Ukufuma 30
30
Nizya chighemo ichakufukizizyapo utwakununkila
(Ukf. 37.25-28)
1“Upange ichighemo ichakufukizizyapo utwakununkila icha matabwa agha mungwina. 2Chibanje chakuyana bulo, mubutali chibanje amasentimita 45, mububaba chibanje amasentimita 45, sona mumwanya chibanje amasentimita 90. Impembe zyache uzimamatizye kuchighemo. 3Uchipake nu golide umwenecho pamwanya ni mbazu zyosi folo, sona ni mpembe zyache nukulabannya akamuzele aka golide umwakuzyungulila. 4Upange impete zibili izya golide izyakunyamulila nukuzimamatizya kuntende kuchighemo kumbazu zibili umwakuti zileme amakwi aghakunyamulila. 5Upange amakwi mabili aghakunyamulila agha mungwina nukughapaka nu golide. 6Uchibike ichighemo chinichi kuzi ukwa mwenda uwakuzighila, ghugho ghuli kuntazi ukwa Bokosi ilya Lufingo. Pabuzilo bunubu po papo nkwiza pakukomana namwe.
7“Indabindabi yosi, bo u Aloni akukozya inyale, afukizyanje utwakununkila pachighemo. 8Bo akukozya inyale pachamabwila, afukizyanje utwakununkila. Ichakwiyipa icha twakununkila chinichi chibanje pamaso pa Mwene mupaka inkulilo izya muntazi. 9Utakabikaye pachighemo chinichi utwakufukizya utwakununkila tuto tunyazu, pamo ichakwiyipa ichakocha icha chinyamana, pamo ichakwiyipa icha busu, pamo ichakwiyipa icha vinyo. 10Koka pamwaka, u Aloni abombaye inyiho izya kuchiswefya ichighemo pakupaka impembe folo pakubombezya ibanda ilya chinyamana chicho chakwiyipa ichakupepesezya imbibi. Inyiho zinizi zibombiwanje umwaka nu mwaka mupaka inkulilo zyosi izya muntazi. Ichighemo chinichi chibanje chizelu nkani, sona ichipaghuliwa kwa Mwene.”
Nizya musonko uwa Chisakasa icha Mwene
11U Mwene akamubuzya u Mozesi akati, 12“Bo ukubabelenga aba Izilayeli, umuntu wesi asonkele kwa Mwene ichakwiyipa ichakutabulila ubumi bwache umwakuti ichiwaya chitakabawile abantu, bo ukubabelenga. 13#Ukf. 38.25-26; Mat. 17.24Umuntu wesi yuyo abaghiye pakubelengiwa alipile indalama hafu izya shekeli, ukuyana ni chipimilo icha Ubuzilo Ubuzelu ubwa Chala. Umuntu wesi abike ichakwiyipa chinichi pakuba cha Mwene. 14Umuntu wesi yuyo abelengiwa, uwamaka 20 pamo ukuchilapo abike ichakwiyipa kwa Mwene. 15Umuntu umukabi atakalipile inyinji ukuchila amashekeli amagalamu sikisi, sona umuntu umupina atakalipile nandi ukuchila amashekeli amagalamu sikisi, bo akubutabula ubumi bwache. 16Pokela indalama zizyo aba Izilayeli bakubika nukuzibombezya imbombo izya mu Chisakasa icha Mwene. Umusonko ghunughu ghukwiza pakuba malipilo aghakutabulila ubumi bwabo, po ane ne Mwene nkwiza pakubakumbuka.”
Nizya beseni ilyakusukusulila
17U Mwene akamubuzya u Mozesi akati, 18#Ukf. 38.8“Upange ibeseni ilyakusukusulila ilya mukuba, poka nu bwikalilo bwache ubwa mukuba. Ulyikazye pakasi pa Chisakasa icha Mwene na pachighemo, sona upungulilemo amizi. 19U Aloni na bana bache basukusule munyobe na munyayo zyabo mulamula. 20Bo bakwinjila mu Chisakasa icha Mwene, pamo bo bakupalamila ku chighemo pakubika ichakwiyipa ichakocha kwa Mwene, nanti basukusula bulo na mizi ghanagha, batakwiza pakufwa. 21Basukusule munyobe na munyayo zyabo umwakuti batakafwe. Ulu lo lulaghilo ulwakuti abene na baluko lwabo balukonkaye bwila na bwila.”
