Marqqoosa 1
1
Xammaqiza Waannisa Sabbako
(Mat. 3:1-12; Luq. 3:1-18; Wan. 1:19-28)
1Yhay Xooss Na7a Yesuus Kiristtoosa Wongile aythi 2Nabe Isayaasa xaafeez maxaafay gancce Xoossay,
«Yeezako, taanii ta kiita na7a
neep tiina dakkoda.
E ne oga pixxoda.#Mil. 3:1
3Pettay liizho gadhar uukkii odittar,
‹Godayis oge pixxoytta;
E yedhdhodayis goosse
ezis luulisoytta geeza»
giinttii xaafintteeza.#Isa. 40:3
4Xammaqiza Waannisa asa xammaqqittar, «Yi nagaraypp maaqqii xammaqinttoytta; Xoossay yi nagara yinttis atto goda» yeegii qaala odittar liizho gadhapp ye7eeza. 5Yihuda biitta yez as ubbitayinnee Yerusalaame katama as ubbitay Waannisako yi7iza. Fa nagara buuxin, Waannisa unttan Yorddanoose borkka xammaqiza.
6Waannisa gimaale ikisepp dadintteez afila ma77iza. Fa xeessayid dafe dancciza; ma boolerannee degera eessara miiza.#2 Kaat. 1:8 7Waannisa qaala odittar, «Taapp guyer loythii miinggizay yi7iza. Hara attozin, ta E caamma wodora zuggii billodayis beezooya. 8Ta yinttan haathar xammaqiza, zin E yinttan geeshsha Ayyanar xammaqoda» yeegeeza.
Yesuusa xammaqinttonnee paacintto
(Mat. 3:13-17; 4:1-11; Luq. 3:21-22; 4:1-13)
9Yesuusa ye wode Galila biitta yez Naazirete katamapp yi7in, Waannisa Yorddanoose borkka eza xammaqeeza. 10Yesuusa haathapp kezeezan garkk salo dooyinttin, geeshsha Ayyanay ezal afa holle garkk wodhdhodar be7eeza. 11Maakka, «Ta qadhdhiza ta na7ay nena; ta neell ufayttiza» yeegiz girithii salopp ye7eeza.#Medhe. 22:2; Maz. 2:7; Isa. 42:1; Mat. 3:17; 12:18; Mar. 9:7; Luq. 3:22
12Izir geeshsha Ayyanay Yesuusa liizho gadha kanggeeza. 13Yesuusa liizho gadha xalaher paacinttittar oyttam gallas gam7eeza. Do7itayir yezeeza, zin kiitanchchitay yi7ii eza maaddeeza.
Yesuusa molo aykkiz oyddii asitana xeegeeza
(Mat. 4:12-22; Luq. 4:14-15; 5:1-11)
14Waannisa acintteezaypp guye Yesuusa Xooss kaatetith Wonggile odittar Galila biitta yhanigeeza. 15«Layithay helleeza; Xooss kaatetithay ukkeeza. Yi nagaraypp maaqqii, Wongila ammanoytta» yeegeeza.#Mat. 3:2
16Yesuusa Galila Abba lanqqer aadhittar, molo aykkiz, Simoonarannee E isha Indiraasera, fa gite abbal afa olizita be7eeza. 17Unttiko, «Tana kaalloytta; ta yinttan ase aykkith tamarssoda» yeegeeza. 18Unttikka izir fa gitita olii ashshii Yesuusana kaalo aykkeeza.
19Izipp xiqqal tiin yhanigii, nam77ii ishita Zabdoosa na7ita, Yayqqoobarannee Waannisara wogolo gancce fa gite lo7ithizita be7eeza. 20Yesuusa ellisii unttan xeegeeza. Unttikka fa ada Zabdoosa, e ooso asitayir wogolo gancce olii ashshii eza kaallii yhanigeeza.
