Fúcihum 35
35
Sakob najow acong Betel
1Funak fucee, Atúuha narok Sakob : « Uyuho min ujow bu Betel nucong to. Nuteep to fúsimenum bu nꞌínje Atúuha hápuruli mee nan ommee netey ati'i Esawu. » 2Ñeer Sakob narok fiilool mꞌbugan gan to mee nu ho : « Jikahen únaati wan to mee mꞌbuguul mara ulet Atúuhaolaal, njitaaso set njikaano wañ ucee. 3Alaal be ejow bu Betel, to nibil mee gateep fúsimenum bu nꞌAtúuha harandenaam mee nan táañiaam mee ban náriikenom nꞌgajawoorom. » 4Ñeer nguŋar únaati waawu peepe wan guyeken mee son siloŋuloŋiil#35.4 siloŋuloŋiil Siloŋuloŋ saasu kankaan waaf wara bátuuto gusen Sakob. Sakob nafogen wo fataam bununuk báamak baabu bacik mee Sisem 5gufaak, nguyuho gujow. Atúuha nakaan min bugan bugara sísuk san gucinoor mee gúsebi jaram haani an ahaañiut galagen guleeh Sakob.
6Ñeer Sakob mꞌbugan galalenoor mee nu ho peepe ngútiiŋ Lúus (gajow yo gaagu Betel) bo mꞌmof mara Kanaan. 7Nateep to fúsimenum narok tin taahu El-Betel (yo yommee : Atúuha ara Betel), mara to Atúuha ápurulo mee Sakob nan ammee netey atiool.
8Debora akoña háwayil mee Rebeka, nacet. Ngufogool cik Betel fataam bununuk báamak baabu min gurok bo « Bununuk bara mufuu. »
9Sakob bápurerulool Padan-Aram, Atúuha nápurulool benen násoonienool. 10Narogool : « Gajai Sakob, bare mat gubaañ guwoogi mee, bugo be ewoogi Isirayeel. » Maa Atúuha arogool mee Isirayeel. 11Nabaañ arogool : « Injé emmee Atúuha ara sembe. Aw bu gabugoor meeŋ, nóoni uyooŋ wamemmeeŋ paayiil afaan, ban gúyiih be épurul dó mꞌbúbajumi. 12Mof man irok mee be esen Aburaham bugo nꞌIsaak, be eseni mo bu mꞌbúbajumi bambo mee néjool. »
13Atúuha najow akahool to tan gulako mee elob. 14Ñeer Sakob naŋar élankiin ayihen tan gulako mee elob nꞌAtúuha, náyuh yo bunuk son éduuliin min eñaao. 15Sakob narok tin taahu tan gulob mee bugo nꞌAtúuha Betel.
Benseme nabaji, Raseel nacet
16Ñeer Sakob bugo nꞌfiilool ngúpur Betel. Ngujow jaram gujooŋoor Afúrata, Raseel nataaso, bare ayoyok dó nꞌgataaso gaagu. 17Nan ayok mee máaamak nꞌgataaso gaagu, akoña ammee ngajogoorool narogool : « Jambil úsebi. Aleeh amaañen nuŋarulo benen. » 18Nan ammee nejow be ecet, narok aleeh aahu Ben-Oni (yo yommee : aleeh hara búyogom), bare paayool Sakob narogool Benseme (yo yommee : aleeh hara gañen gárib). 19Ñeer Raseel nacet, ngufogool mꞌbulago bara Afúrata, gajow yo gaagu Beteleem. 20Sakob naŋar élankiin ayihen to nꞌfuyaak fara Raseel. Káŋ bu jaat maa, élankiin yaayu uyu to.
21Sakob ajojow jaram awuj Migidal-Eder, nayihen éguuhool. 22Ngom bo mee mꞌmof maamu, Ruben nafiihen Biliha ammee amiigeel Raseel han asen mee araaŋool Sakob. Paayool najam yo.
Ujow guleeh gumaañen bugara Sakob
Sakob guleehool gumaañen goono guñen nꞌgúruba. 23Leya guleehool bugo gommee : Ruben ammee aleeh átiyaara hara Sakob, ho atuuhen mee Simeyoŋ, Léwi, Suda, Isakaar bugo nꞌSabulon. 24Raseel guleehool : Suseef bugo mꞌBenseme. 25Biliha ammee amiigeel Raseel guleehool : Daan bugo nꞌNefutali. 26Silipa ammee amiigeel Leya guleehool : Gaad bugo nꞌAseer. Ubuge gommee guleeh Sakob gumaañen gan abaj mee Padan-Aram.
Ecet Isaak
27Sakob nátiiŋ to mꞌpaayool Isaak nꞌésuk yan guroge mee Mamure mꞌmof mara Kiriyat-Aruba (gajow yo gaagu Heburon) tan Aburaham bugo nꞌIsaak gucongeen mee. 28Isaak abaabaak símit ceme nꞌgafaŋ gubaagiir (180) ; 29gabaagool ngujak mee, nacet, najow atook bo sipaayool gufaan. Esawu bugo nꞌSakob gammee guleehool gumaañen ngufogool.
