Makitiko Ga Maapostolo 15
15
1Na wandu wangi wanunuyu wakaselili kuhumila Yudaya ni wakawayigalisi walongo, kujowa, Wona mulemiti kusilimuka kwa nkuwu wa Musa, muhotola lepa kuyokoleka. 2Na apa Paolo nu Barnaba wakapindakini nawo kulutila, walongo wakataukili kukita Paolo nu Barnaba, na wangi wa wombe, wakwele ku Yerusalem kwa maapostolo na wakulu‐wakulu pa mapindikano aga. 3Mumu awa, pawakapelekasiki ni kanisa, wakabiti pagati pa Foinike na Samaria, kuwandisa kung’anamuka kwawe wa Mihuku: na wakahekalisi walongo woha. 4Leka pawakachiti ku Yerusalem, wakayupiki na kanisa na maapostolo ni wakulu‐wakulu, ni wakakokwisi fyoha fila Mulungu akakiti nawo. 5Koma wakayimiti wangi wa kapatuliko ka waFarisayo awa wakeliti, kujowa, Kulinganila kuwasilimusa awa, ni kuwataukila wagohe torah ya Musa.
6Ni maapostolo ni wakulu‐wakulu wakakokini pamonga kuholalela kindu iki. 7Leka apa kukayili kupindikana kukulungu, Petro akayimiti ni akawajowili,
Walongo, mumanya kukita mwandi Mulungu akahagwili pa mwenga, kukita pa ndomo pangu Mihuku yiyufwanile lilowe lya evangel ni kukela. 8Ni Mulungu, yuamanya mioyo, akawakitili ulungamakiso, pa kuwapela Roho Mbalafu, ngati tenga kawili: 9ni akapatukini lepa pagati pa tenga na wombe, kuwalase mioyo yawe ni kiyitakiso. 10Mumu hino mungesela kiki Mulungu, kutwikila pa singo ya wanafunsi lingolingoli, ili haka wakadadi witu haka tenga tikahotwili lepa kulitwika. 11Leka tikela kukita yatiyokoleke pa neema pa Bambo Yesu, kimongamonga na awa kawili.
12Leka lipuga lyoha likatemi kinunu; ni wakayufwanili Barnaba nu Paolo kukokosa fiwalalilo ni finyantiti fila Mulungu akafikiti pa Mihuku pa mawoko gawe. 13Na apa wakatemi kinunu, Yakobo akahigiti, kujowa,
14Walongo, muniyufwanile: Simeon akakokwisi umu pakutumbulila Mulungu akawachili Mihuku, kuhapula pa wombe lipuga kwa lihina lyake. 15Ni malowe ga wakulweta gayitikisana na iki; umu yilembekili,
16Panyuma pa ifi yanikilawuke,
Ni yanijenge kawili hekalu ya Daudi, ili ligwili pasi;
Ni yanijenge kawili fibombonywike fyake,
Ni yaniyiyimise:
17Nausi wakusigala wa wandu wandonde chakaka Bambo,
Ni Mihuku yoha, pa awa lihina lyangu liluwulike,
18Ajowa Bambo, uyu afimanyisa findu ifi kitumbulile kuupanga ndima.
19Mumu lipawulo lyangu liyii kukita tisiwahumbusa wa pa Mihuku awa wang’anamukila Mulungu; 20koma tiwalembela kukita wapatukane ni kuwipa kwake fifwilifwili, ni ukeme, ni fyakunionga, ni mwasi. 21Pakuya Musa kitumbulile fihogosi fya mwandi ayii nawo wa pa likaya liyi lyoha wakumbandisa, ni asomeka pa masunagoge ligono liyi lyoha lya sabato.
22Bahalapala yikawawonekili wicho maapostolo ni wakulu‐wakulu, pamonga ni kanisa lyoha, kuhapula wandu wa kwawe, ni kuwatuma ku Antiokia pamonga na Paolo nu Barnaba; Yuda wakukemeleka Barsaba, ni Sila, wandu wa palongolo pa walongo: 23ni wakalembiti pa mawoko gawe kukita, Maapostolo ni walongo wakulu‐wakulu kwa walongo awa wa Mihuku pa Antiokia ni Suria ni Kilikia, kulamukila: 24Pakuya tayufwini kukita wangi wakuhumila pa tenga wakawahumbusiti ni malowe, kung’anamusa mawumi ginu; 25awa tenga tikawataukili lepa; yikatiwonekili tenga wicho, pakuya tiyii ni mwoyo umonga, kuhapula wagosi ni kuwatuma kwinu pamonga na awa wakuganika witu Barnaba ni Paolo, 26wandu wafumbwili mawumi gawe ndawa ya lihina lya Bambo witu Yesu Kristo. 27Mumu titumiti Yuda ni Sila, awa kawili wene yawakokosele mwenga fifi pa ndomo. 28Pakuya yikambonakili wicho Roho Mbalafu nu tenga, kuwawikila mwenga haka kandu kakutopa kulutila ifi yafilekeke lepa; 29kukita mupatukane ni fila fyakulekeleka kwa fifwilifwili, nu mwasi, ni fyakuniongeka, nu ukeme; wona mwigoha kufileka ifi, yamukite wicho. Muwonile.
