Байбихьи 49
49
Якъубил ахирисеб насихӀат
1Якъубица жиндирго васал аскӀоре ахӀана ва гьадин абуна:
«Дида аскӀорегӀан рачӀа, дица нужее хадуб букӀине бугеб бицинин гьанже.
2Данделъе ва гӀенекке, Якъубил васал!
ГӀенекке ГӀизраилихъ – нужерго инсухъ!
3Рувим – дир тӀоцевесев вас, дир гуч,
бихьинаб балугълъиялъул тӀоцебесеб пихъ.
Къадру-къудраталъул тӀоцебесеб ихтиярги дур.
4Амма лъадал чвахиялдагӀанги напсалда чангит базе кӀоларев,
тӀоцевесевлъун гьанже тӀокӀалъ вукӀинаро мун:
Инсул чӀужуялъул бусаде вахиндал,
дир гьеб бусен дуца хъублъизабидал!
5Шимеонги Левийги – кӀиявгоги вац,
гьезул хъатикь хвалчен – зулмудул ярагъ!
6Дун гьезул ишазул гӀахьалчи гуро,
гьезул къокъаялда гъорлъги дун гьечӀо.
Щайгурелъул ццидакье гӀадамал чӀвана гьез,
ва оцазул щукӀдул къотӀана, гьезие бугеб гӀазабалдаса кепги босулаго.
7НагӀана батаги гьезул ццидае,
ГӀасияб, вахӀшияб бугелъул гьезул ццин!
Якъубил наслабазулъ щущазарила дица гьел,
ГӀизраилил халкъазулъ рикь-рикьизе гьарила.
8Ягьуда#49:8 Ягьуда – гьаб цӀар релълъуна «рецц гьабизе» абураб магӀна бугеб рагӀуда., вацаз дуе рецц-бакъ гьабила!
Дуе наку чӀвала дур инсул васаз;
тушбабазул гъванщида тӀад букӀина дур хъат.
9Ягьуда, дир вас, мун гӀолохъанаб гъалбацӀалда релълъуна,
давлагун чанаса буссунеб!
ГъалбацӀалъ гӀадин, ракьалда вегун гъоркьчӀел гьабула гьас,
эбелаб гъалбацӀалъ гӀадин – гьелда хъатӀизе кӀолев чи щив вукӀунев!
10Ягьудал кодоса пачалъиялъул гӀанса кидаго бортиларо,
пачалъиялъул гӀанса даим гьесухъ букӀина,
гьелъул унго-унгояв бетӀергьанлъун Жив кколев
ва киналгоги халкъал Жиндие мутӀигӀлъулев вачӀине мех щвезегӀан.
11Гьес хӀама цӀолбол гъабуялда бухьина,
гъабуялъул бищун лъикӀаб чӀоралда кӀерт бухьина.
Жиндирго ретӀел гьес чогъролъ чурила,
гӀабаги цӀолбол „бидулъ“ чурила.
12Чагъиралдасаги чӀегӀерал руго гьесул берал,
Рахьдадасаги хъахӀал руго кӀалдир цабиги.
13Зевулун вукӀина ралъдал рагӀалда,
парахатго гуми чӀолеб рагӀаллъиялда.
Сидоналде гӀунтӀила гьесул гӀорхъи.
14Иссахар – къуватаб хӀама,
ручназда гьоркьов вегун вугев.
15РахӀат-хӀалхьиялъе лъикӀаб,
гьайбатаб ракь жиндир букӀин бихьидал,
гьес биччала жиндирго мугъзада чияр гьир баччизе
ва зулмуялда гъоркь лагълъун хӀалтӀизе разилъила.
16Дан вукӀина жиндирго къавмалъул бетӀерлъуда –
ГӀизраилил халкъалъул цояб къавмалда тӀад.
17Виччанте Дан вукӀине нухда борохьлъун,
сухъмахъазда загьруяб борохьлъун,
чол бохалда хӀанчӀулеб
ва рекӀарав гъоркье рехулеб.
18(Огь БетӀергьан! ЦохӀо Дуца хвасар гьарилин буго дир хьул!)
19Гадида тӀаде кӀанцӀизе къеркьолел рукӀина хъачагъал,
амма гьезда хадувги лъугьун, гьес гьел жалго талавур гьарила.
20Ашерил квен-тӀех гьарзаяб,
ханзабазда рекъарал нигӀматал чӀезарила гьес.
21Нафтали – эркенаб жайран,
гьайбатаб наслуялъул эмен.
22Юсуп релълъуна баракатаб цӀолбол гъабуялда, гӀемераб пихъ кьолеб,
иццухъ жиб бижараб ва гъабуялъул чӀораца къедго бацараб.
