Ɨfaʼ 27
27
Adzaŋ za Baolo a Yénɨ́ Nɨyen a mu Nkyi Ngɛn a Roma ghe
1Bɨ ghɨnə ntɛ́gɨ́nɨ́ ngə́ á bɨgɨ yiŋ nɨyen a mu nkyi ngɛ́n a Itali, ɨ nɨŋ a Baolo abɔʼnɨ ngaŋ atsáŋ tsə mɔʼɔ a mu mbó Jurɨyɔsɨ ə. Wɛrə a bé tantso bɨgwe nkɨ wu fɨgɨnɨ a mu achwirɨ a bɨgwe bɨ bə Roma za bɨ kɨ́nə́ ntɔ́ŋə́ ngə́, “Achwirɨ a Bɨgwe zə Kaisa ghe”. 2Bɨgɨ kɔ́ʼ nkón a mu abáŋ a nkyi za a lónɨ́ Adramityum, ntiʼ ntsi nɨ ngen nɨ mɨtɛmnɨ mɨ ɨbáŋ nkyi ma mɨ tsínɨ́ a ngə́rɨ́ sagɨrə wu ngwi wa a tsínɨ́ a mbuʼ Esha lá, ntiʼ ngyiŋ nɨyen a mu nkyi ɛ. Aristakusɨ, ŋwɔn bə Masedonia wa a lónɨ́ a Tesalonaika a tsí bɨgɨ bo ghe. 3Njwi zɨ mɔʼɔ lanə, bɨgɨ yen nkon a Saidɔn ə. Jurɨyɔsɨ a tsí nɨ ntəm ngɨ ɨbɔŋ a ɨnye Baolo, ɨ nyɛʼtɨ ayi ngə́ á ghɛn ndzɛn bɨson ɨbyi, á bɨ gha ayi nɨ azúm za a kɨ́nə́ ndǒ ghe. 4Bɨgɨ ló ɨwu, ngɛn nɨ mbyi nɨ nɨyen ɨnɨgɨ ə. Mbɨ́ʼ ngə́ kɨfɛrɨ a kə́ njintə awɨgɨ, bɨgɨ tsá nɨ ndóm adiʼ za nkyi karɨsɨnɨ bɨ tɔŋə nɨ Saibrusɨ lá, a bagɨ wa kɨfɛrɨ a bɔ́nɨ́nɨ́ ɨwu ə. 5Bɨgɨ dáŋ a sagɨrə wu ngwi wa a tsínɨ́ a kɨʼ Silisha bo Bamfilya lá, ngyen fu a Maira a mu Laisia ghe. 6Ɨwu, tantso bɨgwe nkɨ wu fɨgɨnɨ wa a zɛ́n abáŋ a nkyi za a lónɨ́ Alɛgɨsandɨrɨya, ntsi nɨ ngen a Itali, ma lan, wɛrə a tíʼ ntsagɨ awɨgɨ wə mu ə.
7Bɨgɨ yíŋ nɨyen a mu nkyi tsɛʼ abɔbɔ atú njwi tsɨ ghaʼtɨnɨ a mu ngɨ́ʼ zɨ ngwi ə. A ndwɨgɨnə, bɨgɨ yén fú a kɨʼ ntáʼmbagə Nidusɨ, mbáʼ kɨfɛrɨ wa a kɨ́nə́ njintə awɨgɨ tsɛʼ jintɨnɨ, nchi keʼ nyɛʼtɨ á bɨgɨ zɔŋ ndóm məwa lá, ma lan, bɨgɨ tíʼ ngwámtɨ́ shíʼ ntsa nɨ bagɨ wa kɨfɛrɨ a bɔ́nɨ́nɨ́ ɨwu a Kritɨ, adiʼ za nkyi karɨsɨnɨ, mbaʼtɨ adiʼ za a shwɔŋnɨnɨ nkon ngɛn a mu nkyi bɨ tɔŋə nɨ Sarɨmɔnɨ lá. 8Bɨgɨ kə́ ntánə́ tsɛʼ aghɔ́ŋəghɔ́ŋ nɨ ngɨ́ʼ zɨ ngwi ngyen fu a nye adiʼ zə tse za bɨ kɨ́nə́ ntɔ́ŋə́ ngə́ Sef Abɔsɨ, abaŋ a keʼ bə sagɨ ɨ ghɛn kon a Lesi ə.