Nizya mafuta aghakupakazya
22 #
Ukf. 37.29
U Mwene akamubuzya u Mozesi akati, 23“Usende utwakununkila utwiza nkani utwakung'wama amakilogalamu sikisi agha mule uwa mizi, na makilogalamu matatu agha kinamoni, sona na makilogalamu matatu agha muba aghakununkila nkani, 24na malita sikisi agha mafuta agha kasiya (amalita ghache ghapimiwe ukuyana ni chipimilo icha mu Buzilo Ubuzelu). Ongannya na mafuta agha misyunguti aghakukwana amalita folo. 25Ongannya poka utwakununkila tunutu pakwenga amafuta amapaghuliwa aghakupakazya. 26Ughabombezye amafuta ghanagha pakuchipakazya Ichisakasa icha Mwene, ni Bokosi ilya Lufingo, 27ni tebulo poka ni vibombelo vyache, ni chakubikapo inyale poka ni vibombelo vyache, sona ni chighemo ichakufukizizyapo utwakununkila, 28ni chighemo ichakochelapo ichakwiyipa ichakocha, poka ni vibombelo vyache, sona ni beseni ilyakusukusulilamo poka nu bwikalilo bwache. 29Uvipaghule ivintu vinivi pakuba vizelu nkani umwakuti ichintu chosi chicho chikuvipalamasya chikwiza pakuba chizelu.
30“Po umupakazye na mafuta u Aloni na bana bache nukubapaghula pakuba baputi bane. 31Ubabuzye aba Izilayeli uti, ‘Amafuta ghanagha ghakwiza pakuba mafuta ghane mazelu aghakupakazya inkulilo zyinyu zyosi izya muntazi. 32Utakamupakazyanje umuntu bulo, sona utakengaye amafuta aghanji aghakuyana na mafuta ghanagha. Amafuta agha mazelu, sona ughasende pakuba mazelu. 33Umuntu wesi yuyo akwenga amafuta aghakuyana na mafuta ghanagha, pamo akumupakazya umuntu bulo yuyo te muputi, akwiza pakwepusiwapo pakasi pabantu bache.’ ”
Nizya twakufukizya utwakununkila
34Po u Mwene akamubuzya u Mozesi akati, “Senda ivyakununkila akiza ivi: Usitakite nu onika na galibanumu nu twakununkila utwakufukizya utwenecho 35nukuyannya utwakufukizya utwakununkila ngati mumo akubombela uwakupanga utwakununkila. Ulungemo imbeya ukuti tubanje tuzelu sona nu tupaghuliwa. 36Usyeko vimo nukuvibika pantazi pa Bokosi ilya Lufingo lilyo lili mu Chisakasa icha Mwene, papo nkwiza pakukomana na bantu bane. Utusende pakuba tuzelu nkani. 37Po utakayannyanje utwakufukizya utwakununkila utunji utwakuyana na tunutu pakuba twako. Utusende pakuba tuzelu pamaso pa Mwene. 38Nanti umuntu uyunji bulo akuyannya utwakufukizya utwakununkila utwakuyana na tunutu pakuba twakununkila, akwiza pakwefiwapo pakasi pabantu bache.”
നിലവിൽ തിരഞ്ഞെടുത്തിരിക്കുന്നു:
Ukufuma 30: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.
Ukufuma 30
30
Nizya chighemo ichakufukizizyapo utwakununkila
(Ukf. 37.25-28)
1“Upange ichighemo ichakufukizizyapo utwakununkila icha matabwa agha mungwina. 2Chibanje chakuyana bulo, mubutali chibanje amasentimita 45, mububaba chibanje amasentimita 45, sona mumwanya chibanje amasentimita 90. Impembe zyache uzimamatizye kuchighemo. 3Uchipake nu golide umwenecho pamwanya ni mbazu zyosi folo, sona ni mpembe zyache nukulabannya akamuzele aka golide umwakuzyungulila. 4Upange impete zibili izya golide izyakunyamulila nukuzimamatizya kuntende kuchighemo kumbazu zibili umwakuti zileme amakwi aghakunyamulila. 5Upange amakwi mabili aghakunyamulila agha mungwina nukughapaka nu golide. 6Uchibike ichighemo chinichi kuzi ukwa mwenda uwakuzighila, ghugho ghuli kuntazi ukwa Bokosi ilya Lufingo. Pabuzilo bunubu po papo nkwiza pakukomana namwe.
7“Indabindabi yosi, bo u Aloni akukozya inyale, afukizyanje utwakununkila pachighemo. 8Bo akukozya inyale pachamabwila, afukizyanje utwakununkila. Ichakwiyipa icha twakununkila chinichi chibanje pamaso pa Mwene mupaka inkulilo izya muntazi. 9Utakabikaye pachighemo chinichi utwakufukizya utwakununkila tuto tunyazu, pamo ichakwiyipa ichakocha icha chinyamana, pamo ichakwiyipa icha busu, pamo ichakwiyipa icha vinyo. 10Koka pamwaka, u Aloni abombaye inyiho izya kuchiswefya ichighemo pakupaka impembe folo pakubombezya ibanda ilya chinyamana chicho chakwiyipa ichakupepesezya imbibi. Inyiho zinizi zibombiwanje umwaka nu mwaka mupaka inkulilo zyosi izya muntazi. Ichighemo chinichi chibanje chizelu nkani, sona ichipaghuliwa kwa Mwene.”
Nizya musonko uwa Chisakasa icha Mwene
11U Mwene akamubuzya u Mozesi akati, 12“Bo ukubabelenga aba Izilayeli, umuntu wesi asonkele kwa Mwene ichakwiyipa ichakutabulila ubumi bwache umwakuti ichiwaya chitakabawile abantu, bo ukubabelenga. 13#Ukf. 38.25-26; Mat. 17.24Umuntu wesi yuyo abaghiye pakubelengiwa alipile indalama hafu izya shekeli, ukuyana ni chipimilo icha Ubuzilo Ubuzelu ubwa Chala. Umuntu wesi abike ichakwiyipa chinichi pakuba cha Mwene. 14Umuntu wesi yuyo abelengiwa, uwamaka 20 pamo ukuchilapo abike ichakwiyipa kwa Mwene. 15Umuntu umukabi atakalipile inyinji ukuchila amashekeli amagalamu sikisi, sona umuntu umupina atakalipile nandi ukuchila amashekeli amagalamu sikisi, bo akubutabula ubumi bwache. 16Pokela indalama zizyo aba Izilayeli bakubika nukuzibombezya imbombo izya mu Chisakasa icha Mwene. Umusonko ghunughu ghukwiza pakuba malipilo aghakutabulila ubumi bwabo, po ane ne Mwene nkwiza pakubakumbuka.”
Nizya beseni ilyakusukusulila
17U Mwene akamubuzya u Mozesi akati, 18#Ukf. 38.8“Upange ibeseni ilyakusukusulila ilya mukuba, poka nu bwikalilo bwache ubwa mukuba. Ulyikazye pakasi pa Chisakasa icha Mwene na pachighemo, sona upungulilemo amizi. 19U Aloni na bana bache basukusule munyobe na munyayo zyabo mulamula. 20Bo bakwinjila mu Chisakasa icha Mwene, pamo bo bakupalamila ku chighemo pakubika ichakwiyipa ichakocha kwa Mwene, nanti basukusula bulo na mizi ghanagha, batakwiza pakufwa. 21Basukusule munyobe na munyayo zyabo umwakuti batakafwe. Ulu lo lulaghilo ulwakuti abene na baluko lwabo balukonkaye bwila na bwila.”
Nizya mafuta aghakupakazya
22 #
Ukf. 37.29
U Mwene akamubuzya u Mozesi akati, 23“Usende utwakununkila utwiza nkani utwakung'wama amakilogalamu sikisi agha mule uwa mizi, na makilogalamu matatu agha kinamoni, sona na makilogalamu matatu agha muba aghakununkila nkani, 24na malita sikisi agha mafuta agha kasiya (amalita ghache ghapimiwe ukuyana ni chipimilo icha mu Buzilo Ubuzelu). Ongannya na mafuta agha misyunguti aghakukwana amalita folo. 25Ongannya poka utwakununkila tunutu pakwenga amafuta amapaghuliwa aghakupakazya. 26Ughabombezye amafuta ghanagha pakuchipakazya Ichisakasa icha Mwene, ni Bokosi ilya Lufingo, 27ni tebulo poka ni vibombelo vyache, ni chakubikapo inyale poka ni vibombelo vyache, sona ni chighemo ichakufukizizyapo utwakununkila, 28ni chighemo ichakochelapo ichakwiyipa ichakocha, poka ni vibombelo vyache, sona ni beseni ilyakusukusulilamo poka nu bwikalilo bwache. 29Uvipaghule ivintu vinivi pakuba vizelu nkani umwakuti ichintu chosi chicho chikuvipalamasya chikwiza pakuba chizelu.
30“Po umupakazye na mafuta u Aloni na bana bache nukubapaghula pakuba baputi bane. 31Ubabuzye aba Izilayeli uti, ‘Amafuta ghanagha ghakwiza pakuba mafuta ghane mazelu aghakupakazya inkulilo zyinyu zyosi izya muntazi. 32Utakamupakazyanje umuntu bulo, sona utakengaye amafuta aghanji aghakuyana na mafuta ghanagha. Amafuta agha mazelu, sona ughasende pakuba mazelu. 33Umuntu wesi yuyo akwenga amafuta aghakuyana na mafuta ghanagha, pamo akumupakazya umuntu bulo yuyo te muputi, akwiza pakwepusiwapo pakasi pabantu bache.’ ”
Nizya twakufukizya utwakununkila
34Po u Mwene akamubuzya u Mozesi akati, “Senda ivyakununkila akiza ivi: Usitakite nu onika na galibanumu nu twakununkila utwakufukizya utwenecho 35nukuyannya utwakufukizya utwakununkila ngati mumo akubombela uwakupanga utwakununkila. Ulungemo imbeya ukuti tubanje tuzelu sona nu tupaghuliwa. 36Usyeko vimo nukuvibika pantazi pa Bokosi ilya Lufingo lilyo lili mu Chisakasa icha Mwene, papo nkwiza pakukomana na bantu bane. Utusende pakuba tuzelu nkani. 37Po utakayannyanje utwakufukizya utwakununkila utunji utwakuyana na tunutu pakuba twako. Utusende pakuba tuzelu pamaso pa Mwene. 38Nanti umuntu uyunji bulo akuyannya utwakufukizya utwakununkila utwakuyana na tunutu pakuba twakununkila, akwiza pakwefiwapo pakasi pabantu bache.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.