23КигӀан кутакалда гьесие зарал гьабизе лъугьаниги,
рокьукъго гьесда чӀорал речӀчӀаниги,
24гьесул чӀорбутӀалъул бутӀ кидаго чучиларо,
гьесул кверзул къуватги тӀагӀинаро. Щайгурелъул гьелъие кьучӀ –
Якъубил Къудратав БетӀергьанасул къвакӀараб Квер ва
ГӀизраилие Кьурулъунги Вехьлъунги чӀарасул ЦӀар!
25Гьев – дур инсул Аллагь; Гьес хадубги квербакъаги дуе!
ХӀалкӀолъи ЦӀикӀкӀарас дуе баракат кьеги –
зодил борхалъудасанги,
ралъдал гъварилъудасанги!
Гьес дуе гӀемерал лъимал кьеги, гӀи-боцӀул тӀинчӀ-къед цӀикӀкӀинабеги!
26Дур инсудасан бачӀунеб баракат,
некӀсиял мугӀрузул баракаталдасаги
абадиял гохӀазул баракаталъул гьарзаял иххаздасаги тӀадегӀанаб буго.
Биччанте гьеб чвахизе Юсупил бетӀералде,
Вацазда гьоркьов тӀаса вищарасде.
27Бунямин – хъантӀараб бацӀалда релълъуна,
радалго чанил гьан хъарсунеб,
къаси давла тӀутӀун балеб».
28Гьеле ГӀизраилил анцӀила кӀиябго къавмалъул бутӀрулги гьезда инсуца абурал ахирисел баракаталъул рагӀабиги. Щибаб къавмалъе хасаб баракат кьуна.
Якъуб хвей
29Якъубица васазде гьадинаб васият гьабуна:
«КватӀичӀого дун дирго умумузда хадув ина. Нужеца дун вукъе умумузда аскӀов, хитияв Эфронил хуриб бугеб нохъода. 30Гьеб нохъо буго Ханааналъул ракьалда, Мамреялда аскӀоб, Махпелаялъул хуриб. Нохъогун цадахъ гьеб хур Ибрагьимица хитияв Эфронихъа босун букӀана хабалазе тезе. 31Гьенир цоцада аскӀор рукъун руго Ибрагьимги гьесул лъади Сараги, ИсхӀакъги гьесул лъади Ривкаги. Гьенийго дица Леяги юкъана. 32Доб хурги хуриб бугеб нохъоги хитиязухъа росарал руго».
33Васазе гьединаб васиятги гьабун, Якъуб бусада вегана ва гьесул рухӀ босана – гьев жиндирго умумузда хадув ана.
നിലവിൽ തിരഞ്ഞെടുത്തിരിക്കുന്നു:
Байбихьи 49: АварАК
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023
Байбихьи 49
49
Якъубил ахирисеб насихӀат
1Якъубица жиндирго васал аскӀоре ахӀана ва гьадин абуна:
«Дида аскӀорегӀан рачӀа, дица нужее хадуб букӀине бугеб бицинин гьанже.
2Данделъе ва гӀенекке, Якъубил васал!
ГӀенекке ГӀизраилихъ – нужерго инсухъ!
3Рувим – дир тӀоцевесев вас, дир гуч,
бихьинаб балугълъиялъул тӀоцебесеб пихъ.
Къадру-къудраталъул тӀоцебесеб ихтиярги дур.
4Амма лъадал чвахиялдагӀанги напсалда чангит базе кӀоларев,
тӀоцевесевлъун гьанже тӀокӀалъ вукӀинаро мун:
Инсул чӀужуялъул бусаде вахиндал,
дир гьеб бусен дуца хъублъизабидал!
5Шимеонги Левийги – кӀиявгоги вац,
гьезул хъатикь хвалчен – зулмудул ярагъ!
6Дун гьезул ишазул гӀахьалчи гуро,
гьезул къокъаялда гъорлъги дун гьечӀо.
Щайгурелъул ццидакье гӀадамал чӀвана гьез,
ва оцазул щукӀдул къотӀана, гьезие бугеб гӀазабалдаса кепги босулаго.
7НагӀана батаги гьезул ццидае,
ГӀасияб, вахӀшияб бугелъул гьезул ццин!
Якъубил наслабазулъ щущазарила дица гьел,
ГӀизраилил халкъазулъ рикь-рикьизе гьарила.
8Ягьуда#49:8 Ягьуда – гьаб цӀар релълъуна «рецц гьабизе» абураб магӀна бугеб рагӀуда., вацаз дуе рецц-бакъ гьабила!
Дуе наку чӀвала дур инсул васаз;
тушбабазул гъванщида тӀад букӀина дур хъат.
9Ягьуда, дир вас, мун гӀолохъанаб гъалбацӀалда релълъуна,
давлагун чанаса буссунеб!
ГъалбацӀалъ гӀадин, ракьалда вегун гъоркьчӀел гьабула гьас,
эбелаб гъалбацӀалъ гӀадин – гьелда хъатӀизе кӀолев чи щив вукӀунев!
