Байбихьи 41
41
ПиргӀавнасда рихьарал макьаби
1Гьелдаса хадуб ана кӀиго сон ва цо сордоялъ пиргӀавнасда макьу бихьана. Макьилъ гьев Нил гӀоралъул рагӀалда вахъун чӀун вукӀана, ва 2гӀурулъа къватӀибе анкьго берцинаб кьарияб гӀака бачӀана. Гьел гӀачи лъугьана гьениб рагӀалда букӀараб муцӀи кваназе. 3Гьездаго хадуб Нил гӀурулъа къватӀибе бачӀана цӀакъго хӀалакъаб сурукъаб жеги анкьго гӀака ва дозда аскӀор Нил гӀурул рагӀалда чӀана гьел. 4Гьале хӀалакъал сурукъал гӀачияз кӀкӀун рехулел руго дол берцинал кьариял гӀачи. Цинги ПиргӀавн макьидаса вигьана. 5Нахъеги кьижун ккедал, батӀияб макьу бихьана гьесда: цо хӀобода бижун буго, мугь цӀубараб, лъикӀаб анкьго тӀор. 6Гьездаго хадуб ракьалдасан баккана, бухӀараб гьороца бакъвазабураб, гьодораб анкьго тӀорги. 7Гьале гьел ракъварал тӀораз къулчӀун рехана дол мугь цӀубарал тӀорал! Ва ПиргӀавн макьидаса ворчӀана. Гьединаб букӀана гьесда бихьараб макьу.
8Гьеб макьуялъ рахӀат хвезабурав гьес, радал тӀадеги вахъун, Мисриялъул киналго сихӀручагӀиги, макьу къотӀулел чагӀиги, гӀакъилал гӀадамалги ракӀарун, гьезда бицана жиндирго макьу. Амма лъиданиги кӀвечӀо гьеб макьу къотӀизе. 9Гьебмехалда бетӀерав чагъир тӀолев чияс пиргӀавнасда абуна:
«Гьанже дида ракӀалде щвана дирго хатӀа! 10Цо къоялъ пиргӀавнасул ццин бахъана жиндирго лагъзадерида ва дун дова хъаравулзабазул бетӀерасул бакӀалда жанив тӀамеян буюрана. Дида цадахъ жанив тӀамуна бетӀерав чед бежулев чиги. 11Цо сордоялъ ниж кӀияздаго макьаби рихьана, щивасул макьуялъул жиндирго хасаб магӀнаги букӀана. 12Нижее хъулухъалъе тун вукӀана цо жугьутӀав, хъаравулзабазул бетӀерасул лагъ. Нижеца гьесда рицана нижерго макьаби ва гьес бицана щивасул макьил магӀна. 13Гьес нижеда бицухъе ккезеги ккана: дун дирго цебе букӀараб ишалде тӀад вуссинавуна, дов цояв, кваридаги ван, гъанкъана».
14Гьебмехалъ ПиргӀавнас Юсуп вачине чи витӀана. Хехго туснахъалдаса къватӀивеги вачун, мегеж-бетӀерги кӀкӀван, цӀияб ретӀелги ретӀун, пиргӀавнасда цеве чӀезавуна гьев. ПиргӀавнас Юсупида абуна:
15«Дида цо макьу бихьана, амма лъиданиги кӀолеб гьечӀо гьеб къотӀизе. Дида рагӀана, бицараб сагӀаталъго макьу къотӀизе лъалин дудайилан».
16«Дица гуро, Аллагьас къотӀила гьеб макьу пиргӀавнасе лъикӀалъе», – ян абуна Юсупица.
