Ubwandilo 41
41
U Yosefu akung'anamula ivilota ivya Falabo
1Bo ghachilapo amaka mabili, u Falabo akalota ukuti imite mulubazu umwalusoko ulwa Nayilo. 2Ing'ombe seveni, inyine nkani zikazubuka mulusoko mula nukwanda pakulya isote ilya muntete. 3Pisinda pache ing'ombe izyamwabo seveni, ingande nkani, zikazubuka mulusoko lula, po zikima mulubazu ulwa lusoko palubazu ni zyamwabo zila. 4Po ing'ombe ingande zila zikamila izyamwabo inyine inyiza zila. Bo zinizi zyabombiwa u Falabo akalamusya mutulo.
5Akaghona sona utulo nukulota ichilota ichabubili, muchilota chache akennya imitu iya malezi seveni yelite pilezi lyoka. 6Pisinda pache akennya sona imitu iya malezi seveni yelite pilezi lyoka imighande, yiyo yikababuka ni mpepo iyakubufumilo bwizuba. 7Imitu iya malezi imibabuke yila yikamila imitu iya malezi inyiza. Po u Falabo akalamusya mutulo nukwagha ukuti akulota bulo.
8 #
Dan. 2.2
Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.
9Po usongo uwakumupa uvinyo yula akamubuzya u Falabo akati, “Ilelo indape imbibi zyane. 10U Falabo akabakalalila ababombi bache, nukunyighalila mujele poka nu wakupiya ivibama munyumba iya songo iya balindilili. 11Ubusiku boka bulabula umuntu pamwene akalota ichilota ni ching'anamulo ichane ni chache. 12Munyumba mulamula mukaba umulumendo uwa Chihebeli yuyo akaba wambombo uwa songo uwa balindilili, sona bo twamubuzya ivilota vyitu akatung'anamulila, pakutubuzya iching'anamulo icha chilota icha uyu pamwene na pamwene. 13Po ivintu vikabombiwa umwakuyana bulo ngati mumo akang'anamulila, nkanyokela pambombo yane, sona wepe uwakupiya ivibama akapayikiwa.”
14U Falabo akatuma ukuti bamwitizizye u Yosefu, po bakamufumya lubilolubilo mujele mula. Bo amwa akiza isisi nukuvwala amenda amiza, akiza pamaso pa mwene.
15U Falabo akamubuzya u Yosefu akati, “Nalotite chilota, loli atalipo nayumo umuntu yuyo angang'anamulila. Loli nivuye ukuti awe nanti wivwa ichilota ungang'anamulila.”
16U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”
17Po u Falabo akamubuzya u Yosefu akati, “Muchilota chane nkalota nimiliye palubazu palusoko ulwa Nayilo, 18Po akabalilo kalakala nkennya ing'ombe inyine seveni zikuzubuka mulusoko nukwanda pakulya isote ilya muntete. 19Po pisinda pache zikazubuka sona ing'ombe seveni zizyo zikaghanda nkani sona zikaba mafupa ghene zizyo ntazibonye nalumo muchisu icha Ijiputi. 20Ing'ombe ingande zikamila ing'ombe inyine. 21Loli napapo ing'ombe ingande zikamila ing'ombe inyine zila, patakabapo nayumo umuntu uwakuti angamanya ukuti ing'ombe zila zyanduka mukabonekele. Po nkalamusya mutulo.
22“Nane bulo muchilota chane nkalota imitu iya malezi seveni, yiyo yikela akiza nkani nukutona, yimelite pilezi lyoka. 23Pisinda pache pakamela sona imitu iya malezi imighande seveni yiyo yikababuka ni mpepo iyakubufumilo bwizuba. 24Imitu imighande iya malezi yikamila imitu inyine akiza yila. Po nkababuzya abantu abamayele bala, loli atakabapo nayumo umuntu uwakuti angang'anamulila ivilota vyane.”
25Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba. 26Ing'ombe seveni inyine, maka seveni, sona imitu iya malezi yiyo yikela akiza, maka seveni, ichilota chili choka. 27Ing'ombe ingande seveni zizyo zikazubuka mumizi pisinda pache maka seveni, sona imitu seveni yiyo yitakela akiza nukubabuka ni mpepo. Pakaba amaka seveni agha zala.