Tuna ayyana aykkeez athay paxeeza
(Luq. 4:31-37)
21Unttii qifirnahoome katama geleeza. Maala gallas helleezan garkk Yesuusa ellisii Ayihude Woosa keethi gelii taamarsso aykkeeza. 22Mawuter yez as garkk tamarssizap attin higge asitamaaritay garkk tamarssoowa gishos asay E timirtta yhay malabaz geeza.#Mat. 7:28
23Ye wode tuna ayyana aykkeez pettii athay Ayihuditay Woosa keeth gelii uukkii, 24«Naazirete Yesuusa, neerannee nuur aba allalle yenee? Nuna dhabisodayis ye7eenee? Ne oonozako ta eriza; ne Xoossa Geeshsh» yeegeeza.
25Yesuusa ya tuna ayyana, «Hayizoba, yha athaypp kezoba» yeegii azazeeza.
26Tuna ayyanay atha zardizard udii, xilasii uukkii ezapp kezeeza. 27Asay ubbay malabaz gi, «Yhay abba? yha athay fa mawuter hara attozin tuna ayyanitakka azaziza. Unttikka ees azazinttiza; yhay aba oroth timirtte?» yeegii, fa ganccer pettay pettay woli oychch aykkeeza.
28Yesuusa Waaray ellisii Galila awurajja yez heera ubba kezeeza.
Yesuusa gaame harganchchita patheeza
(Mat. 8:14-17; Luq. 4:38-41)
29Yesuusa ye wode Ayihuditay Woosa keethapp kezii, Yayqqoobara Waannisara Simoona karannee Indiraase kara geleeza. 30Simoona machchatii indat oxe misha harger woy7ii yezin Yesuusa ize hellin ezisi odeeza. 31E izko shiiqii, I kusha aykkii, izo denthii esseeza. Oxe misha hargay ellisii izo dakkin iza unttan mokkeeza.
32Hargintteez asa ubbitannee tuna ayyanitay aykkeez asa ubba omathi awa gelii lemi7ilem7odar eziko ke7eeza. 33Katama yez as ubbay yi7ii keethayis bale shiiqeeza. 34Yesuusa duma duma harger aykintteez gaame asita pathii, gaame tuna ayyanita kesseeza. E oonozako tuna ayyanitay ereeza. Zin Yesuusa unttan nashshoda kayeeza.
Yesuusa Galila biitta taamarsseeza
(Luq. 4:42-44)
35Yesuusa Zhabaro dendii, asii baa aqo woossodayis yhanigeeza. 36Simoonarannee ezar yezitay eza koyttar yhanigeeza. 37Unttii eza denggii, «Asay ubbitay nena koyiza» yeegeeza.
38Yesuusa ma unttan, «Hara aqo ukke heerita yedhdhoytta. Ta ye7eezay Wonggile ododayis maaqqeez gishos ezayddakka qaala ododayis beeziza» yeegeeza. 39Ayihuditay Woosa keethitayid qaala odittar, tuna ayyanita kessittar, Galila biitta ubba wuteeza.#Mat. 4:23; 9:35
Yesuusa borqqontto harger yez atha patheeza
(Mat. 8:1-4; Luq. 5:12-17)
40Borqqontto harge aykkeez pettii athay Yesuusako yi7ii, E tiinayid xuggunii, «Ne qadhdhiko tana geeshshodayis danda7iza» yeegii woosseeza.
41Yesuusa ezis qadhinttii, fa kusha dakkii eza bochchii, «Ta koyiza, geezhoba» yeegeeza. 42Izir borqqonttay atha dakkin athay ellisii geezheeza. 43Yesuusa athayiko miinthii naaginttoba gi moyzeeza. 44Yesuusa eza, «Nena eroba, yhanno ooskka odippe. Zin yhanigii ne galla qeese beezoba. Ne yhatti geeshsh maaqqeezana asa ersodayis, Muse kiitteez yarshsho yarshshoba» yeegii azazeeza.#Lewii. 14:1
45Zin athay yhanigii, heera ubbayid asis odeeza. Yey gishos, Yesuusa qonccer, katama gelodayis danda7ekkaya. Zin asii baa aqo gaxa yezeeza; ma asii ubba aqopp eziko yi7iza.
