Fúcihum 36
36
Fiil fara Esawu
1Ufe fiil fara Esawu han guroge mee may Edom. 2Esawu ukoña bugara Kanaan nayabe. Aceeiil gurogool Ada ho ammee aleeh Eloon ahiitiit aahu. Aahu, Oholibama, paayool Aana. Aana, Sibeon ahiwiit aahu abajool. 3Nayab bandiŋ Basemaat, áliin Nebayot gammee guleeh Isumayeel.
4Ada nabaj Elifaas, Basemaat nabaj Réwuhel, 5min Oholibama abaj Yewuus, Yalaam bugo nꞌKoora. Bugo gommee guleeh Esawu gumaañen gan abaj mee mꞌmof mara Kanaan.
6Esawu naŋar ukoñaool, nꞌguleehool gumaañen nꞌukoña, mꞌbugan gan to mee nu yaŋool ngujow. Naŋar may sikooreool, sikajool peepe son wan abaj mee peepe mꞌmof mara Kanaan min ajow bu mꞌmof mucee akuhi atiool Sakob, 7mara fubajiil fumemmeeŋ. Mat gújuh gucin tin tanur mara mof man gucong mee mutoogut mbil gújuh gumat sikooreiil. 8Ñeer Esawu (han guroge mee may Edom) najow acong nꞌsimontaañ sammee nꞌSeyiir.
9Ufe fiil fara Esawu facin dó mee nꞌemontaañ yammee nꞌSeyiir. Edomiit yaayu, Esawu ammee paayiil afaan. 10Ujow we wara guleeh Esawu gumaañen : Elifaas, jaaool Ada. Réwuhel, jaaool Basemaat.
11Elifaas nabaj : Temaan, Omaar, Sefo, Gataam nꞌKenas. 12Elifaas (ammee aleeh Esawu) nabaj aleeh gurogool Amalek nꞌakoña han akogut, gajaool Timina. Guleeh gaagu gommee búbajum Ada, akoña Esawu.
13Réwuhel nabaj : Nahaat, Seraah, Samaa bugo mꞌMisaa. Bugo búbajum bara Basemaat, akoña Esawu.
14Oholibama, bájur Aana han Sibeon abaj mee, nabaj Esawu guleeh gumaañen gúfaajiir gammee Yewuus, Yalaam nꞌKoora.
15-16Unafaan uyooŋ búbajum Esawu wara aleehool átiyaara Elifaas uwee. Ujaiil : Omaar, Temaan, Sefo, Kenas, Koora, Gataam nꞌAmalek. Ngucin mꞌmof mara Edom. Unafaan we peepe, Elifaas, han Ada abaj mee, ammee paayiil.
17Unafaan uyooŋ búbajum Esawu wara aleehool Réwuhel uwee. Ujaiil : Nahaat, Seraah, Samaa mꞌMisaa. Ngucin mꞌmof mara Edom. Unafaan we peepe Réwuhel, han Basemaat abaj mee, ammee paayiil.
18Bugaage guleeh Esawu gan abaj mee nꞌOholibama. Unafaan uyooŋ waawu bugo gommee : Yewuus, Yalaam nꞌKoora. Unafaan we peepe, akoña Esawu Oholibama, han Aana abaj mee, ammee jaayiil.
19Bugo gommee búbajum Esawu (han guroge mee may Edom) ban bugo gommee unafaan uyooŋ waawu.
20-21Gamundum mee gucin mꞌmof mara Edom, bugo gommee búbajum Seyiir ahooriit aahu. Guleehool gumaañen bugo gommee : Lotaan, Sobal, Sibeon, Aana, Disoon, Eser nꞌDisaan. Bugo peepe unafaan uyooŋ.
22Lotaan guleehool gumaañen : Hori bugo nꞌHemaam. Lotaan áliinool gurogool Timina.
23Sobal guleehool gumaañen : Aliwaan, Manahaat, Ebaal, Safo nꞌOnaam.
24Sibeon guleehool gumaañen : Ayaa bugo nꞌAana. Aana ho añow mee gafuy bo nꞌerampaasa yaayu nan ajow mee gamat sifalo paayool Sibeon.
25Aana guleehool bugo gommee Dison bugo nꞌáliinool Oholibama.
26Disoon guleehool gumaañen : Hemedaan, Esebaan, Yiteraan bugo nꞌKeraan.
27Eser guleehool gumaañen : Bilihaan, Sawaan bugo nꞌAkan.
28Disaan guleehool gumaañen : Uús bugo nꞌAraan.
29-30Ubuge gommee unafaan uyooŋ ehooriit yaayu dó mꞌmof mara Seyiir : Lotaan, Sobal, Sibeon, Aana, Disoon, Eser bugo nꞌDisaan.
31Ubuge gommee gúyiih garooboor mee neŋar mof mara Edom bala fúyiihet fubajo mꞌmof mara Isirayeel. 32Bela aleeh Behoor, ho aameen mee áyiih Edom. Esúgool yo yommee Dinahaba. 33Nan Bela acet mee, Yobab ammee aleeh Seraah naroobool to. Esúgool gurok yo Bosera. 34Yobab nan acet mee, Husaam hara mof mara Temaan naroobool to. 35Nan Husaam acet mee, Hadad ammee aleeh Bedad naŋar fúyiihet faafu ; ésugool gurok yo Awiit. Ho atiigen mee emidianiit yaayu mꞌmof mara Mowab naheekiil. 36Hadad nacet, Samela hacin mee Masereka naŋar fúyiihet faafu. 37Nan Samela acet mee, Sayul hara Rehobot yammee nꞌgapana fal naŋar fúyiihet faafu. 38Sayul nan acet mee, Baal-Hanaan ammee aleeh Akoboor naŋar fúyiihet faafu. 39Nan Baal-Hanaan ammee aleeh Akoboor acet mee, Hadaar naŋar fúyiihet faafu. Esúgool gurok yo Pawuu. Akoñaool gajawool Mahetabeel, ammee aleeh Matureed búbajum bara Mesahab.
40-43Edomiit yaayu, ubuge gommee unafaan uyooŋiil : Timina, Aliwa, Yetet, Oholibama, Ela, Pinoon, Kenas, Temaan, Mibusaar, Magediel bugo nꞌIram. Gayooŋóoyooŋ ngusen gajow go gapana gan gucin mee. Esawu, han guroge mee may Edom, ammee paayiil afaan.
നിലവിൽ തിരഞ്ഞെടുത്തിരിക്കുന്നു:
Fúcihum 36: gsl
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
