انجیلِ مَتّی 9
9
فَلَجَ مردَکه شفا
1عیسی قایقِ دِلَ بِنِشت و بِشه اِشتن شهر، که دریاچه اَ دیم به.
2اُخُری چند نفر ای فلجه مردکی که دُشک سر خُته به، بایردِشونه عیسی وَر. عیسی وختی چون ایمانش بِوینت اَ فَلَجِش بِوا: « اِشته دل قرص بیبی زا، اِشته گناهون بَخشِسه ببنده!» 3اَم موقع، بعضی تورات معلمین اشتنییم بواتنده: «اَم مردکِ کفر وا.» 4عیسی چون فکرش بزونس و بِوات: «چرا شَما دِلَ دَ هِمنَه پلیدَ فکرون کرو؟ 5کُوم واتَن را راحت تره: چِمه واتن که ”اِشته گناهه بَخشِسه بِبنده“ یا چِمه واتن که ”اوپاب ببه و بِمِج“؟ 6اما چِمه خونَین که بِزونو انسانه زا قدرت داره که گناهون ببخشِه» - اَ فلج مردکش بوات: «اُپاب بِبِه، اِشته یقا آپرچین و بِشِ اِشته کَه.» 7اَ مردک اوپاب ببه و بِشه کییه. 8وختی مردم اَم اتفاقشون بِوینتِندِه بِتَرسسنده و خداشون شکر بِکَه که هِمنَه قدرتی انسانش داعه.
متی دعوت
9وختی عیسی اَ یَقاش ترک کردَی ای مردکیش بِوینت چو نوم مَتّی به و باج ایگَتَنه دَکَ دَ نِشته به. عیسی اَجوش بوات: «چِمِن پش بورِ!»متی اوپاب ببه و چو پَشَ بِشه.
10عیسی، مَتّی کَه دَ چو سِفره سرَ نِشته بِه که پِر باجگیره و گناهکاره بومِندِ و عیسی و چو شاگردانه خمنا ای سِفره سر بِنِشتِنده. 11وختی فَریسی فرقه علما اَمِشون بوینت، عیسی شاگردونشون بواتندِ: «چرا شَما استادِ باجگیرون و گناهکارون خَمنا غذا خُرِه؟» 12وختی عیسی اَمش بشنَوِس، بوات: «مریضه آدمون طبیب گَوَندِه نه سالم آدمون. 13بِشا و اَم کلام معنی درک بِکَرا که ”اَز رحمت گَوِم نه قربونی.“ چون نومیم تا صالح آدمون دعوت بکرم، بلکم اومیم تا گناه کار آدمون دعوت بکرم.»
سوال آپرسِسَن دربارَه روزَه
14اُخُری یحیی شاگرده بومِندِ عیسی وَر و بواتشون: «چرا اَما و فَریسیان روزَه گیروم، امّا اِشته شاگرده روزَه نِگیرنده؟» 15عیسی جواو بدا: «مگم بی که عروسی مِیهمانه اَ زمُون که زُما چون خمنا اِسه عزاداری بِکَرِنده؟ روزونی آرسه که زُما چون کودَ ایگَته بی، اُخُری اَوه روزَه گیرِنده. 16هیچکس تازَه و آو دِنِشییه پارچه ای، کویینه خلاویییَم که پینه نِزَنه، چون اَ پینه اَ خلاوَ دَ جِدا بی و ویشتر اوزَره. 17و تازه شراو کویینه یالاقچه هون دَ دِنِکَرنده. اگم اَم کاره بکرنده، چون تازه شراو حلا گاز داره یالاقچه هون تِرَکِه و شراو ایبی و خومِ از بین شینده. بلکم تازه شراو گَوَن تازه یالاقچه هون دلَه دِکَرنده تا هر دِ سالم بمونه.»
ای کِلِگی زنده آبیین و ای زَنِکی شفا ایگَتَن
18وختی که عیسی اَم لاوَعون اَجونش واتیَ ای نفر از یهودیون رئیسِ بومه چو وَر و چو پیش زانوش بزه و بِوات: « هَنِنَه چِمن کینه بِمَه. امّا بوره و اِشته دسه چو سر اونه که، زنده ببی.» 19عیسی اوپاب ببه و اِشتن شاگردونیم چو خمنا بِشه. 20ام لَحظه، ای زَنِکی که دونزده سال به خونریزیش دَ، عیسی پَشَ چو نزدیک ببه و چو اَبا لبش دس بِزه. 21چون که اَ زَنَک اِشتنییَن واتش بِه: «اگم حتی بتونم چو اَبا دس بِزَنِم، شفا گیرم.» 22عیسی آگردسش و اَوِش بیونت و بِوات: «کِلگ اِشته دله قرص بیبی، اِشته ایمان اَتِش شفا بدا.» هه لحظه، زَنکه شفاش بِگَت. 23وختی که عیسی اَ رئیسه کَه بِشه و نوحه خونه و مردمش بوینت که بِرَمون کَردَینده، 24اَجونِش بوات: «اَبَر بِشا، چون که کِلِگَ نِمَرده بلکم خُتاسَه.» امّا اَون عیساشون مسخره بکه. 25وختی مردمِشون اَبَر بِکه عیسی دله بشه و کِلِگِ دسِش بِگَت و اَ کِلِگ اوپاب ببه. 26ام اتفاقه خَوَر سراسر اَ ناحیَه آپیچِس.
