح و سلامتیَه راک، هدایت بکره.»
80اَ خوردَن پیله آبییرده و روحِک، قوی آبییرده، و تا روجی که اِشتن قومه را ظهور بِکَره، بیابانِک به.
നിലവിൽ തിരഞ്ഞെടുത്തിരിക്കുന്നു:
انجیل لوقا 1: TIT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیل لوقا 1
1
1تِئوفیلوس خان، اَگارِنه که خیلیان عیسی مسیح کاران، نیویشتَه شان جمع آکَردنده، 2درست اَجوره کِه اَوان صِفته نه اِشتن چشمانه ویندشانه و خادم کلام بِندِه، آماشان دِرَسمارده، اَز نی اَجوره اِشته را واتَرِم. 3اَز نی که همه چی صِفته نه، دِقَتِنه بررسیم کَرده، ایزِم صلاح بینده که اَوان تَرتیبنه شاما را بینیویسِم، 4تا مطمین بیبی هر چی که آموتره، درسته.
یحیی تعمید دهنده دونیا آمییَنه پیشگویی
5هیرودیسه دورانِک، که یهودیه منطقه پادشاه به، کاهنی اَبیا گروهک به، که چَه نام زَکَریا به. چَه زنین، اِلیزابِتَ، هارونِ کاهنه تیروطایفک بیا. 6خدا نظرک اَوه هر دو گله صالح آدم بِندِه و خداونده احکام و قوانینشان همه چاک چاکینه انجام دِسّه. 7امّا چَوان را خوردَن نیبیَردِه، چون اِلیزابِتَ سانسوز بیا و هر دو نفر پیر بِندِه.
8ای را که زکریا گروه خدمته نوبه بِه، و زکریا خدا را کاهنیتیش کَردَرده، 9کاهنان روسوماته شوار، زکریا انتخاب بِبه تا دیشی خداونده معبده دِله و بخور بوسوجانِه. 10بخور سوجانسَنه موقع، اَوه که بَرِک وندرسَه بِنده دعاشان کَردَرده. 11ایرادَن، ایگله خداونده فِرِشته، زکریا را ظاهر آبه. فرشته بخورسوجانَه یاگا راستَه طرفک پا وندرسه به. 12زکریا فرشته وینَدَنِک، هویل و بلا دِگِس و خیلی بِتَرسس. 13امّا، فِرشته اَوِنش باته: «ای زکریا، مترس! اِشته دوعا مستجاب بیه، اِشته زنه، اِلیزابِتَ اِشته را زایی دونیا آوَریه و ته چوه نامه یحیی اَنَیی. 14تِه شاد و خوشال بی، و خیلیان چَوه دونیا آمییَنک خوشحال آبینده، 15چون اَ، خداونده نَظَرک پیلَه شخصی آبی. اَ گه هیچ وقت شراب و عرق اِشتن لِوان آمَسونه. حتی اَدَمینه که اِشتن مار تِرنکه، خدا مقدس روح نه فِت آبی، 16یحیی، خدا قومک خیلیان، خداوند، چَوان خدا طَرَفه را، آگاردنه. 17اَ اِشتن خدمتِه، هَه روح و قدرتینه انجام دَیه که، ایلیا نبی انجام دِسّه. اَ خداونده پرانتَر آیه تا پییَران و خُردنان هندیگرنه صلح آدیه و یاغیان آگاردِنه صالحان راه را، تا حاضر و آماده قومی خداوند را آماده آکره.» 18زکریا فرشتک آپرسس: «کاردنه اِمه بزانم؟ چون از اِشتن پیرَه مَردَکم و چِمن زَنین پیرا.» 19فرشته جواب بدا: «از جبرئیلم، که خدا پیشگاک وِندرِم. اِسا نی خِرسانسَه بییِم تا تِنه لاوَه بِکرِم و اِم چاکَه خبره ته آرِسانم. 20دیَس، ته لال بی و تا اِم چیان اتفاق دگسنه روجِه، نِتانی لاوَه کَردن، چون چِمنِر لاوَر که اِشتن موقعک اتفاق دِگننده باورِر نِکه.»
21مردم همه زکریا منتظر بِندِه و تعجبشان کرده به که چیه را اییَنده معبده دِلک وندرسه. 22وختی زکریا بَر بَرشه و نِتانسشه لاوَه بِکره، مردم چَوه ایما و ایشاره کَردنک بزانسِه که معبدکش رویایی وینده. 23زکریا، خدمت نوبه اوجرسَنه پش، آگردس اِشتن کیه.
