Makitiko Ga Maapostolo 8
8
1Leka Saul akayili kuyitikisana kunkoma yombe.
Leka ligono lila makimbisiko makulungu gakayimiti kupindika kanisa lya pa Yerusalem; na woha wakayambaniki pa milima ya Yudaya ni Samaria, lema maapostolo. 2Leka wandu wanofu wakambikiti Stefano, na wakakiti malilo makulungu pa yombe. 3Leka Saul akayili mu kuyananga kanisa, kuyingila mu nyumba iyi yoha, na akafutiti wagosi ni wadala kawili, akawafumbukisi wakungike.
4Mumu wala wakuyambanika wakagenditi pangi pangi kuwandisa lilowe. 5Nu Filipo akaselili kulikaya lya Samaria, ni akawawandasili Kristo. 6Leka mapuga wategiti makutu nu mwoyo umonga kwa ifi fikajowiki nu Filipo, pakuyufwanila, na kulolalela fiwalalilo ifi akafikiti. 7Pakuya wingi wa awa wakayili na roho sya wafu, kukwesa lilowe likulungu, sikapititi: na wingi wa kindengundengu, na wa kuchipila, wakalamasiki. 8Leka luheko lukulungu lukayili pa likaya lila.
9Leka mundu nunuyu, lihina lyake Simon, uyu mwandi akakiti uhawi pa likaya ili, na akaganaganisi mhuku wa Samaria, kujowa kukita yombe mwene nunuyu nkulungu: 10uyu woha wakanjitakili kitumbulile nchoko mpaka nkulungu, kujowa, Uyu ayii mbafu yene ya Mulungu yikemaleka Ngulungu. 11Leka wakanjitakili ndawa kitumbulile mwandikati awaganaganisi ni uhawi wake. 12Leka pala wakankeliti Filipo pakuwandisa evangel ya utwa wa Mulungu ni lihina lya Yesu Kristo, wakabatasiki, wagosi na wadala kawili, 13Leka Simon nuyombe kawili akakeliti: ni pakabatasiki akatemi pamonga nu Filipo; na pakulolalela fiwalalilo ni fya mbafu fikulungu fikitiki, akaganganiti.
14Leka maapostolo wa pa Yerusalem, pawakayufwini kukita Samaria wayupiti lilowe lya Mulungu, wakatumiti kwawe Petro nu Yohana: 15nawo, pala wakaselili, wakawaluwili, nausi wayupe Roho Mbalafu: 16pakuya akayili wakona nukuwagwilila awa haka yumonga: leka wakabatasiki waka kiyingilile pa lihina lya Bambo Yesu. 17Bahalapala wakawawikili mawoko, na wakayupiti Roho Mbalafu. 18Leka Simon, pakaweni kukita kwa kuwikila mawoko ga maapostolo Roho Mbalafu apeliwi, akawatolili kyuma, 19kujowa, Munipelaye nenga nani chengo iki, nausi uyu ayi yoha yanimbikile mawoko gangu, ayupe Roho Mbalafu. 20Koma Petro akanjowili, Ndalama yako yiyanangike pamonga nawi, ndawa ukaholiti kukita kya waka kya Mulungu kipatikana ni kyuma. 21Uyii lepa ni lilundu haka kindu pa lilowe ili: pakuya mwoyo wako nukugoloka lepa pa miho pa Mulungu. 22Mumu upelaye pa iki kiwifu kyako, nu unduwe Bambo, pangi kwali liholo lya pa mwoyo wako lilekeleseke. 23Pakuya niwona kukita uyii pa nyongo yene kuwawa ni pa kukungika kwake kiwifu. 24Ni Simon akahigiti kujowa, muniluwile kwa Bambo, kukita kisinigwila kindu kya ifi mufijowiti.
25Mumu awa, pawakalasiti ulungamakiso ni wakalongili lilowe lya Bambo, wakakilawukili Yerusalem, ni wakawandisi evangel pa makaya mingi ga wa Samaria.