നിലവിൽ തിരഞ്ഞെടുത്തിരിക്കുന്നു:
Marqqoosa 1: MeloNTL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia
Marqqoosa 1
1
Xammaqiza Waannisa Sabbako
(Mat. 3:1-12; Luq. 3:1-18; Wan. 1:19-28)
1Yhay Xooss Na7a Yesuus Kiristtoosa Wongile aythi 2Nabe Isayaasa xaafeez maxaafay gancce Xoossay,
«Yeezako, taanii ta kiita na7a
neep tiina dakkoda.
E ne oga pixxoda.#Mil. 3:1
3Pettay liizho gadhar uukkii odittar,
‹Godayis oge pixxoytta;
E yedhdhodayis goosse
ezis luulisoytta geeza»
giinttii xaafintteeza.#Isa. 40:3
4Xammaqiza Waannisa asa xammaqqittar, «Yi nagaraypp maaqqii xammaqinttoytta; Xoossay yi nagara yinttis atto goda» yeegii qaala odittar liizho gadhapp ye7eeza. 5Yihuda biitta yez as ubbitayinnee Yerusalaame katama as ubbitay Waannisako yi7iza. Fa nagara buuxin, Waannisa unttan Yorddanoose borkka xammaqiza.
6Waannisa gimaale ikisepp dadintteez afila ma77iza. Fa xeessayid dafe dancciza; ma boolerannee degera eessara miiza.#2 Kaat. 1:8 7Waannisa qaala odittar, «Taapp guyer loythii miinggizay yi7iza. Hara attozin, ta E caamma wodora zuggii billodayis beezooya. 8Ta yinttan haathar xammaqiza, zin E yinttan geeshsha Ayyanar xammaqoda» yeegeeza.
Yesuusa xammaqinttonnee paacintto
(Mat. 3:13-17; 4:1-11; Luq. 3:21-22; 4:1-13)
9Yesuusa ye wode Galila biitta yez Naazirete katamapp yi7in, Waannisa Yorddanoose borkka eza xammaqeeza. 10Yesuusa haathapp kezeezan garkk salo dooyinttin, geeshsha Ayyanay ezal afa holle garkk wodhdhodar be7eeza. 11Maakka, «Ta qadhdhiza ta na7ay nena; ta neell ufayttiza» yeegiz girithii salopp ye7eeza.#Medhe. 22:2; Maz. 2:7; Isa. 42:1; Mat. 3:17; 12:18; Mar. 9:7; Luq. 3:22
12Izir geeshsha Ayyanay Yesuusa liizho gadha kanggeeza. 13Yesuusa liizho gadha xalaher paacinttittar oyttam gallas gam7eeza. Do7itayir yezeeza, zin kiitanchchitay yi7ii eza maaddeeza.
Yesuusa molo aykkiz oyddii asitana xeegeeza
(Mat. 4:12-22; Luq. 4:14-15; 5:1-11)
14Waannisa acintteezaypp guye Yesuusa Xooss kaatetith Wonggile odittar Galila biitta yhanigeeza. 15«Layithay helleeza; Xooss kaatetithay ukkeeza. Yi nagaraypp maaqqii, Wongila ammanoytta» yeegeeza.#Mat. 3:2
16Yesuusa Galila Abba lanqqer aadhittar, molo aykkiz, Simoonarannee E isha Indiraasera, fa gite abbal afa olizita be7eeza. 17Unttiko, «Tana kaalloytta; ta yinttan ase aykkith tamarssoda» yeegeeza. 18Unttikka izir fa gitita olii ashshii Yesuusana kaalo aykkeeza.
19Izipp xiqqal tiin yhanigii, nam77ii ishita Zabdoosa na7ita, Yayqqoobarannee Waannisara wogolo gancce fa gite lo7ithizita be7eeza. 20Yesuusa ellisii unttan xeegeeza. Unttikka fa ada Zabdoosa, e ooso asitayir wogolo gancce olii ashshii eza kaallii yhanigeeza.