9Bɨgɨ tsí ɨwu a nye abaŋ zə sa, ɨ kɔʼ kuʼ a nye nkfu za abyɛn a sé bə mbɔŋ a ngen nɨ mbyi nɨ nɨyen ɨnɨgɨ ə. Mbɨ́ʼ ngə́ Njwi Nchigɨ Nji tsə Ntsaʼtɨ Ŋwi ɨ tsánə, Baolo a tíʼ ntɨ́gɨ́tɨ́ ngə́: 10“Bɨtə̧, ma zɛn ngə́ nɨyen ɨnɨgɨnə ɨ lɔgɨnɨ ɨghan nɨ mɨ keʼ bɔŋə; byé wu ngwi a mɨ fu a nye abyɛʼ abɔʼnɨ abáŋ a nkyi zen, á ɨbɛn kɨ nkfokə.” 11Lá tantso bɨgwe nkɨ wu fɨgɨnɨ wa a báŋnɨ́ ndzúʼ be anu za mboŋ abáŋ a nkyi za bo ntyǐŋ abáŋ za sóŋnɨ́, ɨ nyɛʼ a zə Baolo ghe. 12Nɨtɛmnɨ nə abáŋ a nkyi na sé bɔŋ a nchyɛ́ ɨwu a nkfu ɨfɛgɨ wu tən wa; ma lan, nɨghaʼ ɨbɛn a bémtɨ́ ngə́ á bɨ ghɛn nɨ mbyi njwə́ŋtə́ a ndzé ngə́ be bo ghɛn nkuʼ a Finigɨsɨ taŋ ɨ tiʼ tsi ɨwu a nkfu ɨfɛgɨ wu tən wa. Finigɨsɨ a nɨ nɨtɛmnɨ nə abáŋ a nkyi a mu Kritɨ na nɨ lenɨ mbuʼ ntɨ́ŋ mbyɛn nɨbɨŋə bo mbuʼ atú mbyɛn nɨbɨŋə ghe.
Kɨfɛrɨ wu Ntən a mu Sagɨrə wu Ngwi ə
13Kɨfɛrɨ wu mbɔnɨnɨ a ló nɨ bagɨ ntɨ́ŋ mbiʼnɨ ntsǎ, ɨbɛn ba kwáʼtɨ́ ngə́ bo kɨ chi ghɨ anu za bo kyáŋtɨ́nɨ́, ma lan, bo shwúŋ a təkɨŋ atɨŋə wa a chwánɨ́ abáŋ a nkyi za nkɔ́ʼsɨ́, ntiʼ ngyiŋ nɨyen a mu nkyi, nghɔ́btə́ tsɛʼ ghɔbtɨnɨ ngə́rɨ́ sagɨrə wu ngwi wa a tsinɨ a Kritɨ ə. 14Lá tsɛʼ mɨmboŋnɨ, kɨfɛrɨ wu ntən, wa bɨ kɨ́nə́ ntɔ́ŋə́ ngə́, “Nɔtɨ-ista”, a ló a mu adiʼ za nkyi kárɨ́sɨ́nɨ́ lá, ndzɔrɨsɨ ɨ shiʼ a mu sagɨrə wu ngwi wa. 15A túm abáŋ a nkyi za. Mbáʼ bɨgɨ kɨ chi keʼ a kɨfɛrɨ wu ntən wa jintɨ lá, bɨgɨ sé bə njwəŋtɨ a ngɨ anu zə tsɛrə ghe. Bɨgɨ nyɛ́ʼtɨ́ kɨfɛrɨ wa a tyiŋ abáŋ a nkyi za ngɛn nɨ zɛrə a ndóm wa a kɨ́nə́ ngěn ɨwu ə. 16Bɨgɨ tsí nɨ mbɔnɨ zɨ tse a nkfu za bɨgɨ tsánɨ́ ntíʼə ngyíŋə́ a bagɨ ntɨ́ŋ mɨnya mɨ adiʼ za nkyi kárɨ́sɨ́nɨ́ bɨ tɔŋə ngə́ Kɔda lá. Ɨwu, bɨgɨ tíʼ ntyikɨ tsɛʼ nɨ ngɨ́ʼ zɨ ngwi a ndé akanuʼ zə wi za abáŋ a nkyi za a kɨ́nə́ shwuŋə á keʼ nchíʼnə́ ghe. 