26Leka malaika wa Bambo akanjowili Filipo kujowa, Uyimaye, ni kubita ku nkachi pa ndila ya kuselela kuhuma pa Yerusalem mpaka pa Gaza: yiyi ndila ya lipululu. 27Ni akayimiti akabiti: na lola, mundu wa Ethiopia, nuyombe ngida, mundu mwene chengo pasi pa Kandake, mutwa ndala wa Ethiopia, kapitao wa kyuma kyake kyoha, uyu achiti ku Yerusalem kugwilakimbo; 28na akayili mu kukilawuka ni kutama pa ligereta lyake, ni akayili mu kusoma wakulweta Isaya. 29Leka Roho akanjowili Filipo, Genda papipi, ni kwiwunganisa ni ligereta lila. 30Leka Filipo akankimbili yombe, ni akanjufwini ayii mu kusoma wakulweta Isaya, na akajowiti, Uwalalila ati ifi ufisoma? 31Nuyombe akajowiti, Nganihotwili wuli, wona alema mundu kunilongosa? Na akampembisi Filipo akwele atame pasi nako. 32Leka pala akafunukwili malembo aga ayili mu kusoma, pakayili apa,
Ngati kambelele katoliki kudumulika;
Ni ngati mwana wa ling’osi palongolo pa uyu wakudumula lwagi atama nuu,
Wilawila nukudindula lepa pa ndomo pake:
33Pa kwiselela kwake mhalo wake ukanyakiki:
Kuhogoleka kwake nani yakokose?
Pakuya kulama kwake kunyakika kuhuma pa ndima.
34Leka ngida yula akamhigiti Filipo, kujowa, Nikuluwa wakulweta ajowa iki kya nani? kya mwene wakape, pangi kya yungi? 35Leka Filipo akadindwili pa ndomo pake, na kutumbulile pa lilembo ili akamwandisili evangel ya Yesu. 36Leka apa wayii mu kubita pa ndila, wakafiki pa machi makitino; nu ngida akajowiti, Lola machi; kiki kinibesa kubatasika? 37Nu Filipo akajowiti, wona ukela nu mwoyo wako wa mfilimila, uhotola. Ni akahigiti ni kujowa, Nikela kukita Yesu Kristo ayii Mwana wa Mulungu. 38Na akapawili ligereta kuyima: na woha wawili wakaselili kiyingalile mu machi, Filipo nu ngida kawili; na akambatisi. 39Leka apa wakakweliti kuwuka pa machi, Roho wa Bambo akantoliti Filipo; na ngida akambweni lepa kawili, pakuya akabiti mwanja wake kihekalile. 40Koma Filipo akakolaliki pa Azoto: ni kugendela akawandisi evangel pa makaya goha, mpaka kufikila Kaisaria.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 8: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
Makitiko Ga Maapostolo 8
8
1Leka Saul akayili kuyitikisana kunkoma yombe.
Leka ligono lila makimbisiko makulungu gakayimiti kupindika kanisa lya pa Yerusalem; na woha wakayambaniki pa milima ya Yudaya ni Samaria, lema maapostolo. 2Leka wandu wanofu wakambikiti Stefano, na wakakiti malilo makulungu pa yombe. 3Leka Saul akayili mu kuyananga kanisa, kuyingila mu nyumba iyi yoha, na akafutiti wagosi ni wadala kawili, akawafumbukisi wakungike.
4Mumu wala wakuyambanika wakagenditi pangi pangi kuwandisa lilowe. 5Nu Filipo akaselili kulikaya lya Samaria, ni akawawandasili Kristo. 6Leka mapuga wategiti makutu nu mwoyo umonga kwa ifi fikajowiki nu Filipo, pakuyufwanila, na kulolalela fiwalalilo ifi akafikiti. 7Pakuya wingi wa awa wakayili na roho sya wafu, kukwesa lilowe likulungu, sikapititi: na wingi wa kindengundengu, na wa kuchipila, wakalamasiki. 8Leka luheko lukulungu lukayili pa likaya lila.
9Leka mundu nunuyu, lihina lyake Simon, uyu mwandi akakiti uhawi pa likaya ili, na akaganaganisi mhuku wa Samaria, kujowa kukita yombe mwene nunuyu nkulungu: 10uyu woha wakanjitakili kitumbulile nchoko mpaka nkulungu, kujowa, Uyu ayii mbafu yene ya Mulungu yikemaleka Ngulungu. 11Leka wakanjitakili ndawa kitumbulile mwandikati awaganaganisi ni uhawi wake. 12Leka pala wakankeliti Filipo pakuwandisa evangel ya utwa wa Mulungu ni lihina lya Yesu Kristo, wakabatasiki, wagosi na wadala kawili, 13Leka Simon nuyombe kawili akakeliti: ni pakabatasiki akatemi pamonga nu Filipo; na pakulolalela fiwalalilo ni fya mbafu fikulungu fikitiki, akaganganiti.
14Leka maapostolo wa pa Yerusalem, pawakayufwini kukita Samaria wayupiti lilowe lya Mulungu, wakatumiti kwawe Petro nu Yohana: 15nawo, pala wakaselili, wakawaluwili, nausi wayupe Roho Mbalafu: 16pakuya akayili wakona nukuwagwilila awa haka yumonga: leka wakabatasiki waka kiyingilile pa lihina lya Bambo Yesu. 17Bahalapala wakawawikili mawoko, na wakayupiti Roho Mbalafu. 18Leka Simon, pakaweni kukita kwa kuwikila mawoko ga maapostolo Roho Mbalafu apeliwi, akawatolili kyuma, 19kujowa, Munipelaye nenga nani chengo iki, nausi uyu ayi yoha yanimbikile mawoko gangu, ayupe Roho Mbalafu. 20Koma Petro akanjowili, Ndalama yako yiyanangike pamonga nawi, ndawa ukaholiti kukita kya waka kya Mulungu kipatikana ni kyuma. 21Uyii lepa ni lilundu haka kindu pa lilowe ili: pakuya mwoyo wako nukugoloka lepa pa miho pa Mulungu. 22Mumu upelaye pa iki kiwifu kyako, nu unduwe Bambo, pangi kwali liholo lya pa mwoyo wako lilekeleseke. 23Pakuya niwona kukita uyii pa nyongo yene kuwawa ni pa kukungika kwake kiwifu. 24Ni Simon akahigiti kujowa, muniluwile kwa Bambo, kukita kisinigwila kindu kya ifi mufijowiti.
25Mumu awa, pawakalasiti ulungamakiso ni wakalongili lilowe lya Bambo, wakakilawukili Yerusalem, ni wakawandisi evangel pa makaya mingi ga wa Samaria.
26Leka malaika wa Bambo akanjowili Filipo kujowa, Uyimaye, ni kubita ku nkachi pa ndila ya kuselela kuhuma pa Yerusalem mpaka pa Gaza: yiyi ndila ya lipululu. 27Ni akayimiti akabiti: na lola, mundu wa Ethiopia, nuyombe ngida, mundu mwene chengo pasi pa Kandake, mutwa ndala wa Ethiopia, kapitao wa kyuma kyake kyoha, uyu achiti ku Yerusalem kugwilakimbo; 28na akayili mu kukilawuka ni kutama pa ligereta lyake, ni akayili mu kusoma wakulweta Isaya. 29Leka Roho akanjowili Filipo, Genda papipi, ni kwiwunganisa ni ligereta lila. 30Leka Filipo akankimbili yombe, ni akanjufwini ayii mu kusoma wakulweta Isaya, na akajowiti, Uwalalila ati ifi ufisoma? 31Nuyombe akajowiti, Nganihotwili wuli, wona alema mundu kunilongosa? Na akampembisi Filipo akwele atame pasi nako. 32Leka pala akafunukwili malembo aga ayili mu kusoma, pakayili apa,
Ngati kambelele katoliki kudumulika;
Ni ngati mwana wa ling’osi palongolo pa uyu wakudumula lwagi atama nuu,
Wilawila nukudindula lepa pa ndomo pake:
33Pa kwiselela kwake mhalo wake ukanyakiki:
Kuhogoleka kwake nani yakokose?
Pakuya kulama kwake kunyakika kuhuma pa ndima.
34Leka ngida yula akamhigiti Filipo, kujowa, Nikuluwa wakulweta ajowa iki kya nani? kya mwene wakape, pangi kya yungi? 35Leka Filipo akadindwili pa ndomo pake, na kutumbulile pa lilembo ili akamwandisili evangel ya Yesu. 36Leka apa wayii mu kubita pa ndila, wakafiki pa machi makitino; nu ngida akajowiti, Lola machi; kiki kinibesa kubatasika? 37Nu Filipo akajowiti, wona ukela nu mwoyo wako wa mfilimila, uhotola. Ni akahigiti ni kujowa, Nikela kukita Yesu Kristo ayii Mwana wa Mulungu. 38Na akapawili ligereta kuyima: na woha wawili wakaselili kiyingalile mu machi, Filipo nu ngida kawili; na akambatisi. 39Leka apa wakakweliti kuwuka pa machi, Roho wa Bambo akantoliti Filipo; na ngida akambweni lepa kawili, pakuya akabiti mwanja wake kihekalile. 40Koma Filipo akakolaliki pa Azoto: ni kugendela akawandisi evangel pa makaya goha, mpaka kufikila Kaisaria.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.