Ɨfaʼ 8
8
1Sɔlɨ a bémtɨ́ anu məzen ngə́ á bɨ zhwitɨ a Sɨtifa ghe.
Sɔlɨ a Dɨgɨ Ɨbɛn ba bɨ Nɨ́ŋnɨ́ Mɨntəm ɨma a nye Ŋwi ə
Tsɛʼ a njwi məwa, ndáŋwi a Yerosalɛm bíʼnɨ́ ndzě ngɨ́ʼ ndɨgə zɨ ngwi ə. Ɨbɛn bɨtsum ba bɨ nɨ́ŋnɨ́ mɨntəm ɨma a nye Ŋwi dzágɨ́nɨ́ a mu mbuʼ Yudiya abɔʼnɨ Samaria, a tiʼ mbvurɨ tsɛʼ ntóm Yeso ghe. 2Ɨbɛn bə tse ba bɨ kɨ́nə́ ngúʼsə́ a Ŋwi nɨ mɨntəm ɨma mɨtsum twə́ŋ a Sɨtifa, mbúgə́ nɨvwo ɨni tsɛʼ nɨ asɔbɨnɨ zə wi ə.
3Lá Sɔlɨ a zhwə́ŋtɨ́ ngagɨ ndáŋwi ɨ dzagɨ a zɛrə ghe. Wɛrə a kə́ nkúŋə́ nɨ ndá nɨ ndá ɨ shwúŋnɨ́ ɨbɛn ba bɨ nɨ́ŋnɨ́ mɨntəm ɨma a nye Ŋwi, mbáŋnɨ́ bo bɨ bəngye, ngěn nɨ́ŋə́ atsáŋ ə.
Firɨbɔ a Soŋ Nkən wu Shiʼnɨ a Samaria ghe
4Ɨbɛn ba bɨ nɨ́ŋnɨ́ mɨntəm ɨma a nye Ŋwi dzágɨ́nɨ́ ngɛn nɨ ɨdiʼ ɨtsum, ɨ sǒŋ nkən wa. 5Firɨbɔ a ghɛ́n a mu ntáʼmbagə wu wi wa ɨ tsínɨ́ a mu mbuʼ Samaria nchwitɨ nkən wa mbɨ́ʼ a Wa bɨ Zɔ́ʼnɨ́ wa a mbó ɨbɛn ɨwu ə. 6Ɨnɔ ɨbɛn wa ɨ tsínɨ́ ɨwu tɛ́gɨ́ ɨtoŋnɨ ɨtsa a nye anu za Firɨbɔ a kɨ́nə́ sóŋə́ mbáʼ bo kɨ́nə́ njwíʼtɨ́ anu za a kɨ́nə́ sóŋə́ nkə́ ndzě ɨnu tsɨ yerɨnɨ-yerɨnɨ tsa a kɨ́nə́ ngɨə ghe. 7Ɨzhwi tsɨ tɔmnɨnɨ kə́ fúə a nye ɨbɛn bə ghaʼnɨ ntɔ́nkə́ ghe. Bɨ kɨ́ ntsúʼ bɨchɛbɨŋ bə ghaʼnɨ abɔʼnɨ bɨtə́ngórə́kuʼ bə ghaʼnɨ ə. 8Ma lan, nɨdorɨ nə wi tsí a mu ntáʼmbagə wu wi məwiŋ ə.