17Цинги пиргӀавнас Юсупида макьу бицана:
«Дида макьилъ бихьана дун Нил гӀоралъул рагӀалда вахъун чӀун. 18Цинги Нил гӀурулъа къватӀибе бачӀана кьарияб, берцинаб анкьго гӀака. Гьел гӀачи лъугьана гьениб рагӀалда букӀараб муцӀи кваназе. 19Гьездаго хадуб Нил гӀурулъа къватӀибе бачӀана, рокьода гьан бакъвараб, хӀалакъаб, къадараб анкьго гӀака. Мисриялда кирниги рихьичӀо дида гьедигӀанго хӀалакъал гӀачи. 20Гьел хӀалакъал, къадарал гӀачияз кванана доб анкьабго кьарияб гӀака. 21Гьел ургьире аниги, гьезул чахьал рукӀахъе хутӀана: рукӀарал гӀадал хӀалакъал, къадарал жал хутӀана гьел гӀачи. Цинги дун макьидаса ворчӀана. 22Гьелдаса хадуб дида цоги макьу бихьана: цо хӀобода бижана, мугь цӀубараб, лъикӀаб анкьго тӀор. 23Гьездаго хадуб тӀаде баккун бачӀана тӀеренаб, гьодораб, бухӀараб гьороца бакъвазабураб анкьго тӀорги. 24Гьел тӀеренал тӀораз тӀубанго къулчӀана доб анкьабго лъикӀаб тӀор! Макьу къотӀулел чагӀазда рицана дица гьел дида рихьарал макьаби, амма гьел макьаби къотӀизе бажаричӀо гьезухъа».
25Цинги Юсупица пиргӀавнасда абуна:
«ПиргӀавнасда кӀиго гуреб, цо макьу бихьун буго: Аллагьас пиргӀавнасе рагьулеб буго Жиндирго хӀукму. 26Анкьго кьарияб лъикӀаб гӀака ккола анкьго сон, анкьго лъикӀаб тӀорги ккола анкьго сон. Гьединлъидал гьеб буго цого макьу. 27Доздаго хадуб цун анкьго хӀалакъаб, къадараб гӀака бачӀиналъул магӀна ккола хадусеб анкьго сон. БухӀараб гьороца бакъвазабураб, гьодораб анкьго тӀоралъул магӀнаги гьединабго буго – гьеб ккола анкьго ракъул сон. 28Гьелъин дица абулеб букӀараб, Аллагьас пиргӀавнасе жиндирго хӀукму рагьулеб бугилан.
29Мисриялъул тӀолабго ракьалда кутакалда гьарзаяб анкьго сон бачӀунеб буго. 30Амма гьездаса хадуб анкьго ракъул сонги бачӀине буго. Цебе букӀараб гьарзалъиялъул лъалкӀцин нахъе хутӀиларо гьел соназ. Ракъул гӀазабалъ улка-ракьго чӀунтизабила. 31ГӀасияб ракъи букӀине буго гьеб, цебесеб гьарзалъиялъул лъалкӀцин нахъе хутӀулареб. 32КӀиго нухалъ макьу бихьиялъул магӀна ккола ракӀчӀун Аллагьас хӀукму къотӀун букӀин ва гьеб Гьес кватӀичӀого тӀубазабизе букӀин.
33Биччанте гьанже пиргӀавнас тӀаса вищизе иш лъалев ва гӀакъилав чи ва гьесда тӀад къазе Мисриялъе бетӀерлъи гьабизе. 34Биччанте пиргӀавнас тӀолабго улкаялда хъулухъчагӀи тӀамизе, тӀаде щолеб бугеб анкьабго соналъ хуриса бачӀараб тӀорщалил щуйил бутӀа халкъалъухъа бакӀаризе. 35Биччанте гьез бакӀаризе гьел лъикӀал соназ щвараб тӀолабго бачӀин ва, пиргӀавнасул амруялдалъун, шагьаразда хӀалухъен бакӀарулел бакӀал нахърателалъул цӀезаризе. 36Гьедин гьабуни, Мисриялда букӀина доб бачӀунеб анкьабго ракъул соналъе гӀураб нахърател ва бакъуца хвеларо Мисриялъул халкъ!»
37ПиргӀавнасеги гьесул хъулухъчагӀазеги рекӀее гӀуна Юсупил гьел рагӀаби.
38«Гьадинав чи нилъее тӀокӀав щвеларо! – ян абуна пиргӀавнас жиндирго чукъа-рахьаналда. – Аллагьасул РухӀ буго гьасда тӀад!»
39Цинги гьес Юсупида абуна:
«Аллагьас дуе гьеб кинабго рагьун бугелъул, дудаса гӀакъилавги бичӀчӀи бугевги чи тӀокӀав ватуларо. 40Гьанжеялдаса хадуб дуца кверщел гьабизе буго дир ракьалда тӀад ва дир халкъги духъ гӀенеккизе буго. ГӀицӀго пачаясулаб даражаялъ дудаса тӀадегӀанавлъун вукӀина дун».
ТӀолабго Мисриялъул кверщелчилъун Юсуп ккей
41«ГӀенекке, – ян абуна пиргӀавнас Юсупида, – тӀолабго Мисриялъул кверщелчилъун гьавулев вуго дица мун!»
42Бахъун, гьес Юсупил килщида ххуна жиндирго мугьру тӀад бикӀараб баргъич. Гьес Юсупида тӀад ретӀана лъолъол куналъ бессараб хирияб ххамил ретӀел ва меседил рахасги бана гьесул гарбида. 43Пачалихъалда кӀиабилеб даражаялъул чиясул чолгьокоги чуялги кьуна пиргӀавнас Юсупие. Гьелда рекӀун Юсуп унеб мехалъ, пиргӀавнасул чагӀаз ахӀулаан: «Накабазда чӀа!» – ян. Гьедин пиргӀавнас Юсуп тӀолабго Мисриялъул кверщелчилъун гьавуна.
44ПиргӀавнас Юсупида абуна:
«Гьале дир амру – пиргӀавнасул амру. Гьанжеялдаса хадуб, дур изну гьечӀого, Мисриялъул тӀолабго ракьалда лъицаниги, я хӀетӀе, я квер багъаризе гьечӀо».
45ПиргӀавнас Юсупида цӀияб цӀар лъуна Цафнат-Панеах абун. Он абураб шагьаралъул кашиш Поти-Ферил яс Асенатги ячана гьесие. Гьедин, Мисриялъул тӀолабго ракьалда тӀибитӀана Юсупил ихтиярчилъи.
46Мисриялъул пачаясе, ай пиргӀавнасе хъулухъ гьабизе байбихьараб заманалда Юсупица бан букӀана лъеберго сон. Ва Мисриялъул тӀолабго ракьалъухъ балагьизе сапар бухьана гьес.
47Гьарзаяб анкьго соналъ кутакалда гӀемераб тӀорщел бакӀарана Мисриялъул ракьаздаса. 48Гьел соназда Мисриялда бакӀарараб тӀорщел Юсупица шагьаразда гьоркьоб бикьана: щибаб шагьаралда пиргӀавнасе нахърател гьабуна гьеб шагьаралда сверухъ ругел ракьаздаса бакӀарараб тӀорщалил. 49Ралъдал салигӀан гӀемераб хӀалухъен бакӀарана Юсупица: гьелъул хӀисаб гьабицин тана, гӀемерлъиялъ, гьеб гьабизе кӀолеб хӀал букӀинчӀо.
50Гьеб заманалда, жеги ракъи баккилалде, Он шагьаралъул кашиш Поти-Ферил яс Асенатица Юсупие кӀиго вас гьавуна. 51«Аллагьас дида кӀоченабуна дир къварилъиги эбел-инсул рукъалъухъ урхъиялъул рухӀиги», – янги абун, тӀоцеве гьавурасда Юсупица Манасс#41:51 Манасс – «КӀочон тезабизе». абун цӀар лъуна. 52«Дие гӀазаб-гӀакъуба букӀараб ракьалда хур цӀун бачӀинабуна дие Аллагьас», – инги абун, кӀиабилесда цӀар Юсупица Ефраим#41:52 Ефраим – «БачӀин цӀикӀкӀинабулев». лъуна.
53Мисриялъул ракьалда гьарзаяб бачӀиналъул анкьго сон ахиралде щвана. 54Ва, Юсупица цебеккунго бицун букӀаралда рекъон, анкьго ракъул сон тӀаде гӀунтӀана. Гьеб ракъи тӀибитӀана киналго улкабазда, амма Мисриялда киса-кибго тӀорщалил нахърател гьабун букӀана. 55Мисриялъул халкъалда гьоркьоб ракъи багъаридал, тӀорщел гьарун пиргӀавнасухъе рачӀине лъугьана гӀадамал. Цинги гьес абуна:
«Нуж Юсупихъе а ва гьес абураб гьабе», – ян.
56ТӀолабго улкаялда тӀибитӀана ракъи. Юсупица нахърателалъул рукъзал рагьана ва мисриязе тӀорщел бичизе байбихьана (гӀасияб ракъи букӀана Мисриялда). 57Киналго ракьаздаса гӀадамал Мисриялде Юсупихъе рачӀунел рукӀана тӀорщел босизе, щайгурелъул тӀолабго дунялалда тӀибитӀана кутакаб ракъи.
