Marqqoosa 8
8
Yesuusa oyddii mukule asii muzeeza
(Mat. 15:32-39)
1Xiqqa wodepp guye, gaame asay Yesuusako shiiqeeza. Asayis miizibaz dhabin Yesuusa fa taamarita faako xeegii, 2«Yha asay taar hayidzii gallas hellodayis gam7ii, abkka miiz baz denggekkazay gishos tana asay qadhithiiza. 3Ta asa nayer kara dakkaamii, asay yhanigttar ogella daaburii pokkoda, bagga asay haakopp ye7eeza» yeegeeza.
4Yesuusa tamaaritay mahii, «Yha liizhayid yha asa ubba muzodayis gidiza katha denggodays danda7izay oonoo?» yeegeeza.
5Yesuusa unttiko, «Yinttar aappun soollo yenee?» yeegii oyceeza.
U mahii, «Laappun soollo yeza» yeegeeza.
6Yesuusa asay sa7a bettoday garkk kiiteeza. Yeezeezaypp, laappun soollo ekkii Xooss galatii maaqqii ye soolla duuthirthii, asayis gishod garkk fa tamaaritayis inggeeza. E tamaaritay asayis gisheeza. 7Unttisi ma xiqqa yishshe molitay yeza. Yesuusa ye molitay gishos Xooss galatii, asayis gishod garkk fa taamarita azazeeza. 8Asay ubbitay mi mizheeza. E tamaaritay atteez gufa laappun leemate kunth dentheeza. 9Katha meez asay tayibay oyddii mukule maaqqoda. Yeypp guye, Yesuusa asa dakkeeza. 10E ma fa tamaaritayir ellithii wogolo gancce gelii Dalmmanuuta ginttiz biitta qiteeza.
Malla oothinttodaygarkk oyceeza
(Mat. 16:1-4)
11Farasaawe asitay yi7ii Yesuusa paaccodayis koyii, salopp u fana mala beezodaygarkk Yesuusar palama aykkeeza.#Mat. 12:38; Luq. 11:16
12Yesuusa sheemitii, «Yha wode asay abis malla koyee? Ta yinttis tuma odiza; yha wode asis aba mallakka ingintteena» yeegeeza.#Mat. 12:39; Luq. 11:29 13E unttan ize olii ashshii maaqqii wogolo gancce gelii abbaypp seko pino piinggeeza.
Farasaawitannee Herodoosa irshsho
(Mat. 16:5-12)
14E tamaaritay katha ekkii yhamo dogeeza; unttisi wogolay gancce pettii soollopp hara katha baaya. 15Yesuusa unttiko, «Yinttan eroytta. Farasaawitay irshshoppennee Herodoosa irshshopp naaginttoytta» yeegii azazeeza.#Luq. 12:1
16Unttii woli gancce, «E yhaya gizay nuus soollo baazay gishos» yeegeeza.
17Yesuusa u gizana erii unttiko, «Yinttis soollo baazay gishos abis odinttee? Yhattekka yi eroosa? Woy yi akaakoosa? Yi wozinay docceennee? 18Yinttis aafe yezin bo7oosa? Haye yezin si7oosa? Yinttis wayizii akaakinttoosa?#Erim. 5:21; Iziqe. 12:2; Mar. 4:12 19Ta ichchin soollo ichchin mukule asis peedheez wode aappun leemate kunth gufa dentheennee?» yeegeeza.
Unttikka, «Taphpho nam7i leemate kunth» yeegeeza.
20«Yey garkk, ta laappun soollo oyddii mukule asis peedhin aappun leemate kunith gufa dentheennee?» yeegeeza.
Unttii, «Laappun leemate kunth dentheeza» yeegeeza.
21Yeezin, «Yhattekka yinttis qofinttoosa?» yeegeeza.
Yesuusa Beetesayda pettii aafe to7a patheeza
22Unttii Beetesayda katama yhanigeeza. Xiqqa asitay to7a atha Yesuusako ki7ii ye atha bochchod garkk eza woosseeza. 23Yesuusa to7a athay kushayid aykkii katamapp gaxa keseeza. E aafate cuttii fa kushayid ezal afa gaddii, «Nees akko benttinnee?» yeegii oyceeza.
24Athay dhoqqi gi bi7ii, «Taas asay benttiza, zin asay yedhdhittar mithii aaziza» yeegeeza.
25Yeypp guye, Yesuusa mahii, athay aafayil fa kushe gaddeeza. Athay lo7ithii be7eeza, e aafay paxeeza, ubba baz milxxi udii be7eeza. 26Yesuusa athayiko, «Ne kara qitoba, katama yhanigippe» yeegii azazeeza.
Phixiroosa ammanonnee markkatithii
(Mat. 16:13-20; Luq. 9:18-21)
27Yesuusa fa tamaaritayir Qisaare Filphoosa kale yez heera yhanigeeza. U yhammadar Ogel afa Yesuusa, «Tana asay oona gineshsha?» yeegii fa taamarita oyceeza.