دِ کور و ای لاله شفا
27وختی که عیسی بِرِش ترک کردَی دِ کورَه مردکِ چو پش بشنده، و اَوه جیکیله بِکَردنده: «ای داوود پاتشاه زا، اَجَما رحم بِکه!» 28وختی عیسی کَه دله بِشِه اَ دِ مردک بومِندِ چو وَر. عیسی چون کودَ آپرسس: «ایمان دارا که تونم اَم کاره بکرم؟» اون بواتشون: «بله، آقا.» 29اُخُری عیسی چون چشمونش دس بِزه و بِوات: «عینِ شَما ایمان، شَما را انجام بی.» 30ای دَفَه چون چشمِ آبنده. عیسی تأکیدییَم اَجون بوات: «ویراجون ببا کسی اَم اتفاقَ دَ خبر دار مبی.» 31امّا اَون اَبَر بِشنده و همه‌ی اَ ناحیه اَم خبرشون پخش بکه.
32وختی که اَ دِ مردک اَبَرشَینده، ای دیو زده مردکی که لال به شون بایردِندِ عیسی ور. 33وختی عیسی دیوش مردکَ دَ اَبَر بِکه اَ لال مردکه زون آبه. مردم حیرون ببنده و بواتشون: «هرگز اسراییلِ قومَ دَ هِمنَه چی ای نیوینتمون به 34امّا فَریسی فرقه علما بواتشون: «عیسی، دیون، دیون رئیس کمکییم اَبَر کَرِه.
کارگرِ کم اِسنده
35عیسی همَّه‌ی شهرون و دهون گردِسَی و چون عبادتگاهون دَ تعلیم دایَی و خدا پاتشاهی چاک خبرش اعلام کَردَی و هر درد و مریضیش شفاش دایَی. 36وختی عیسی جماعتش بِوینت، چو دل چون را بسوجِس چون که بی چوپونه گوسفندون شارین پریشون و درمانده بِنده. 37پس اِشتن شاگردانش بوات: «محصول فراوانه، امّا کارگر کمه. 38پس، محصوله صاحابَ دَ بِگَوا تا اِشتن محصوله درو را کارگرونی بِخِرسه.»
നിലവിൽ തിരഞ്ഞെടുത്തിരിക്കുന്നു:
انجیلِ مَتّی 9: KTT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیلِ مَتّی 9
9
فَلَجَ مردَکه شفا
1عیسی قایقِ دِلَ بِنِشت و بِشه اِشتن شهر، که دریاچه اَ دیم به.
2اُخُری چند نفر ای فلجه مردکی که دُشک سر خُته به، بایردِشونه عیسی وَر. عیسی وختی چون ایمانش بِوینت اَ فَلَجِش بِوا: « اِشته دل قرص بیبی زا، اِشته گناهون بَخشِسه ببنده!» 3اَم موقع، بعضی تورات معلمین اشتنییم بواتنده: «اَم مردکِ کفر وا.» 4عیسی چون فکرش بزونس و بِوات: «چرا شَما دِلَ دَ هِمنَه پلیدَ فکرون کرو؟ 5کُوم واتَن را راحت تره: چِمه واتن که ”اِشته گناهه بَخشِسه بِبنده“ یا چِمه واتن که ”اوپاب ببه و بِمِج“؟ 6اما چِمه خونَین که بِزونو انسانه زا قدرت داره که گناهون ببخشِه» - اَ فلج مردکش بوات: «اُپاب بِبِه، اِشته یقا آپرچین و بِشِ اِشته کَه.» 7اَ مردک اوپاب ببه و بِشه کییه. 8وختی مردم اَم اتفاقشون بِوینتِندِه بِتَرسسنده و خداشون شکر بِکَه که هِمنَه قدرتی انسانش داعه.
متی دعوت
9وختی عیسی اَ یَقاش ترک کردَی ای مردکیش بِوینت چو نوم مَتّی به و باج ایگَتَنه دَکَ دَ نِشته به. عیسی اَجوش بوات: «چِمِن پش بورِ!»متی اوپاب ببه و چو پَشَ بِشه.
10عیسی، مَتّی کَه دَ چو سِفره سرَ نِشته بِه که پِر باجگیره و گناهکاره بومِندِ و عیسی و چو شاگردانه خمنا ای سِفره سر بِنِشتِنده. 11وختی فَریسی فرقه علما اَمِشون بوینت، عیسی شاگردونشون بواتندِ: «چرا شَما استادِ باجگیرون و گناهکارون خَمنا غذا خُرِه؟» 12وختی عیسی اَمش بشنَوِس، بوات: «مریضه آدمون طبیب گَوَندِه نه سالم آدمون. 13بِشا و اَم کلام معنی درک بِکَرا که ”اَز رحمت گَوِم نه قربونی.“ چون نومیم تا صالح آدمون دعوت بکرم، بلکم اومیم تا گناه کار آدمون دعوت بکرم.»
