Байбихьи 39
39
Юсупги Потифарил лъадиги
1Юсуп исмагӀилилаз Мисриялде вачана ва гьенив Потифар абун цӀар бугев цо мисриясе вичана. Потифар вукӀана пиргӀавнасул хӀаким ва гьев цӀунарал рагъухъабазул бетӀер. 2БЕТӀЕРГЬАН Аллагьас Юсупие кумек гьабулеб букӀана, ва жиндирго хважаинасул рокъоб сундулъгоги битӀ кколеб букӀана гьесие. 3Гьев чиясда бихьана Юсупгун БЕТӀЕРГЬАН вукӀин ва Юсупица щиб гьабулеб бугониги, БЕТӀЕРГЬАНАС гьесие квербакъулеб букӀин. 4Мисрияс, гьесдаса разилъун, жиндирго кумекчилъун тӀамуна Юсуп; кватӀичӀого жиндирго бугебщинабги Юсупил тӀалабчилъиялда гъоркье кьуна гьес. 5Гьелдаса хадуб, Юсупие гӀоло БЕТӀЕРГЬАНАС баракат рещтӀинабуна гьев мисриясул кинабго буголъиялде – рукъ-къаялдеги ах-хуралдеги. 6Жиндирго бугебщинаб жо Юсупил кверщаликье кьуна гьесул хважаинас; квана-гьекъей гурони, тӀокӀаб жоялъул ургъел гьечӀого, рахӀаталда вукӀана гьанже мисрияв.
Юсуп вукӀана гьумерги берцинав лага-черхги чӀурканав чи. 7Хважаинасул лъадуца берал речӀчӀаризарулел рукӀана гьесде. Цо къоялъ гьелъ гьесда абуна жинда аскӀов вегайилан. 8Амма, инкар гьабун, Юсупица абуна:
«Хважаинас дир ихтияралде кьуна жиндирго бугебщинаб, гьединлъидал гьес сундулго ургъел гьабизе кколаро. 9Гьаб къавулъ гьесда бащадго амру-буюрухъ кьезе изнуги буго дие. Дие гьукъараб жоги щибго гьечӀо гьаниб, цохӀо мун хутӀизегӀан: мун гьесул лъади йигелъул. Цинги гьединаб хӀалихьалъи кинха дица гьабилеб? Аллагьасда цебе гьединаб мунагь кин биччалеб?»
10Къойидаса къойиде гьев мукӀур гьавизе тӀаделъана гьей, амма Юсуп гьелда аскӀов вегизе разилъичӀо. 11Цо нухалда жиндирго хъулухъ тӀубазабизе Юсуп хважаинасул рокъове лъугьиндал, рукъалъул агьлуялъул цониги чи вукӀинчӀо гьенив. 12Гьебмехалда гьей гӀаданалъ къан ккуна гьасул ретӀел, жинда аскӀов вегайиланги абун. Амма гьелъул хъатикь жиндирго ретӀелги тун, Юсупица хехго нуцӀихъе нух босана ва минаялдаса къватӀиве лъутана.
13Юсуп лъутун аравлъи бихьидал ва гьесул ретӀелги жинда кодоб хутӀидал, 14рагьтӀателазде ахӀи бан, гьелъ гьезда абуна:
«Бихьулищ гьагъав жугьутӀав вачун вачӀана гьаниве, нилъ инжит-хӀакъир гьаризе! ВачӀун тӀадегун, дун басра гьайизе бокьун лъугьана гъов, амма дица ахӀи бахъинабуна. 15Дун ахӀдезе лъугьиндал, жиндирго ретӀелцин гьанибго тун, къватӀиве кӀанцӀана ва лъутун ана!»
16Рос вачӀинегӀан жиндихъго тана гьелъ Юсупил ретӀел. 17Цинги росасдаги гьебго хабар бицана:
«Дихъе вачӀун, дун басра гьайизе лъугьун вукӀана гьагъав дуца вачун вачӀарав жугьутӀав лагъ! 18Дун ахӀдезе, чӀчӀичӀчӀидизе лъугьараб мехалда, ретӀелги гьанибго тун, тӀурун ана къватӀиве!»
19Дур лагъас жий инжит гьайизехъин йикӀанилан лъадуца хабар бициндал, Юсупил хважаинасул ццин гьалаглъана. 20Ккун вачун, Юсуп пачаясул туснахъалде рехейилан буюрана гьес.
Гьедин туснахъалъуве ккана Юсуп. 21Амма БЕТӀЕРГЬАНАС рехун течӀо гьев ва гьесда рахӀму-цӀоб лъуна: туснахъалъул бетӀерасе рекӀее гӀуна Юсуп. 22Жанир тӀамун ругел киналго туснахъал гьес Юсупил ихтияралде кьуна. Гьанже туснахъалъул бетӀерасул бакӀалда Юсупица гьабулеб букӀана кинабго, 23гьевин абуни, сундулго ургъел гьечӀого, парахат вукӀана. Юсупгун БЕТӀЕРГЬАН вукӀиндалха, гьабулебщиналъулъ Гьес Юсупие квербакъулебги букӀиндал!