9Ŋwɔn tse a tsí ɨwu ɨkum ɨyi be Samɔn wa a kɨ́nə́ nchyɛ̌ ɨwu ə. A nye abaŋ zə tse a ghɨ́ ɨnu tsa tsɨ kɨ́ʼnɨ́nɨ́ bə Samaria ba nɨ mɨfu ɨmyi ɛ. Wɛrə a kə́ ntɛrə ɨ soŋə ngə́ zɨə nɨ ŋwɔn wu ngwi tse, 10ŋwɔn tsum a mu ntáʼmbagə wu wi wa, a mbiʼnə a nye ɨbɛn bɨ adaŋədaŋə ɨ kɔʼ kuʼ a nye ɨbɛn bə wi, a tɛ́gɨ́ ɨtoŋnɨ ɨchi a nye zɨə. Bo sóŋ ngə́, “Wɛrə lá adaʼ a Ŋwi za bɨ tɔ́ŋnə́ ngə́, ‹Adaʼ zə Wi ə.› ” 11Bo tɛ́gɨ́ ɨtoŋnɨ ɨtsa wə ɨnye adzaŋ məwen lá mbɨ́ʼ ngə́ a nye nkfu zɨ sa, a kə́ nkɨʼnə awa nɨ mɨfu ɨmyi ma. 12Lá bo ghɨnə nɨ́ŋ mɨntəm ɨma a nye nkən Firɨbɔ mbɨ́ʼ nkən wu shiʼnɨ wu Nɨfɔ nɨ Ŋwi abɔʼnɨ mbɨ́ʼ a Yeso Kristo, bo kwárɨ́ nkyi, mbáŋnɨ́ bo bɨ bəngye. 13Samɔn zɨmboŋ a kɨ́ nɨ́ŋ ntəm ɨyi a nye ɨnu mətsen nkɨ nkwarɨ nkyi ɛ. A ghɨnə nkwárɨ́ nkyi, ntiʼə nkárɨ́kə́ tsɛʼ a mbyɛn Firɨbɔ ghe. A kɨ́ʼnɨ́ ayi adzaŋ za wɛrə a zɛ́nɨ́ Firɨbɔ a ghɨnɨ ɨnu tsɨ tsanɨnɨ tsə wi abɔʼnɨ ɨnu tsɨ yerɨnɨ-yerɨnɨ tsə wi ə.
14Ntóm Yeso tsa tsɨ tsínɨ́ a Yerosalɛm zúʼ ngə́ ɨbɛn bɨ Samaria kwárɨ́ nɨgham nɨ Ŋwi ə. Ma lan, bo tíʼ ntsagɨ a Bita bo Yoane a mbó bo ghe. 15Bo yenə nkón, ntsaʼtɨ a Ŋwi atú ɨbɛn ba bɨ nɨ́ŋnɨ́ mɨntəm ɨma a nye Ŋwi, taŋ á bo chi tiʼ tsi nɨ Azhwi zə Fɛmnɨ ə. 16Mbɨ́ʼ ngə́ Azhwi zə Fɛmnɨ a bvúrɨ́ tɨ shiʼ atú ŋwɔn nɨ bo wu tse; bo kwárɨ́nə tsɛʼ nkyi nɨ ɨkum Maʼmbyí Yeso ghe. 17Bita bo Yoane tíʼ nyɔŋ mbó ɨma atú bo, bo tiʼ ntsi nɨ Azhwi zə Fɛmnɨ ə.
18Samɔn a zɛ́n ngə́ bɨ ghá Azhwi za a mbó ɨbɛn ba bɨ nɨ́ŋnɨ́ mɨntəm ɨma a nye Ŋwi a nkfu za ntóm Yeso tsa nyɔ́ŋnɨ́ mbó ɨma atú bo lá. Ma lan, wɛrə a tíʼ fɨ́gɨ́ ndvuŋ nkáb tse a ngá a mbó Bita bo Yoane, 19ntiʼ nkwiʼtɨ ngə́ “Nɨ kɨ nga mɨtən məmen a mbó me, taŋ ŋwɔn tsum wa ma nyɔŋnɨ mbó ɨman atú zɨ, a mɨ tiʼ tsi nɨ Azhwi zə Fɛmnɨ ə.”
20Lá Bita a chwɨ́gɨ́ wəmbo ngə́, “Mbɨ́ʼ ngə́ o kwaʼtɨ ngə́ o chi zuŋ azúm zə ghanɨ zə Ŋwi nɨ nkáb, á bɨŋ nkáb ɨzo ghɛn a mu ɨmugɨ nɨnkoŋ ə! 21Ka o tsi agho nɨ abárɨ́ a mu afaʼ azɨgɨ ə, mbɨ́ʼ ngə́ ka ntəm ɨgho chinɨ ayi a ɨshi ɨmɨgɨ Ŋwi ə. 22Tiʼ lá mbəŋ ntəm ɨgho a nye akyaŋtɨ zə tɔmnɨnɨ azo məzen, ntsaʼtɨ a Ŋwi a mbó Maʼmbyí ngə́ á chi lɨgɨnɨ mɨbvu ɨmo adzaŋ za o kwaʼtɨnɨ abə́ŋ anu tso məzen lá. 23Mbɨ́ʼ ngə́ ma zɛn ngə́ ntəm ɨgho fɨ́ŋə́ nɨ aghɨʼnɨ, o kɨ mbe ngaŋ atsáŋ a mbó ɨbvu ə.”
