Kuitīr Ngāi Sinthō 22
22
1“Paruol ngāi lē pāngāi, atun hin na kōm una ka satanlōna rui chu lei rangāi u ro,” a tī na.
2 #
Zn 5:2
Hatuka Hebrāi chonga chong ei ril ti a riat u na, adāireka a om riam u zei a.
3 #
1Rē 19:10; Lk 10:39 Amā'n, “Zehudi nama mi lē Kilikia rama Tarsa khopuia anzir kā nī na, tenchu hiva Zerusalem khopuia hin Gamaliel a kōma lekhā anchūna ālian kā ni. Amā'n koini na chipui ngāi dān a omzia ngāi ankhir sabaka ei na manchūna om kā nī na. Aviana nangni ngāi na lom una anga koi um Pathian ranga takasat mi kā nī na.
Paul-in ei Ānzirtharna Rui ei Rilna
4“Hiva lampui āzī, nupang lē pasal ngāi kei khita ankhumna-ina ka lei khum chachak a, āthat rang khopa ka sinsak chachak. 5#Lk 22:66; Rōm 7:1Chāizūng ulian khīt lē pātar ngāi dōrā'm hiva ruia a nā riatpui u a ni. Hanūk chu amāni kōm ātā ūnāi ngāi ranga lekhā ka man suole han Damaska khuona om ngāi chu kei khita Zerusalem khopuia kei ruoia nei sinsak theina ranga āsē kā nī na.
6“Hatuka kā sē tir le chu, Damaska khuo ka suok rang vita, sūnchimripa anlāiseka anvān ātā raāng khuonlek anga ka ravēl a ēl zuok a. 7Hatuka phila kā'n zuon rak a, ka kōma: ‘Saul, Saul, ichanga mo nei na sinsak chachak?’ tīna, hē ka riat a. 8#Mk 1:24Hatuka koiin: ‘Puma, tū mo nā ni?’ tīna ka masang a. Amā'n ka kōma: ‘Nazaret-a Isuo nangin nei sinsak chachak ha kā ni,’ a tī na. 9Ka bila om ngāi hān raāng ei mu u na, ei chi u a ni. Tenchu koi a na chongpui a hē chu riat u mak. 10Hankēng koiin: ‘Puma hong mo kei thō ranga nei zōt?’ ka tī na. Hatuka Pumā'n ka kōma: ‘Anthui tānla, Damaska khuona son va lūt ro, sovā son nangin nei thō rang dōra ansūk zēt ha na lei manthei u'n ti,’ a tī na. 11Hava raāng ha ei ēl sabak sika avār mu thei lāi mak ung a. Ka lōm ngāiin a kut le a na maruoi u na. Damaska khuona kā lūt a.
12“Hatuka mī angkhat, a raming Anania a om a. Ama chu dān lampuia Pathian andon mi sabak a ni. Havana Zehudi āom ngāi dōrā'n achān a na chi tī ei ril u a ni. 13Ka kōma a hong a, ka kōla a hong ānding: ‘Ka paruol Saul, mit vārna nei rēt ta ro,’ a tī na. Hava hun len han a mēl chu ka hong mū thei a. 14#1Ko 15:8Hatuka amā'n ei ti: ‘Pathian malung vong nei riattheina ranga, koini na chipui ngāi Pathianin ei na thang kēng. Hava sika han ādik ha nei mūna a bāia chongkam ngēt um nei riat a ni zei. 15Asik chu nei mū le nei riat ngāi ruia mī dōra kōma ama ruia āriatpui chang in na ti. 16#Lev 8:6; Sām 51:2; Izk 36:25; Zn 3:5; Rōm 10:13; 1Ko 6:11; Efe 5:26; Tit 3:5; Heb 10:22; 1Pe 3:21Ichanga mo nei la om chian? Anthui tānla baptisma la ta ro. Puma raming na pāi le āsia nei thō ngāi dōra sāi in ti,’ a tī na.
17“Zerusalem khopuia ka kīra Pathian biak-ina zār ka zong lāi han ramang anga kā om a. 18Hatuka Isuo'n ka kōm chong a rila kei mu: ‘Anrap tānla, Zerusalem khopui ātā suok lilīp ro. Asik chu koi ka ruia chong nei ril rang hi pom u nō ni,’ a tī na. 19#Mt 10:17Hatuka koiin ka tina: ‘Puma, sinagog tina nang anā iam ngāi chunga kei khuma kei zēm u chachak ha ei riat u kēng. 20Nang na chong āriatpui Stefen thisen a masuok u lāi han koi um a kōla ānding kā ni. Ka lei mahampui a, āthat ngāi puon ka lei rung kēng,’ ka tī na. 21Hatuka Isuo'n ka kōma, ‘Sē ta ro, hivan ātā ālāpāna namtei ngāi kōma na tīr ka ti,’ ” a tī na.
Paul Rōm Mī ei Āntina
22Hava chong ei riat phing u le anringpāna a ti u na: “Hiva ang zāt mī hi chu ramuol ātā pei u ro, ādamruo ngal ni mak,” a ti u na. 23Hatuka ei ānkhēk chuchung u na, a puon u ngāi atheta ei pei u na, philvut chung tianga ā thek u na. 24Hatuka sipai ruoipu ulianin Paul chu insūng aping sūnga aruoi viak ranga chong a pēk a. Hivan tin thama mipui ei ānkhēkna asik Ariattheina ranga azēm chunga ānkel rang a tī na. 25Hatuka ei zēm thei una ranga mevun rī le a khit tit u na, hankēng Paul-in a kōla ānding sipai razaruoipū kōma ei ti: “Rōm mī khat pei a ni anten, hanūk chu āsia anlō lui a ni anten zēm thei u mak chē, hava ha ādik ni mak mo?” a tī na. 26Sipai razaruoipū'n a riat le chu sipai ruoipu ulian kōma a sē na, a va ril a: “A takchunga athō rang nei ti ha anrēng ro. Asik chu ama hi Rōm mī kēng,” a tī na. 27Hankēng sipai ruoipu ulian chu a sē na, Paul a kōma: “Rōm mi tatak mo nā ni? Na manthei ta,” a tī na. Hatuka amā'n: “O hanle, kā ni,” a tī na. 28Sipai ruoipu ulianin: “Koi chu, hiva rama mi kei chang theina ranga sum atampā le kei rachōk kēng hile,” tīna a masang a. Tenchu Paul-in: “Koi chu anzir len ātā Rōm mī kēng kā ni,” a tī na. 29Ama ānkel ranga ansin ngāi chu anūk ankei len u na. Sipai ruoipu ulianin Paul chu Rōm mī kēng tī a riat le chu, a rathā a tā na, asik chu ama chu a lei khit a.
Paul Sanhedrin Matona
30 #
Mt 5:22
Hatuka zīng khuovāra ei ānkhit ātā a mazōk a. Hatuka Zehudi ngāiin ichanga mo Paul āsia ei mantung una asik asadima āriat rang ei zōt sika, chāizūng ulian ngāi le rui aril ngāi dōra, ruirilna ansāng ankhōm ranga chong a pēk u na. Paul chu a hong āchumpui a, a maton una a manding u.
Bible in Ranglong, © Bibles International, the Bible society of Baptist Mid-Missions, 2024.