നിലവിൽ തിരഞ്ഞെടുത്തിരിക്കുന്നു:
Байбихьи 41: АварАК
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023
Байбихьи 41
41
ПиргӀавнасда рихьарал макьаби
1Гьелдаса хадуб ана кӀиго сон ва цо сордоялъ пиргӀавнасда макьу бихьана. Макьилъ гьев Нил гӀоралъул рагӀалда вахъун чӀун вукӀана, ва 2гӀурулъа къватӀибе анкьго берцинаб кьарияб гӀака бачӀана. Гьел гӀачи лъугьана гьениб рагӀалда букӀараб муцӀи кваназе. 3Гьездаго хадуб Нил гӀурулъа къватӀибе бачӀана цӀакъго хӀалакъаб сурукъаб жеги анкьго гӀака ва дозда аскӀор Нил гӀурул рагӀалда чӀана гьел. 4Гьале хӀалакъал сурукъал гӀачияз кӀкӀун рехулел руго дол берцинал кьариял гӀачи. Цинги ПиргӀавн макьидаса вигьана. 5Нахъеги кьижун ккедал, батӀияб макьу бихьана гьесда: цо хӀобода бижун буго, мугь цӀубараб, лъикӀаб анкьго тӀор. 6Гьездаго хадуб ракьалдасан баккана, бухӀараб гьороца бакъвазабураб, гьодораб анкьго тӀорги. 7Гьале гьел ракъварал тӀораз къулчӀун рехана дол мугь цӀубарал тӀорал! Ва ПиргӀавн макьидаса ворчӀана. Гьединаб букӀана гьесда бихьараб макьу.
8Гьеб макьуялъ рахӀат хвезабурав гьес, радал тӀадеги вахъун, Мисриялъул киналго сихӀручагӀиги, макьу къотӀулел чагӀиги, гӀакъилал гӀадамалги ракӀарун, гьезда бицана жиндирго макьу. Амма лъиданиги кӀвечӀо гьеб макьу къотӀизе. 9Гьебмехалда бетӀерав чагъир тӀолев чияс пиргӀавнасда абуна:
«Гьанже дида ракӀалде щвана дирго хатӀа! 10Цо къоялъ пиргӀавнасул ццин бахъана жиндирго лагъзадерида ва дун дова хъаравулзабазул бетӀерасул бакӀалда жанив тӀамеян буюрана. Дида цадахъ жанив тӀамуна бетӀерав чед бежулев чиги. 11Цо сордоялъ ниж кӀияздаго макьаби рихьана, щивасул макьуялъул жиндирго хасаб магӀнаги букӀана. 12Нижее хъулухъалъе тун вукӀана цо жугьутӀав, хъаравулзабазул бетӀерасул лагъ. Нижеца гьесда рицана нижерго макьаби ва гьес бицана щивасул макьил магӀна. 13Гьес нижеда бицухъе ккезеги ккана: дун дирго цебе букӀараб ишалде тӀад вуссинавуна, дов цояв, кваридаги ван, гъанкъана».
14Гьебмехалъ ПиргӀавнас Юсуп вачине чи витӀана. Хехго туснахъалдаса къватӀивеги вачун, мегеж-бетӀерги кӀкӀван, цӀияб ретӀелги ретӀун, пиргӀавнасда цеве чӀезавуна гьев. ПиргӀавнас Юсупида абуна:
15«Дида цо макьу бихьана, амма лъиданиги кӀолеб гьечӀо гьеб къотӀизе. Дида рагӀана, бицараб сагӀаталъго макьу къотӀизе лъалин дудайилан».
16«Дица гуро, Аллагьас къотӀила гьеб макьу пиргӀавнасе лъикӀалъе», – ян абуна Юсупица.
