Maatoosa 21
21
Yesuusa gita bonchchor Yerusalaame geleeza
(Mar. 11:1-11; Luq. 19:28-40; Wan. 12:12-19)
1Yesuusara E tamaaritayira Yerusalaame ukkii, Debire Zayite amibal afa yez Beetefaage giz heera hellittar, Yesuusa fa tamaaritaypp nam7ita paapp tiina azazeeza: 2«Yi tiina yez heera yhanigoytta. Ezayid pettii hare achcha yezanno I na7ayira yi ellisii demmada. Unttan billii yhana ekkii ye7oytta. 3Oonkka yinttan oyiciko, ‹Goday unttan koyiza› yeegoytta. E unttan ellis dakkoda» yeegeeza.
4Nabay,
5«Xiyone katama,
‹Yikkee, ne kaatay ashikke maaqqii, harel afannee
hare na7al afa bettii, neeko yi7iza› yeegoytta»
yeegii xaafeezay polinttodgarkk yey haneeza.#Zak. 9:9
6E tamaaritay yhanigii Yesuusa unttan azazeezay garkk ootheeza. 7Harttonnee hare na7a ki7ii afar ma77eez fa afila u zokkayil oleeza. Yesuusa afilayil afa betteeza. 8Woyay fa afila ogel hiixeeza. Yhankkitay harata shaqqii ogel oleeza. 9Yesuusapp tiinar yedhizitaynnee ezapp guyer kaalliza woyitay,
«Hosaana!#21:9 Hosaana: Ibrayisixe doonar hosaana guussay «Nuna ashshoba guussii.» Ma asay Xooss galatodayis maadinttiza qaala. Dawute na7ay galatintto!
Goday sunthar yi7izay anjjintteezaya!
Bonchcho Ubbapp Dhoqqa Salo Xoossayis maaqqo!»
yeegii uukkeeza.#Maz. 118:25
10Yesuusa Yerusalaame katama geleez wode ye katama yez asi ubbitay, «Yhayi oonoo?» yeegii shariksharkeeza.
11Asay, «Yhay Galila biitta yez Naazirete katamapp ye7eez nabe Yesuusabe» yeegeeza.
Yesuusa Xooss keetha geleeza
(Mar. 11:15-19; Luq. 19:45-48; Wan. 2:13-22)
12Yesuusa Xooss keetha gelii, ezayid bayizizitannee wonggizita ubba bayi7ii bale kesseeza. Miishe laammizitay xarpheezitannee hollita bayizizitta oyddita shirii oleeza. 13Ezikka unttiko, «Xooss qaalayid, ‹Ta keethay Xooss woossiza keethi ginttinttoda› yeeginttii xaafintteeza. Zin yi paanitay qosinttiz kom7o udeeza» yeegeeza.#Isa. 56:7; Ibr. 7:11
14Yesuusa Xooss Kara gancce yezin too7itaynnee gunddeezitay eziko yi7in unttan patheeza. 15Zin qeese halaqitaynnee higge asitamaaritay Yesuusa ootheez malatita bi7izitaynnee xiqqqa na7itay Xooss keeth gancce, «Dawute na7ay, galatintto» yeegii uukkizana si7ii kacintteeza. 16U Yesuusako, «Yhayititay giza ne si7inee?» yeegeeza.
Yesuusa, «Ee si7iza, Xooss qaalayid, ‹Duude na7itay doonannee dhanggiz na7itay doona galata kuntheeza› yeeginttii xaafintteezana yi nabbabekasa?» yeegeeza. 17Unttan ize ashshii Bitaana katama yhanigii aqeeza.
Goday baaddeez balase mithato
(Mar. 11:12-14, 20-24)
18Yesuusa wontta guura katama maaqqii yi7ittar nayintteeza. 19Oge gaxa pettii balase mith bi7ii iziko yhanigeeza. Zin hayepp attin hara abikka denggekkaya. Yey gishos, izo, «Yhannipp medhinas neepp aafe benttippe!» yeegeeza. Ye balase mithata izir meleeza.
20E tamaaritay yeya bi7ii, «Yha balasat wayizii ellis melare?» yeegii malabaz geeza.
21Yesuusa mahii, «Taanii yinttis tuma odiza; yinttis ammano yeezako, ma yi sidhaamixxiko balasel afa taanii ootheezan garkk aadda oothaamii, zin ‹Yha amba shodinttii abba gancce wodhdhoba› yeegiko yinttis hanoda.#Mat. 17:20; 1 Qor. 13:2 22Ammanii yi woossiza baz ababaz maaqqikokka yi ekkoda» yeegeeza.
Yesuusa mawutay oycintteeza
(Mar. 11:27-33; Luq. 20:1-8)
23Yesuusa Xoossa Keeth gelii tamaarssodar, qeese halaqitaynnee Ayihude cimitay eziko yi7ii, «Neenii yhaya ubba aba mawuter oothee? Nees yha mawuta inggeezay oonoo?» yeegii oyceeza.
24Yesuusa unttiko, «Taankka yinttan pettibaz oyciza; yi taas izo mahiko, taanii aba mawuter oothizako yinttis ododa. 25Waannisa xammaqod garkk mawutay anapp inggintteennee? Xoossappennee asappee?» yeegeeza.
Unttii woli gancce tobbii, «Nuunii, ‹Xoossapp› giiko, E nuna, ‹Yeezin abis ammanekasa?› goda. 26Nuunii, ‹Asappee› giiko, asii ubbay Waannisana nabe udii bi7iza gishos woyay nuna yashshiza» yeegeeza. 27Yey gishos, «Nuunii erooya» yeegii maheeza.
Ezikka, «Yikkee, taankka yhaya aba mawuter oothizako yinttis odaamii» yeegeeza.
Nam77ii na7itay aaziso
28«Yesuusa maaqqikka yhay garkk yeegeeza: Pettii athayis Nam77ii dhiirath na7itay yeza. Ye athay bayra na7ayiko yhanigii, ‹Ta na7ayyo, yhayino woyne gancce yhanigii yhanttoba› yeegeeza. 29Na7ay mahii, ‹I7inno yhanggaamii› yeegeeza. Zin guyeppe fa wozinar qoppii ekkii yhanttodayis qiteeza. 30Aday fa guye na7ayiko yhanigii, fa bayra na7ayiko geezay garkk azazeeza. Ezikka, ‹Ero, ta adayyo› yeegeeza. Zin yhanigekaya. 31Yha nam77ii na7itaypp fa adayis azazintteezay aaya?» yeegeeza.
Unttikka, «Bayra» yeegeeza.
Yesuusa unttiko, «Ta yinttis tuma odiza; qaraxe gachishizitaynnee laammizitay yinttipp tiinatii Xooss kaatetith geloda. 32Xammaqqiza Waannisa luulo oge tamaarssittar yi7in E gizana yi ammanekkaya. Zin qaraxe gachisizitaynnee laammizitay ammaneeza. Yi hara attozin, unttan bi7ikka yi nagaraypp maaqqii ammanekkaya» yeegeeza.#Luq. 3:12; 7:29-30
Woyne yhanttiz asitay aaziso
(Mar. 12:1-12; Luq. 20:9-19)
33Maakka Yesuusa yhay garkk yeegeeza; «Hara aaziso si7oytta, woyne tukkeez pettii athay yeza. Ye woyne gaxana gaseeza. Woyne buulliz ollakka bookkeeza. Woyna naagodayis shakkokka kocheeza. Yeypp guye, gada mattaye inggii hara gade qiteeza.#Isa. 5:1-2 34Woyne aafa maxiza wode hellin fana helliza bagga ekkii ye7od garkk fa ayllita unttiko dakkeeza. 35Mattaye ekkeezitay e ayllita aykkii petta yhadhdheeza, yhankka wodheeza ma atteezana shuchchar shoceeza. 36Woyne atakilitte goday kaseesitaypp gaame hara ayllita azazeeza. Mattaye ekkeezitay unttal gujjikka yhankkitayil afa ootheezay garkk ootheeza. 37Wurssithal E, ‹Ta na7a u bonchchoda!› yeegii fa na7a unttiko azazeeza.
38«Zin mattaye ekkeezitay na7a bi7ii woli gancce ‹Gada laattoday yhaya, eza wodhii gada nuunii ekkoda!› yeegeeza. 39Na7a aykkii woyne gancceppe gaxa kessii wodheeza.
40«Yikkee, woyne atakilitte goday yi7ii ye mattaye ekkeezita wayssadee?» yeegii oyceeza.
41U mahii, «E ye iita asa iita wodho wodhii, woynay kaa7iz wode eza helliz bagga woder woder inggiza hara asis immada» yeegeeza.
42Yesuusa mahii unttiko, Xoossa qaalay,
«‹Gimbbizitay borii ixxeez shuchchay,
keeth muumer tookkiza kirkiro garkk,
ubbapp aadhiz shuchch maaqqeeza.
Yhayi Goday ootheez bazi;
nu aafayisikka mala bazi›
yeeginttii xaafintteezana yi nabbabekkasa?#Maz. 118:22
43«Yeyi gishos, ta yinttis odiza; Xoossa kaatetithay yinttipp ekinttii lo77o aafe aafiz asitayis ingginttoda. 44[Yha shuchchayil afa wodhdhiz ubbitay meqitoda. Ma ye shuchchay ezal afa wodhdhiz athaykka gaacinttoda]»#21:44 Pettii pettii binii maxaafitay tayibo 44 gujjiza (Luq. 20:18) bo7oytta. yeegeeza.
45Qeese halaqitaynnee Ferisaawitay Yesuusa odeez aaziso fana odeezana ereeza. 46U Yesuusa aykkodayis koyeeza, zin asay Yesuusa nabe udii bi7iza gishos asayis yashitteeza.
നിലവിൽ തിരഞ്ഞെടുത്തിരിക്കുന്നു:
Maatoosa 21: MeloNTL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia
Maatoosa 21
21
Yesuusa gita bonchchor Yerusalaame geleeza
(Mar. 11:1-11; Luq. 19:28-40; Wan. 12:12-19)
1Yesuusara E tamaaritayira Yerusalaame ukkii, Debire Zayite amibal afa yez Beetefaage giz heera hellittar, Yesuusa fa tamaaritaypp nam7ita paapp tiina azazeeza: 2«Yi tiina yez heera yhanigoytta. Ezayid pettii hare achcha yezanno I na7ayira yi ellisii demmada. Unttan billii yhana ekkii ye7oytta. 3Oonkka yinttan oyiciko, ‹Goday unttan koyiza› yeegoytta. E unttan ellis dakkoda» yeegeeza.
4Nabay,
5«Xiyone katama,
‹Yikkee, ne kaatay ashikke maaqqii, harel afannee
hare na7al afa bettii, neeko yi7iza› yeegoytta»
yeegii xaafeezay polinttodgarkk yey haneeza.#Zak. 9:9
6E tamaaritay yhanigii Yesuusa unttan azazeezay garkk ootheeza. 7Harttonnee hare na7a ki7ii afar ma77eez fa afila u zokkayil oleeza. Yesuusa afilayil afa betteeza. 8Woyay fa afila ogel hiixeeza. Yhankkitay harata shaqqii ogel oleeza. 9Yesuusapp tiinar yedhizitaynnee ezapp guyer kaalliza woyitay,
«Hosaana!#21:9 Hosaana: Ibrayisixe doonar hosaana guussay «Nuna ashshoba guussii.» Ma asay Xooss galatodayis maadinttiza qaala. Dawute na7ay galatintto!
Goday sunthar yi7izay anjjintteezaya!
Bonchcho Ubbapp Dhoqqa Salo Xoossayis maaqqo!»
yeegii uukkeeza.#Maz. 118:25
10Yesuusa Yerusalaame katama geleez wode ye katama yez asi ubbitay, «Yhayi oonoo?» yeegii shariksharkeeza.
11Asay, «Yhay Galila biitta yez Naazirete katamapp ye7eez nabe Yesuusabe» yeegeeza.
Yesuusa Xooss keetha geleeza
(Mar. 11:15-19; Luq. 19:45-48; Wan. 2:13-22)
12Yesuusa Xooss keetha gelii, ezayid bayizizitannee wonggizita ubba bayi7ii bale kesseeza. Miishe laammizitay xarpheezitannee hollita bayizizitta oyddita shirii oleeza. 13Ezikka unttiko, «Xooss qaalayid, ‹Ta keethay Xooss woossiza keethi ginttinttoda› yeeginttii xaafintteeza. Zin yi paanitay qosinttiz kom7o udeeza» yeegeeza.#Isa. 56:7; Ibr. 7:11
14Yesuusa Xooss Kara gancce yezin too7itaynnee gunddeezitay eziko yi7in unttan patheeza. 15Zin qeese halaqitaynnee higge asitamaaritay Yesuusa ootheez malatita bi7izitaynnee xiqqqa na7itay Xooss keeth gancce, «Dawute na7ay, galatintto» yeegii uukkizana si7ii kacintteeza. 16U Yesuusako, «Yhayititay giza ne si7inee?» yeegeeza.
Yesuusa, «Ee si7iza, Xooss qaalayid, ‹Duude na7itay doonannee dhanggiz na7itay doona galata kuntheeza› yeeginttii xaafintteezana yi nabbabekasa?» yeegeeza. 17Unttan ize ashshii Bitaana katama yhanigii aqeeza.
Goday baaddeez balase mithato
(Mar. 11:12-14, 20-24)
18Yesuusa wontta guura katama maaqqii yi7ittar nayintteeza. 19Oge gaxa pettii balase mith bi7ii iziko yhanigeeza. Zin hayepp attin hara abikka denggekkaya. Yey gishos, izo, «Yhannipp medhinas neepp aafe benttippe!» yeegeeza. Ye balase mithata izir meleeza.
20E tamaaritay yeya bi7ii, «Yha balasat wayizii ellis melare?» yeegii malabaz geeza.
21Yesuusa mahii, «Taanii yinttis tuma odiza; yinttis ammano yeezako, ma yi sidhaamixxiko balasel afa taanii ootheezan garkk aadda oothaamii, zin ‹Yha amba shodinttii abba gancce wodhdhoba› yeegiko yinttis hanoda.#Mat. 17:20; 1 Qor. 13:2 22Ammanii yi woossiza baz ababaz maaqqikokka yi ekkoda» yeegeeza.
Yesuusa mawutay oycintteeza
(Mar. 11:27-33; Luq. 20:1-8)
23Yesuusa Xoossa Keeth gelii tamaarssodar, qeese halaqitaynnee Ayihude cimitay eziko yi7ii, «Neenii yhaya ubba aba mawuter oothee? Nees yha mawuta inggeezay oonoo?» yeegii oyceeza.
24Yesuusa unttiko, «Taankka yinttan pettibaz oyciza; yi taas izo mahiko, taanii aba mawuter oothizako yinttis ododa. 25Waannisa xammaqod garkk mawutay anapp inggintteennee? Xoossappennee asappee?» yeegeeza.
Unttii woli gancce tobbii, «Nuunii, ‹Xoossapp› giiko, E nuna, ‹Yeezin abis ammanekasa?› goda. 26Nuunii, ‹Asappee› giiko, asii ubbay Waannisana nabe udii bi7iza gishos woyay nuna yashshiza» yeegeeza. 27Yey gishos, «Nuunii erooya» yeegii maheeza.
Ezikka, «Yikkee, taankka yhaya aba mawuter oothizako yinttis odaamii» yeegeeza.
Nam77ii na7itay aaziso
28«Yesuusa maaqqikka yhay garkk yeegeeza: Pettii athayis Nam77ii dhiirath na7itay yeza. Ye athay bayra na7ayiko yhanigii, ‹Ta na7ayyo, yhayino woyne gancce yhanigii yhanttoba› yeegeeza. 29Na7ay mahii, ‹I7inno yhanggaamii› yeegeeza. Zin guyeppe fa wozinar qoppii ekkii yhanttodayis qiteeza. 30Aday fa guye na7ayiko yhanigii, fa bayra na7ayiko geezay garkk azazeeza. Ezikka, ‹Ero, ta adayyo› yeegeeza. Zin yhanigekaya. 31Yha nam77ii na7itaypp fa adayis azazintteezay aaya?» yeegeeza.
Unttikka, «Bayra» yeegeeza.
Yesuusa unttiko, «Ta yinttis tuma odiza; qaraxe gachishizitaynnee laammizitay yinttipp tiinatii Xooss kaatetith geloda. 32Xammaqqiza Waannisa luulo oge tamaarssittar yi7in E gizana yi ammanekkaya. Zin qaraxe gachisizitaynnee laammizitay ammaneeza. Yi hara attozin, unttan bi7ikka yi nagaraypp maaqqii ammanekkaya» yeegeeza.#Luq. 3:12; 7:29-30
Woyne yhanttiz asitay aaziso
(Mar. 12:1-12; Luq. 20:9-19)
33Maakka Yesuusa yhay garkk yeegeeza; «Hara aaziso si7oytta, woyne tukkeez pettii athay yeza. Ye woyne gaxana gaseeza. Woyne buulliz ollakka bookkeeza. Woyna naagodayis shakkokka kocheeza. Yeypp guye, gada mattaye inggii hara gade qiteeza.#Isa. 5:1-2 34Woyne aafa maxiza wode hellin fana helliza bagga ekkii ye7od garkk fa ayllita unttiko dakkeeza. 35Mattaye ekkeezitay e ayllita aykkii petta yhadhdheeza, yhankka wodheeza ma atteezana shuchchar shoceeza. 36Woyne atakilitte goday kaseesitaypp gaame hara ayllita azazeeza. Mattaye ekkeezitay unttal gujjikka yhankkitayil afa ootheezay garkk ootheeza. 37Wurssithal E, ‹Ta na7a u bonchchoda!› yeegii fa na7a unttiko azazeeza.
38«Zin mattaye ekkeezitay na7a bi7ii woli gancce ‹Gada laattoday yhaya, eza wodhii gada nuunii ekkoda!› yeegeeza. 39Na7a aykkii woyne gancceppe gaxa kessii wodheeza.
40«Yikkee, woyne atakilitte goday yi7ii ye mattaye ekkeezita wayssadee?» yeegii oyceeza.
41U mahii, «E ye iita asa iita wodho wodhii, woynay kaa7iz wode eza helliz bagga woder woder inggiza hara asis immada» yeegeeza.
42Yesuusa mahii unttiko, Xoossa qaalay,
«‹Gimbbizitay borii ixxeez shuchchay,
keeth muumer tookkiza kirkiro garkk,
ubbapp aadhiz shuchch maaqqeeza.
Yhayi Goday ootheez bazi;
nu aafayisikka mala bazi›
yeeginttii xaafintteezana yi nabbabekkasa?#Maz. 118:22
43«Yeyi gishos, ta yinttis odiza; Xoossa kaatetithay yinttipp ekinttii lo77o aafe aafiz asitayis ingginttoda. 44[Yha shuchchayil afa wodhdhiz ubbitay meqitoda. Ma ye shuchchay ezal afa wodhdhiz athaykka gaacinttoda]»#21:44 Pettii pettii binii maxaafitay tayibo 44 gujjiza (Luq. 20:18) bo7oytta. yeegeeza.
45Qeese halaqitaynnee Ferisaawitay Yesuusa odeez aaziso fana odeezana ereeza. 46U Yesuusa aykkodayis koyeeza, zin asay Yesuusa nabe udii bi7iza gishos asayis yashitteeza.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World Ethiopia