28E tamaaritay, «Pettii pettii asay nena, ‹Xammaqiza Waannisa› giza; yhankkitay, ‹Eelaasa giza› ma yhankkitay, ‹Nabitaypp petta› giza» yeegeeza.#Mar. 6:14
29Yesuusa unttiko, «Yeezin yi tana oona gee?» yeegii oyceeza.
Phixiroosa, «Ne Kiristtoosa» yeegii maheeza.
30Yesuusa, «Tabaz ooskka odaamay garkk naaginttoytta» yeegii unttan azazeeza.
Yesuusa fana hellod metonnee waaya odeeza
(Mat. 16:21-28; Luq. 9:22-27)
31Yesuusa fa tamaaritayiko, «As Na7ay, gaame meto ekkodayis beeziza; cimitay, qeese halaqitaynnee higge asitamaaritay eza ixxodayis beeziza. Unttii eza wodhodayisinnee hayidzii gallasapp guye, e yhayiqopp dendodayis beeziza» yeegii unttan taamarsseeza. 32E yeya unttis geeshshii odeeza. Phixiroosa aadda pettii bagga aathii kacceeza.
33Zin Yesuusa guye maaqqii, fa taamarita bi7ii, Phixiroosar kacinttii, «Yha Xalahayyo, taapp haakkoba. Ne asii dosizibaz qoppizapp attin Xooss dosizibaz qoppooya» yeegeeza.
Yesuusa kaallodayis fana kado koshshiza
(Mat. 10:38-39; 16:24-28; Luq. 9:23-27; 14:26-27)
34Maakka Yesuusa gaame asitayira fa taamarita faako xeegii, «Tana kaallodayis koyiz oonkka fana kado; fa mazqalana tookkii tana kaallo.#Mat. 10:38; Luq. 14:27 35Fa shemppo ashshodayis koyiz athay dhabisiza. Zin ta gishonnee Wonggile gishos fa shemppo dhabisiza athay ashshiza.#Mat. 10:39; Luq. 17:33; Wan. 12:25 36Asii sa7all yez shalo ubba denggii fa shemppo dhabisiko eza ab adode? 37Asii fa shemppo wozodayis ab ingodayis danda7ee? 38Xooss ammanoowa yha iita yeletithayid, asii taallannee ta qaalayid yeellatiko, As Na7ay, fa Adayi bonchchayir geesh kiitanchchitayir yi7itar e baggar yeellattoda» yeegeeza.
നിലവിൽ തിരഞ്ഞെടുത്തിരിക്കുന്നു:
Marqqoosa 8: MeloNTL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia
Marqqoosa 8
8
Yesuusa oyddii mukule asii muzeeza
(Mat. 15:32-39)
1Xiqqa wodepp guye, gaame asay Yesuusako shiiqeeza. Asayis miizibaz dhabin Yesuusa fa taamarita faako xeegii, 2«Yha asay taar hayidzii gallas hellodayis gam7ii, abkka miiz baz denggekkazay gishos tana asay qadhithiiza. 3Ta asa nayer kara dakkaamii, asay yhanigttar ogella daaburii pokkoda, bagga asay haakopp ye7eeza» yeegeeza.
4Yesuusa tamaaritay mahii, «Yha liizhayid yha asa ubba muzodayis gidiza katha denggodays danda7izay oonoo?» yeegeeza.
5Yesuusa unttiko, «Yinttar aappun soollo yenee?» yeegii oyceeza.
U mahii, «Laappun soollo yeza» yeegeeza.
6Yesuusa asay sa7a bettoday garkk kiiteeza. Yeezeezaypp, laappun soollo ekkii Xooss galatii maaqqii ye soolla duuthirthii, asayis gishod garkk fa tamaaritayis inggeeza. E tamaaritay asayis gisheeza. 7Unttisi ma xiqqa yishshe molitay yeza. Yesuusa ye molitay gishos Xooss galatii, asayis gishod garkk fa taamarita azazeeza. 8Asay ubbitay mi mizheeza. E tamaaritay atteez gufa laappun leemate kunth dentheeza. 9Katha meez asay tayibay oyddii mukule maaqqoda. Yeypp guye, Yesuusa asa dakkeeza. 10E ma fa tamaaritayir ellithii wogolo gancce gelii Dalmmanuuta ginttiz biitta qiteeza.
Malla oothinttodaygarkk oyceeza
(Mat. 16:1-4)
11Farasaawe asitay yi7ii Yesuusa paaccodayis koyii, salopp u fana mala beezodaygarkk Yesuusar palama aykkeeza.#Mat. 12:38; Luq. 11:16
12Yesuusa sheemitii, «Yha wode asay abis malla koyee? Ta yinttis tuma odiza; yha wode asis aba mallakka ingintteena» yeegeeza.#Mat. 12:39; Luq. 11:29 13E unttan ize olii ashshii maaqqii wogolo gancce gelii abbaypp seko pino piinggeeza.