17Bɨ shwúŋ nkón nɨ zɛrə a mu abáŋ a nkyi za ntiʼ sɨtɨ a zɛrə nɨ mɨnkɨ ntsa nkárɨ́sɨ́ abáŋ a nkyi za. Bo kə́ mbɔ́gə́ ngə́ bo chi ghɛn ɨniʼnɨ a nye aláŋsə́ awaŋə za a tsínɨ́ a ngə́rɨ́ sagɨrə wu ngwi wa a tsínɨ́ a Libya lá, ma lan, bo shíʼsɨ́ atsɛʼ za kɨfɛrɨ a kɨ́nə́ ntɔʼə abáŋ a nkyi za ɨwu a ghěnə lá, ntiʼ nyɛʼtɨ kɨfɛrɨ wa a tyiŋ abáŋ a nkyi za ngɛn nɨ zɛrə a ndóm wa a kɨ́nə́ ngěn ghe. 18Kɨfɛrɨ wu ntən wa a kə́ ntsǎ tsɛʼ tsanə, ma lan, njwi zɨ mɔʼɔ lanə, bo biʼnɨ ngwáŋnɨ́ abyɛʼ zə mɔʼɔ za abáŋ a nkyi za a byɛ́ʼnɨ́ a mu nkyi ɛ. 19Njwi zɨ mɔʼɔ lanə, bo wáŋnɨ́ ɨdzúm afaʼ abáŋ a nkyi za tsə mɔʼɔ a mu nkyi ɛ. 20Atú njwi tsə ghaʼnɨ, bɨgɨ kɨ chi keʼ ze ntsu nɨnyom kə mɨndzɔŋ ə. Kɨfɛrɨ wu ntən wa a kə́ ntsǎ tsɛʼ tsanə. Ntsiŋə nɨ ntəm tsum ngə́ bɨ chi loŋ awɨgɨ ɨ miə.
21Bo ba bɨ tsínɨ́ a mu abáŋ a nkyi za ghɨnə ntsí a nye abaŋ zə sa tɨ dzɨ, Baolo a tɛm atɨ́ ɨ soŋ a mbó bo ngə́, “Ɨbɔmbɨma, nɨ kɨ ba be zhwiʼtɨ anu za ma kɨ soŋnɨ, ɨ keʼ biʼnɨ a Kritɨ a ngyiŋ nɨyen nen a mu nkyi muŋ, ka bɨgɨnə tsənkɨ awɨgɨnə ɨdzúm adzaŋ wen, nkeʼ kɨ ntsi nɨ ndvuŋ byé wiŋ ə. 22Lá ma buʼ mbó a mbó bɨŋ ə, á nɨ chwatɨ mɨntəm ɨmɨŋ ə! Táʼ ŋwɔn nɨ bən wu tse a mɨ keʼ kfoə; bɨ mɨ byɛgɨ tsɛʼ abáŋ a nkyi ziŋ ə. 23Mbɨ́ʼ ngə́ a lo mbe nɨ ɨtfúʼ sɨŋə, ntsendá za a nɨ zɨ Ŋwi, zɨ wa ma tsinɨ wə bagɨ nkə́ ngúʼsə́ ayi, ɨ yen a mbó me 24ɨ soŋ ngə́, ‹Baolo koʼ bɔgə! O mɨ zagɨ tɛm a ɨshi Kaisa ghe. Ŋwi a tsa a ndzum ɨbɔŋ wa wɛrə a tsinɨ nɨ wɛrə a nye gho ntsuʼ atú a ŋwɔn tsum wa a yenɨ nɨyen nen a mu nkyi bɨŋ bo ghe.› 25Ma lan, nə ɨbɔmbɨma, á nɨ chwatɨ mɨntəm ɨmɨŋ ə! Mbɨ́ʼ ngə́ ma nɨŋ ntəm ɨghan a nye Ŋwi ngə́ a mɨ be tsɛʼ adzaŋ za bɨ kɨ fɨʼtɨnɨ a mbó me lá. 26Lá bɨ mɨ tyiŋ awɨgɨnə ɨ ghɛn nyɛʼtɨ a nye adiʼ za nkyi karɨsɨnɨ zə tse ghe.”
