Ukufuma 40
40
Ukwimikiwa nukupaghuliwa ukwa Chisakasa icha Mwene
1Po u Mwene akamulamula u Mozesi akati, 2“Pisiku ilyakwanda ilya mwezi uwakwanda, wimike Ichisakasa icha Mwene. 3Mu Chisakasa mula ubikemo Ibokosi ilya Lufingo, nukulivwinka nu mwenda. 4Ubikemo itebulo nukubika ivibombelo vyache pamwanya. Wikazyepo ichakubikapo inyale nukubikapo inyale. 5Ubikemo ichighemo icha golide ichakufukizizyapo utwakununkila umwakwenannya ni Bokosi ilya Lufingo, nukupayika umwenda uwakuzighila pamulyango uwa Chisakasa. 6Ubike ichighemo ichakochelapo ichakwiyipa ichakocha mukasi kuntazi ukwa Chisakasa. 7Ubikemo ibeseni ilyakusukusulila pakasi pa Chisakasa ni chighemo nukwizuzyamo amizi. 8Upange ulubinjilo, nukupayika umwenda uwakuzighila pamulyango uwa lubinjilo lula.
9“Uchipaghule Ichisakasa, poka ni vibombelo vyache vyosi pakuvipakazya na mafuta amapaghuliwa, po chikwiza pakuba chizelu. 10Pisinda pache uchipaghule sona ichighemo ichakochelapo ichakwiyipa ichakocha, poka ni vibombelo vyache vyosi pakuvipakazya na mafuta, po ichighemo chikwiza pakuba chizelu nkani. 11Ulipakazye na mafuta ibeseni ilyakusukusulila, poka nu bwikalilo bwache ukuti lipaghuliwe.
12“Wize nu Aloni na bana bache pamulyango uwa Chisakasa nukubasukuzya na mizi. 13Po umuvwike u Aloni amenda amapaghuliwa, umwimike pakumupakazya amafuta gha syunguti ukuti abanje muputi wane. 14Wize na bana bache, nukubavwika amalaya. 15Ubapakazye na mafuta ngati mumo ukamupakazizya uwise, ukuti babanje baputi bane. Ukupakazya kunuku kukwiza pakubapela ukuti babanje baputi bane mupaka inkulilo zyosi izya muntazi.”
16U Mozesi akabomba zyosi ngati mumo u Mwene akamulamulila. 17Po pisiku ilyakwanda mumwezi uwabubili, mumwaka uwabubuli, bo bepamo muchisu icha Ijiputi, Ichisakasa icha Mwene chikimikiwa. 18U Mozesi akabwikazya ubwikalilo ubwa Chisakasa chila, akasimika amafulemu, akapinya intatikilo nukusimika impanda. 19Po akazungulula umwenda uwakuvwinka Ichisakasa nukuchikupikila, ngati mumo u Mwene akamulamulila u Mozesi. 20Akasenda amabwe amapapate mabili nukughabika mwi Bokosi ilya Lufingo. Akabika amakwi mumpete izya bokosi nukulikupikila ni chikupikizyo. 21Po akalibika Ibokosi lila mu Chisakasa mula, nukupayika umwenda uwakuzighila, pakubomba bunubu akazighila Ibokosi ilya Lufingo, ngati mumo u Mwene akamulamulila.