17Цинги пиргӀавнас Юсупида макьу бицана:
«Дида макьилъ бихьана дун Нил гӀоралъул рагӀалда вахъун чӀун. 18Цинги Нил гӀурулъа къватӀибе бачӀана кьарияб, берцинаб анкьго гӀака. Гьел гӀачи лъугьана гьениб рагӀалда букӀараб муцӀи кваназе. 19Гьездаго хадуб Нил гӀурулъа къватӀибе бачӀана, рокьода гьан бакъвараб, хӀалакъаб, къадараб анкьго гӀака. Мисриялда кирниги рихьичӀо дида гьедигӀанго хӀалакъал гӀачи. 20Гьел хӀалакъал, къадарал гӀачияз кванана доб анкьабго кьарияб гӀака. 21Гьел ургьире аниги, гьезул чахьал рукӀахъе хутӀана: рукӀарал гӀадал хӀалакъал, къадарал жал хутӀана гьел гӀачи. Цинги дун макьидаса ворчӀана. 22Гьелдаса хадуб дида цоги макьу бихьана: цо хӀобода бижана, мугь цӀубараб, лъикӀаб анкьго тӀор. 23Гьездаго хадуб тӀаде баккун бачӀана тӀеренаб, гьодораб, бухӀараб гьороца бакъвазабураб анкьго тӀорги. 24Гьел тӀеренал тӀораз тӀубанго къулчӀана доб анкьабго лъикӀаб тӀор! Макьу къотӀулел чагӀазда рицана дица гьел дида рихьарал макьаби, амма гьел макьаби къотӀизе бажаричӀо гьезухъа».
25Цинги Юсупица пиргӀавнасда абуна:
«ПиргӀавнасда кӀиго гуреб, цо макьу бихьун буго: Аллагьас пиргӀавнасе рагьулеб буго Жиндирго хӀукму. 26Анкьго кьарияб лъикӀаб гӀака ккола анкьго сон, анкьго лъикӀаб тӀорги ккола анкьго сон. Гьединлъидал гьеб буго цого макьу. 27Доздаго хадуб цун анкьго хӀалакъаб, къадараб гӀака бачӀиналъул магӀна ккола хадусеб анкьго сон. БухӀараб гьороца бакъвазабураб, гьодораб анкьго тӀоралъул магӀнаги гьединабго буго – гьеб ккола анкьго ракъул сон. 28Гьелъин дица абулеб букӀараб, Аллагьас пиргӀавнасе жиндирго хӀукму рагьулеб бугилан.
29Мисриялъул тӀолабго ракьалда кутакалда гьарзаяб анкьго сон бачӀунеб буго. 30Амма гьездаса хадуб анкьго ракъул сонги бачӀине буго. Цебе букӀараб гьарзалъиялъул лъалкӀцин нахъе хутӀиларо гьел соназ. Ракъул гӀазабалъ улка-ракьго чӀунтизабила. 31ГӀасияб ракъи букӀине буго гьеб, цебесеб гьарзалъиялъул лъалкӀцин нахъе хутӀулареб. 32КӀиго нухалъ макьу бихьиялъул магӀна ккола ракӀчӀун Аллагьас хӀукму къотӀун букӀин ва гьеб Гьес кватӀичӀого тӀубазабизе букӀин.
33Биччанте гьанже пиргӀавнас тӀаса вищизе иш лъалев ва гӀакъилав чи ва гьесда тӀад къазе Мисриялъе бетӀерлъи гьабизе. 34Биччанте пиргӀавнас тӀолабго улкаялда хъулухъчагӀи тӀамизе, тӀаде щолеб бугеб анкьабго соналъ хуриса бачӀараб тӀорщалил щуйил бутӀа халкъалъухъа бакӀаризе. 35Биччанте гьез бакӀаризе гьел лъикӀал соназ щвараб тӀолабго бачӀин ва, пиргӀавнасул амруялдалъун, шагьаразда хӀалухъен бакӀарулел бакӀал нахърателалъул цӀезаризе. 36Гьедин гьабуни, Мисриялда букӀина доб бачӀунеб анкьабго ракъул соналъе гӀураб нахърател ва бакъуца хвеларо Мисриялъул халкъ!»
37ПиргӀавнасеги гьесул хъулухъчагӀазеги рекӀее гӀуна Юсупил гьел рагӀаби.
38«Гьадинав чи нилъее тӀокӀав щвеларо! – ян абуна пиргӀавнас жиндирго чукъа-рахьаналда. – Аллагьасул РухӀ буго гьасда тӀад!»
39Цинги гьес Юсупида абуна:
«Аллагьас дуе гьеб кинабго рагьун бугелъул, дудаса гӀакъилавги бичӀчӀи бугевги чи тӀокӀав ватуларо. 40Гьанжеялдаса хадуб дуца кверщел гьабизе буго дир ракьалда тӀад ва дир халкъги духъ гӀенеккизе буго. ГӀицӀго пачаясулаб даражаялъ дудаса тӀадегӀанавлъун вукӀина дун».