നിലവിൽ തിരഞ്ഞെടുത്തിരിക്കുന്നു:
Fúcihum 35: gsl
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
Fúcihum 35
35
Sakob najow acong Betel
1Funak fucee, Atúuha narok Sakob : « Uyuho min ujow bu Betel nucong to. Nuteep to fúsimenum bu nꞌínje Atúuha hápuruli mee nan ommee netey ati'i Esawu. » 2Ñeer Sakob narok fiilool mꞌbugan gan to mee nu ho : « Jikahen únaati wan to mee mꞌbuguul mara ulet Atúuhaolaal, njitaaso set njikaano wañ ucee. 3Alaal be ejow bu Betel, to nibil mee gateep fúsimenum bu nꞌAtúuha harandenaam mee nan táañiaam mee ban náriikenom nꞌgajawoorom. » 4Ñeer nguŋar únaati waawu peepe wan guyeken mee son siloŋuloŋiil#35.4 siloŋuloŋiil Siloŋuloŋ saasu kankaan waaf wara bátuuto gusen Sakob. Sakob nafogen wo fataam bununuk báamak baabu bacik mee Sisem 5gufaak, nguyuho gujow. Atúuha nakaan min bugan bugara sísuk san gucinoor mee gúsebi jaram haani an ahaañiut galagen guleeh Sakob.
6Ñeer Sakob mꞌbugan galalenoor mee nu ho peepe ngútiiŋ Lúus (gajow yo gaagu Betel) bo mꞌmof mara Kanaan. 7Nateep to fúsimenum narok tin taahu El-Betel (yo yommee : Atúuha ara Betel), mara to Atúuha ápurulo mee Sakob nan ammee netey atiool.
8Debora akoña háwayil mee Rebeka, nacet. Ngufogool cik Betel fataam bununuk báamak baabu min gurok bo « Bununuk bara mufuu. »
9Sakob bápurerulool Padan-Aram, Atúuha nápurulool benen násoonienool. 10Narogool : « Gajai Sakob, bare mat gubaañ guwoogi mee, bugo be ewoogi Isirayeel. » Maa Atúuha arogool mee Isirayeel. 11Nabaañ arogool : « Injé emmee Atúuha ara sembe. Aw bu gabugoor meeŋ, nóoni uyooŋ wamemmeeŋ paayiil afaan, ban gúyiih be épurul dó mꞌbúbajumi. 12Mof man irok mee be esen Aburaham bugo nꞌIsaak, be eseni mo bu mꞌbúbajumi bambo mee néjool. »
13Atúuha najow akahool to tan gulako mee elob. 14Ñeer Sakob naŋar élankiin ayihen tan gulako mee elob nꞌAtúuha, náyuh yo bunuk son éduuliin min eñaao. 15Sakob narok tin taahu tan gulob mee bugo nꞌAtúuha Betel.
Benseme nabaji, Raseel nacet
16Ñeer Sakob bugo nꞌfiilool ngúpur Betel. Ngujow jaram gujooŋoor Afúrata, Raseel nataaso, bare ayoyok dó nꞌgataaso gaagu. 17Nan ayok mee máaamak nꞌgataaso gaagu, akoña ammee ngajogoorool narogool : « Jambil úsebi. Aleeh amaañen nuŋarulo benen. » 18Nan ammee nejow be ecet, narok aleeh aahu Ben-Oni (yo yommee : aleeh hara búyogom), bare paayool Sakob narogool Benseme (yo yommee : aleeh hara gañen gárib). 19Ñeer Raseel nacet, ngufogool mꞌbulago bara Afúrata, gajow yo gaagu Beteleem. 20Sakob naŋar élankiin ayihen to nꞌfuyaak fara Raseel. Káŋ bu jaat maa, élankiin yaayu uyu to.
21Sakob ajojow jaram awuj Migidal-Eder, nayihen éguuhool. 22Ngom bo mee mꞌmof maamu, Ruben nafiihen Biliha ammee amiigeel Raseel han asen mee araaŋool Sakob. Paayool najam yo.
Ujow guleeh gumaañen bugara Sakob
Sakob guleehool gumaañen goono guñen nꞌgúruba. 23Leya guleehool bugo gommee : Ruben ammee aleeh átiyaara hara Sakob, ho atuuhen mee Simeyoŋ, Léwi, Suda, Isakaar bugo nꞌSabulon. 24Raseel guleehool : Suseef bugo mꞌBenseme. 25Biliha ammee amiigeel Raseel guleehool : Daan bugo nꞌNefutali. 26Silipa ammee amiigeel Leya guleehool : Gaad bugo nꞌAseer. Ubuge gommee guleeh Sakob gumaañen gan abaj mee Padan-Aram.
Ecet Isaak
27Sakob nátiiŋ to mꞌpaayool Isaak nꞌésuk yan guroge mee Mamure mꞌmof mara Kiriyat-Aruba (gajow yo gaagu Heburon) tan Aburaham bugo nꞌIsaak gucongeen mee. 28Isaak abaabaak símit ceme nꞌgafaŋ gubaagiir (180) ; 29gabaagool ngujak mee, nacet, najow atook bo sipaayool gufaan. Esawu bugo nꞌSakob gammee guleehool gumaañen ngufogool.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.