انجیلِ مَتّی 13
13
کَشاورز مثال
1هَه روز عیسی کَه دَ اَبَر بومه و دریاچه وَر بِنِشت. 2پِر جماعتی عیسی دویر و بر جمع بِبنده و عیسی قایقی دِلَ بِنِشت، و همه‌ی مردم ساحلَ دَ وِندَردَ بِنده. 3اُخُری چون را چند مثالش بزه. بِوا: «ای روزی ای کَشاورزی دانَه اوشونتَنه را بَرَسَر بِشه. 4وختی دانِش اوشونت، بعضی دانه هون راه دَ ایکَتِندِه و پرنده نی بومِندِ و اَجوشون بُخَردنده. 5بَعضی دانه هونَ نی سِگیَه زمینون سرَ ایکَتِنده و پِر خاک ندردنده؛ پس البحل سبز بِبِنده، چون که خاک کم عمق به. 6امّا وختی آوتاو اَبَر بومه، دانه هون بسوجِسِنده و چون که ریشَه ندردنده، خشک بِبنده. 7بَعضی دانه هونَ نی خارِ دله ایکَتِنده. خارِ رشد بِکَردِندِ و دانه هونِشون خفه بِکَه. 8امّا علایده دانه عه چاکه خاک دلَ ایکَتِندِه و بار بایردِشونه: بعضی صد برابر، بعضی نی شصت و بعضی سی برابر. 9هر که گوش اَشنوسن داره، بَشنوه.»
10اُخُری شاگردِ عیسی وَر بومنده و آپرسسشونه: «چرا مردمِ را مَثَلونییم لاوه کری؟» 11عیسی جواوش بدا: «آسمان پاتشاهی اَسرار درک کردن شَماشون داعه، امّا به اون اَ درکشون نِداعه. 12چون اَ کسی که داره، اَجو ویشتر داعه بی، تا فراوانی بِداره، امّا اَ کسی که نداره، حتی اَ چی ای که داره نی چو کود ایگَته بی. 13چِمه خونینِ که از چون را مثلونییم لاوه کَرم، چون:
«اَوه دِدِسِنده امّا نیویننده،
گوش دینده امّا نه اَشنَوِنده و نه فَهمنده.
14حقیقتا اِشَعیا پیغمبر پیشگویی چون را اتفاق دگنه که واتش به:
«”شَما گوشونییَم اَشنَوا، امّا هرگز نِفهما
شَما چَشمونییَم وینا، امّا هرگز درک نکرا.
15چون اَم قومه دلِ، سِگ بییاسه،
چون گوشِه سنگین بیاسه،
اشتن چَشمِه شون دِبَسته،
تا مبادا اِشتن چَشمانییَم بِوینِنده،
و اِشتن گوشانییم بَشنونده
و اِشتن دِلونییَم بفهمنده
و آگردنده و از اجون شفا بدیم.“
16امّا خُش به حال شَما چشمون که ویننده و شَما گوشون که اَشنونده. 17حقیقتن، شَما را وام که خیلی از پیغمبرون و صالحون ناجَشون دَ که اَ چیونی که شَما وینو، بویننده امّا نیوینتشونه، و اَ چیونی که شَما اَشنوا بشنونده امّا نَشنوسشونه.
18«پس شَما کَشاورزه مثاله معنا بَشنوا: 19اَ زمُونی که کسی خدا پاتشاهی کلامه اَشنوه امّا اَجو درک نِکَره، اَ شریر آ و اَ چیونی که چو دِلَ دَ کاشته بییَه بِه دِزِه. اَم هَه دانه اییه که راه دَ کاشته ببه. 20و دانه ای که سِگیه زمین ایکَته به کسیه که خدا کلامه اَشنوه و اَلَبحل اَجو شادییم قبول کره، 21امّا چون ریشِش نِدَ، ایکه دووم آیره. وختی خدا کلام خونین، اذیت و آزاری اَجون آرَسه، البَحَل ایگِنه. 22دانه هونی که خار دلَ ایکَتِنده کَسیه که خدا کلامه اَشنوه، امّا دنیا نگرانیون و ثروت وَسوَسه، خدا کلامه خفه کره و بی ثمر کره. 23امّا دانه ای که چاکه زمینِ سر ایکَته به کسیه که خدا کلامه اَشنوه و اَجو فهمه. اَوه حقیقتا ثمر وینِنده بعضی صد برابر، بعضی شصت برابر و بعضی نی سی برابر.»