Tuna ayyana aykkeez athay paxeeza
(Luq. 4:31-37)
21Unttii qifirnahoome katama geleeza. Maala gallas helleezan garkk Yesuusa ellisii Ayihude Woosa keethi gelii taamarsso aykkeeza. 22Mawuter yez as garkk tamarssizap attin higge asitamaaritay garkk tamarssoowa gishos asay E timirtta yhay malabaz geeza.#Mat. 7:28
23Ye wode tuna ayyana aykkeez pettii athay Ayihuditay Woosa keeth gelii uukkii, 24«Naazirete Yesuusa, neerannee nuur aba allalle yenee? Nuna dhabisodayis ye7eenee? Ne oonozako ta eriza; ne Xoossa Geeshsh» yeegeeza.
25Yesuusa ya tuna ayyana, «Hayizoba, yha athaypp kezoba» yeegii azazeeza.
26Tuna ayyanay atha zardizard udii, xilasii uukkii ezapp kezeeza. 27Asay ubbay malabaz gi, «Yhay abba? yha athay fa mawuter hara attozin tuna ayyanitakka azaziza. Unttikka ees azazinttiza; yhay aba oroth timirtte?» yeegii, fa ganccer pettay pettay woli oychch aykkeeza.
28Yesuusa Waaray ellisii Galila awurajja yez heera ubba kezeeza.
Yesuusa gaame harganchchita patheeza
(Mat. 8:14-17; Luq. 4:38-41)
29Yesuusa ye wode Ayihuditay Woosa keethapp kezii, Yayqqoobara Waannisara Simoona karannee Indiraase kara geleeza. 30Simoona machchatii indat oxe misha harger woy7ii yezin Yesuusa ize hellin ezisi odeeza. 31E izko shiiqii, I kusha aykkii, izo denthii esseeza. Oxe misha hargay ellisii izo dakkin iza unttan mokkeeza.
32Hargintteez asa ubbitannee tuna ayyanitay aykkeez asa ubba omathi awa gelii lemi7ilem7odar eziko ke7eeza. 33Katama yez as ubbay yi7ii keethayis bale shiiqeeza. 34Yesuusa duma duma harger aykintteez gaame asita pathii, gaame tuna ayyanita kesseeza. E oonozako tuna ayyanitay ereeza. Zin Yesuusa unttan nashshoda kayeeza.
Yesuusa Galila biitta taamarsseeza
(Luq. 4:42-44)
35Yesuusa Zhabaro dendii, asii baa aqo woossodayis yhanigeeza. 36Simoonarannee ezar yezitay eza koyttar yhanigeeza. 37Unttii eza denggii, «Asay ubbitay nena koyiza» yeegeeza.
38Yesuusa ma unttan, «Hara aqo ukke heerita yedhdhoytta. Ta ye7eezay Wonggile ododayis maaqqeez gishos ezayddakka qaala ododayis beeziza» yeegeeza. 39Ayihuditay Woosa keethitayid qaala odittar, tuna ayyanita kessittar, Galila biitta ubba wuteeza.#Mat. 4:23; 9:35
Yesuusa borqqontto harger yez atha patheeza
(Mat. 8:1-4; Luq. 5:12-17)
40Borqqontto harge aykkeez pettii athay Yesuusako yi7ii, E tiinayid xuggunii, «Ne qadhdhiko tana geeshshodayis danda7iza» yeegii woosseeza.
41Yesuusa ezis qadhinttii, fa kusha dakkii eza bochchii, «Ta koyiza, geezhoba» yeegeeza. 42Izir borqqonttay atha dakkin athay ellisii geezheeza. 43Yesuusa athayiko miinthii naaginttoba gi moyzeeza. 44Yesuusa eza, «Nena eroba, yhanno ooskka odippe. Zin yhanigii ne galla qeese beezoba. Ne yhatti geeshsh maaqqeezana asa ersodayis, Muse kiitteez yarshsho yarshshoba» yeegii azazeeza.#Lewii. 14:1
45Zin athay yhanigii, heera ubbayid asis odeeza. Yey gishos, Yesuusa qonccer, katama gelodayis danda7ekkaya. Zin asii baa aqo gaxa yezeeza; ma asii ubba aqopp eziko yi7iza.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia