1Akabambu Akolongu 21
21
Lituhi li mizabibu laka Naboti
1Naboti, mwenei juku musi wa Yezeleli, jwabiya ni lituhi laki li mizabibu ku Yezeleli, pambipi na nyumba jaka bambu nkolongu Ahabu, bambu nkolongu juku Samalia. 2Ndienu, lisoba limu, Ahabu ampwagila Naboti, “Gumbekia lituhi laku li mizabibu ili nilihenga kuba lituhi lukulema likolu, ndaba libii pambipi na nyumba jangu. Nagupekia lituhi lengi la amboni ngani, au ana ngasegupai isinugulepa hela ngati egupala kulengana nu ukolongu waki.”
3Lakini, Naboti anzibua Ahabu, “Bambu Sapanga jumokia kutali lijambu laki lukugupeke wehapa ulisi gonugupata kwa akatati bangu.”
4Ndipala Ahabu jaboka nukujenda kunyumba jaki koni gummbina moju ni inyela ngamaa, kwa ndaba ja majambu gajapwaga Naboti, mwenei juku Yezeleli, ampwagila kubanga, “Nganagupeke kumpee ulisi gonapata kwa atati bangu.” Ndienu, jagonila pikitanda, koni jung'ong'oteka nu kukana kula posu.
5Lakini Yezebeli, nhwanu waka Ahabu, anzendila nu kunndaluki, “Mbona gusukii ngamaa nu gukana kula poso?”
6Najombi Ahabu ampwagila, “Kwa ndaba nakalongi na Naboti, mwenei juku Yezeleli, numpwagila junombasia lituhi laki li mizabibu, au ana jupai numpekia lituhi lengi badala ja heli. Lakini jombi jambwagila, ‘Nganugupeke lituhi langu li mizabibu.’”
7Ndipala, Yezebeli, nhwanu waki ampwagila, “Boo jojulongosa ku nndema uku Izilaeli ndi nyane? Boo nga lee wenga? Jumuka gukula gutulia nu kutogule, nepani kajika jangu isinugupekia lituhi li mizabibu laka Naboti, mwenei juku Yezeleli.”
8Ndienu, Yezebeli jaandika balua isokopi kwi lihina laka bambu nkolongu Ahabu nu kuipotale mihuli jiki bambu nkolongu. Nu kujiipelaka balua heyi kwa aseja na bandu baamanyakini bababia atama na Naboti ku Yezeleli hoku. 9Balua yee jaandiki ana, “Mwaalagalakia bandu apanga lisoba lukupunga kula posu, nketangana na muntamika Naboti pandu pi isima pikilanda ja bandu. 10Ndienu mwaataputa bandu abaja abeli bakatama sukulingalani na jombi nu kuntaki sukupwaga, ‘Wehapa gunndapi mbamba Sapanga na bambu nkolongu.’ Ndienu mwampiya kunza, mukunkoma su kundapu malibu!”
11Ndienu, bababiya atama na Naboti, aseja na bandu baamanyakini ba musi uku Yezeleli, bahenga ngati ejalagalakia Yezebeli mu balua jaki. 12Ndienu batangasa lisoba lu kupunga kula posu, nu kumbeka Naboti pandu papabi ni isima pikilanda ja bandu. 13Ndienu, bandu abeli abaja babaandii bala batama ili kuntaki Naboti palongi ja bandu, bapwaaga, “Naboti andapi mbamba Bambu Sapanga na bambu nkolongu, ndienu Naboti ampia kunza nukunndapu malibu.” 14Ndienu, jaatuma bandu kumpwagi Yezebeli kubanga Naboti ankomiki su kundapu malibu.
15Yezebeli ebumpwagila kubanga Naboti atei kunkoma su kunndapu malibu, ampwagila Ahabu, “Gujumuka! Gujenda ku lituhi li mizabibu laka Naboti, jojabi mundu juku Yezeleli, lejabiya jukaniki kukulombasela. Naboti ngasejubii mwomi kabete anndapu malibu mbaka kuwa.” 16Apalapa Ahabu ejajowana pe kubanga Naboti jutei kuwa, jajumuka nu kujenda ku lihenga lituhi laka Naboti libiya laki.
17Ndienu, lilobi laka Bambu Sapanga luhikila nndota Eliya jojabia jutama ku Tishibe kubanga, 18“Guboka gujenda ukaketangana na Ahabu bambu nkolongu juku Izilaeli, jojuwe jujulongosa koni jubii ku Samalia. Wanketania mu lituhi li mizabibu laka Naboti, julijukwi nu kulihenga libia laki. 19Wampwagila, Bambu Sapanga jupwaga ana, ‘Gunkomiki nu kujuku litui nu kulihenga libiya lako?’ Kabee Bambu Sapanga jupwaga ana, ‘Pandu pala payalamba jimbwa mwai waka Naboti, ndi pailamba jimbwa mwai waku.’ ”
20Ahabu paambona Eliya, japwaaga, “Wehapa gumbaja wangu, henu gungamwile?”