هرزه علَفون مثال
24عیسی علایدَه مثلی چون را بایرد و بوات: «آسمان پاتشاهی مَردکی شارینِ که اِشتن زمینَ دَ چاکَ دانه اوشونتِشه. 25امّا لحظَه ای که نوکره خواو بنده، چو دشمن بومه و گندمه میون هرزه علَفش بکاشت و بِشه. 26پس وختی گندم رشدش بِکَه و اوشِش اَبَر بایرد، علفه نی اَبَر بومه. 27زمین صاحابه نوکره چو وَر بشنده و بواتشون: ”ارباب، مگم تَه اِشته زمین دَ چاکه دانه نِکاشتیش؟ پس هرزه علَفهِ کا دَ بومِنده؟“ 28ارباب اَجو بوات: ”اَم دشمنه کاره.“ نوکره چوکودَ آپَرسس: ”گَوی بِشوم و اَجون جمع بِکَرُوم؟“ 29ارباب بواتش: ”نه! اَگم بگَوا علفون جمع بِکَرا ممکنه گندمه نی ریشه اییَم بچینا. 30بارزا هر دِ تا درو موقع هندیگریَم رشد بکرنده. درو موقع درو کَریانِ وام که اول هرزه علفون جمع ودسته بکرنده تا بِسوجونِنده، اُخُری گندمه چمن انبارَ دَ جمع بکرنده.“»
خردله دانه مثال و خمیرمایه مثال
31عیسی چون را ای علایدَه مَثَلی بایرد و بِوا: «آسمونه پاتشاهی ای خردله دانه ای شارینِ که ای نفر اَجوش بِگَت و ببَه اِشتن زمینَ دَ بکاشتِشه. 32با اَم که خَردله دانه همه‌ی دانه هونَ دَ وِلِگ تَرِه، امّا وختی پیله ببه تمام باغ گیاهانَ دَ پیله تر بی، و ای داری بی، هِمنَه که آسمونه پرندعونن آینده و چو لاخَه عون میون اِشنا لونَه رَچ کَرِنده.»
33اُخُری چون را ای علایدَه مَثَلی بایردش و بِوات: «آسمانه پاتشاهی خمیره مایه ای شارین که ای زَنکی اجو اوگورِه و سه پیمونَه آردییَم پَشی کَرییَه تا هَمَّه‌ی خمیر اوجاعه.»
34عیسی تموم اَم لاوَعون مثلوییَم جماعت را بِوات و بدون مَثل چیزیش اَجون نِوا. 35اَم چیه همَّه اتفاق دکَتِنده تا پیغمبره پیشگویی اتفاق دگنه که واتش به:
«از مثالییَم لاوه کَرم،
و اَ چیونی که دنیا اَوَل آفرینشَ مخفی مَنتِه، وام.»
عیسی هرزه علفون مثاله توضیح دی
36اُخُری عیسی جماعتِش ترک بِکه و بشه کَه. چو شاگرده بومِندِ چو وَر و بواتشون: «مزرعه هرزه علفون مثاله معنی چَما را بوا.» 37عیسی چون جواوَ بوات: «اَ کسی که چاکه دانه کاره، انسانه زاعه. 38زمین، اَم دنیاعه، و چاکه دانه نی خدا پاتشاهی خوردگوننده. هرزه علفه، اَ شرور خوردگوننده؛ 39دشمنی که اَجون کاره، ابلیسه. گندمه درو موقع، اَم دنیا آخره؛ و درو کَرییونه، ملائکه انده. 40هه جور که هرزه علفِ جمع کرِنده و آتشَ دلَ سوجونِنده، اَم دنیا آخرَ نی هِمنَه بی. 41انسان زا، اِشتن ملائکه عه خِرسه، اَوه هر کسی که گناهه باعث بی و همَّه‌ی گناهکارَ آدمون، خدا پاتشاهیه دَ جدا کرنده 42و اَجون آتَشه کوره ای دلَ فِر دینده، یقایی که بِرَمِنده و دندون دندونون سر فشار دینده. 43اُخُری صالحون آوتاوِ شارین اِشتن پِه پاتشاهیه دَ سُو زَننده. هر که گوش اَشنوِسن داره، بشنوه.
مخفیه گنج و گرانه مروارید مثال
44«آسمانه پاتشاهی گنجی شارینِ که زمینه دِلَ مخفیه که ای نفر اَجوش بِوینت. اُخُری هَنی اَجو مخفی کَره و شادییَم شی و اَ چه که داره، خِروشه و اَ زمینه خِره.
45«همَ نی آسمانه پاتشاهی تاجری شارینِ که چاک و گرونَ مِرواریدَ پَشَ اِسه. 46وختی چاک و گرون مِروارید وینه، شی و اَ چیونی که داره، خِروشه و اَ مِرواریده خِره.