24ای مدته پَش، زکریا زنَه، اِلیزابِتَ، اِوِر آبییا و پنج ماه اِشتنش مردمک نوین آکَه. 25اِلیزابِتِه واتردِه: «ام کارِه، خداوندِه چِمرا کرده. اَ اِم روجانک منش لطف کرده و اَ چی ای که مردمه وَرک چِمه را ننگه باعث به اَکتشه.»
عیسی دونیا آمییَن پیشگویی
26شش ماه به که الیزابِتَه اِوِر بییا، فِرشته جبرائیل، خدا طرف نه خرسانسَه ببه جلیله منطقه، اَ شهری که چوه نام ناصره به. 27تا بیشی ایگله کیلی ای وَر که چَه نام مریم به. مریمَه یوسفه پِیوندی بیا، یوسف، داوود پادشاه خاندانک به. 28فرشته بامِه مریمه وَر و اَوِنه باتشه: «سلام بر ته، ته ای که خداونده تِش محبت کرده، و تِنَیه.» 29امّا مریمَه چَه لاوَآن اَشنوسنِک پِر هویل و بلا دِگِسا و رایش به بزانیه که اِم چنجوره سلامیه. 30فرشته اَوِنش باته: «ای مریم، مترس! خداونده تِش لطف کرده. 31دیَس، اِوِر بی، زایی دنیا آوَری که چَوه نامه عیسی اَنَیی. 32اَ پیلَه شخصی آبی و اَوِنه خدای متعاله زا واجنده. خداوند خدا، چوه جد، داووده پادشاهیَه تخته اَوه آدَیه. 33اَ تا آخِر، یعقوبه خاندانه سلطنت کَره و چَوه پادشاهی هرگز اُونوجَرِه.» 34مریمِه فرشتَک آپرسِس: «چنجوره ایزه بی، از که کیلیم؟» 35فرشته جواب بدا: «خدا مقدَس روح اِشته سر نازل آبی و خدای متعاله قدرت ته نیا داره. چِمه واسنه، اَ خُردننه، قدوس واجِنده، یانی خدا زا. 36دیَس، اِلیزابِتَ که اِشته قوم خویشا، پیریک زا ایی اِوِرا. اَوِنَشان که سانسوز واته، شیش ماه که اِوِرا. 37چون هیچ کاری نی که خدا متانه انجام دییَن!» 38مریمِه باته: «از، خداوندِه کَنیزم. بدا ایزه که زَ باتره، بیبی.» اَدمی فرشته چه وَرِنه بِشه.
مریمَه اِلیزابِت ویندنه را شییَه
39اَ روجانک، مریمَ عجلنَه بیشیا ایگله شهری را که یهودیه کوهستانیه منطقک به. 40مریمه دیشیا زکریا کییه دِله، و اِلیزابِت راش سلام بکه. 41وختی اِلیزابِتِه مریم سلامش بَشنَوس، خوردَن چَوه ترنه دلِک بلوس. اِلیزابِته خدا مقدس روح نه فِت آبیا، 42و بلندَه صصِنَش باته: «ته زَلیان دلَک مبارک اِسش، و اِشته رحمه ثمره نی مبارک اِسه! 43اَز کیم که چِمن سرور ما چِمن وَر باییه؟ 44دیَس، وختی اِشته سلامم بَشنوس، خوردَن، شادیک چِمن تِرنه دِلک بلوس. 45خَسّه ته ببا که خداونده وعدَر باور کرده.
مریمه خداونده ستایش کریه
46مریمِه باته:
«چِمَن جان خداوَنده ستایش کَره،
47و چِمَن روح، خداک، شادی کَره،
اَ خدایی که چِمن نجات دهندیه،
48چون اَوه اِشتن ناچیزه کنیزِش لطف کرده.
چمِه اَوَر همه‌ی نسله، مَنه واجنده خَسش ببا،
49چونکه خدا که قادره،
چِمن را پیلَه کارِش، کَردنده. و چوه نام قدوسه،
50چَوه رحمت، پِشت در پِشت کسانی را اِسه که،
اَوک ترسنده.