28“Zili ngati mumo namubuzizya u Falabo zizyo u Chala akwiza pakubomba. 29Kukwiza pakuba amaka seveni agha vyakulya ivyinji nkani muchisu chosi icha Ijiputi, 30loli pisinda pache kukwiza pakuwa izala amaka seveni. Po ivyakulya vyosi ivyinji vivyo bakaba navyo muchisu icha Ijiputi mukwiza pakuviluvya pakuti izala yikwiza pakuchiyivya ichisu chosi icha Ijiputi. 31Amaka ghosi agha vyakulya ivyinji muchisu icha Ijiputi mukwiza pakughaluvya pakuti izala yiyo yikwiza pakubawila sona yikwiza pakuba yakoghofya nkani. 32Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.
33“Polelo awe Falabo sala umuntu yuyo avimenye ivintu sona uwamahala, umupe ubulaghili muchisu chosi icha Ijiputi. 34Usale sona abantu abasongo ukuti babunganike ichigaba choka pa vigaba vyosi fayivi ivya nyinulo iya mu Ijiputi pamaka ghosi seveni ghala agha vyakulya ivyinji. 35Ubitikizye ukuti babunganike ivyakulya vyosi ivya maka amiza ghagho ghakwiza, sona ubalamule ukuti basunge ivyakulya ivi mutwaya utukulu nkani nukuvilindilila. 36Ivyakulya vila vibanje vyakulya pakabalilo aka zala kako kakwiza mumaka seveni mu Ijiputi, umwakuti abantu batakazimile nizala.”
37Ulubatiko lulo u Yosefu akasakizya lukaba akiza kwa Falabo, poka na makambala ghache ghosi. 38Po u Falabo akabalalusya akati, “Nkimba tungamwagha yumo yuyo ayanite nu muntu uyu, yuyo mumwache muli umuzimu uwa Chala?”
39U Falabo akamubuzya u Yosefu akati, “Pakuti u Chala akuvumbulila vyosi vinivi, patalipo nayumo umuntu yuyo avimenye ivintu ivi, sona uwamahala muchisu ichi ukukuchila. 40#Imbo. 7.10Ane nakusala awe ukuti ulaghilaye inyumba yane, sona abantu bane bosi bakwiza pakukwivwila. Loli ichintu chene chicho nkwiza pakukupota chakuti ne mwene. 41Ilelo nakusala pakuba we mulaghili uwa chisu chosi icha Ijiputi.” 42U Falabo akavula impete yache iya bumwene mukafingwi kache nukumuvwika u Yosefu mukafingwi kache. Akamuvwika sona inkazo intonte, po akamuvwika sona akamunyololo aka golide musingo. 43Po akamukwezya mungolo yache iyabubili iya bumwene, sona bope abalindilili bache bakanda pakukolomoka pakumwiputa pantazi pangolo yila ukuti, “Mumwivwilaye yunuyu! Mumwivwilaye yunuyu!” Po bunubu u Yosefu akimikiwa pakuba mulaghili uwa chisu chosi icha Ijiputi.
44Po U Falabo akamubuzya u Yosefu akati, “Napapo ne mwene, atalipo nayumoyumo umuntu muchisu icha Ijiputi uwakuti abombe ichintu chimo bo utamwitikizizye.” 45Palapala u Falabo akamwita ukuti we Zefanati Paneya, po akamupa u Asenati pakuba muchi wache, umwana umulindu uwa Potifela, umuputi uwa muchisu icha Oni. Po u Yosefu akanda pakulamula ichisu chosi icha Ijiputi.
46U Yosefu akaba na maka 30 pakabalilo kako akanda pakumubombela u Falabo. Po akendela ichisu chosi chila. 47Mumaka seveni agha vyakulya ivyinji, ichisu chikinula ivyakulya ivyinji nkani. 48U Yosefu akabunganika ivyakulya mumaka ghosi seveni ghala agha vyakulya ivyinji nukuvisunga mutwaya utukulu nkani. Mukaya kosi akakulu nkani mukaba intamba izya vyakulya ivya mumaghunda aghakukazyungulila akaya akakulu nkani kala. 49U Yosefu akasunga ivyakulya ivyinji nkani ngati musesenga uwa munyanja; ivyakulya vikaba vyinji nkani umwakuti bakaleka nukupima bulo, pachifukwa icha bwinji.