24Samɔn a sóŋ a mbó Bita bo Yoane ngə́, “Ma buʼ mbó, á nɨ tsaʼtɨ a Ŋwi a mbó Maʼmbyí a nkfu me, taŋ á anu zen zə tse za nɨ ghamnɨ mbɨ́ʼ a zɛrə lá á keʼ fu a ɨnye me ghe.”
25Bita bo Yoane ghɨnə sóŋ a za bo zhínɨ́ mbɨ́ʼ a Yeso Kristo nkɨ nchwitɨ nkən Maʼmbyí, ntiʼ mbə mbən a Yerosalɛm ə. Bo tɨnə tɨ bɨŋə ɨ sǒŋ Nkən wu Shiʼnɨ a mu ɨtóm tsə ghaʼnɨ a mu mbuʼ Samaria ghe.
Firɨbɔ bo Ŋwɔn wu Ngwi Etiobia ghe
26Ntsendá Maʼmbyí ɨ sóŋ a mbó Firɨbɔ ngə́, “Kyaŋtɨ ɨnye ɨzo ndo ngɛn a bagɨ ntɨ́ŋ#8:26 Kə a ntənɨnyom , a nye ndómnji wa ɨ lonɨ a Yerosalɛm ngěn a Gaza lá.” (Ɨbɛn sě mbɨŋə ntsǎ a nye ndómnji məwen ɨ sɨŋə ghe.) 27Firɨbɔ a tíʼ nkyáŋtɨ́ ɨnye ɨzhi ndo ngen. A ma soŋ agho, ŋwɔn bə Etiobia wa a bénɨ́ sɔŋ, nkɨ mbe ŋwɔn wu ngwi, ndə̌tú nɨ nɨlɛnɨ nɨ ɨfɔ mangye Etiobia, a kə́ nkwě ngěn ayi a njwuʼ zɨə. 28Wɛrə a kwɛ́ ngyen a Yerosalɛm lá a ngúʼsɨ́ Ŋwi ə. Wɛrə a tíʼ ntsí a mu abáŋ a ɨshe zə tse za a kɨ́nə́ shwǔŋ ɨnyamənkarə nkwě ngěn ayi ɛ. Adzaŋ za wɛrə a kɨ́nə́ nkwě lá, wɛrə a kə́ ntɔ̌ŋ aŋwaʼnɨ za ntom Ŋwi Asaya ɨ ŋwáʼnɨ́nə́. 29Azhwi zə Fɛmnɨ a sóŋ a mbó Firɨbɔ ngə́, “Kɔʼ ngɛn nkwatɨ abáŋ a ɨshe zhirɨ, ɨ fátɨ́ a zɛrə, ngyénə́ bɨŋ zɛrə ghe.” 30Firɨbɔ a kɨ́ə ngɛn nkwatɨ a zɛrə, ndzuʼ wɛrə a tɔŋtɨnɨ aŋwaʼnɨ za Ntom Ŋwi Asaya ɨ ŋwáʼnɨ́nə́. Wɛrə a bítɨ́ ayi ngə́, “O zúʼə nkə́ njíɛ anu za o tɔ́ŋnə́ lá le?”