سوال آپرسِسَن دربارَه روزَه
14اُخُری یحیی شاگرده بومِندِ عیسی وَر و بواتشون: «چرا اَما و فَریسیان روزَه گیروم، امّا اِشته شاگرده روزَه نِگیرنده؟» 15عیسی جواو بدا: «مگم بی که عروسی مِیهمانه اَ زمُون که زُما چون خمنا اِسه عزاداری بِکَرِنده؟ روزونی آرسه که زُما چون کودَ ایگَته بی، اُخُری اَوه روزَه گیرِنده. 16هیچکس تازَه و آو دِنِشییه پارچه ای، کویینه خلاویییَم که پینه نِزَنه، چون اَ پینه اَ خلاوَ دَ جِدا بی و ویشتر اوزَره. 17و تازه شراو کویینه یالاقچه هون دَ دِنِکَرنده. اگم اَم کاره بکرنده، چون تازه شراو حلا گاز داره یالاقچه هون تِرَکِه و شراو ایبی و خومِ از بین شینده. بلکم تازه شراو گَوَن تازه یالاقچه هون دلَه دِکَرنده تا هر دِ سالم بمونه.»
ای کِلِگی زنده آبیین و ای زَنِکی شفا ایگَتَن
18وختی که عیسی اَم لاوَعون اَجونش واتیَ ای نفر از یهودیون رئیسِ بومه چو وَر و چو پیش زانوش بزه و بِوات: « هَنِنَه چِمن کینه بِمَه. امّا بوره و اِشته دسه چو سر اونه که، زنده ببی.» 19عیسی اوپاب ببه و اِشتن شاگردونیم چو خمنا بِشه. 20ام لَحظه، ای زَنِکی که دونزده سال به خونریزیش دَ، عیسی پَشَ چو نزدیک ببه و چو اَبا لبش دس بِزه. 21چون که اَ زَنَک اِشتنییَن واتش بِه: «اگم حتی بتونم چو اَبا دس بِزَنِم، شفا گیرم.» 22عیسی آگردسش و اَوِش بیونت و بِوات: «کِلگ اِشته دله قرص بیبی، اِشته ایمان اَتِش شفا بدا.» هه لحظه، زَنکه شفاش بِگَت. 23وختی که عیسی اَ رئیسه کَه بِشه و نوحه خونه و مردمش بوینت که بِرَمون کَردَینده، 24اَجونِش بوات: «اَبَر بِشا، چون که کِلِگَ نِمَرده بلکم خُتاسَه.» امّا اَون عیساشون مسخره بکه. 25وختی مردمِشون اَبَر بِکه عیسی دله بشه و کِلِگِ دسِش بِگَت و اَ کِلِگ اوپاب ببه. 26ام اتفاقه خَوَر سراسر اَ ناحیَه آپیچِس.
دِ کور و ای لاله شفا
27وختی که عیسی بِرِش ترک کردَی دِ کورَه مردکِ چو پش بشنده، و اَوه جیکیله بِکَردنده: «ای داوود پاتشاه زا، اَجَما رحم بِکه!» 28وختی عیسی کَه دله بِشِه اَ دِ مردک بومِندِ چو وَر. عیسی چون کودَ آپرسس: «ایمان دارا که تونم اَم کاره بکرم؟» اون بواتشون: «بله، آقا.» 29اُخُری عیسی چون چشمونش دس بِزه و بِوات: «عینِ شَما ایمان، شَما را انجام بی.» 30ای دَفَه چون چشمِ آبنده. عیسی تأکیدییَم اَجون بوات: «ویراجون ببا کسی اَم اتفاقَ دَ خبر دار مبی.» 31امّا اَون اَبَر بِشنده و همه‌ی اَ ناحیه اَم خبرشون پخش بکه.
32وختی که اَ دِ مردک اَبَرشَینده، ای دیو زده مردکی که لال به شون بایردِندِ عیسی ور. 33وختی عیسی دیوش مردکَ دَ اَبَر بِکه اَ لال مردکه زون آبه. مردم حیرون ببنده و بواتشون: «هرگز اسراییلِ قومَ دَ هِمنَه چی ای نیوینتمون به 34امّا فَریسی فرقه علما بواتشون: «عیسی، دیون، دیون رئیس کمکییم اَبَر کَرِه.
کارگرِ کم اِسنده
35عیسی همَّه‌ی شهرون و دهون گردِسَی و چون عبادتگاهون دَ تعلیم دایَی و خدا پاتشاهی چاک خبرش اعلام کَردَی و هر درد و مریضیش شفاش دایَی. 36وختی عیسی جماعتش بِوینت، چو دل چون را بسوجِس چون که بی چوپونه گوسفندون شارین پریشون و درمانده بِنده. 37پس اِشتن شاگردانش بوات: «محصول فراوانه، امّا کارگر کمه. 38پس، محصوله صاحابَ دَ بِگَوا تا اِشتن محصوله درو را کارگرونی بِخِرسه.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company