10Ягьудал кодоса пачалъиялъул гӀанса кидаго бортиларо,
пачалъиялъул гӀанса даим гьесухъ букӀина,
гьелъул унго-унгояв бетӀергьанлъун Жив кколев
ва киналгоги халкъал Жиндие мутӀигӀлъулев вачӀине мех щвезегӀан.
11Гьес хӀама цӀолбол гъабуялда бухьина,
гъабуялъул бищун лъикӀаб чӀоралда кӀерт бухьина.
Жиндирго ретӀел гьес чогъролъ чурила,
гӀабаги цӀолбол „бидулъ“ чурила.
12Чагъиралдасаги чӀегӀерал руго гьесул берал,
Рахьдадасаги хъахӀал руго кӀалдир цабиги.
13Зевулун вукӀина ралъдал рагӀалда,
парахатго гуми чӀолеб рагӀаллъиялда.
Сидоналде гӀунтӀила гьесул гӀорхъи.
14Иссахар – къуватаб хӀама,
ручназда гьоркьов вегун вугев.
15РахӀат-хӀалхьиялъе лъикӀаб,
гьайбатаб ракь жиндир букӀин бихьидал,
гьес биччала жиндирго мугъзада чияр гьир баччизе
ва зулмуялда гъоркь лагълъун хӀалтӀизе разилъила.
16Дан вукӀина жиндирго къавмалъул бетӀерлъуда –
ГӀизраилил халкъалъул цояб къавмалда тӀад.
17Виччанте Дан вукӀине нухда борохьлъун,
сухъмахъазда загьруяб борохьлъун,
чол бохалда хӀанчӀулеб
ва рекӀарав гъоркье рехулеб.
18(Огь БетӀергьан! ЦохӀо Дуца хвасар гьарилин буго дир хьул!)
19Гадида тӀаде кӀанцӀизе къеркьолел рукӀина хъачагъал,
амма гьезда хадувги лъугьун, гьес гьел жалго талавур гьарила.
20Ашерил квен-тӀех гьарзаяб,
ханзабазда рекъарал нигӀматал чӀезарила гьес.
21Нафтали – эркенаб жайран,
гьайбатаб наслуялъул эмен.
22Юсуп релълъуна баракатаб цӀолбол гъабуялда, гӀемераб пихъ кьолеб,
иццухъ жиб бижараб ва гъабуялъул чӀораца къедго бацараб.
23КигӀан кутакалда гьесие зарал гьабизе лъугьаниги,
рокьукъго гьесда чӀорал речӀчӀаниги,
24гьесул чӀорбутӀалъул бутӀ кидаго чучиларо,
гьесул кверзул къуватги тӀагӀинаро. Щайгурелъул гьелъие кьучӀ –
Якъубил Къудратав БетӀергьанасул къвакӀараб Квер ва
ГӀизраилие Кьурулъунги Вехьлъунги чӀарасул ЦӀар!
25Гьев – дур инсул Аллагь; Гьес хадубги квербакъаги дуе!
ХӀалкӀолъи ЦӀикӀкӀарас дуе баракат кьеги –
зодил борхалъудасанги,
ралъдал гъварилъудасанги!
Гьес дуе гӀемерал лъимал кьеги, гӀи-боцӀул тӀинчӀ-къед цӀикӀкӀинабеги!
26Дур инсудасан бачӀунеб баракат,
некӀсиял мугӀрузул баракаталдасаги
абадиял гохӀазул баракаталъул гьарзаял иххаздасаги тӀадегӀанаб буго.
Биччанте гьеб чвахизе Юсупил бетӀералде,
Вацазда гьоркьов тӀаса вищарасде.
27Бунямин – хъантӀараб бацӀалда релълъуна,
радалго чанил гьан хъарсунеб,
къаси давла тӀутӀун балеб».
28Гьеле ГӀизраилил анцӀила кӀиябго къавмалъул бутӀрулги гьезда инсуца абурал ахирисел баракаталъул рагӀабиги. Щибаб къавмалъе хасаб баракат кьуна.
Якъуб хвей
29Якъубица васазде гьадинаб васият гьабуна:
«КватӀичӀого дун дирго умумузда хадув ина. Нужеца дун вукъе умумузда аскӀов, хитияв Эфронил хуриб бугеб нохъода. 30Гьеб нохъо буго Ханааналъул ракьалда, Мамреялда аскӀоб, Махпелаялъул хуриб. Нохъогун цадахъ гьеб хур Ибрагьимица хитияв Эфронихъа босун букӀана хабалазе тезе. 31Гьенир цоцада аскӀор рукъун руго Ибрагьимги гьесул лъади Сараги, ИсхӀакъги гьесул лъади Ривкаги. Гьенийго дица Леяги юкъана. 32Доб хурги хуриб бугеб нохъоги хитиязухъа росарал руго».
33Васазе гьединаб васиятги гьабун, Якъуб бусада вегана ва гьесул рухӀ босана – гьев жиндирго умумузда хадув ана.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023