50Bo amaka ghala seveni ghatafikite, u Asenati akamupapila u Yosefu abana abalumendo babili. 51U Yosefu akamwita umwana wache usongo ukuti we Manase#41.51 Manase: Itabwa ili likwivwika ngati ilya mu Chihebeli kokuti, Ampela ukuti induvye., pakuti akati, “U Chala weyuyo anyavwa ukuti induvye intamyo zyane zyosi izya munyumba iya tata wane.” 52Umwana wache uwabubili akamwita ukuti we Efulayimu,#41.52 Efulayimu: Itabwa ili likwivwika ngati ilya mu Chihebeli kokuti, Akupa abana. po akati sona, “U Chala ampa abana muchisu chane icha mayimba.”
53Amaka seveni agha vintu ivyinji ghakamala mu Ijiputi, 54#Imbo. 7.11amaka seveni agha zala ghakafika, ukuyana namumo u Yosefu akanenela. Mukawa izala muvyisu vyosi ivyamwabo, loli muchisu chosi icha Ijiputi mukaba ichakulya. 55#Yoh. 2.5Bo izala yawa muchisu chosi icha Ijiputi, abantu bakamulilila u Falabo ukuti abape ichakulya. Po u Falabo akababuzya abantu bosi aba mu Ijiputi akati, “Bukagha kwa Yosefu, sona mumwivwilaye zyosi zizyo akubabuzya.”
56Bo izala yawa muchisu chosi icha Ijiputi, u Yosefu akighula intamba nukwanda pakubaghulizizya ivyakulya, pachifukwa ichakuti kukawa nkani izala muchisu chosi chila. 57Ivyisu vyosi vikizagha mu Ijiputi pakughula ivyakulya kwa Yosefu, pachifukwa ichakuti izala yikawa muchisu chosi ichapasi.
നിലവിൽ തിരഞ്ഞെടുത്തിരിക്കുന്നു:
Ubwandilo 41: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.
Ubwandilo 41
41
U Yosefu akung'anamula ivilota ivya Falabo
1Bo ghachilapo amaka mabili, u Falabo akalota ukuti imite mulubazu umwalusoko ulwa Nayilo. 2Ing'ombe seveni, inyine nkani zikazubuka mulusoko mula nukwanda pakulya isote ilya muntete. 3Pisinda pache ing'ombe izyamwabo seveni, ingande nkani, zikazubuka mulusoko lula, po zikima mulubazu ulwa lusoko palubazu ni zyamwabo zila. 4Po ing'ombe ingande zila zikamila izyamwabo inyine inyiza zila. Bo zinizi zyabombiwa u Falabo akalamusya mutulo.
5Akaghona sona utulo nukulota ichilota ichabubili, muchilota chache akennya imitu iya malezi seveni yelite pilezi lyoka. 6Pisinda pache akennya sona imitu iya malezi seveni yelite pilezi lyoka imighande, yiyo yikababuka ni mpepo iyakubufumilo bwizuba. 7Imitu iya malezi imibabuke yila yikamila imitu iya malezi inyiza. Po u Falabo akalamusya mutulo nukwagha ukuti akulota bulo.
8 #
Dan. 2.2
Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.
9Po usongo uwakumupa uvinyo yula akamubuzya u Falabo akati, “Ilelo indape imbibi zyane. 10U Falabo akabakalalila ababombi bache, nukunyighalila mujele poka nu wakupiya ivibama munyumba iya songo iya balindilili. 11Ubusiku boka bulabula umuntu pamwene akalota ichilota ni ching'anamulo ichane ni chache. 12Munyumba mulamula mukaba umulumendo uwa Chihebeli yuyo akaba wambombo uwa songo uwa balindilili, sona bo twamubuzya ivilota vyitu akatung'anamulila, pakutubuzya iching'anamulo icha chilota icha uyu pamwene na pamwene. 13Po ivintu vikabombiwa umwakuyana bulo ngati mumo akang'anamulila, nkanyokela pambombo yane, sona wepe uwakupiya ivibama akapayikiwa.”
14U Falabo akatuma ukuti bamwitizizye u Yosefu, po bakamufumya lubilolubilo mujele mula. Bo amwa akiza isisi nukuvwala amenda amiza, akiza pamaso pa mwene.
15U Falabo akamubuzya u Yosefu akati, “Nalotite chilota, loli atalipo nayumo umuntu yuyo angang'anamulila. Loli nivuye ukuti awe nanti wivwa ichilota ungang'anamulila.”
16U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”
17Po u Falabo akamubuzya u Yosefu akati, “Muchilota chane nkalota nimiliye palubazu palusoko ulwa Nayilo, 18Po akabalilo kalakala nkennya ing'ombe inyine seveni zikuzubuka mulusoko nukwanda pakulya isote ilya muntete. 19Po pisinda pache zikazubuka sona ing'ombe seveni zizyo zikaghanda nkani sona zikaba mafupa ghene zizyo ntazibonye nalumo muchisu icha Ijiputi. 20Ing'ombe ingande zikamila ing'ombe inyine. 21Loli napapo ing'ombe ingande zikamila ing'ombe inyine zila, patakabapo nayumo umuntu uwakuti angamanya ukuti ing'ombe zila zyanduka mukabonekele. Po nkalamusya mutulo.
22“Nane bulo muchilota chane nkalota imitu iya malezi seveni, yiyo yikela akiza nkani nukutona, yimelite pilezi lyoka. 23Pisinda pache pakamela sona imitu iya malezi imighande seveni yiyo yikababuka ni mpepo iyakubufumilo bwizuba. 24Imitu imighande iya malezi yikamila imitu inyine akiza yila. Po nkababuzya abantu abamayele bala, loli atakabapo nayumo umuntu uwakuti angang'anamulila ivilota vyane.”
25Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba. 26Ing'ombe seveni inyine, maka seveni, sona imitu iya malezi yiyo yikela akiza, maka seveni, ichilota chili choka. 27Ing'ombe ingande seveni zizyo zikazubuka mumizi pisinda pache maka seveni, sona imitu seveni yiyo yitakela akiza nukubabuka ni mpepo. Pakaba amaka seveni agha zala.
28“Zili ngati mumo namubuzizya u Falabo zizyo u Chala akwiza pakubomba. 29Kukwiza pakuba amaka seveni agha vyakulya ivyinji nkani muchisu chosi icha Ijiputi, 30loli pisinda pache kukwiza pakuwa izala amaka seveni. Po ivyakulya vyosi ivyinji vivyo bakaba navyo muchisu icha Ijiputi mukwiza pakuviluvya pakuti izala yikwiza pakuchiyivya ichisu chosi icha Ijiputi. 31Amaka ghosi agha vyakulya ivyinji muchisu icha Ijiputi mukwiza pakughaluvya pakuti izala yiyo yikwiza pakubawila sona yikwiza pakuba yakoghofya nkani. 32Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.
33“Polelo awe Falabo sala umuntu yuyo avimenye ivintu sona uwamahala, umupe ubulaghili muchisu chosi icha Ijiputi. 34Usale sona abantu abasongo ukuti babunganike ichigaba choka pa vigaba vyosi fayivi ivya nyinulo iya mu Ijiputi pamaka ghosi seveni ghala agha vyakulya ivyinji. 35Ubitikizye ukuti babunganike ivyakulya vyosi ivya maka amiza ghagho ghakwiza, sona ubalamule ukuti basunge ivyakulya ivi mutwaya utukulu nkani nukuvilindilila. 36Ivyakulya vila vibanje vyakulya pakabalilo aka zala kako kakwiza mumaka seveni mu Ijiputi, umwakuti abantu batakazimile nizala.”
37Ulubatiko lulo u Yosefu akasakizya lukaba akiza kwa Falabo, poka na makambala ghache ghosi. 38Po u Falabo akabalalusya akati, “Nkimba tungamwagha yumo yuyo ayanite nu muntu uyu, yuyo mumwache muli umuzimu uwa Chala?”
39U Falabo akamubuzya u Yosefu akati, “Pakuti u Chala akuvumbulila vyosi vinivi, patalipo nayumo umuntu yuyo avimenye ivintu ivi, sona uwamahala muchisu ichi ukukuchila. 40#Imbo. 7.10Ane nakusala awe ukuti ulaghilaye inyumba yane, sona abantu bane bosi bakwiza pakukwivwila. Loli ichintu chene chicho nkwiza pakukupota chakuti ne mwene. 41Ilelo nakusala pakuba we mulaghili uwa chisu chosi icha Ijiputi.” 42U Falabo akavula impete yache iya bumwene mukafingwi kache nukumuvwika u Yosefu mukafingwi kache. Akamuvwika sona inkazo intonte, po akamuvwika sona akamunyololo aka golide musingo. 43Po akamukwezya mungolo yache iyabubili iya bumwene, sona bope abalindilili bache bakanda pakukolomoka pakumwiputa pantazi pangolo yila ukuti, “Mumwivwilaye yunuyu! Mumwivwilaye yunuyu!” Po bunubu u Yosefu akimikiwa pakuba mulaghili uwa chisu chosi icha Ijiputi.
44Po U Falabo akamubuzya u Yosefu akati, “Napapo ne mwene, atalipo nayumoyumo umuntu muchisu icha Ijiputi uwakuti abombe ichintu chimo bo utamwitikizizye.” 45Palapala u Falabo akamwita ukuti we Zefanati Paneya, po akamupa u Asenati pakuba muchi wache, umwana umulindu uwa Potifela, umuputi uwa muchisu icha Oni. Po u Yosefu akanda pakulamula ichisu chosi icha Ijiputi.
46U Yosefu akaba na maka 30 pakabalilo kako akanda pakumubombela u Falabo. Po akendela ichisu chosi chila. 47Mumaka seveni agha vyakulya ivyinji, ichisu chikinula ivyakulya ivyinji nkani. 48U Yosefu akabunganika ivyakulya mumaka ghosi seveni ghala agha vyakulya ivyinji nukuvisunga mutwaya utukulu nkani. Mukaya kosi akakulu nkani mukaba intamba izya vyakulya ivya mumaghunda aghakukazyungulila akaya akakulu nkani kala. 49U Yosefu akasunga ivyakulya ivyinji nkani ngati musesenga uwa munyanja; ivyakulya vikaba vyinji nkani umwakuti bakaleka nukupima bulo, pachifukwa icha bwinji.
50Bo amaka ghala seveni ghatafikite, u Asenati akamupapila u Yosefu abana abalumendo babili. 51U Yosefu akamwita umwana wache usongo ukuti we Manase#41.51 Manase: Itabwa ili likwivwika ngati ilya mu Chihebeli kokuti, Ampela ukuti induvye., pakuti akati, “U Chala weyuyo anyavwa ukuti induvye intamyo zyane zyosi izya munyumba iya tata wane.” 52Umwana wache uwabubili akamwita ukuti we Efulayimu,#41.52 Efulayimu: Itabwa ili likwivwika ngati ilya mu Chihebeli kokuti, Akupa abana. po akati sona, “U Chala ampa abana muchisu chane icha mayimba.”
53Amaka seveni agha vintu ivyinji ghakamala mu Ijiputi, 54#Imbo. 7.11amaka seveni agha zala ghakafika, ukuyana namumo u Yosefu akanenela. Mukawa izala muvyisu vyosi ivyamwabo, loli muchisu chosi icha Ijiputi mukaba ichakulya. 55#Yoh. 2.5Bo izala yawa muchisu chosi icha Ijiputi, abantu bakamulilila u Falabo ukuti abape ichakulya. Po u Falabo akababuzya abantu bosi aba mu Ijiputi akati, “Bukagha kwa Yosefu, sona mumwivwilaye zyosi zizyo akubabuzya.”
56Bo izala yawa muchisu chosi icha Ijiputi, u Yosefu akighula intamba nukwanda pakubaghulizizya ivyakulya, pachifukwa ichakuti kukawa nkani izala muchisu chosi chila. 57Ivyisu vyosi vikizagha mu Ijiputi pakughula ivyakulya kwa Yosefu, pachifukwa ichakuti izala yikawa muchisu chosi ichapasi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.