നിലവിൽ തിരഞ്ഞെടുത്തിരിക്കുന്നു:
Байбихьи 39: АварАК
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023
Байбихьи 39
39
Юсупги Потифарил лъадиги
1Юсуп исмагӀилилаз Мисриялде вачана ва гьенив Потифар абун цӀар бугев цо мисриясе вичана. Потифар вукӀана пиргӀавнасул хӀаким ва гьев цӀунарал рагъухъабазул бетӀер. 2БЕТӀЕРГЬАН Аллагьас Юсупие кумек гьабулеб букӀана, ва жиндирго хважаинасул рокъоб сундулъгоги битӀ кколеб букӀана гьесие. 3Гьев чиясда бихьана Юсупгун БЕТӀЕРГЬАН вукӀин ва Юсупица щиб гьабулеб бугониги, БЕТӀЕРГЬАНАС гьесие квербакъулеб букӀин. 4Мисрияс, гьесдаса разилъун, жиндирго кумекчилъун тӀамуна Юсуп; кватӀичӀого жиндирго бугебщинабги Юсупил тӀалабчилъиялда гъоркье кьуна гьес. 5Гьелдаса хадуб, Юсупие гӀоло БЕТӀЕРГЬАНАС баракат рещтӀинабуна гьев мисриясул кинабго буголъиялде – рукъ-къаялдеги ах-хуралдеги. 6Жиндирго бугебщинаб жо Юсупил кверщаликье кьуна гьесул хважаинас; квана-гьекъей гурони, тӀокӀаб жоялъул ургъел гьечӀого, рахӀаталда вукӀана гьанже мисрияв.
Юсуп вукӀана гьумерги берцинав лага-черхги чӀурканав чи. 7Хважаинасул лъадуца берал речӀчӀаризарулел рукӀана гьесде. Цо къоялъ гьелъ гьесда абуна жинда аскӀов вегайилан. 8Амма, инкар гьабун, Юсупица абуна:
«Хважаинас дир ихтияралде кьуна жиндирго бугебщинаб, гьединлъидал гьес сундулго ургъел гьабизе кколаро. 9Гьаб къавулъ гьесда бащадго амру-буюрухъ кьезе изнуги буго дие. Дие гьукъараб жоги щибго гьечӀо гьаниб, цохӀо мун хутӀизегӀан: мун гьесул лъади йигелъул. Цинги гьединаб хӀалихьалъи кинха дица гьабилеб? Аллагьасда цебе гьединаб мунагь кин биччалеб?»
10Къойидаса къойиде гьев мукӀур гьавизе тӀаделъана гьей, амма Юсуп гьелда аскӀов вегизе разилъичӀо. 11Цо нухалда жиндирго хъулухъ тӀубазабизе Юсуп хважаинасул рокъове лъугьиндал, рукъалъул агьлуялъул цониги чи вукӀинчӀо гьенив. 12Гьебмехалда гьей гӀаданалъ къан ккуна гьасул ретӀел, жинда аскӀов вегайиланги абун. Амма гьелъул хъатикь жиндирго ретӀелги тун, Юсупица хехго нуцӀихъе нух босана ва минаялдаса къватӀиве лъутана.
13Юсуп лъутун аравлъи бихьидал ва гьесул ретӀелги жинда кодоб хутӀидал, 14рагьтӀателазде ахӀи бан, гьелъ гьезда абуна:
«Бихьулищ гьагъав жугьутӀав вачун вачӀана гьаниве, нилъ инжит-хӀакъир гьаризе! ВачӀун тӀадегун, дун басра гьайизе бокьун лъугьана гъов, амма дица ахӀи бахъинабуна. 15Дун ахӀдезе лъугьиндал, жиндирго ретӀелцин гьанибго тун, къватӀиве кӀанцӀана ва лъутун ана!»
16Рос вачӀинегӀан жиндихъго тана гьелъ Юсупил ретӀел. 17Цинги росасдаги гьебго хабар бицана:
«Дихъе вачӀун, дун басра гьайизе лъугьун вукӀана гьагъав дуца вачун вачӀарав жугьутӀав лагъ! 18Дун ахӀдезе, чӀчӀичӀчӀидизе лъугьараб мехалда, ретӀелги гьанибго тун, тӀурун ана къватӀиве!»
19Дур лагъас жий инжит гьайизехъин йикӀанилан лъадуца хабар бициндал, Юсупил хважаинасул ццин гьалаглъана. 20Ккун вачун, Юсуп пачаясул туснахъалде рехейилан буюрана гьес.
Гьедин туснахъалъуве ккана Юсуп. 21Амма БЕТӀЕРГЬАНАС рехун течӀо гьев ва гьесда рахӀму-цӀоб лъуна: туснахъалъул бетӀерасе рекӀее гӀуна Юсуп. 22Жанир тӀамун ругел киналго туснахъал гьес Юсупил ихтияралде кьуна. Гьанже туснахъалъул бетӀерасул бакӀалда Юсупица гьабулеб букӀана кинабго, 23гьевин абуни, сундулго ургъел гьечӀого, парахат вукӀана. Юсупгун БЕТӀЕРГЬАН вукӀиндалха, гьабулебщиналъулъ Гьес Юсупие квербакъулебги букӀиндал!
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023