27A kɔ́ʼnə nkuʼ njwi nɨghúm ntsɔb nɨkwa nɨ ɨtfúʼ, kɨfɛrɨ wu ntən wa a mbvurə ntyiŋə awɨgɨ tsɛʼ tyiŋnɨ nkárɨ́sə́ a mu sagɨrə wu ngwi Mediterenia ghe. A ghɨnə mbé tso ntɨŋ ɨtfúʼ, ɨbɛn ba bɨ kɨ́nə́ ntyíŋə́ abáŋ a nkyi za kwaʼtɨ ngə́ bɨgɨ kɨ chínə́ ntíʼə fátɨ́ ngə́rɨ́ nkyi ɛ. 28Ma lan, bo shíʼsɨ́ nkɨ wa bɨ kórɨ́nɨ́ azúm zə dɨrɨnɨ wə ndwitə ndzɛn ngə́ adiʼ məzen a shwí ɨ shiʼ ngɛn a nye bɨmita 40; abaŋ a bənə mbé ɨwu, bo kwiʼ nkwatɨ ɨ fɨʼ ndzɛn ngə́ a nɨ bɨmita 30 ghe. 29Bo kə́ mbɔ́gə́ ngə́ kɨfɛrɨ a mɨ tyiŋ abáŋ a nkyi za ɨ ghɛn nyɛʼtɨ atú mɨngɔʼ ə. Ma lan, bo shíʼsɨ́ bɨtəkɨŋ bɨ ɨtɨŋə bi nɨkwa a ndzum abáŋ a nkyi za, ntiʼə ntsáʼtə́ a Ŋwi ngə́ á njwi yaŋnɨ ndə̌. 30Ɨbɛn ba bɨ kɨ́nə́ ntyíŋə́ abáŋ a nkyi za tíʼ njwə́ŋtɨ́ a fúə a mu abáŋ a nkyi za ɨ kɨə awa ghe. Adzaŋ məwen, bo tíʼ ngɨ abáŋ a nkyi za a kontɨ ngɛn a mu nkyi, ntiʼ ngɨ ɨtsi ngə́ bo kə́ ndǒ ɨ shiʼsɨ bɨtəkɨŋ bɨ ɨtɨŋə bə tse a ɨshi abáŋ a nkyi za. 31Baolo a sóŋ a mbó tantso bɨgwe nkɨ wu fɨgɨnɨ wa abɔʼnɨ bɨgwe ba ngə́, “Be bɨntyǐŋ bɨ abáŋ biŋ tú ghɔŋ a mu abáŋ a nkyi zen muŋ bɨgɨnə se bə mbvurɨ ntsi nɨ ntsiŋə nɨ ntəm tsum tse ngə́ bɨ mɨ loŋ awɨgɨnə ghe.” 32Ma lan, bɨgwe ba tíʼ tə́ntɨ́ mɨnkɨ ma mɨ chwánɨ́ akanuʼ zə wi za ntiʼ nyɛʼtɨ a zɛrə ghe.
33Bɔŋ á njwi ndə̌, Baolo a búʼ mbó a mbó bo ngə́ á bo dzɨ mɨdzɨ adzaŋ za wɛrə a sóŋnɨ́ ngə́: “A nɨ njwi nɨghúm ntsɔb nɨkwa ɨ yen kuʼ tɨtsɔŋnɨ mbáʼ nɨ tsinɨ adzaŋ wen tɨ zhi a za a mɨ yiŋə. Atú nkfu ziŋ tsum nɨ se azúm zə tse dzɨə. 34Ma buʼ mbó a mbó bɨŋ ə, á nɨ dzɨ mɨdzɨ ə; nɨ lǒ a mɛrə taŋ ɨ tsi ntɨŋ ə. Kə́ tsɛʼ táʼ ɨnyɔŋ atú a mɨ keʼ atú ŋwɔn nɨ bən wu tse tsɔʼnə.” 35Baolo a ghɨnə mɛ́tɨ́ a sóŋ məzen, ndɔgɨ abán, nga a mɨya a mbó Ŋwi a ɨshi bo bɨtsum, mbatɨ a zɛrə, ntiʼ mbiʼnɨ nkfúrə́ ghe. 36Bo chwátɨ́ mɨntəm ɨma, ŋwɔn tsum a tɨtərɨ bo a dzɨ a məzum ə. 37Bɨgɨ bɨtsum ba bɨ tsínɨ́ a mu abáŋ a nkyi za be 276 ghe. 38Ŋwɔn tsum a ghɨnə ndzɨ́ nzhwurɨ, bo waŋnɨ nchwi mɨsaŋ tsum za ɨ tsínɨ́ a mu abáŋ a nkyi za a mu sagɨrə wu ngwi wa taŋ ɨ ghɨ á abáŋ a nkyi za a yaŋtə.
Nkyi Yiŋənɛmə Bɛʼtɨ Abáŋ a Nkyi za
39Njwi ghɨnə ndán, ɨbɛn ba bɨ kɨ́nə́ ntyíŋə́ abáŋ a nkyi za keʼ ngə́rɨ́ nkyi wa bo tsínɨ́ ɨwu zhi, lá mbaŋnɨ ndzɛn ngə́rɨ́ nkyi ngwɔ́ŋ tse wa ɨ tsínɨ́ nɨ ɨsamnɨ awaŋə ghe. Bo tíʼ ntsɔ́ʼ a mu mɨntəm ɨma ngə́ be a be ngə́ a chi fu, bo mɨ nyɛʼtɨ á abáŋ a nkyi za a ghɛn ntɛm atú ɨshe ɨwu ə. 40Ma lan, bo shíʼsɨ́ bɨtəkɨŋ bɨ ɨtɨŋə ba bɨ chwánə́ abáŋ a nkyi za, ɨ nyɛʼtɨ tsɨ shiʼ ngɛn nɔŋ a mbyi sagɨrə wu ngwi wa. Tsɛʼ a nyom məwa, bo kyɛ́gɨ́ mɨnkɨ ma mɨ chwánɨ́ ntɛ́ʼ ntyiŋ abáŋ a nkyi za. Bo tíʼ nkɔ́ʼsɨ́ ɨtsɛʼ ntyiŋ abáŋ a nkyi za taŋ á kɨfɛrɨ a tyiŋ a zɛrə ngɛn nɨ zɛrə nɨ mbyi ɛ. Bɨgɨ tíʼə ngěn nɨ ngə́rɨ́ nkyi ɛ. 41Lá abáŋ a nkyi za a túm a kɨkfobuŋ awaŋə wu tse, bɨgɨ niʼnɨ ɨwu ə; ɨshi abáŋ a nkyi wa jigɨnɨ nchi keʼ chiʼnɨ le buŋ nkyi yiŋənɛmə wu tən kə́ mbatɨ ndzum abáŋ a nkyi za a ɨbagɨ ɨbagɨ ə.
42Bɨgwe ba ghɨ́ akyaŋtɨ a njwítɨ́ ngaŋ atsáŋ tsa ɨtsum, taŋ á bo keʼ zɔʼ nkyi ngɛn a ngə́rɨ́ nkyi nkɨəkɨ awa ghe. 43Lá tantso bɨgwe nkɨ wu fɨgɨnɨ wa a kə́ ndǒ ndoŋ Baolo, ma lan, wɛrə a tsúʼnɨ́ awa a ngɨ məziŋ ə. Wɛrə a báŋnɨ́ sóŋ ngə́ ɨbɛn ba bɨ chínɨ́ zɔʼ nkyi fom nkanɨ ndzɔʼ nkyi ngɛn a ngə́rɨ́, 44abvuʼ a tiʼ ndzɔŋ, nchwǎ ɨbabtɨ ɨtɨ kə ɨbagɨ ɨtɨ tsa tsɨ fúnɨ́ a nye abáŋ a nkyi za. Nə tíʼ mbé adzaŋ za bɨgɨ bɨtsum ghɛ́nɨ́ nkón a ngə́rɨ́ nkyi ɨ shiʼnɨ ə.