22Akabikamo itebulo mu Chisakasa mula, kulubazu ulwa kumitu, kuzi ukwa mwenda uwakuzighila ghula, 23nukubikapo ichibama ichakubikiwa kwa Mwene, ngati mumo u Mwene akamulamulila. 24Akabikamo ichakubikapo inyale mu Chisakasa, umwakwenannya ni tebulo kulubazu ulwakuntende. 25Akakozya inyale zila pamaso pa Mwene ngati mumo u Mwene akamulamulila. 26Akabikamo ichighemo icha golide mu Chisakasa kuntazi ukwa mwenda uwakuzighila ghula, 27nukufukizyapo utwakununkila, ngati mumo u Mwene akamulamulila. 28Akapayika umwenda uwakuzighila pamulyango uwa Chisakasa. 29Akabika ichighemo ichakochelapo ivyakwiyipa ivyakocha papipi na pamulyango uwa Chisakasa chila. Pachighemo palapala akabikapo ivyakwiyipa ivyakocha, ni chakwiyipa icha busu, ngati mumo u Mwene akamulamulila u Mozesi. 30Akabika ibeseni ilyakusukusulila pakasi pa Chisakasa ni chighemo nukwizuzyamo amizi. 31U Mozesi nu Aloni, poka na bana bache bakasukusulilaghamo munyobe na munyayo zyabo. 32Bo binjila mu Chisakasa mula, sona bo bapalamila papipi ni chighemo bakasukusulagha ukuyana namumo u Mwene akamulamulila u Mozesi. 33Akazenga ulubinjilo ukuzyungulila Ichisakasa ni chighemo, akapayika umwenda uwakuzighila pamulyango uwa lubinjilo. Po u Mozesi akamalizya imbombo yosi.
Ibingu nu buchindamu ubwa Mwene
(Ukb. 9.15-23)
34 #
1 Abm. 8.10-11; Yes. 6.4; Ezk. 43.4-5; Ubv. 15.8 Po ibingu likavwinka Ichisakasa chila, sona ubuchindamu ubwa Mwene bukizula mu Chisakasa mula. 35U Mozesi akapotwa pakwinjilamo mu Chisakasa mula pachifukwa ichakuti ibingu likaba pamwanya pachisakasa chilachila, sona ubuchindamu ubwa Mwene bukizula mulamula. 36Nanti ibingu likwepapo pa Chisakasa palapala, bope aba Izilayeli bakepaghapo ni visakasa vyabo nukulikonka ibingu lila. 37Loli nanti ibingu litakwepapo, bope aba Izilayeli batakanyamukagha ubulendo bwabo, bakalindililagha ukuti lyepepo. 38Ibingu ilya Mwene likavwinkagha ichisakasa pamusanya, sona pabusiku bakawennyanga umoto uwakwaka mwibingu lilalila.
നിലവിൽ തിരഞ്ഞെടുത്തിരിക്കുന്നു:
Ukufuma 40: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.
Ukufuma 40
40
Ukwimikiwa nukupaghuliwa ukwa Chisakasa icha Mwene
1Po u Mwene akamulamula u Mozesi akati, 2“Pisiku ilyakwanda ilya mwezi uwakwanda, wimike Ichisakasa icha Mwene. 3Mu Chisakasa mula ubikemo Ibokosi ilya Lufingo, nukulivwinka nu mwenda. 4Ubikemo itebulo nukubika ivibombelo vyache pamwanya. Wikazyepo ichakubikapo inyale nukubikapo inyale. 5Ubikemo ichighemo icha golide ichakufukizizyapo utwakununkila umwakwenannya ni Bokosi ilya Lufingo, nukupayika umwenda uwakuzighila pamulyango uwa Chisakasa. 6Ubike ichighemo ichakochelapo ichakwiyipa ichakocha mukasi kuntazi ukwa Chisakasa. 7Ubikemo ibeseni ilyakusukusulila pakasi pa Chisakasa ni chighemo nukwizuzyamo amizi. 8Upange ulubinjilo, nukupayika umwenda uwakuzighila pamulyango uwa lubinjilo lula.
9“Uchipaghule Ichisakasa, poka ni vibombelo vyache vyosi pakuvipakazya na mafuta amapaghuliwa, po chikwiza pakuba chizelu. 10Pisinda pache uchipaghule sona ichighemo ichakochelapo ichakwiyipa ichakocha, poka ni vibombelo vyache vyosi pakuvipakazya na mafuta, po ichighemo chikwiza pakuba chizelu nkani. 11Ulipakazye na mafuta ibeseni ilyakusukusulila, poka nu bwikalilo bwache ukuti lipaghuliwe.
12“Wize nu Aloni na bana bache pamulyango uwa Chisakasa nukubasukuzya na mizi. 13Po umuvwike u Aloni amenda amapaghuliwa, umwimike pakumupakazya amafuta gha syunguti ukuti abanje muputi wane. 14Wize na bana bache, nukubavwika amalaya. 15Ubapakazye na mafuta ngati mumo ukamupakazizya uwise, ukuti babanje baputi bane. Ukupakazya kunuku kukwiza pakubapela ukuti babanje baputi bane mupaka inkulilo zyosi izya muntazi.”