ТӀолабго Мисриялъул кверщелчилъун Юсуп ккей
41«ГӀенекке, – ян абуна пиргӀавнас Юсупида, – тӀолабго Мисриялъул кверщелчилъун гьавулев вуго дица мун!»
42Бахъун, гьес Юсупил килщида ххуна жиндирго мугьру тӀад бикӀараб баргъич. Гьес Юсупида тӀад ретӀана лъолъол куналъ бессараб хирияб ххамил ретӀел ва меседил рахасги бана гьесул гарбида. 43Пачалихъалда кӀиабилеб даражаялъул чиясул чолгьокоги чуялги кьуна пиргӀавнас Юсупие. Гьелда рекӀун Юсуп унеб мехалъ, пиргӀавнасул чагӀаз ахӀулаан: «Накабазда чӀа!» – ян. Гьедин пиргӀавнас Юсуп тӀолабго Мисриялъул кверщелчилъун гьавуна.
44ПиргӀавнас Юсупида абуна:
«Гьале дир амру – пиргӀавнасул амру. Гьанжеялдаса хадуб, дур изну гьечӀого, Мисриялъул тӀолабго ракьалда лъицаниги, я хӀетӀе, я квер багъаризе гьечӀо».
45ПиргӀавнас Юсупида цӀияб цӀар лъуна Цафнат-Панеах абун. Он абураб шагьаралъул кашиш Поти-Ферил яс Асенатги ячана гьесие. Гьедин, Мисриялъул тӀолабго ракьалда тӀибитӀана Юсупил ихтиярчилъи.
46Мисриялъул пачаясе, ай пиргӀавнасе хъулухъ гьабизе байбихьараб заманалда Юсупица бан букӀана лъеберго сон. Ва Мисриялъул тӀолабго ракьалъухъ балагьизе сапар бухьана гьес.
47Гьарзаяб анкьго соналъ кутакалда гӀемераб тӀорщел бакӀарана Мисриялъул ракьаздаса. 48Гьел соназда Мисриялда бакӀарараб тӀорщел Юсупица шагьаразда гьоркьоб бикьана: щибаб шагьаралда пиргӀавнасе нахърател гьабуна гьеб шагьаралда сверухъ ругел ракьаздаса бакӀарараб тӀорщалил. 49Ралъдал салигӀан гӀемераб хӀалухъен бакӀарана Юсупица: гьелъул хӀисаб гьабицин тана, гӀемерлъиялъ, гьеб гьабизе кӀолеб хӀал букӀинчӀо.
50Гьеб заманалда, жеги ракъи баккилалде, Он шагьаралъул кашиш Поти-Ферил яс Асенатица Юсупие кӀиго вас гьавуна. 51«Аллагьас дида кӀоченабуна дир къварилъиги эбел-инсул рукъалъухъ урхъиялъул рухӀиги», – янги абун, тӀоцеве гьавурасда Юсупица Манасс#41:51 Манасс – «КӀочон тезабизе». абун цӀар лъуна. 52«Дие гӀазаб-гӀакъуба букӀараб ракьалда хур цӀун бачӀинабуна дие Аллагьас», – инги абун, кӀиабилесда цӀар Юсупица Ефраим#41:52 Ефраим – «БачӀин цӀикӀкӀинабулев». лъуна.
53Мисриялъул ракьалда гьарзаяб бачӀиналъул анкьго сон ахиралде щвана. 54Ва, Юсупица цебеккунго бицун букӀаралда рекъон, анкьго ракъул сон тӀаде гӀунтӀана. Гьеб ракъи тӀибитӀана киналго улкабазда, амма Мисриялда киса-кибго тӀорщалил нахърател гьабун букӀана. 55Мисриялъул халкъалда гьоркьоб ракъи багъаридал, тӀорщел гьарун пиргӀавнасухъе рачӀине лъугьана гӀадамал. Цинги гьес абуна:
«Нуж Юсупихъе а ва гьес абураб гьабе», – ян.
56ТӀолабго улкаялда тӀибитӀана ракъи. Юсупица нахърателалъул рукъзал рагьана ва мисриязе тӀорщел бичизе байбихьана (гӀасияб ракъи букӀана Мисриялда). 57Киналго ракьаздаса гӀадамал Мисриялде Юсупихъе рачӀунел рукӀана тӀорщел босизе, щайгурелъул тӀолабго дунялалда тӀибитӀана кутакаб ракъи.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023