ماهیگیری تورِ مثال
47«هَنی آسمانه پاتشاهی مایی گیری توری شارینِ که دریا دله فِر دینده و همه مدل ماهی گیره. 48اَ زمُون که توره فِر دینده آوِ دلَ ماهیگیره اَجو دِرونجِنده ساحل. اُخُری نِشِنده و چاکَ ماهیون سبد دل جمع کَرِنده امّا بَده ماهیان فر دینده. 49اَم دنیا آخرَ نی هِمنَه بی. ملائکه عه آینده و بد آدمان اَ صالح آدمان جدا کرنده. 50و بد آدم آتشه کورَه دلَ فِر دینده، اَ یقایی که بِرَمنده و دندون دندونون سر فشار دینده.
51اُخُری آپرسسِشه: «همه‌ی اَم لاوَعونرون دَرک بِکَه؟» جواوشان بدا: «بله!» 52عیسی بِوات: «پس، هر کومین از تورات معلمین که آسمونه پاتشاهی درباره تعلیم بیوینه، کَه صاحابی شارینِ که اِشتن صندوق دَ تازه و کویینه چیون اَبَر آیره.»
ناصره مردم عیسی ایمان نایرنده
53وختی عیسی ام مَثَلِش تموم بکه، اَ مکانِش ترک بکه 54و بشه اِشتن شهر، یهودیان عبادتگاه دَ مردمش تعلیم بدا. هِمنَه که مردم مات بَینده و آپرسشونه: «اَم مردک همنه حکمت و معجزه انجام دایَنِ قدرتش کادَ آیرده؟ 55مگم، اَ نجّار زا نی؟ مگم، چو ما نوم مریمِ نی؟ و چو براعه یعقوب و یوسف و شَمعون و یهودا نینده؟ 56مگم چو خاعه چَما دویره وَرَ زندگی نِکَرنده؟ پس اَم مردک همه‌ی اَم چیش کاش یاد گَته؟» 57پس عیسی لاوعونَ دَ ناراحت ببنده . امّا عیسی اَجونش بوات: «پیغمبر همه یقا حرمت داره جز اِشتن شهر و اِشتن کَه!» 58و اَ مکانَ دَ، چون بی ایمانی خونین، پرش معجزه نِکه.
നിലവിൽ തിരഞ്ഞെടുത്തിരിക്കുന്നു:
انجیلِ مَتّی 13: KTT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیلِ مَتّی 13
13
کَشاورز مثال
1هَه روز عیسی کَه دَ اَبَر بومه و دریاچه وَر بِنِشت. 2پِر جماعتی عیسی دویر و بر جمع بِبنده و عیسی قایقی دِلَ بِنِشت، و همه‌ی مردم ساحلَ دَ وِندَردَ بِنده. 3اُخُری چون را چند مثالش بزه. بِوا: «ای روزی ای کَشاورزی دانَه اوشونتَنه را بَرَسَر بِشه. 4وختی دانِش اوشونت، بعضی دانه هون راه دَ ایکَتِندِه و پرنده نی بومِندِ و اَجوشون بُخَردنده. 5بَعضی دانه هونَ نی سِگیَه زمینون سرَ ایکَتِنده و پِر خاک ندردنده؛ پس البحل سبز بِبِنده، چون که خاک کم عمق به. 6امّا وختی آوتاو اَبَر بومه، دانه هون بسوجِسِنده و چون که ریشَه ندردنده، خشک بِبنده. 7بَعضی دانه هونَ نی خارِ دله ایکَتِنده. خارِ رشد بِکَردِندِ و دانه هونِشون خفه بِکَه. 8امّا علایده دانه عه چاکه خاک دلَ ایکَتِندِه و بار بایردِشونه: بعضی صد برابر، بعضی نی شصت و بعضی سی برابر. 9هر که گوش اَشنوسن داره، بَشنوه.»
10اُخُری شاگردِ عیسی وَر بومنده و آپرسسشونه: «چرا مردمِ را مَثَلونییم لاوه کری؟» 11عیسی جواوش بدا: «آسمان پاتشاهی اَسرار درک کردن شَماشون داعه، امّا به اون اَ درکشون نِداعه. 12چون اَ کسی که داره، اَجو ویشتر داعه بی، تا فراوانی بِداره، امّا اَ کسی که نداره، حتی اَ چی ای که داره نی چو کود ایگَته بی. 13چِمه خونینِ که از چون را مثلونییم لاوه کَرم، چون:
«اَوه دِدِسِنده امّا نیویننده،
گوش دینده امّا نه اَشنَوِنده و نه فَهمنده.
14حقیقتا اِشَعیا پیغمبر پیشگویی چون را اتفاق دگنه که واتش به:
«”شَما گوشونییَم اَشنَوا، امّا هرگز نِفهما
شَما چَشمونییَم وینا، امّا هرگز درک نکرا.
15چون اَم قومه دلِ، سِگ بییاسه،
چون گوشِه سنگین بیاسه،
اشتن چَشمِه شون دِبَسته،
تا مبادا اِشتن چَشمانییَم بِوینِنده،
و اِشتن گوشانییم بَشنونده
و اِشتن دِلونییَم بفهمنده
و آگردنده و از اجون شفا بدیم.“
16امّا خُش به حال شَما چشمون که ویننده و شَما گوشون که اَشنونده. 17حقیقتن، شَما را وام که خیلی از پیغمبرون و صالحون ناجَشون دَ که اَ چیونی که شَما وینو، بویننده امّا نیوینتشونه، و اَ چیونی که شَما اَشنوا بشنونده امّا نَشنوسشونه.
18«پس شَما کَشاورزه مثاله معنا بَشنوا: 19اَ زمُونی که کسی خدا پاتشاهی کلامه اَشنوه امّا اَجو درک نِکَره، اَ شریر آ و اَ چیونی که چو دِلَ دَ کاشته بییَه بِه دِزِه. اَم هَه دانه اییه که راه دَ کاشته ببه. 20و دانه ای که سِگیه زمین ایکَته به کسیه که خدا کلامه اَشنوه و اَلَبحل اَجو شادییم قبول کره، 21امّا چون ریشِش نِدَ، ایکه دووم آیره. وختی خدا کلام خونین، اذیت و آزاری اَجون آرَسه، البَحَل ایگِنه. 22دانه هونی که خار دلَ ایکَتِنده کَسیه که خدا کلامه اَشنوه، امّا دنیا نگرانیون و ثروت وَسوَسه، خدا کلامه خفه کره و بی ثمر کره. 23امّا دانه ای که چاکه زمینِ سر ایکَته به کسیه که خدا کلامه اَشنوه و اَجو فهمه. اَوه حقیقتا ثمر وینِنده بعضی صد برابر، بعضی شصت برابر و بعضی نی سی برابر.»
هرزه علَفون مثال
24عیسی علایدَه مثلی چون را بایرد و بوات: «آسمان پاتشاهی مَردکی شارینِ که اِشتن زمینَ دَ چاکَ دانه اوشونتِشه. 25امّا لحظَه ای که نوکره خواو بنده، چو دشمن بومه و گندمه میون هرزه علَفش بکاشت و بِشه. 26پس وختی گندم رشدش بِکَه و اوشِش اَبَر بایرد، علفه نی اَبَر بومه. 27زمین صاحابه نوکره چو وَر بشنده و بواتشون: ”ارباب، مگم تَه اِشته زمین دَ چاکه دانه نِکاشتیش؟ پس هرزه علَفهِ کا دَ بومِنده؟“ 28ارباب اَجو بوات: ”اَم دشمنه کاره.“ نوکره چوکودَ آپَرسس: ”گَوی بِشوم و اَجون جمع بِکَرُوم؟“ 29ارباب بواتش: ”نه! اَگم بگَوا علفون جمع بِکَرا ممکنه گندمه نی ریشه اییَم بچینا. 30بارزا هر دِ تا درو موقع هندیگریَم رشد بکرنده. درو موقع درو کَریانِ وام که اول هرزه علفون جمع ودسته بکرنده تا بِسوجونِنده، اُخُری گندمه چمن انبارَ دَ جمع بکرنده.“»
خردله دانه مثال و خمیرمایه مثال
31عیسی چون را ای علایدَه مَثَلی بایرد و بِوا: «آسمونه پاتشاهی ای خردله دانه ای شارینِ که ای نفر اَجوش بِگَت و ببَه اِشتن زمینَ دَ بکاشتِشه. 32با اَم که خَردله دانه همه‌ی دانه هونَ دَ وِلِگ تَرِه، امّا وختی پیله ببه تمام باغ گیاهانَ دَ پیله تر بی، و ای داری بی، هِمنَه که آسمونه پرندعونن آینده و چو لاخَه عون میون اِشنا لونَه رَچ کَرِنده.»
33اُخُری چون را ای علایدَه مَثَلی بایردش و بِوات: «آسمانه پاتشاهی خمیره مایه ای شارین که ای زَنکی اجو اوگورِه و سه پیمونَه آردییَم پَشی کَرییَه تا هَمَّه‌ی خمیر اوجاعه.»