16U Mozesi akabomba zyosi ngati mumo u Mwene akamulamulila. 17Po pisiku ilyakwanda mumwezi uwabubili, mumwaka uwabubuli, bo bepamo muchisu icha Ijiputi, Ichisakasa icha Mwene chikimikiwa. 18U Mozesi akabwikazya ubwikalilo ubwa Chisakasa chila, akasimika amafulemu, akapinya intatikilo nukusimika impanda. 19Po akazungulula umwenda uwakuvwinka Ichisakasa nukuchikupikila, ngati mumo u Mwene akamulamulila u Mozesi. 20Akasenda amabwe amapapate mabili nukughabika mwi Bokosi ilya Lufingo. Akabika amakwi mumpete izya bokosi nukulikupikila ni chikupikizyo. 21Po akalibika Ibokosi lila mu Chisakasa mula, nukupayika umwenda uwakuzighila, pakubomba bunubu akazighila Ibokosi ilya Lufingo, ngati mumo u Mwene akamulamulila.
22Akabikamo itebulo mu Chisakasa mula, kulubazu ulwa kumitu, kuzi ukwa mwenda uwakuzighila ghula, 23nukubikapo ichibama ichakubikiwa kwa Mwene, ngati mumo u Mwene akamulamulila. 24Akabikamo ichakubikapo inyale mu Chisakasa, umwakwenannya ni tebulo kulubazu ulwakuntende. 25Akakozya inyale zila pamaso pa Mwene ngati mumo u Mwene akamulamulila. 26Akabikamo ichighemo icha golide mu Chisakasa kuntazi ukwa mwenda uwakuzighila ghula, 27nukufukizyapo utwakununkila, ngati mumo u Mwene akamulamulila. 28Akapayika umwenda uwakuzighila pamulyango uwa Chisakasa. 29Akabika ichighemo ichakochelapo ivyakwiyipa ivyakocha papipi na pamulyango uwa Chisakasa chila. Pachighemo palapala akabikapo ivyakwiyipa ivyakocha, ni chakwiyipa icha busu, ngati mumo u Mwene akamulamulila u Mozesi. 30Akabika ibeseni ilyakusukusulila pakasi pa Chisakasa ni chighemo nukwizuzyamo amizi. 31U Mozesi nu Aloni, poka na bana bache bakasukusulilaghamo munyobe na munyayo zyabo. 32Bo binjila mu Chisakasa mula, sona bo bapalamila papipi ni chighemo bakasukusulagha ukuyana namumo u Mwene akamulamulila u Mozesi. 33Akazenga ulubinjilo ukuzyungulila Ichisakasa ni chighemo, akapayika umwenda uwakuzighila pamulyango uwa lubinjilo. Po u Mozesi akamalizya imbombo yosi.
Ibingu nu buchindamu ubwa Mwene
(Ukb. 9.15-23)
34 #
1 Abm. 8.10-11; Yes. 6.4; Ezk. 43.4-5; Ubv. 15.8 Po ibingu likavwinka Ichisakasa chila, sona ubuchindamu ubwa Mwene bukizula mu Chisakasa mula. 35U Mozesi akapotwa pakwinjilamo mu Chisakasa mula pachifukwa ichakuti ibingu likaba pamwanya pachisakasa chilachila, sona ubuchindamu ubwa Mwene bukizula mulamula. 36Nanti ibingu likwepapo pa Chisakasa palapala, bope aba Izilayeli bakepaghapo ni visakasa vyabo nukulikonka ibingu lila. 37Loli nanti ibingu litakwepapo, bope aba Izilayeli batakanyamukagha ubulendo bwabo, bakalindililagha ukuti lyepepo. 38Ibingu ilya Mwene likavwinkagha ichisakasa pamusanya, sona pabusiku bakawennyanga umoto uwakwaka mwibingu lilalila.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.