31Ŋwɔn wu ngwi wa a chwɨ́gɨ́ ngə́, “Ma mɨ tiʼ zuʼ kɨ zhi lá ɨ nə́ tɨgha ŋwɔn tse a lanɨ fɨʼtɨ a mbó me le?” Wɛrə a tíʼ nghón a Firɨbɔ ngə́ á kɔʼ nkon a mu abáŋ a ɨshe azhi za ɨ shiʼtɨ ntsi a mbyɛn zɨə. 32Adiʼ a nɨgham nɨ Ŋwi za wɛrə a kɨ́nə́ ntɔ́ŋə́ a bé lá ngə́:
“Tso mbyindzɨ za bɨ ghɛnə nɨ zɛrə a nkyémə́,
tso mɔn mbyindzɨ wa a sě mɛ́ʼə a nkfu za bɨ chɛrɨnɨ ɨnyɔŋ ɨnye ɨchi,
a sé tsɛʼ táʼ atú a nɨgham soŋə.
33Bɨ nɨ́ŋ adɨrətú wə ɨnye, ŋwɔn tse a keʼ tsi ɨwu wa a chinɨ ɨ kɔʼ kyɛm ngə́ ŋwɔn wen a nɨ tɨzhi ɛ.
Ɨwa a chi soŋ adzaŋ za nɨwə̌ ɨni nɨŋ benɨ le? Tso mbáʼ
ntsi mbyi ɨzhi atuəshe lwitɨnə lá le?”
34Ŋwɔn wu ngwi wa a bítɨ́ a Firɨbɔ ngə́, “Soŋ aghə, ntom Ŋwi ziŋ ghamə lá mbɨ́ʼ awa le? Ɨ ghamə lá mbɨ́ʼ atuəmbəm azhi kə mbɨ́ʼ a ŋwɔn adaŋ le?” 35Firɨbɔ a tíʼ nchwɨ́gɨ́ ayi; mbiʼnɨ a nye adiʼ a nɨgham nɨ Ŋwi za, wɛrə a sóŋ Nkən wu Shiʼnɨ mbɨ́ʼ a Yeso a mbó zɨə. 36Adzaŋ za bo kɨ́nə́ ndzɔ̌ŋ ndómnji wa ɨ shiʼə ngěn lá, bo yén nkuʼ a nye adiʼ zə tse za a tsínɨ́ nɨ nkyi ɛ. Ŋwɔn wu ngwi wa a sóŋ ngə́, “Nkyi ɨ wɛnə ghe. Ake mɨ chwa aghan ngə́ á ma kaʼ nkyi kwarɨ le?” 37#8:37 Ɨŋwaʼnɨ tsɨ lvuŋ tsɨ mɔʼɔ kwiʼtɨ nkaŋ 37 ɨtsum kə abagɨ azhi ngə́: Firɨbɔ a sóŋ wəmbo ngə́, “O chi kwarɨ nkyi mbáʼ be o nɨŋ ntəm ɨgho a nye Ŋwi tsɛʼ ɨtsum ə.” Wɛrə a chwɨ́gɨ́ ngə́, “Ma nɨŋə, ma nɨŋ ntəm ɨghan a nye məzen ngə́ Yeso Kristo a nɨ Mɔn Ŋwi ə.”
38Ŋwɔn wu ngwi wa a sóŋ ngə́ á bɨ tɛm nɨ abáŋ a ɨshe azhi za. Bɨ tɛ́mə́, Firɨbɔ bo ŋwɔn wu ngwi wa tiʼ shiʼ nkon a mu nkyi wa, Firɨbɔ a gha nkyi wəmbo ə. 39Bo ghɨnə fú a mu nkyi wa, Azhwi a Maʼmbyí a lɔgɨ a Firɨbɔ mbyekɨ nɨ zɨə. Ŋwɔn wu ngwi wa a sé ayi bə ndze, lá nkə́ nkwě ngěn ayi tsɛʼ kwɛnɨ, ndon nɨ nɨdorɨ ə. 40Firɨbɔ a tíʼ ndzɛ́n ngə́ zɨə tsí Azotusɨ; ntiʼ ngwɛm ndóm ngɛn a Seseria ghe. Adzaŋ za wɛrə a kɨ́nə́ ngěn lá, wɛrə kə́ sǒŋ Nkən wu Shiʼnɨ a mu ntáʼmbagə ɨtsum tsa wɛrə a kɨ́nə́ ntsǎ wə mu ə.
