Ubwandilo 32
32
U Yakobo akwiyannya pakukomana nu Esabu
1Bo u Yakobo akwendelela nu bulendo bwache, abantumi aba Chala bakakomana nawe. 2U Yakobo akati, “Ichi cho chisakasa icha Chala.” Po ubuzilo bula akabwita ukuti Mahanayimu.#32.2 Mahanayimu: Itabwa ili mu Chihebeli kokuti, Ivisakasa vibili.
3Po u Yakobo akazilongolezya intumi zyache pakukomana nu mukulu wache u Esabu mu Seyili muchisu icha Edomu. 4Akababuzya akati, “Mumubuzye umukulu wane u Esabu muti, ‘Ane ne mubombi wako u Yakobo. Nikalagha nu Labani, sona nikalagha nawe mupaka akabalilo aka. 5Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”
6Bo intumi zila zyanyokako zikamupangila u Yakobo ukuti, “Tukafika kumukulu wako u Esabu, losi ulu akwiza pakukomane nawe, sona akwiza na bantu 400.”
7Bo u Yakobo ivwa zinizi, akanyila nkani nukupasya. Akabagabannya abantu babo akaba nabo mutubukatila tubili nukubomba bunubu ni ng'ozi ni mbuzi ni ng'ombe sona ni ngamila zyache. 8Akinong'onagha mumoyo wache akati, “Nanti u Esabu afika pakulwa na kabukatila akakwanda, kokuti akabukatila akabubili kakwiza pakuchimbila.”
9U Yakobo akiputa akati, “Wee Chala uwa munyenya wane u Abulahamu, sona nu Chala uwa wise u Yisaki, wee Mwene, ukambuzya ukati, ‘Nyokela kuchisu chako nicha bakamu bako nukundayizya ukuti ivintu vikwiza pakunyendela akiza.’ 10Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu. 11Nalamba, mpoka munyobe izya mukulu wane u Esabu pakuti nkunyila ukuti lumo akwiza pakulwa nane, sona na bachi bane poka na bana. 12#Ubw. 22.17Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”
13Bo aghona kulakula ubusiku bula, u Yakobo akamusabulila umukulu wache u Esabu ivintu ivi pakuba chabupi: 14Imbuzi inkolo 200 na basabwe 20, ing'ozi inkolo 200 na badubi 20, 15ingamila inkolo 30 poka na bana babo, ing'ombe 40 ni nkambaku 10, sona ni mpunda inkolo 20 ni nyanavuli 10. 16Akaghugaba mutubukatila umudimo ghula, umudimo ghoka ghukaba nu musungilili, po akababuzya abambombo bache akati, “Longolela, loli mutantamane.”
17Akamubuzya uwambombo wache uwakwanda yula akati, “Nanti wakomana nu mukulu wane u Esabu nukukulalusya ukuti, ‘Nkimba we wambombo wawenu, sona ukubuka kwiyi? Nkimba ivitekwa vyosi vivyo vili kuntazi kukwako vyawenu?’ 18Umwamule uti, ‘Vya mubombi wako u Yakobo. Amutumila u mwene wache u Esabu pakuba chabupi, sona u Yakobo umwenecho akwiza kwisinda.’ ”
19Akamubuzya sona uwambombo uwabubili nu wabutatu, sona na bosi abanji babo bakasungililagha imidimo akati, “Izi zyo zizyo mumubuzye u Esabu, bo mwakomana nawe. 20Mumubuzye sona ukuti, ‘Umubombi wako u Yakobo akwiza kwisinda.’ ” Pakuti u Yakobo akinong'onagha ukuti, “Akwiza pakumwisya umoyo ni vyabupi vivyo akamutumila, lumo anganhobokela bo nakomana nawe.” 21Po u Yakobo akalongolezya ivyabupi, loli umwenecho akaghona muchisakasa ubusiku bulabula.
U Yakobo akutoba nu Chala
22Ubusiku bulabula u Yakobo akanyamuka nukubasenda abachi bache babili bala na bazya abalindu babili, poka na bana bache 11 nukuloboka piloboko ilya lusoko ulwa Yaboki. 23Bo abalobosya, akalobosya sona nu katundu wache wesi. 24#Hos. 12.3-4U Yakobo akasyala mwene palapala. Umuntu yumo akiza nukutoba nawe busiku bosi mupaka kubuche. 25Bo umuntu yula ennya ukuti atakumupota u Yakobo, akamukoma u Yakobo mumpingu iya mumusana, po ichinama chikavyughuka. 26Umuntu yula akati, “Undekezye imbukaye pakuti kwanda pakucha.”
Loli u Yakobo akamwamula akati, “Ntangakulekezya, pene papo wansaya.”
27Po umuntu yula akamulalusya akati, “Nkimba itabwa lyako wewenu?”
U Yakobo akamwamula akati, “Ne Yakobo.”
28 #
Ubw. 35.10
Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”#32.28 Izilayeli: Itabwa ili likwivwika ngati lya mu Chihebeli kokuti, Akutoba nu Chala, pamo U Chala akutoba.
29 #
Abl. 13.17-18
U Yakobo akamulalusya akati, “Nkimba po awe itabwa lyako wewenu.”
Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.
30U Yakobo akati, “Namwennya u Chala pamaso na pamaso, loli pope bulo indi nubumi.” Po akabwita ubuzilo bula ukuti Penuweli.#32.30 Penuweli: Itabwa ili likwivwika ngati ilya mu Chihebeli kokuti, Icheni icha Chala.
31Bo izuba lyafuma u Yakobo akepapo pa Penuweli. Po u Yakobo akagontagha pachifukwa icha chinama chache. 32Ichi cho chifukwa nilelo bulo aba Izilayeli batakulya inyama iya mumpingu iya mumusana pachifukwa ichakuti bukaba buzilo bubo u Yakobo akakomiwapo.
നിലവിൽ തിരഞ്ഞെടുത്തിരിക്കുന്നു:
Ubwandilo 32: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.
Ubwandilo 32
32
U Yakobo akwiyannya pakukomana nu Esabu
1Bo u Yakobo akwendelela nu bulendo bwache, abantumi aba Chala bakakomana nawe. 2U Yakobo akati, “Ichi cho chisakasa icha Chala.” Po ubuzilo bula akabwita ukuti Mahanayimu.#32.2 Mahanayimu: Itabwa ili mu Chihebeli kokuti, Ivisakasa vibili.
3Po u Yakobo akazilongolezya intumi zyache pakukomana nu mukulu wache u Esabu mu Seyili muchisu icha Edomu. 4Akababuzya akati, “Mumubuzye umukulu wane u Esabu muti, ‘Ane ne mubombi wako u Yakobo. Nikalagha nu Labani, sona nikalagha nawe mupaka akabalilo aka. 5Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”
6Bo intumi zila zyanyokako zikamupangila u Yakobo ukuti, “Tukafika kumukulu wako u Esabu, losi ulu akwiza pakukomane nawe, sona akwiza na bantu 400.”
7Bo u Yakobo ivwa zinizi, akanyila nkani nukupasya. Akabagabannya abantu babo akaba nabo mutubukatila tubili nukubomba bunubu ni ng'ozi ni mbuzi ni ng'ombe sona ni ngamila zyache. 8Akinong'onagha mumoyo wache akati, “Nanti u Esabu afika pakulwa na kabukatila akakwanda, kokuti akabukatila akabubili kakwiza pakuchimbila.”
9U Yakobo akiputa akati, “Wee Chala uwa munyenya wane u Abulahamu, sona nu Chala uwa wise u Yisaki, wee Mwene, ukambuzya ukati, ‘Nyokela kuchisu chako nicha bakamu bako nukundayizya ukuti ivintu vikwiza pakunyendela akiza.’ 10Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu. 11Nalamba, mpoka munyobe izya mukulu wane u Esabu pakuti nkunyila ukuti lumo akwiza pakulwa nane, sona na bachi bane poka na bana. 12#Ubw. 22.17Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”
13Bo aghona kulakula ubusiku bula, u Yakobo akamusabulila umukulu wache u Esabu ivintu ivi pakuba chabupi: 14Imbuzi inkolo 200 na basabwe 20, ing'ozi inkolo 200 na badubi 20, 15ingamila inkolo 30 poka na bana babo, ing'ombe 40 ni nkambaku 10, sona ni mpunda inkolo 20 ni nyanavuli 10. 16Akaghugaba mutubukatila umudimo ghula, umudimo ghoka ghukaba nu musungilili, po akababuzya abambombo bache akati, “Longolela, loli mutantamane.”
17Akamubuzya uwambombo wache uwakwanda yula akati, “Nanti wakomana nu mukulu wane u Esabu nukukulalusya ukuti, ‘Nkimba we wambombo wawenu, sona ukubuka kwiyi? Nkimba ivitekwa vyosi vivyo vili kuntazi kukwako vyawenu?’ 18Umwamule uti, ‘Vya mubombi wako u Yakobo. Amutumila u mwene wache u Esabu pakuba chabupi, sona u Yakobo umwenecho akwiza kwisinda.’ ”
19Akamubuzya sona uwambombo uwabubili nu wabutatu, sona na bosi abanji babo bakasungililagha imidimo akati, “Izi zyo zizyo mumubuzye u Esabu, bo mwakomana nawe. 20Mumubuzye sona ukuti, ‘Umubombi wako u Yakobo akwiza kwisinda.’ ” Pakuti u Yakobo akinong'onagha ukuti, “Akwiza pakumwisya umoyo ni vyabupi vivyo akamutumila, lumo anganhobokela bo nakomana nawe.” 21Po u Yakobo akalongolezya ivyabupi, loli umwenecho akaghona muchisakasa ubusiku bulabula.
U Yakobo akutoba nu Chala
22Ubusiku bulabula u Yakobo akanyamuka nukubasenda abachi bache babili bala na bazya abalindu babili, poka na bana bache 11 nukuloboka piloboko ilya lusoko ulwa Yaboki. 23Bo abalobosya, akalobosya sona nu katundu wache wesi. 24#Hos. 12.3-4U Yakobo akasyala mwene palapala. Umuntu yumo akiza nukutoba nawe busiku bosi mupaka kubuche. 25Bo umuntu yula ennya ukuti atakumupota u Yakobo, akamukoma u Yakobo mumpingu iya mumusana, po ichinama chikavyughuka. 26Umuntu yula akati, “Undekezye imbukaye pakuti kwanda pakucha.”
Loli u Yakobo akamwamula akati, “Ntangakulekezya, pene papo wansaya.”
27Po umuntu yula akamulalusya akati, “Nkimba itabwa lyako wewenu?”
U Yakobo akamwamula akati, “Ne Yakobo.”
28 #
Ubw. 35.10
Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”#32.28 Izilayeli: Itabwa ili likwivwika ngati lya mu Chihebeli kokuti, Akutoba nu Chala, pamo U Chala akutoba.
29 #
Abl. 13.17-18
U Yakobo akamulalusya akati, “Nkimba po awe itabwa lyako wewenu.”
Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.
30U Yakobo akati, “Namwennya u Chala pamaso na pamaso, loli pope bulo indi nubumi.” Po akabwita ubuzilo bula ukuti Penuweli.#32.30 Penuweli: Itabwa ili likwivwika ngati ilya mu Chihebeli kokuti, Icheni icha Chala.
31Bo izuba lyafuma u Yakobo akepapo pa Penuweli. Po u Yakobo akagontagha pachifukwa icha chinama chache. 32Ichi cho chifukwa nilelo bulo aba Izilayeli batakulya inyama iya mumpingu iya mumusana pachifukwa ichakuti bukaba buzilo bubo u Yakobo akakomiwapo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.