34عیسی تموم اَم لاوَعون مثلوییَم جماعت را بِوات و بدون مَثل چیزیش اَجون نِوا. 35اَم چیه همَّه اتفاق دکَتِنده تا پیغمبره پیشگویی اتفاق دگنه که واتش به:
«از مثالییَم لاوه کَرم،
و اَ چیونی که دنیا اَوَل آفرینشَ مخفی مَنتِه، وام.»
عیسی هرزه علفون مثاله توضیح دی
36اُخُری عیسی جماعتِش ترک بِکه و بشه کَه. چو شاگرده بومِندِ چو وَر و بواتشون: «مزرعه هرزه علفون مثاله معنی چَما را بوا.» 37عیسی چون جواوَ بوات: «اَ کسی که چاکه دانه کاره، انسانه زاعه. 38زمین، اَم دنیاعه، و چاکه دانه نی خدا پاتشاهی خوردگوننده. هرزه علفه، اَ شرور خوردگوننده؛ 39دشمنی که اَجون کاره، ابلیسه. گندمه درو موقع، اَم دنیا آخره؛ و درو کَرییونه، ملائکه انده. 40هه جور که هرزه علفِ جمع کرِنده و آتشَ دلَ سوجونِنده، اَم دنیا آخرَ نی هِمنَه بی. 41انسان زا، اِشتن ملائکه عه خِرسه، اَوه هر کسی که گناهه باعث بی و همَّه‌ی گناهکارَ آدمون، خدا پاتشاهیه دَ جدا کرنده 42و اَجون آتَشه کوره ای دلَ فِر دینده، یقایی که بِرَمِنده و دندون دندونون سر فشار دینده. 43اُخُری صالحون آوتاوِ شارین اِشتن پِه پاتشاهیه دَ سُو زَننده. هر که گوش اَشنوِسن داره، بشنوه.
مخفیه گنج و گرانه مروارید مثال
44«آسمانه پاتشاهی گنجی شارینِ که زمینه دِلَ مخفیه که ای نفر اَجوش بِوینت. اُخُری هَنی اَجو مخفی کَره و شادییَم شی و اَ چه که داره، خِروشه و اَ زمینه خِره.
45«همَ نی آسمانه پاتشاهی تاجری شارینِ که چاک و گرونَ مِرواریدَ پَشَ اِسه. 46وختی چاک و گرون مِروارید وینه، شی و اَ چیونی که داره، خِروشه و اَ مِرواریده خِره.
ماهیگیری تورِ مثال
47«هَنی آسمانه پاتشاهی مایی گیری توری شارینِ که دریا دله فِر دینده و همه مدل ماهی گیره. 48اَ زمُون که توره فِر دینده آوِ دلَ ماهیگیره اَجو دِرونجِنده ساحل. اُخُری نِشِنده و چاکَ ماهیون سبد دل جمع کَرِنده امّا بَده ماهیان فر دینده. 49اَم دنیا آخرَ نی هِمنَه بی. ملائکه عه آینده و بد آدمان اَ صالح آدمان جدا کرنده. 50و بد آدم آتشه کورَه دلَ فِر دینده، اَ یقایی که بِرَمنده و دندون دندونون سر فشار دینده.
51اُخُری آپرسسِشه: «همه‌ی اَم لاوَعونرون دَرک بِکَه؟» جواوشان بدا: «بله!» 52عیسی بِوات: «پس، هر کومین از تورات معلمین که آسمونه پاتشاهی درباره تعلیم بیوینه، کَه صاحابی شارینِ که اِشتن صندوق دَ تازه و کویینه چیون اَبَر آیره.»
ناصره مردم عیسی ایمان نایرنده
53وختی عیسی ام مَثَلِش تموم بکه، اَ مکانِش ترک بکه 54و بشه اِشتن شهر، یهودیان عبادتگاه دَ مردمش تعلیم بدا. هِمنَه که مردم مات بَینده و آپرسشونه: «اَم مردک همنه حکمت و معجزه انجام دایَنِ قدرتش کادَ آیرده؟ 55مگم، اَ نجّار زا نی؟ مگم، چو ما نوم مریمِ نی؟ و چو براعه یعقوب و یوسف و شَمعون و یهودا نینده؟ 56مگم چو خاعه چَما دویره وَرَ زندگی نِکَرنده؟ پس اَم مردک همه‌ی اَم چیش کاش یاد گَته؟» 57پس عیسی لاوعونَ دَ ناراحت ببنده . امّا عیسی اَجونش بوات: «پیغمبر همه یقا حرمت داره جز اِشتن شهر و اِشتن کَه!» 58و اَ مکانَ دَ، چون بی ایمانی خونین، پرش معجزه نِکه.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company