Farasaawitannee Herodoosa irshsho
(Mat. 16:5-12)
14E tamaaritay katha ekkii yhamo dogeeza; unttisi wogolay gancce pettii soollopp hara katha baaya. 15Yesuusa unttiko, «Yinttan eroytta. Farasaawitay irshshoppennee Herodoosa irshshopp naaginttoytta» yeegii azazeeza.#Luq. 12:1
16Unttii woli gancce, «E yhaya gizay nuus soollo baazay gishos» yeegeeza.
17Yesuusa u gizana erii unttiko, «Yinttis soollo baazay gishos abis odinttee? Yhattekka yi eroosa? Woy yi akaakoosa? Yi wozinay docceennee? 18Yinttis aafe yezin bo7oosa? Haye yezin si7oosa? Yinttis wayizii akaakinttoosa?#Erim. 5:21; Iziqe. 12:2; Mar. 4:12 19Ta ichchin soollo ichchin mukule asis peedheez wode aappun leemate kunth gufa dentheennee?» yeegeeza.
Unttikka, «Taphpho nam7i leemate kunth» yeegeeza.
20«Yey garkk, ta laappun soollo oyddii mukule asis peedhin aappun leemate kunith gufa dentheennee?» yeegeeza.
Unttii, «Laappun leemate kunth dentheeza» yeegeeza.
21Yeezin, «Yhattekka yinttis qofinttoosa?» yeegeeza.
Yesuusa Beetesayda pettii aafe to7a patheeza
22Unttii Beetesayda katama yhanigeeza. Xiqqa asitay to7a atha Yesuusako ki7ii ye atha bochchod garkk eza woosseeza. 23Yesuusa to7a athay kushayid aykkii katamapp gaxa keseeza. E aafate cuttii fa kushayid ezal afa gaddii, «Nees akko benttinnee?» yeegii oyceeza.
24Athay dhoqqi gi bi7ii, «Taas asay benttiza, zin asay yedhdhittar mithii aaziza» yeegeeza.
25Yeypp guye, Yesuusa mahii, athay aafayil fa kushe gaddeeza. Athay lo7ithii be7eeza, e aafay paxeeza, ubba baz milxxi udii be7eeza. 26Yesuusa athayiko, «Ne kara qitoba, katama yhanigippe» yeegii azazeeza.
Phixiroosa ammanonnee markkatithii
(Mat. 16:13-20; Luq. 9:18-21)
27Yesuusa fa tamaaritayir Qisaare Filphoosa kale yez heera yhanigeeza. U yhammadar Ogel afa Yesuusa, «Tana asay oona gineshsha?» yeegii fa taamarita oyceeza.
28E tamaaritay, «Pettii pettii asay nena, ‹Xammaqiza Waannisa› giza; yhankkitay, ‹Eelaasa giza› ma yhankkitay, ‹Nabitaypp petta› giza» yeegeeza.#Mar. 6:14
29Yesuusa unttiko, «Yeezin yi tana oona gee?» yeegii oyceeza.
Phixiroosa, «Ne Kiristtoosa» yeegii maheeza.
30Yesuusa, «Tabaz ooskka odaamay garkk naaginttoytta» yeegii unttan azazeeza.
Yesuusa fana hellod metonnee waaya odeeza
(Mat. 16:21-28; Luq. 9:22-27)
31Yesuusa fa tamaaritayiko, «As Na7ay, gaame meto ekkodayis beeziza; cimitay, qeese halaqitaynnee higge asitamaaritay eza ixxodayis beeziza. Unttii eza wodhodayisinnee hayidzii gallasapp guye, e yhayiqopp dendodayis beeziza» yeegii unttan taamarsseeza. 32E yeya unttis geeshshii odeeza. Phixiroosa aadda pettii bagga aathii kacceeza.
33Zin Yesuusa guye maaqqii, fa taamarita bi7ii, Phixiroosar kacinttii, «Yha Xalahayyo, taapp haakkoba. Ne asii dosizibaz qoppizapp attin Xooss dosizibaz qoppooya» yeegeeza.
Yesuusa kaallodayis fana kado koshshiza
(Mat. 10:38-39; 16:24-28; Luq. 9:23-27; 14:26-27)
34Maakka Yesuusa gaame asitayira fa taamarita faako xeegii, «Tana kaallodayis koyiz oonkka fana kado; fa mazqalana tookkii tana kaallo.#Mat. 10:38; Luq. 14:27 35Fa shemppo ashshodayis koyiz athay dhabisiza. Zin ta gishonnee Wonggile gishos fa shemppo dhabisiza athay ashshiza.#Mat. 10:39; Luq. 17:33; Wan. 12:25 36Asii sa7all yez shalo ubba denggii fa shemppo dhabisiko eza ab adode? 37Asii fa shemppo wozodayis ab ingodayis danda7ee? 38Xooss ammanoowa yha iita yeletithayid, asii taallannee ta qaalayid yeellatiko, As Na7ay, fa Adayi bonchchayir geesh kiitanchchitayir yi7itar e baggar yeellattoda» yeegeeza.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia