Ubwandilo 48
48
U Yakobo akumusaya u Efulayimu nu Manase
1Pisinda pache u Yosefu akabuziwa ukuti, “Ughuso mubine.” Po akabasenda abana bache abalumendo babili bala, u Manase nu Efulayimu nukubuka nabo pakumwennya u Yakobo. 2Bo u Yakobo ivwa ukuti, “Umwana wako u Yosefu iza,” akikazya, akanyamuka nukwikala pachitala palapala.
3U Yakobo akamubuzya u Yosefu akati, “U Chala Uwamaka Ghosi akambonekela pa Luzi muchisu icha Kenani, sona akansaya. 4Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”
5Po akanena sona ukuti, “Abana bako abalumendo babili babo bakapapiliwa muchisu icha Ijiputi, bo ane inchili pakwiza kuno, u Efulayimu nu Manase bakwiza pakupimiwa pakuba bana bane ngati mumo u Lubeni nu Simiyoni babeleye bana bane. 6Loli abana bako bosi babo bakapapiwa pisinda pa bana babili aba, bakwiza pakuba bako. Bakwiza pakuba bampyana yabo ukwendela mwa Efulayimu nu Manase. 7#Ubw. 35.16-19Nkubomba chinichi pachifukwa icha unyoko u Lakelo yuyo akafwila muzila muchisu icha Kenani, bo tuchili nukufika mukaya aka Efulati, bo nkunyokako ku Mesopotamiya. Po nkamusyila palapala mulubazu ulwa musebo waku Efulati” (ko kokuti Betelehemu.)
8Bo u Yakobo abennya abana aba Yosefu, akalalusya akati, “Nkimba abalumendo banaba bo bawenu?”
9U Yosefu akamwamula akati, “Bana bane babo u Chala ampa kuno.”
Po u Yakobo akati, “Zagha nabo kuno ukuti imbasaye.”
10Amaso agha Yakobo ghakennyanga akafobela pachifukwa icha bughosi. Po u Yosefu akabapalamizya abana bache kwa Yakobo, po akabakumbatila nukubafyofyonta.
11U Yakobo akamubuzya u Yosefu akati, “Intakasubila napo panandi ukuti ningachennya sona icheni chako, loli ilelo u Chala anyitikizya ukuti imbennye na bana bako bulo.”
12Po u Yosefu akabefyapo pavimpevu ivya Yakobo, nukumufughamilila. 13U Yosefu akamubika u Efulayimu kunyobe iya mongo iya Yakobo, po u Manase kunyobe indilo iya Yakobo. 14Loli u Yakobo akapinganika nukugholosezya inyobe yache indilo pamutu uwa Efulayimu, yuyo akaba munandi, sona inyobe iya mongo pamutu uwa Manase, yuyo akaba we songo. 15Po akamusaya u Yosefu#48.15 Yosefu: Bo akumusaya u Efulayimu nu Manase, u Yakobo naloli akamusayagha u Yosefu. akati,
“U Chala yuyo abatata bane u Abulahamu nu Yisaki
bakamubombelagha abasaye abana banaba.
U Chala yuyo ansungilila mupaka pakabalilo aka,
abasaye abana banaba.
16Uwantumi yuyo akampoka ane kububibi bosi,
abasaye abana babili banaba.
Itabwa lyane ni tabwa ilya batata bane u Abulahamu nu Yisaki
lyendelele pakubapo ukwendela mubana banaba.
Bapapaye nkani, nukuba baluko ulukulu nkani.”
17Bo u Yosefu ennya ukuti uwise akubika inyobe yache indilo pamutu uwa Efulayimu, atakahoboka. Akayefyapo inyobe yila pamutu uwa Efulayimu nukuyibika pamutu uwa Manase. 18U Yosefu akamubuzya uwise akati, “Tata te momumo, pakuti uyu we songo, bika inyobe yako indilo pamutu wache.”
19Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”
20 #
Heb. 11.21
Po akabasaya bosi pisiku lilalila nukuti, “Aba Izilayeli bakwiza pakubombezya amatabwa ghinyu pakubasaya abantu. Bakwiza pakunenagha ukuti, ‘U Chala abapele amwe pakuba ngati we Efulayimu nu Manase.’ ” Pakubomba bunubu u Yakobo akamubika Efulayimu muntazi umwa Manase.
21Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako. 22Nkukupa awe, ntakubapa abawamwinyu awe, ichisu icha Shekemu, ichigaba icha muvundo chila chicho nkabafyula aba Amoli nupanga sona nubwele bwane.”
നിലവിൽ തിരഞ്ഞെടുത്തിരിക്കുന്നു:
Ubwandilo 48: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.
Ubwandilo 48
48
U Yakobo akumusaya u Efulayimu nu Manase
1Pisinda pache u Yosefu akabuziwa ukuti, “Ughuso mubine.” Po akabasenda abana bache abalumendo babili bala, u Manase nu Efulayimu nukubuka nabo pakumwennya u Yakobo. 2Bo u Yakobo ivwa ukuti, “Umwana wako u Yosefu iza,” akikazya, akanyamuka nukwikala pachitala palapala.
3U Yakobo akamubuzya u Yosefu akati, “U Chala Uwamaka Ghosi akambonekela pa Luzi muchisu icha Kenani, sona akansaya. 4Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”
5Po akanena sona ukuti, “Abana bako abalumendo babili babo bakapapiliwa muchisu icha Ijiputi, bo ane inchili pakwiza kuno, u Efulayimu nu Manase bakwiza pakupimiwa pakuba bana bane ngati mumo u Lubeni nu Simiyoni babeleye bana bane. 6Loli abana bako bosi babo bakapapiwa pisinda pa bana babili aba, bakwiza pakuba bako. Bakwiza pakuba bampyana yabo ukwendela mwa Efulayimu nu Manase. 7#Ubw. 35.16-19Nkubomba chinichi pachifukwa icha unyoko u Lakelo yuyo akafwila muzila muchisu icha Kenani, bo tuchili nukufika mukaya aka Efulati, bo nkunyokako ku Mesopotamiya. Po nkamusyila palapala mulubazu ulwa musebo waku Efulati” (ko kokuti Betelehemu.)
8Bo u Yakobo abennya abana aba Yosefu, akalalusya akati, “Nkimba abalumendo banaba bo bawenu?”
9U Yosefu akamwamula akati, “Bana bane babo u Chala ampa kuno.”
Po u Yakobo akati, “Zagha nabo kuno ukuti imbasaye.”
10Amaso agha Yakobo ghakennyanga akafobela pachifukwa icha bughosi. Po u Yosefu akabapalamizya abana bache kwa Yakobo, po akabakumbatila nukubafyofyonta.
11U Yakobo akamubuzya u Yosefu akati, “Intakasubila napo panandi ukuti ningachennya sona icheni chako, loli ilelo u Chala anyitikizya ukuti imbennye na bana bako bulo.”
12Po u Yosefu akabefyapo pavimpevu ivya Yakobo, nukumufughamilila. 13U Yosefu akamubika u Efulayimu kunyobe iya mongo iya Yakobo, po u Manase kunyobe indilo iya Yakobo. 14Loli u Yakobo akapinganika nukugholosezya inyobe yache indilo pamutu uwa Efulayimu, yuyo akaba munandi, sona inyobe iya mongo pamutu uwa Manase, yuyo akaba we songo. 15Po akamusaya u Yosefu#48.15 Yosefu: Bo akumusaya u Efulayimu nu Manase, u Yakobo naloli akamusayagha u Yosefu. akati,
“U Chala yuyo abatata bane u Abulahamu nu Yisaki
bakamubombelagha abasaye abana banaba.
U Chala yuyo ansungilila mupaka pakabalilo aka,
abasaye abana banaba.
16Uwantumi yuyo akampoka ane kububibi bosi,
abasaye abana babili banaba.
Itabwa lyane ni tabwa ilya batata bane u Abulahamu nu Yisaki
lyendelele pakubapo ukwendela mubana banaba.
Bapapaye nkani, nukuba baluko ulukulu nkani.”
17Bo u Yosefu ennya ukuti uwise akubika inyobe yache indilo pamutu uwa Efulayimu, atakahoboka. Akayefyapo inyobe yila pamutu uwa Efulayimu nukuyibika pamutu uwa Manase. 18U Yosefu akamubuzya uwise akati, “Tata te momumo, pakuti uyu we songo, bika inyobe yako indilo pamutu wache.”
19Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”
20 #
Heb. 11.21
Po akabasaya bosi pisiku lilalila nukuti, “Aba Izilayeli bakwiza pakubombezya amatabwa ghinyu pakubasaya abantu. Bakwiza pakunenagha ukuti, ‘U Chala abapele amwe pakuba ngati we Efulayimu nu Manase.’ ” Pakubomba bunubu u Yakobo akamubika Efulayimu muntazi umwa Manase.
21Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako. 22Nkukupa awe, ntakubapa abawamwinyu awe, ichisu icha Shekemu, ichigaba icha muvundo chila chicho nkabafyula aba Amoli nupanga sona nubwele bwane.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.