നിലവിൽ തിരഞ്ഞെടുത്തിരിക്കുന്നു:
Ɨfaʼ 8: MNT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, CABTAL
Ɨfaʼ 8
8
1Sɔlɨ a bémtɨ́ anu məzen ngə́ á bɨ zhwitɨ a Sɨtifa ghe.
Sɔlɨ a Dɨgɨ Ɨbɛn ba bɨ Nɨ́ŋnɨ́ Mɨntəm ɨma a nye Ŋwi ə
Tsɛʼ a njwi məwa, ndáŋwi a Yerosalɛm bíʼnɨ́ ndzě ngɨ́ʼ ndɨgə zɨ ngwi ə. Ɨbɛn bɨtsum ba bɨ nɨ́ŋnɨ́ mɨntəm ɨma a nye Ŋwi dzágɨ́nɨ́ a mu mbuʼ Yudiya abɔʼnɨ Samaria, a tiʼ mbvurɨ tsɛʼ ntóm Yeso ghe. 2Ɨbɛn bə tse ba bɨ kɨ́nə́ ngúʼsə́ a Ŋwi nɨ mɨntəm ɨma mɨtsum twə́ŋ a Sɨtifa, mbúgə́ nɨvwo ɨni tsɛʼ nɨ asɔbɨnɨ zə wi ə.
3Lá Sɔlɨ a zhwə́ŋtɨ́ ngagɨ ndáŋwi ɨ dzagɨ a zɛrə ghe. Wɛrə a kə́ nkúŋə́ nɨ ndá nɨ ndá ɨ shwúŋnɨ́ ɨbɛn ba bɨ nɨ́ŋnɨ́ mɨntəm ɨma a nye Ŋwi, mbáŋnɨ́ bo bɨ bəngye, ngěn nɨ́ŋə́ atsáŋ ə.
Firɨbɔ a Soŋ Nkən wu Shiʼnɨ a Samaria ghe
4Ɨbɛn ba bɨ nɨ́ŋnɨ́ mɨntəm ɨma a nye Ŋwi dzágɨ́nɨ́ ngɛn nɨ ɨdiʼ ɨtsum, ɨ sǒŋ nkən wa. 5Firɨbɔ a ghɛ́n a mu ntáʼmbagə wu wi wa ɨ tsínɨ́ a mu mbuʼ Samaria nchwitɨ nkən wa mbɨ́ʼ a Wa bɨ Zɔ́ʼnɨ́ wa a mbó ɨbɛn ɨwu ə. 6Ɨnɔ ɨbɛn wa ɨ tsínɨ́ ɨwu tɛ́gɨ́ ɨtoŋnɨ ɨtsa a nye anu za Firɨbɔ a kɨ́nə́ sóŋə́ mbáʼ bo kɨ́nə́ njwíʼtɨ́ anu za a kɨ́nə́ sóŋə́ nkə́ ndzě ɨnu tsɨ yerɨnɨ-yerɨnɨ tsa a kɨ́nə́ ngɨə ghe. 7Ɨzhwi tsɨ tɔmnɨnɨ kə́ fúə a nye ɨbɛn bə ghaʼnɨ ntɔ́nkə́ ghe. Bɨ kɨ́ ntsúʼ bɨchɛbɨŋ bə ghaʼnɨ abɔʼnɨ bɨtə́ngórə́kuʼ bə ghaʼnɨ ə. 8Ma lan, nɨdorɨ nə wi tsí a mu ntáʼmbagə wu wi məwiŋ ə.
