Ап. керӧммез 23
23
1Павелыс видзӧтӧв-керис Судитан чукӧр вылӧ да висьталіс: «Воннэз! Ме Ен одзын ӧння лунӧдз олі сӧстӧм сьӧлӧмӧн». 2Ананий нима аркирей тшӧктіс Павелкӧт ордчӧн сулаліссесӧ сӧтны сылӧ ӧм кузяс. 3Сэк Павелыс висьталіс сылӧ: «Тэ чочком сёйӧн мавтӧм стена! Еныс тэнӧ пондас вартлыны! Тэ пукалан отиркӧт бӧрйисьны Туйдӧт сьӧрті. Ачыт Туйдӧт вылас видзӧттӧг тшӧктан менӧ вартлыны». 4Сэтӧн сулаліссес висьталісӧ: «Енлісь аркирейсӧ видан?» 5Павелыс шуис: «Сія аркирей? Воннэзӧ, ме сы йылісь эг тӧд. Гижӧм тай: "Аслат отир вылын юралісь йылісь умӧльсӧ эн баит"».
6Павелыс казяліс: ӧксьӧммес ӧт джыныс вӧлісӧ садукейез, мӧд джыныс ─ фарисейез. Сэк сія горӧн висьталіс: «Воннэзӧ! Ме фарисей, фарисейлӧн зон. Менӧ судитӧны кулӧммезісь ловзьӧмӧ веритӧм понда». 7Павеллӧн сідз висьталӧм бӧрын садукейес да фарисейес лэбтісисӧ ӧтамӧдныскӧт етшасьны, и ӧксьӧммес янсӧтчисӧ кык торйӧ. 8Садукейес эд шуӧны: абу пӧ ловзьӧмыс, абу ангеллэс, абу ловвес. А фарисейес этаӧ быдӧсӧ веритӧны. 9Лэбтісис ванзӧм-горӧтлӧм. Сэк фарисейез ладорись чеччисӧ Туйдӧтӧ велӧтіссез да пондісӧ вермасьӧмӧн баитны: «Эта мортісь умӧльсӧ мийӧ огӧ адззӧ. Поди, сылӧ былись ангел али лов баитіс. Огӧ пондӧ сувтны Еныслӧ паныт». 10Вермасьӧмныс-горӧтлӧмныс содіс. Сюрс воинӧн веськӧтлісьыс повзис, Павелсӧ вермасӧ летны. Сэк воиннэсӧ тшӧктіс Павелсӧ петкӧтны ны коласісь да нуӧтны сайӧвтчанінас.
11Локтан ойас Дӧсвидзисьыс мыччасис Павелыслӧ. Сія висьталіс: «Павел! Эн пов! Ме йылісь тэ висьтасин Ерусалимын. Сідз пондан висьтасьны и Римын».
Павелӧс вийны баитчӧм
12Асывнас иудейес баитчӧмась Павелсӧ вийны. Нія сетӧмась кыв: огӧ пӧ пондӧ сёйны да юны сійӧ вийтӧдз. 13Кывсӧ сетіссес вӧлӧмась нёльдасся унажык. 14Нія локтӧмась аркирейез да бӧрйӧм пӧриссез дынӧ. Нылӧ висьталӧмась: «Кыв сетӧм пыр мийӧ висьталім: огӧ пондӧ сёйны Павелсӧ вийтӧдз. 15Тійӧ талун сюрс воинӧн веськӧтлісьлӧ юӧртӧ, тійӧ пӧ мӧдат унажык тӧдны Павелыс йылісь. Ашын тшӧктӧ сійӧ петкӧтны. Тіян дынӧ вайӧттӧдз мийӧ мӧдам сійӧ вийны».
16Эта баитчӧм йылісь кылӧм Павел сойлӧн зоныс. Сія локтіс да пырис сайӧвтчанінас. Кылӧмсӧ висьтасис Павелыслӧ. 17Сэк Павел корис дынас сё воинӧн веськӧтлісьӧс да шуис: «Нуӧт зонкасӧ сюрсӧн веськӧтлісь дынӧ да висьтав, сія пӧ мӧдӧ мыйкӧ юӧртны». 18Сёӧн веськӧтлісьыс зонкасӧ нуӧтіс сюрсӧн веськӧтлісь дынӧ. Сэсся висьталіс: «Пуксьӧтӧм Павелыс корис менӧ дынас. Сія корис этӧ зонкасӧ вайӧтны тэ дынӧ. Тэныт зонкаыс мӧдӧ мыйкӧ висьтавны».