30Mumu awa, pakamaliti kupelewa mwanja, wakaselili ku Antiokia; ni apa wakakokanisi lipuga pamonga, wakawapili barua. 31Leka pawakasomiti, wakahekalili pa kunyamasa kwake. 32Nu Yuda nu Sila, pakuya na wene kawili wakulweta, kwa malowe mingi wakawakiliti walongo ni kuwakangamasa. 33Leka pawakatemi kwa lukumbi, wakapeliwi mwanja pa kindamba ni walongo kukilawukila awa wakawatumiti. 34Koma ikamnogili Sila kuhwela kukula. 35Leka Paolo nu Barnaba wakahweliti pa Antiokia, kuyigalisa nu kuwandisa lilowe lya Bambo, pamonga na wingi wangi kawili.
36Leka panyuma pa magono gangi Paolo akanjowili Barnaba, Tikilawuke hino nu kulolela umu watamila walongo pa likaya liyi lyoha apa tikakokwisi lilowe lya Bambo. 37Ni Barnaba akalonditi kuntola pamonga na wombe Yohana kawili, wakukemeleka Marko. 38Koma Paolo akaholiti nukulinganila lepa kutola pamonga nawo uyu akapatukini nawo kuhumila Pamfulia, ni akachiti lepa nawombe ku lihengo. 39Leka ukapatiti kuya ukali, mpaka wakalekini uyu ni njini, nu Barnaba akantoliti Marko pamonga nako, ni kubita na matanga ku Kupro; 40koma Paolo akamhagwili Sila, ni akapititi, pakapelekiki na walongo pa neema ya Bambo. 41Ni akagenditi pagati pa Suria ni Kilikia, kukangamasa makanisa.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 15: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
Makitiko Ga Maapostolo 15
15
1Na wandu wangi wanunuyu wakaselili kuhumila Yudaya ni wakawayigalisi walongo, kujowa, Wona mulemiti kusilimuka kwa nkuwu wa Musa, muhotola lepa kuyokoleka. 2Na apa Paolo nu Barnaba wakapindakini nawo kulutila, walongo wakataukili kukita Paolo nu Barnaba, na wangi wa wombe, wakwele ku Yerusalem kwa maapostolo na wakulu‐wakulu pa mapindikano aga. 3Mumu awa, pawakapelekasiki ni kanisa, wakabiti pagati pa Foinike na Samaria, kuwandisa kung’anamuka kwawe wa Mihuku: na wakahekalisi walongo woha. 4Leka pawakachiti ku Yerusalem, wakayupiki na kanisa na maapostolo ni wakulu‐wakulu, ni wakakokwisi fyoha fila Mulungu akakiti nawo. 5Koma wakayimiti wangi wa kapatuliko ka waFarisayo awa wakeliti, kujowa, Kulinganila kuwasilimusa awa, ni kuwataukila wagohe torah ya Musa.
6Ni maapostolo ni wakulu‐wakulu wakakokini pamonga kuholalela kindu iki. 7Leka apa kukayili kupindikana kukulungu, Petro akayimiti ni akawajowili,
Walongo, mumanya kukita mwandi Mulungu akahagwili pa mwenga, kukita pa ndomo pangu Mihuku yiyufwanile lilowe lya evangel ni kukela. 8Ni Mulungu, yuamanya mioyo, akawakitili ulungamakiso, pa kuwapela Roho Mbalafu, ngati tenga kawili: 9ni akapatukini lepa pagati pa tenga na wombe, kuwalase mioyo yawe ni kiyitakiso. 10Mumu hino mungesela kiki Mulungu, kutwikila pa singo ya wanafunsi lingolingoli, ili haka wakadadi witu haka tenga tikahotwili lepa kulitwika. 11Leka tikela kukita yatiyokoleke pa neema pa Bambo Yesu, kimongamonga na awa kawili.
12Leka lipuga lyoha likatemi kinunu; ni wakayufwanili Barnaba nu Paolo kukokosa fiwalalilo ni finyantiti fila Mulungu akafikiti pa Mihuku pa mawoko gawe. 13Na apa wakatemi kinunu, Yakobo akahigiti, kujowa,
14Walongo, muniyufwanile: Simeon akakokwisi umu pakutumbulila Mulungu akawachili Mihuku, kuhapula pa wombe lipuga kwa lihina lyake. 15Ni malowe ga wakulweta gayitikisana na iki; umu yilembekili,
16Panyuma pa ifi yanikilawuke,
Ni yanijenge kawili hekalu ya Daudi, ili ligwili pasi;
Ni yanijenge kawili fibombonywike fyake,
Ni yaniyiyimise:
17Nausi wakusigala wa wandu wandonde chakaka Bambo,
Ni Mihuku yoha, pa awa lihina lyangu liluwulike,
18Ajowa Bambo, uyu afimanyisa findu ifi kitumbulile kuupanga ndima.
19Mumu lipawulo lyangu liyii kukita tisiwahumbusa wa pa Mihuku awa wang’anamukila Mulungu; 20koma tiwalembela kukita wapatukane ni kuwipa kwake fifwilifwili, ni ukeme, ni fyakunionga, ni mwasi. 21Pakuya Musa kitumbulile fihogosi fya mwandi ayii nawo wa pa likaya liyi lyoha wakumbandisa, ni asomeka pa masunagoge ligono liyi lyoha lya sabato.
22Bahalapala yikawawonekili wicho maapostolo ni wakulu‐wakulu, pamonga ni kanisa lyoha, kuhapula wandu wa kwawe, ni kuwatuma ku Antiokia pamonga na Paolo nu Barnaba; Yuda wakukemeleka Barsaba, ni Sila, wandu wa palongolo pa walongo: 23ni wakalembiti pa mawoko gawe kukita, Maapostolo ni walongo wakulu‐wakulu kwa walongo awa wa Mihuku pa Antiokia ni Suria ni Kilikia, kulamukila: 24Pakuya tayufwini kukita wangi wakuhumila pa tenga wakawahumbusiti ni malowe, kung’anamusa mawumi ginu; 25awa tenga tikawataukili lepa; yikatiwonekili tenga wicho, pakuya tiyii ni mwoyo umonga, kuhapula wagosi ni kuwatuma kwinu pamonga na awa wakuganika witu Barnaba ni Paolo, 26wandu wafumbwili mawumi gawe ndawa ya lihina lya Bambo witu Yesu Kristo. 27Mumu titumiti Yuda ni Sila, awa kawili wene yawakokosele mwenga fifi pa ndomo. 28Pakuya yikambonakili wicho Roho Mbalafu nu tenga, kuwawikila mwenga haka kandu kakutopa kulutila ifi yafilekeke lepa; 29kukita mupatukane ni fila fyakulekeleka kwa fifwilifwili, nu mwasi, ni fyakuniongeka, nu ukeme; wona mwigoha kufileka ifi, yamukite wicho. Muwonile.
30Mumu awa, pakamaliti kupelewa mwanja, wakaselili ku Antiokia; ni apa wakakokanisi lipuga pamonga, wakawapili barua. 31Leka pawakasomiti, wakahekalili pa kunyamasa kwake. 32Nu Yuda nu Sila, pakuya na wene kawili wakulweta, kwa malowe mingi wakawakiliti walongo ni kuwakangamasa. 33Leka pawakatemi kwa lukumbi, wakapeliwi mwanja pa kindamba ni walongo kukilawukila awa wakawatumiti. 34Koma ikamnogili Sila kuhwela kukula. 35Leka Paolo nu Barnaba wakahweliti pa Antiokia, kuyigalisa nu kuwandisa lilowe lya Bambo, pamonga na wingi wangi kawili.
36Leka panyuma pa magono gangi Paolo akanjowili Barnaba, Tikilawuke hino nu kulolela umu watamila walongo pa likaya liyi lyoha apa tikakokwisi lilowe lya Bambo. 37Ni Barnaba akalonditi kuntola pamonga na wombe Yohana kawili, wakukemeleka Marko. 38Koma Paolo akaholiti nukulinganila lepa kutola pamonga nawo uyu akapatukini nawo kuhumila Pamfulia, ni akachiti lepa nawombe ku lihengo. 39Leka ukapatiti kuya ukali, mpaka wakalekini uyu ni njini, nu Barnaba akantoliti Marko pamonga nako, ni kubita na matanga ku Kupro; 40koma Paolo akamhagwili Sila, ni akapititi, pakapelekiki na walongo pa neema ya Bambo. 41Ni akagenditi pagati pa Suria ni Kilikia, kukangamasa makanisa.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.