51خداوند اِشتَن بازونه،
قدرتمنده کارش کردنده
و کسانی که اِشتن دلِه فکرک مغرورنده، پخش و پلا آکردشنده،
52قدرتمنده آدمش چَوان تختان سرنه جیرو وَردندِه
افتاده آدمش سر بلند آکردنده؛
53وَشیر آدمش چاکَ چیانّه سیر آکَردنده
و ثِروَتمند آدمش تِیَه دسِنه خرسانسندِه.
54اَو، اِشتن رحمتش ویر بوعرده،
و اِشتن خدمتگذار، اِشتن قومه، کمک کردنه را آمییه،
55اَجوره که زه چاما اجدادش، یعنی ابراهیم پیغمبر و چَوه نسلش وعده دیه به
که تا ابد اِنجوره کَره.»
56مریمَ تَقریبا سُه ماه اِلیزابِت وَرک بِندَرِسا هانده آگردسا اِشتَن کییه.
یحیی دونیا آمییَن
57وختی الیزابته فارغ آبییَنه موقع ببه، زایی بِزَندا. 58وقتی چَوه قونشوان و قوم خویشان بَشنّوِس که خداوندِ چِه پیلَه رحمتیشی اَوه کرده، اَونَشان شادی بکه.
59هشتمین روجِک، خوردَنه ختنۀ کردنِه را بامنده و گوَسردشانه چَه پییَر نام که زکریا به، اَوِک اَنَینده. 60ولی خوردنِ ما باته: «نه! چَه نام گه یحیی بیبی.» 61اَوان باته: «امّا اِشته قوم و خویشانک هیچکس اِنجوره نامش نِداشته.» 62پس ایشارَنَه، خوردنه پییرکشان آپرسس که رایشه اِشتن خوردنه نامه چِه اَنَیه. 63زکریا تخته ایی نیویشتنه را آخاشتشه و چَه سرک بینیوشتشه که: «چَه نام یحیی یه!» همّان تعجب بکه. 64ایرادن زکریا زوانَه آبییا و اِشتن گَرنه خداش ستایش بِکه. 65قونشوان همه بِتَرسِسِندِه و اِم خبر، همه‌ی یهودیه منطقه کواتِک اَپیچس. 66هر کی که اِم لاوَ لاوَش اَشنوسَردِنده، اِشتن دِلِکش واترده که: «اِم خوردَن چنجوره آدمی بی؟» چون خداونده قدرتمند دَس، اَ خوردَن نه به.
زکریا نبوت
67چَه په، زکریا، خدا مقدس روح نه فِت آبه و اِنجوره نبوّتش بکه و باتشه:
68«خداوند چاما قومه خدا، متبارک بیبی
چون اِشتن قومِه کمک را آمییه و اَوِش آزاد آکردنده.
69چاما راش نجات دهندَای قوی،
اِشتن خادم داوود پادشاه خاندانکش، خِرسانسَه،
70اَجوره که قَدیم در قَدیم
اِشتن مقدسه پیامبران زواننَه وَعدش دیه
71که آما، چاما دشمنان دسِک
و همه‌ی اَوانی که آماک نیفرت دارنده، نجات دَیه،
72تا اَ رحمتی که چوه وعدش چاما اجدادش آدیه به آمانه؛
و اِشتَن مقدس عهده ویر بوعره؛
73هَ قَسَمی که
چاما پییَر ابراهیم راش بِخه
74که آما چاما دشمنان دَسِک نجات بِدیه.
و آما اَوه بی هیچ ترسی،
75چَه پیشگاک همَه‌ی روجان
قدوسیت و صالحی نه عبادت بِکرام.
76و ته ای چِمَن خوردَن، تنه خدای متعاله پیغمبر واجِنده؛
چون خداونده پَرانتر مِتَری تا راه، چَوه را آماده بِکَری،
77و چَوه قومه خبردار بِکَری،
که چَوان گناهان بَخشِسَنّنه، اَوان نجات پیدا کرنده.
78چون چاما خدا دِلی داره که رحمتنه فتا،
و چِمه واسنه، تولیصیبی اُفتوعه، آسمانک چاما را برایه،
79تا اَوانی که تاریکیک و مرگ سادیمَه دلَک اِسنده، نور آدَیه،
و چاما لنگه صلح و سلامتیَه راک، هدایت بکره.»
80اَ خوردَن پیله آبییرده و روحِک، قوی آبییرده، و تا روجی که اِشتن قومه را ظهور بِکَره، بیابانِک به.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company