19Сюрсӧн веськӧтлісьыс зонкасӧ кутіс киӧттяс да нуӧтыштіс мӧдӧрӧ. Сія юаліс: «Мый тэ мӧдан меным висьтавны?» 20Мӧдыс висьталіс: «Иудейес баитчисӧ: тэнӧ мӧдӧны корны Павелсӧ петкӧтны Судитан чукӧр одзӧ. Нія жыв пӧ унажык мӧдӧны тӧдны сы йылісь. 21Тэ нійӧ эн кывзы. Нёльдасся унажык морт видзчисьӧны сійӧ. Нія сетӧмась кыв: Павелсӧ вийтӧдз нія озӧ пӧ пондӧ сёйны да юны. Нія лӧсьӧтчисӧ ни. Ӧні видзчисьӧны тэнчит тшӧктӧмтӧ». 22Сюрсӧн веськӧтлісьыс зонкасӧ иньдіс да ӧліс: «Некинлӧ эн баит меным висьтасьӧмыт йылісь».
Павелӧс Кесарияӧ ыстӧм
23Сюрсӧн веськӧтлісьыс дынас корис сёӧн веськӧтліссесӧ кыкӧс. Нылӧ тшӧктіс лӧсьӧтны подӧна воиннэсӧ кыксёӧ, верзьӧмаэсӧ ─ сизимдасӧ, шы#23:23 шы ─ копьё новйӧтіссесӧ ─ кыксёӧ. Ӧкмыс часӧ рытнас нылӧ колӧ пӧ мунны Кесарияӧ. 24Павелыслӧ тшӧктіс лӧсьӧтны вӧввез. Сылӧ буржык мунны верзьӧмӧн, медбы сыкӧт нем умӧльыс эз ло. Сійӧ колӧ вайӧтны Феликс юралісь дынӧ.
25Феликсыслӧ гижис сэтшӧм гижӧт: 26«Гижӧ Клавдий Лисий. Бур олан тэныт, Феликс, вылына лэбтӧм юралісь. 27Этӧ мортсӧ иудейес кутісӧ да мӧдісӧ вийны. Ме воиннэзӧкӧт локті да мырдди сійӧ. Сія эд Римлӧн морт. 28Сійӧ вайӧті иудейезлӧн Судитан чукӧр одзӧ. Ме мӧді тӧдны, мый понда сы вылӧ лэбтісисӧ. 29Ме вежӧрті: сы вылӧ нія лэбтісьӧмась Туйдӧтныс понда етшасьӧмсянь#23:29 етшасьны ─ спорить. Ме умӧльсӧ сы сайын эг адззы. Нем понда сійӧ пуксьӧтны али вийны. 30Меным кывсис, иудейес пӧ лӧсьӧтчӧмась мортсӧ вийны. Сійӧн ме эг понды падмӧтчыны, ысті сійӧ тэ дынӧ. Сы вылӧ баитіссесӧ тшӧкті норасьны тэ одзын. Ов шогтӧг!»
31Тшӧктӧм сьӧрті воиннэс босьтісӧ Павелсӧ да ойнас нуӧтісӧ Антипатридаӧ. 32Мӧд лунас Павелсӧ ыстісӧ верзьӧмаэскӧт. Мӧддэс бертісӧ сайӧвтчанінас. 33Нія локтісӧ Кесарияӧ. Феликсыслӧ сетісӧ гижӧтсӧ. Сы одзӧ сувтӧтісӧ и Павелсӧ. 34Юралісьыс лыддьӧтіс гижӧтсӧ. Сія юаліс Павеллісь чужанінсӧ. Мӧдыс висьталіс: «Ме Киликияись». Юралісьыс шуис: 35«Ме кывза тэнӧ, кӧр локтасӧ тэ вылӧ висьтавліссес». Павелсӧ тшӧктіс йӧртны Иродлӧн керкуӧ да видзӧтны сы сьӧрын.
Павелсӧ судитіссез
നിലവിൽ തിരഞ്ഞെടുത്തിരിക്കുന്നു:
Ап. керӧммез 23: БЮ19
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
