Makitiko Ga Maapostolo 13
13
1Leka wakayili pa Antiokia, pa kanisa likayili baho, wakulweta na walimu, Barnaba, ni Simeon wakukemeleka Mpili, ni Lukio wa Kurene, ni Manaen wakuyongesa pa mawele pamonga na Herode tetraki, ni Saul. 2Leka apa wayii mu kutumakila kwa Bambo, ni kwinota kyakulya, Roho Mbalafu akajowiti, Munipatulile Barnaba ni Saul kwa lihengo ili niwakemalili. 3Bahalapala pawakanotiti ni kusali, ni kuwawikila mawoko, wakawapili mwanja.
4Mumu awa, wakatumiki ni Roho Mbalafu, wakaselili ku Selukia; ni kuwuka baho wakabiti na matanga ku Kupro. 5Na pawakafiki pa Salamis wakawandisi lilowe lya Mulungu pa masunagoge ga waYehudi: leka wakayili nu Yohana kawili kuya mpalo wawe. 6Leka pawakagenditi pa kilumba poha mpaka pa Pafo, wakankolili mundu nunuyu wa malango, wakulweta wa mageya, mYehudi, lihina lyake Bar‐Yesu; 7uyu akayili pamonga nu nduna, Sergio Paolo, mundu wakuwalalila. Yuyu akawakemili kwake Barnaba ni Saul, akalonditi kuyufwana lilowe lya Mulungu. 8Leka Eluma wa malango (pa kukita wilawila lihina lyake likokoseka) akawapindiki, pa kulonda kungwalisa nduna pa kiyitakiso. 9Koma Saul, yuyu Paolo, wakumema nu Roho Mbalafu, 10akankwinulili yombe, nakajowiti, Wenga wakumema nu kuchenjela kwoha ni kukonga kwoha, mwana wa diabolo, wa mitumba wa kogoloka kwoha, upumulila lepa kutalisa ndila sya kugoloka sya Bambo? 11Ni hino, lola, kiwoko kya Bambo kiyii pa wenga, ni yauye wakukoyoka miho, nukuwona lepa lijuwa kwa lukumbi. Ni hino apa limbupulu kikangwilile nu lwisi; na akasyungutili kulondalonda wakunkamula kiwoko. 12Bahalapala nduna, paakaweni iki kikakitiki, akakeliti, kukangacha pa mayigaliso ga Bambo.
13Leka Paolo na wa pa mwanja wake wakakulwili pa Pafo, na wakachiti ku Perga pa Pamfulia: leka Yohana akawukiti kwawe, akakilawukili ku Yerusalem. 14Leka wombe, wakagenditi kuhuma pa Perga, wakachiti ku Antiokia wa Pisidia; na wakayingili pa sunagoge ligono lya sabato, wakatemi pasi. 15Ni panyuma pa kusoma torah na wakulweta wakulungu wa sunagoge wakatumiti kwawe, kujowa, Walongo, wona muyii ni lilowe liyi lyoha lya kukila kwa nsafi, mujowaye. 16Leka Paolo akayimiti, ni pakupuga ni kiwoko, akajowiti,
Wagosi wa Israel, nu mwenga wakunjogopa Mulungu, muyufwanilaye. 17Mulungu wa nsafi uwu Israel akawahagwili wakadadi witu, ni akakwesiti nsafi apa wakihadisi pandu pa ndima wa Egupto, ni kiwoko kyakukangamala akawapisiti kuku. 18Na kwa lukumbi ngati miaka arobaini akisingiti pa makitiko gawe pa lipululu. 19Na paakayaningi mihuku saba pa ndima wa Kanaan, akawapili awa ndima wawe pa lipwela, kwa lukumbi ngati miaka mia ncheche na hamsini: 20na panyuma pa ifi akawapili wakupawula mpaka Samuel wakulweta. 21Ni panyuma pake wakaluwiti mutwa: nu Mulungu akawapili Saul mwana wa Kish, mundu wa ntangilo wa Benyamin, kwa lukumbi ngati miaka makumi ncheche. 22Na pakambusiti yombe, akanjimisi Daudi kuya mutwa wawe; uyu kawili akalasiti ulungamakiso, kujowa, Ninkolili Daudi mwana wa Yesse, mundu kwa ndingo wa mwoyo wangu, uyu yakite fyoha ifi nifilonda. 23Kuhumila pa mbeyu ya mundu uyu, kwa ndingo wa kilagano, Mulungu akantolili Israel Njokosi, Yesu; 24apa Yohana akawandisi palongolo pa kuyicha kwake ubatiso wa kupela kwa nsafi woha wa Israel. 25Leka Yohana, pa kumalakisa ndila yake, akajowiti, Mukita nenga nu nani? Nukuya nenga. Koma lola, ayicha panyuma pa nenga, uyu sapato sya njayo syake nenga nakulinganila kusiwopola. 26Walongo, wana wa nsafi wa Ibrahim, na awa pa mwenga wakunjogopa Mulungu, kwa tenga lilowe ili lya uyokosi uwu lyatumiki. 27Pakuya wala wakuhwela pa Yerusalem, ni wakulungu wawe, ndawa wakammanyiti lepa, haka malowe ga wakulweta gala wasomaga sabato iyii yoha, wakagafwelanisi pa kumpisa mbifu. 28Na haka wakakolili lepa nyimu ya kufwa pa yombe, leka wakanduwiti Pilato ankome. 29Na pawakamalakisi fyoha fyakulembeka fya yombe, wakanselisi pa nkongo, wambikiti mu manyinja. 30Leka Mulungu akansyusiti pa wakufwa: 31na akawoniki magono mingi kwa wala wakakweliti pamonga nako kuhumila pa Galilaya mpaka pa Yerusalem, wala nawombe hino wayii walungamakiso wake kwa nsafi. 32Na tenga tiwatolela kwinu evangel ya kilagano kilagiki na wakadadi, 33kukita Mulungu agamalakisi kwa wana witu, apa akansyusiti Yesu; umu yilembekili kawili pa zaburi ya kawili, Wenga uyii Mwanangu, lilino nikuhogwili. 34Leka kukita akansyusiti pa wakufwa, nakukilawukila kawili kwa kuwola, ajowiti wilawila, Yaniwapele fiwalafu ni fya kiyitakiso fya Daudi. 35Ndawa ajowa pangi kawili, Yaumpele lepe Mbalafu wako kuwona kuwola. 36Pakuya Daudi, apa akatumakili luhala lwa Mulungu pa kihogosi kyake mwene, akagoniti, na akawikiki pa wakadadi mundu, na akaweni kuwola: 37koma uyu Mulungu akansyusiti akuweni lepe kuwola. 38Mumu kimanyike kwinu, walongo, kukita pa uyu kulekelekesa sambi kukokoseka kwinu mwenga: 39ni pa yuyu ayi yoha wakukela agoloseka pa fyoha, fila muhotwili lepa kugoloseka pa torah ya Musa. 40Mumu mulolaye, kisiwachila mwenga kila kijoweka pa wakulweta;
41Mulolaye, mwenga wakuhepa, leka muganaganaye ni mulale;
Pakuya nihenga lihengo pa magono ginu,
Lihengo ili nukulikela lepa mwenga, haka mundu wona awakokosela.
42Ni pakupita wayii mu kuwalonda walongele nawo malowe aga pa sabato yingi. 43Leka apa sunagoge wakayambaniki, wingi wa waYehudi ni waproselute wakakisini nawo Paolo ni Barnaba: wala nawombe pakulongela nawo, wawakiliti kukita wahwele pa neema yake Mulungu.
44Leka sabato yingi papipi ni likaya lyoha wakakokini pamonga kuyufwanila lilowe lya Mulungu. 45Leka waYehudi, pakaweni mapuga ga wandu, wakamemiti ni wifu, ni wakatumbwili kupindika‐pindika aga gakalongaliki ni Paolo, kukita blasfemia. 46Ni Paolo ni Barnaba wakasindamili kujowa, Ikalinganili kukita lilowe lya Mulungu likalongaliki nu mwenga pakutumbula. Pakuya muliwika patali, ni mwipawula kukita mulinganila lepa kupata kulama kwa miaka, lolaye, ting’anamukila Mihuku. 47Pakuya Bambo atitaukili wilawila, kujowa,
Nikuwikiti kutama lulangalila lwa Mihuku,
Kukita uye kwa uyokosi mpaka songo sya ndima.
48Leka wa Mihuku pakuyufwanila wakahekalili, ni wakalikwisisi lilowe lya Mulungu: ni wayi woha awa wakawikiti pa wakape kwa kulama kwa miaka wakakeliti. 49Leka lilowe lya Bambo likayii kutoleka pa ndima uwu woha. 50Koma waYehudi wakakangamili nawombe wadala wakugwilakimbo wakamba, ni wagosi wakutumbula wa pa likaya, ni wakayimwisi makimbisiko panani pa Paolo ni Barnaba, na wakawatagiti kunja kwa mipaka yawe. 51Leka wakawakung’undili lufumbi lwa pa njayo syawe, ni wakachiti ku Ikonio. 52Na wanafunsi wakamemiti nu kuhekelela nu Roho Mbalafu.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 13: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
Makitiko Ga Maapostolo 13
13
1Leka wakayili pa Antiokia, pa kanisa likayili baho, wakulweta na walimu, Barnaba, ni Simeon wakukemeleka Mpili, ni Lukio wa Kurene, ni Manaen wakuyongesa pa mawele pamonga na Herode tetraki, ni Saul. 2Leka apa wayii mu kutumakila kwa Bambo, ni kwinota kyakulya, Roho Mbalafu akajowiti, Munipatulile Barnaba ni Saul kwa lihengo ili niwakemalili. 3Bahalapala pawakanotiti ni kusali, ni kuwawikila mawoko, wakawapili mwanja.