9Ŋwɔn tse a tsí ɨwu ɨkum ɨyi be Samɔn wa a kɨ́nə́ nchyɛ̌ ɨwu ə. A nye abaŋ zə tse a ghɨ́ ɨnu tsa tsɨ kɨ́ʼnɨ́nɨ́ bə Samaria ba nɨ mɨfu ɨmyi ɛ. Wɛrə a kə́ ntɛrə ɨ soŋə ngə́ zɨə nɨ ŋwɔn wu ngwi tse, 10ŋwɔn tsum a mu ntáʼmbagə wu wi wa, a mbiʼnə a nye ɨbɛn bɨ adaŋədaŋə ɨ kɔʼ kuʼ a nye ɨbɛn bə wi, a tɛ́gɨ́ ɨtoŋnɨ ɨchi a nye zɨə. Bo sóŋ ngə́, “Wɛrə lá adaʼ a Ŋwi za bɨ tɔ́ŋnə́ ngə́, ‹Adaʼ zə Wi ə.› ” 11Bo tɛ́gɨ́ ɨtoŋnɨ ɨtsa wə ɨnye adzaŋ məwen lá mbɨ́ʼ ngə́ a nye nkfu zɨ sa, a kə́ nkɨʼnə awa nɨ mɨfu ɨmyi ma. 12Lá bo ghɨnə nɨ́ŋ mɨntəm ɨma a nye nkən Firɨbɔ mbɨ́ʼ nkən wu shiʼnɨ wu Nɨfɔ nɨ Ŋwi abɔʼnɨ mbɨ́ʼ a Yeso Kristo, bo kwárɨ́ nkyi, mbáŋnɨ́ bo bɨ bəngye. 13Samɔn zɨmboŋ a kɨ́ nɨ́ŋ ntəm ɨyi a nye ɨnu mətsen nkɨ nkwarɨ nkyi ɛ. A ghɨnə nkwárɨ́ nkyi, ntiʼə nkárɨ́kə́ tsɛʼ a mbyɛn Firɨbɔ ghe. A kɨ́ʼnɨ́ ayi adzaŋ za wɛrə a zɛ́nɨ́ Firɨbɔ a ghɨnɨ ɨnu tsɨ tsanɨnɨ tsə wi abɔʼnɨ ɨnu tsɨ yerɨnɨ-yerɨnɨ tsə wi ə.
14Ntóm Yeso tsa tsɨ tsínɨ́ a Yerosalɛm zúʼ ngə́ ɨbɛn bɨ Samaria kwárɨ́ nɨgham nɨ Ŋwi ə. Ma lan, bo tíʼ ntsagɨ a Bita bo Yoane a mbó bo ghe. 15Bo yenə nkón, ntsaʼtɨ a Ŋwi atú ɨbɛn ba bɨ nɨ́ŋnɨ́ mɨntəm ɨma a nye Ŋwi, taŋ á bo chi tiʼ tsi nɨ Azhwi zə Fɛmnɨ ə. 16Mbɨ́ʼ ngə́ Azhwi zə Fɛmnɨ a bvúrɨ́ tɨ shiʼ atú ŋwɔn nɨ bo wu tse; bo kwárɨ́nə tsɛʼ nkyi nɨ ɨkum Maʼmbyí Yeso ghe. 17Bita bo Yoane tíʼ nyɔŋ mbó ɨma atú bo, bo tiʼ ntsi nɨ Azhwi zə Fɛmnɨ ə.
18Samɔn a zɛ́n ngə́ bɨ ghá Azhwi za a mbó ɨbɛn ba bɨ nɨ́ŋnɨ́ mɨntəm ɨma a nye Ŋwi a nkfu za ntóm Yeso tsa nyɔ́ŋnɨ́ mbó ɨma atú bo lá. Ma lan, wɛrə a tíʼ fɨ́gɨ́ ndvuŋ nkáb tse a ngá a mbó Bita bo Yoane, 19ntiʼ nkwiʼtɨ ngə́ “Nɨ kɨ nga mɨtən məmen a mbó me, taŋ ŋwɔn tsum wa ma nyɔŋnɨ mbó ɨman atú zɨ, a mɨ tiʼ tsi nɨ Azhwi zə Fɛmnɨ ə.”
20Lá Bita a chwɨ́gɨ́ wəmbo ngə́, “Mbɨ́ʼ ngə́ o kwaʼtɨ ngə́ o chi zuŋ azúm zə ghanɨ zə Ŋwi nɨ nkáb, á bɨŋ nkáb ɨzo ghɛn a mu ɨmugɨ nɨnkoŋ ə! 21Ka o tsi agho nɨ abárɨ́ a mu afaʼ azɨgɨ ə, mbɨ́ʼ ngə́ ka ntəm ɨgho chinɨ ayi a ɨshi ɨmɨgɨ Ŋwi ə. 22Tiʼ lá mbəŋ ntəm ɨgho a nye akyaŋtɨ zə tɔmnɨnɨ azo məzen, ntsaʼtɨ a Ŋwi a mbó Maʼmbyí ngə́ á chi lɨgɨnɨ mɨbvu ɨmo adzaŋ za o kwaʼtɨnɨ abə́ŋ anu tso məzen lá. 23Mbɨ́ʼ ngə́ ma zɛn ngə́ ntəm ɨgho fɨ́ŋə́ nɨ aghɨʼnɨ, o kɨ mbe ngaŋ atsáŋ a mbó ɨbvu ə.”
24Samɔn a sóŋ a mbó Bita bo Yoane ngə́, “Ma buʼ mbó, á nɨ tsaʼtɨ a Ŋwi a mbó Maʼmbyí a nkfu me, taŋ á anu zen zə tse za nɨ ghamnɨ mbɨ́ʼ a zɛrə lá á keʼ fu a ɨnye me ghe.”
25Bita bo Yoane ghɨnə sóŋ a za bo zhínɨ́ mbɨ́ʼ a Yeso Kristo nkɨ nchwitɨ nkən Maʼmbyí, ntiʼ mbə mbən a Yerosalɛm ə. Bo tɨnə tɨ bɨŋə ɨ sǒŋ Nkən wu Shiʼnɨ a mu ɨtóm tsə ghaʼnɨ a mu mbuʼ Samaria ghe.
Firɨbɔ bo Ŋwɔn wu Ngwi Etiobia ghe
26Ntsendá Maʼmbyí ɨ sóŋ a mbó Firɨbɔ ngə́, “Kyaŋtɨ ɨnye ɨzo ndo ngɛn a bagɨ ntɨ́ŋ#8:26 Kə a ntənɨnyom , a nye ndómnji wa ɨ lonɨ a Yerosalɛm ngěn a Gaza lá.” (Ɨbɛn sě mbɨŋə ntsǎ a nye ndómnji məwen ɨ sɨŋə ghe.) 27Firɨbɔ a tíʼ nkyáŋtɨ́ ɨnye ɨzhi ndo ngen. A ma soŋ agho, ŋwɔn bə Etiobia wa a bénɨ́ sɔŋ, nkɨ mbe ŋwɔn wu ngwi, ndə̌tú nɨ nɨlɛnɨ nɨ ɨfɔ mangye Etiobia, a kə́ nkwě ngěn ayi a njwuʼ zɨə. 28Wɛrə a kwɛ́ ngyen a Yerosalɛm lá a ngúʼsɨ́ Ŋwi ə. Wɛrə a tíʼ ntsí a mu abáŋ a ɨshe zə tse za a kɨ́nə́ shwǔŋ ɨnyamənkarə nkwě ngěn ayi ɛ. Adzaŋ za wɛrə a kɨ́nə́ nkwě lá, wɛrə a kə́ ntɔ̌ŋ aŋwaʼnɨ za ntom Ŋwi Asaya ɨ ŋwáʼnɨ́nə́. 29Azhwi zə Fɛmnɨ a sóŋ a mbó Firɨbɔ ngə́, “Kɔʼ ngɛn nkwatɨ abáŋ a ɨshe zhirɨ, ɨ fátɨ́ a zɛrə, ngyénə́ bɨŋ zɛrə ghe.” 30Firɨbɔ a kɨ́ə ngɛn nkwatɨ a zɛrə, ndzuʼ wɛrə a tɔŋtɨnɨ aŋwaʼnɨ za Ntom Ŋwi Asaya ɨ ŋwáʼnɨ́nə́. Wɛrə a bítɨ́ ayi ngə́, “O zúʼə nkə́ njíɛ anu za o tɔ́ŋnə́ lá le?”
31Ŋwɔn wu ngwi wa a chwɨ́gɨ́ ngə́, “Ma mɨ tiʼ zuʼ kɨ zhi lá ɨ nə́ tɨgha ŋwɔn tse a lanɨ fɨʼtɨ a mbó me le?” Wɛrə a tíʼ nghón a Firɨbɔ ngə́ á kɔʼ nkon a mu abáŋ a ɨshe azhi za ɨ shiʼtɨ ntsi a mbyɛn zɨə. 32Adiʼ a nɨgham nɨ Ŋwi za wɛrə a kɨ́nə́ ntɔ́ŋə́ a bé lá ngə́:
“Tso mbyindzɨ za bɨ ghɛnə nɨ zɛrə a nkyémə́,
tso mɔn mbyindzɨ wa a sě mɛ́ʼə a nkfu za bɨ chɛrɨnɨ ɨnyɔŋ ɨnye ɨchi,
a sé tsɛʼ táʼ atú a nɨgham soŋə.
33Bɨ nɨ́ŋ adɨrətú wə ɨnye, ŋwɔn tse a keʼ tsi ɨwu wa a chinɨ ɨ kɔʼ kyɛm ngə́ ŋwɔn wen a nɨ tɨzhi ɛ.
Ɨwa a chi soŋ adzaŋ za nɨwə̌ ɨni nɨŋ benɨ le? Tso mbáʼ
ntsi mbyi ɨzhi atuəshe lwitɨnə lá le?”
34Ŋwɔn wu ngwi wa a bítɨ́ a Firɨbɔ ngə́, “Soŋ aghə, ntom Ŋwi ziŋ ghamə lá mbɨ́ʼ awa le? Ɨ ghamə lá mbɨ́ʼ atuəmbəm azhi kə mbɨ́ʼ a ŋwɔn adaŋ le?” 35Firɨbɔ a tíʼ nchwɨ́gɨ́ ayi; mbiʼnɨ a nye adiʼ a nɨgham nɨ Ŋwi za, wɛrə a sóŋ Nkən wu Shiʼnɨ mbɨ́ʼ a Yeso a mbó zɨə. 36Adzaŋ za bo kɨ́nə́ ndzɔ̌ŋ ndómnji wa ɨ shiʼə ngěn lá, bo yén nkuʼ a nye adiʼ zə tse za a tsínɨ́ nɨ nkyi ɛ. Ŋwɔn wu ngwi wa a sóŋ ngə́, “Nkyi ɨ wɛnə ghe. Ake mɨ chwa aghan ngə́ á ma kaʼ nkyi kwarɨ le?” 37#8:37 Ɨŋwaʼnɨ tsɨ lvuŋ tsɨ mɔʼɔ kwiʼtɨ nkaŋ 37 ɨtsum kə abagɨ azhi ngə́: Firɨbɔ a sóŋ wəmbo ngə́, “O chi kwarɨ nkyi mbáʼ be o nɨŋ ntəm ɨgho a nye Ŋwi tsɛʼ ɨtsum ə.” Wɛrə a chwɨ́gɨ́ ngə́, “Ma nɨŋə, ma nɨŋ ntəm ɨghan a nye məzen ngə́ Yeso Kristo a nɨ Mɔn Ŋwi ə.”
38Ŋwɔn wu ngwi wa a sóŋ ngə́ á bɨ tɛm nɨ abáŋ a ɨshe azhi za. Bɨ tɛ́mə́, Firɨbɔ bo ŋwɔn wu ngwi wa tiʼ shiʼ nkon a mu nkyi wa, Firɨbɔ a gha nkyi wəmbo ə. 39Bo ghɨnə fú a mu nkyi wa, Azhwi a Maʼmbyí a lɔgɨ a Firɨbɔ mbyekɨ nɨ zɨə. Ŋwɔn wu ngwi wa a sé ayi bə ndze, lá nkə́ nkwě ngěn ayi tsɛʼ kwɛnɨ, ndon nɨ nɨdorɨ ə. 40Firɨbɔ a tíʼ ndzɛ́n ngə́ zɨə tsí Azotusɨ; ntiʼ ngwɛm ndóm ngɛn a Seseria ghe. Adzaŋ za wɛrə a kɨ́nə́ ngěn lá, wɛrə kə́ sǒŋ Nkən wu Shiʼnɨ a mu ntáʼmbagə ɨtsum tsa wɛrə a kɨ́nə́ ntsǎ wə mu ə.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, CABTAL