Eliya anzibua, “Enaa! Nugukamwi, kwa ndaba wehepa gupala ngani kuhenga mabaja palongi jaka Bambu Sapanga. 21Bambu Sapanga jupwaga ana, ‘Kyekye kololoo! Kupalika nugukoma tipitipi. Naakoma bandu bi kibeleku saku soti kila mwanalomi nu mmbomba mu kibeleku saku mu nndema uku Izilaeli jukubi ntumwa au jwanga ntumwa. 22Alongu baku naahenga ngati alongu baka Yelobuamu mwana waka Nabati, na ngati Baasha mwana waka Ahiya, kwa ndaba gujihengiki inyela jangu jikwela ngani na kwaahenga bandu buku Izilaeli ahenga mahakau.’ 23Kabee Bambu Sapanga jupwaga ana kwa ndaba jaka Yezebeli, ‘Jimbwa yagukula ntuhi waka Yezebeli pambipi nu lumatu lwa musi guku Yezeleli. 24Enaa, mundu jokapi jwikibeleku saka Ahabu jojiwelila ku musi, jimbwa yiitenda kunkula, na jokapi jojiwelila ku migonda, ijuni yukunani yiitenda kunkula.’ ”
25Nga mundu jokapi jojupala kuhenga mabaja palongi jaka Bambu Sapanga ngati Ahabu, nhwanu waki Yezebeli ndi joankolua kuhenga hela. 26Jahenga majambu gukusukisa su kuilumbali imong'umong'u yi isapanga ngati ebabiya ahenga bandu buku Amoli babube pa mwandi Bambu Sapanga jaabenga palongi ja bandu buku Izilaeli.
27Lakini, Ahabu ejajowana malobi haga, jwajendulana ingobu yaki, jwawata maguni kanzika, jwapunga kula posu, jwabiya jugone na maguni nu kujenda jenda ako na ako koni su usungu.
28Ndienu, lilobi lende laka Bambu Sapanga lunhikila Eliya mundu juku musi uku Tishibe kubanga, 29“Gubweni namuna Ahabu hejulihulwi palongi jangu? Ndienu kwa ndaba jutei kulihele nganaakomi alongu baki koni jubii mwomi, lakini mu kipindi su ulongosi waka mwana mundu ndi naakoma bandu bi kibeleku saki Ahabu.”
നിലവിൽ തിരഞ്ഞെടുത്തിരിക്കുന്നു:
1Akabambu Akolongu 21: MaBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Matengo Language ©The Word for the World International and Matengo Language Translation, 2020. All rights reserved.
1Akabambu Akolongu 21
21
Lituhi li mizabibu laka Naboti
1Naboti, mwenei juku musi wa Yezeleli, jwabiya ni lituhi laki li mizabibu ku Yezeleli, pambipi na nyumba jaka bambu nkolongu Ahabu, bambu nkolongu juku Samalia. 2Ndienu, lisoba limu, Ahabu ampwagila Naboti, “Gumbekia lituhi laku li mizabibu ili nilihenga kuba lituhi lukulema likolu, ndaba libii pambipi na nyumba jangu. Nagupekia lituhi lengi la amboni ngani, au ana ngasegupai isinugulepa hela ngati egupala kulengana nu ukolongu waki.”
3Lakini, Naboti anzibua Ahabu, “Bambu Sapanga jumokia kutali lijambu laki lukugupeke wehapa ulisi gonugupata kwa akatati bangu.”
4Ndipala Ahabu jaboka nukujenda kunyumba jaki koni gummbina moju ni inyela ngamaa, kwa ndaba ja majambu gajapwaga Naboti, mwenei juku Yezeleli, ampwagila kubanga, “Nganagupeke kumpee ulisi gonapata kwa atati bangu.” Ndienu, jagonila pikitanda, koni jung'ong'oteka nu kukana kula posu.
5Lakini Yezebeli, nhwanu waka Ahabu, anzendila nu kunndaluki, “Mbona gusukii ngamaa nu gukana kula poso?”
6Najombi Ahabu ampwagila, “Kwa ndaba nakalongi na Naboti, mwenei juku Yezeleli, numpwagila junombasia lituhi laki li mizabibu, au ana jupai numpekia lituhi lengi badala ja heli. Lakini jombi jambwagila, ‘Nganugupeke lituhi langu li mizabibu.’”
7Ndipala, Yezebeli, nhwanu waki ampwagila, “Boo jojulongosa ku nndema uku Izilaeli ndi nyane? Boo nga lee wenga? Jumuka gukula gutulia nu kutogule, nepani kajika jangu isinugupekia lituhi li mizabibu laka Naboti, mwenei juku Yezeleli.”