4Mumu awa, wakatumiki ni Roho Mbalafu, wakaselili ku Selukia; ni kuwuka baho wakabiti na matanga ku Kupro. 5Na pawakafiki pa Salamis wakawandisi lilowe lya Mulungu pa masunagoge ga waYehudi: leka wakayili nu Yohana kawili kuya mpalo wawe. 6Leka pawakagenditi pa kilumba poha mpaka pa Pafo, wakankolili mundu nunuyu wa malango, wakulweta wa mageya, mYehudi, lihina lyake Bar‐Yesu; 7uyu akayili pamonga nu nduna, Sergio Paolo, mundu wakuwalalila. Yuyu akawakemili kwake Barnaba ni Saul, akalonditi kuyufwana lilowe lya Mulungu. 8Leka Eluma wa malango (pa kukita wilawila lihina lyake likokoseka) akawapindiki, pa kulonda kungwalisa nduna pa kiyitakiso. 9Koma Saul, yuyu Paolo, wakumema nu Roho Mbalafu, 10akankwinulili yombe, nakajowiti, Wenga wakumema nu kuchenjela kwoha ni kukonga kwoha, mwana wa diabolo, wa mitumba wa kogoloka kwoha, upumulila lepa kutalisa ndila sya kugoloka sya Bambo? 11Ni hino, lola, kiwoko kya Bambo kiyii pa wenga, ni yauye wakukoyoka miho, nukuwona lepa lijuwa kwa lukumbi. Ni hino apa limbupulu kikangwilile nu lwisi; na akasyungutili kulondalonda wakunkamula kiwoko. 12Bahalapala nduna, paakaweni iki kikakitiki, akakeliti, kukangacha pa mayigaliso ga Bambo.
13Leka Paolo na wa pa mwanja wake wakakulwili pa Pafo, na wakachiti ku Perga pa Pamfulia: leka Yohana akawukiti kwawe, akakilawukili ku Yerusalem. 14Leka wombe, wakagenditi kuhuma pa Perga, wakachiti ku Antiokia wa Pisidia; na wakayingili pa sunagoge ligono lya sabato, wakatemi pasi. 15Ni panyuma pa kusoma torah na wakulweta wakulungu wa sunagoge wakatumiti kwawe, kujowa, Walongo, wona muyii ni lilowe liyi lyoha lya kukila kwa nsafi, mujowaye. 16Leka Paolo akayimiti, ni pakupuga ni kiwoko, akajowiti,
Wagosi wa Israel, nu mwenga wakunjogopa Mulungu, muyufwanilaye. 17Mulungu wa nsafi uwu Israel akawahagwili wakadadi witu, ni akakwesiti nsafi apa wakihadisi pandu pa ndima wa Egupto, ni kiwoko kyakukangamala akawapisiti kuku. 18Na kwa lukumbi ngati miaka arobaini akisingiti pa makitiko gawe pa lipululu. 19Na paakayaningi mihuku saba pa ndima wa Kanaan, akawapili awa ndima wawe pa lipwela, kwa lukumbi ngati miaka mia ncheche na hamsini: 20na panyuma pa ifi akawapili wakupawula mpaka Samuel wakulweta. 21Ni panyuma pake wakaluwiti mutwa: nu Mulungu akawapili Saul mwana wa Kish, mundu wa ntangilo wa Benyamin, kwa lukumbi ngati miaka makumi ncheche. 22Na pakambusiti yombe, akanjimisi Daudi kuya mutwa wawe; uyu kawili akalasiti ulungamakiso, kujowa, Ninkolili Daudi mwana wa Yesse, mundu kwa ndingo wa mwoyo wangu, uyu yakite fyoha ifi nifilonda. 23Kuhumila pa mbeyu ya mundu uyu, kwa ndingo wa kilagano, Mulungu akantolili Israel Njokosi, Yesu; 24apa Yohana akawandisi palongolo pa kuyicha kwake ubatiso wa kupela kwa nsafi woha wa Israel. 25Leka Yohana, pa kumalakisa ndila yake, akajowiti, Mukita nenga nu nani? Nukuya nenga. Koma lola, ayicha panyuma pa nenga, uyu sapato sya njayo syake nenga nakulinganila kusiwopola. 26Walongo, wana wa nsafi wa Ibrahim, na awa pa mwenga wakunjogopa Mulungu, kwa tenga lilowe ili lya uyokosi uwu lyatumiki. 27Pakuya wala wakuhwela pa Yerusalem, ni wakulungu wawe, ndawa wakammanyiti lepa, haka malowe ga wakulweta gala wasomaga sabato iyii yoha, wakagafwelanisi pa kumpisa mbifu. 28Na haka wakakolili lepa nyimu ya kufwa pa yombe, leka wakanduwiti Pilato ankome. 29Na pawakamalakisi fyoha fyakulembeka fya yombe, wakanselisi pa nkongo, wambikiti mu manyinja. 30Leka Mulungu akansyusiti pa wakufwa: 31na akawoniki magono mingi kwa wala wakakweliti pamonga nako kuhumila pa Galilaya mpaka pa Yerusalem, wala nawombe hino wayii walungamakiso wake kwa nsafi. 32Na tenga tiwatolela kwinu evangel ya kilagano kilagiki na wakadadi, 33kukita Mulungu agamalakisi kwa wana witu, apa akansyusiti Yesu; umu yilembekili kawili pa zaburi ya kawili, Wenga uyii Mwanangu, lilino nikuhogwili. 34Leka kukita akansyusiti pa wakufwa, nakukilawukila kawili kwa kuwola, ajowiti wilawila, Yaniwapele fiwalafu ni fya kiyitakiso fya Daudi. 35Ndawa ajowa pangi kawili, Yaumpele lepe Mbalafu wako kuwona kuwola. 36Pakuya Daudi, apa akatumakili luhala lwa Mulungu pa kihogosi kyake mwene, akagoniti, na akawikiki pa wakadadi mundu, na akaweni kuwola: 37koma uyu Mulungu akansyusiti akuweni lepe kuwola. 38Mumu kimanyike kwinu, walongo, kukita pa uyu kulekelekesa sambi kukokoseka kwinu mwenga: 39ni pa yuyu ayi yoha wakukela agoloseka pa fyoha, fila muhotwili lepa kugoloseka pa torah ya Musa. 40Mumu mulolaye, kisiwachila mwenga kila kijoweka pa wakulweta;
41Mulolaye, mwenga wakuhepa, leka muganaganaye ni mulale;
Pakuya nihenga lihengo pa magono ginu,
Lihengo ili nukulikela lepa mwenga, haka mundu wona awakokosela.
42Ni pakupita wayii mu kuwalonda walongele nawo malowe aga pa sabato yingi. 43Leka apa sunagoge wakayambaniki, wingi wa waYehudi ni waproselute wakakisini nawo Paolo ni Barnaba: wala nawombe pakulongela nawo, wawakiliti kukita wahwele pa neema yake Mulungu.
44Leka sabato yingi papipi ni likaya lyoha wakakokini pamonga kuyufwanila lilowe lya Mulungu. 45Leka waYehudi, pakaweni mapuga ga wandu, wakamemiti ni wifu, ni wakatumbwili kupindika‐pindika aga gakalongaliki ni Paolo, kukita blasfemia. 46Ni Paolo ni Barnaba wakasindamili kujowa, Ikalinganili kukita lilowe lya Mulungu likalongaliki nu mwenga pakutumbula. Pakuya muliwika patali, ni mwipawula kukita mulinganila lepa kupata kulama kwa miaka, lolaye, ting’anamukila Mihuku. 47Pakuya Bambo atitaukili wilawila, kujowa,
Nikuwikiti kutama lulangalila lwa Mihuku,
Kukita uye kwa uyokosi mpaka songo sya ndima.
48Leka wa Mihuku pakuyufwanila wakahekalili, ni wakalikwisisi lilowe lya Mulungu: ni wayi woha awa wakawikiti pa wakape kwa kulama kwa miaka wakakeliti. 49Leka lilowe lya Bambo likayii kutoleka pa ndima uwu woha. 50Koma waYehudi wakakangamili nawombe wadala wakugwilakimbo wakamba, ni wagosi wakutumbula wa pa likaya, ni wakayimwisi makimbisiko panani pa Paolo ni Barnaba, na wakawatagiti kunja kwa mipaka yawe. 51Leka wakawakung’undili lufumbi lwa pa njayo syawe, ni wakachiti ku Ikonio. 52Na wanafunsi wakamemiti nu kuhekelela nu Roho Mbalafu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.