8Ndienu, Yezebeli jaandika balua isokopi kwi lihina laka bambu nkolongu Ahabu nu kuipotale mihuli jiki bambu nkolongu. Nu kujiipelaka balua heyi kwa aseja na bandu baamanyakini bababia atama na Naboti ku Yezeleli hoku. 9Balua yee jaandiki ana, “Mwaalagalakia bandu apanga lisoba lukupunga kula posu, nketangana na muntamika Naboti pandu pi isima pikilanda ja bandu. 10Ndienu mwaataputa bandu abaja abeli bakatama sukulingalani na jombi nu kuntaki sukupwaga, ‘Wehapa gunndapi mbamba Sapanga na bambu nkolongu.’ Ndienu mwampiya kunza, mukunkoma su kundapu malibu!”
11Ndienu, bababiya atama na Naboti, aseja na bandu baamanyakini ba musi uku Yezeleli, bahenga ngati ejalagalakia Yezebeli mu balua jaki. 12Ndienu batangasa lisoba lu kupunga kula posu, nu kumbeka Naboti pandu papabi ni isima pikilanda ja bandu. 13Ndienu, bandu abeli abaja babaandii bala batama ili kuntaki Naboti palongi ja bandu, bapwaaga, “Naboti andapi mbamba Bambu Sapanga na bambu nkolongu, ndienu Naboti ampia kunza nukunndapu malibu.” 14Ndienu, jaatuma bandu kumpwagi Yezebeli kubanga Naboti ankomiki su kundapu malibu.
15Yezebeli ebumpwagila kubanga Naboti atei kunkoma su kunndapu malibu, ampwagila Ahabu, “Gujumuka! Gujenda ku lituhi li mizabibu laka Naboti, jojabi mundu juku Yezeleli, lejabiya jukaniki kukulombasela. Naboti ngasejubii mwomi kabete anndapu malibu mbaka kuwa.” 16Apalapa Ahabu ejajowana pe kubanga Naboti jutei kuwa, jajumuka nu kujenda ku lihenga lituhi laka Naboti libiya laki.
17Ndienu, lilobi laka Bambu Sapanga luhikila nndota Eliya jojabia jutama ku Tishibe kubanga, 18“Guboka gujenda ukaketangana na Ahabu bambu nkolongu juku Izilaeli, jojuwe jujulongosa koni jubii ku Samalia. Wanketania mu lituhi li mizabibu laka Naboti, julijukwi nu kulihenga libia laki. 19Wampwagila, Bambu Sapanga jupwaga ana, ‘Gunkomiki nu kujuku litui nu kulihenga libiya lako?’ Kabee Bambu Sapanga jupwaga ana, ‘Pandu pala payalamba jimbwa mwai waka Naboti, ndi pailamba jimbwa mwai waku.’ ”
20Ahabu paambona Eliya, japwaaga, “Wehapa gumbaja wangu, henu gungamwile?”
Eliya anzibua, “Enaa! Nugukamwi, kwa ndaba wehepa gupala ngani kuhenga mabaja palongi jaka Bambu Sapanga. 21Bambu Sapanga jupwaga ana, ‘Kyekye kololoo! Kupalika nugukoma tipitipi. Naakoma bandu bi kibeleku saku soti kila mwanalomi nu mmbomba mu kibeleku saku mu nndema uku Izilaeli jukubi ntumwa au jwanga ntumwa. 22Alongu baku naahenga ngati alongu baka Yelobuamu mwana waka Nabati, na ngati Baasha mwana waka Ahiya, kwa ndaba gujihengiki inyela jangu jikwela ngani na kwaahenga bandu buku Izilaeli ahenga mahakau.’ 23Kabee Bambu Sapanga jupwaga ana kwa ndaba jaka Yezebeli, ‘Jimbwa yagukula ntuhi waka Yezebeli pambipi nu lumatu lwa musi guku Yezeleli. 24Enaa, mundu jokapi jwikibeleku saka Ahabu jojiwelila ku musi, jimbwa yiitenda kunkula, na jokapi jojiwelila ku migonda, ijuni yukunani yiitenda kunkula.’ ”
25Nga mundu jokapi jojupala kuhenga mabaja palongi jaka Bambu Sapanga ngati Ahabu, nhwanu waki Yezebeli ndi joankolua kuhenga hela. 26Jahenga majambu gukusukisa su kuilumbali imong'umong'u yi isapanga ngati ebabiya ahenga bandu buku Amoli babube pa mwandi Bambu Sapanga jaabenga palongi ja bandu buku Izilaeli.
27Lakini, Ahabu ejajowana malobi haga, jwajendulana ingobu yaki, jwawata maguni kanzika, jwapunga kula posu, jwabiya jugone na maguni nu kujenda jenda ako na ako koni su usungu.
28Ndienu, lilobi lende laka Bambu Sapanga lunhikila Eliya mundu juku musi uku Tishibe kubanga, 29“Gubweni namuna Ahabu hejulihulwi palongi jangu? Ndienu kwa ndaba jutei kulihele nganaakomi alongu baki koni jubii mwomi, lakini mu kipindi su ulongosi waka mwana mundu ndi naakoma bandu bi kibeleku saki Ahabu.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Matengo Language ©The Word for the World International and Matengo Language Translation, 2020. All rights reserved.