നിലവിൽ തിരഞ്ഞെടുത്തിരിക്കുന്നു:
Ɨfaʼ 27: MNT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, CABTAL
Ɨfaʼ 27
27
Adzaŋ za Baolo a Yénɨ́ Nɨyen a mu Nkyi Ngɛn a Roma ghe
1Bɨ ghɨnə ntɛ́gɨ́nɨ́ ngə́ á bɨgɨ yiŋ nɨyen a mu nkyi ngɛ́n a Itali, ɨ nɨŋ a Baolo abɔʼnɨ ngaŋ atsáŋ tsə mɔʼɔ a mu mbó Jurɨyɔsɨ ə. Wɛrə a bé tantso bɨgwe nkɨ wu fɨgɨnɨ a mu achwirɨ a bɨgwe bɨ bə Roma za bɨ kɨ́nə́ ntɔ́ŋə́ ngə́, “Achwirɨ a Bɨgwe zə Kaisa ghe”. 2Bɨgɨ kɔ́ʼ nkón a mu abáŋ a nkyi za a lónɨ́ Adramityum, ntiʼ ntsi nɨ ngen nɨ mɨtɛmnɨ mɨ ɨbáŋ nkyi ma mɨ tsínɨ́ a ngə́rɨ́ sagɨrə wu ngwi wa a tsínɨ́ a mbuʼ Esha lá, ntiʼ ngyiŋ nɨyen a mu nkyi ɛ. Aristakusɨ, ŋwɔn bə Masedonia wa a lónɨ́ a Tesalonaika a tsí bɨgɨ bo ghe. 3Njwi zɨ mɔʼɔ lanə, bɨgɨ yen nkon a Saidɔn ə. Jurɨyɔsɨ a tsí nɨ ntəm ngɨ ɨbɔŋ a ɨnye Baolo, ɨ nyɛʼtɨ ayi ngə́ á ghɛn ndzɛn bɨson ɨbyi, á bɨ gha ayi nɨ azúm za a kɨ́nə́ ndǒ ghe. 4Bɨgɨ ló ɨwu, ngɛn nɨ mbyi nɨ nɨyen ɨnɨgɨ ə. Mbɨ́ʼ ngə́ kɨfɛrɨ a kə́ njintə awɨgɨ, bɨgɨ tsá nɨ ndóm adiʼ za nkyi karɨsɨnɨ bɨ tɔŋə nɨ Saibrusɨ lá, a bagɨ wa kɨfɛrɨ a bɔ́nɨ́nɨ́ ɨwu ə. 5Bɨgɨ dáŋ a sagɨrə wu ngwi wa a tsínɨ́ a kɨʼ Silisha bo Bamfilya lá, ngyen fu a Maira a mu Laisia ghe. 6Ɨwu, tantso bɨgwe nkɨ wu fɨgɨnɨ wa a zɛ́n abáŋ a nkyi za a lónɨ́ Alɛgɨsandɨrɨya, ntsi nɨ ngen a Itali, ma lan, wɛrə a tíʼ ntsagɨ awɨgɨ wə mu ə.
7Bɨgɨ yíŋ nɨyen a mu nkyi tsɛʼ abɔbɔ atú njwi tsɨ ghaʼtɨnɨ a mu ngɨ́ʼ zɨ ngwi ə. A ndwɨgɨnə, bɨgɨ yén fú a kɨʼ ntáʼmbagə Nidusɨ, mbáʼ kɨfɛrɨ wa a kɨ́nə́ njintə awɨgɨ tsɛʼ jintɨnɨ, nchi keʼ nyɛʼtɨ á bɨgɨ zɔŋ ndóm məwa lá, ma lan, bɨgɨ tíʼ ngwámtɨ́ shíʼ ntsa nɨ bagɨ wa kɨfɛrɨ a bɔ́nɨ́nɨ́ ɨwu a Kritɨ, adiʼ za nkyi karɨsɨnɨ, mbaʼtɨ adiʼ za a shwɔŋnɨnɨ nkon ngɛn a mu nkyi bɨ tɔŋə nɨ Sarɨmɔnɨ lá. 8Bɨgɨ kə́ ntánə́ tsɛʼ aghɔ́ŋəghɔ́ŋ nɨ ngɨ́ʼ zɨ ngwi ngyen fu a nye adiʼ zə tse za bɨ kɨ́nə́ ntɔ́ŋə́ ngə́ Sef Abɔsɨ, abaŋ a keʼ bə sagɨ ɨ ghɛn kon a Lesi ə.
9Bɨgɨ tsí ɨwu a nye abaŋ zə sa, ɨ kɔʼ kuʼ a nye nkfu za abyɛn a sé bə mbɔŋ a ngen nɨ mbyi nɨ nɨyen ɨnɨgɨ ə. Mbɨ́ʼ ngə́ Njwi Nchigɨ Nji tsə Ntsaʼtɨ Ŋwi ɨ tsánə, Baolo a tíʼ ntɨ́gɨ́tɨ́ ngə́: 10“Bɨtə̧, ma zɛn ngə́ nɨyen ɨnɨgɨnə ɨ lɔgɨnɨ ɨghan nɨ mɨ keʼ bɔŋə; byé wu ngwi a mɨ fu a nye abyɛʼ abɔʼnɨ abáŋ a nkyi zen, á ɨbɛn kɨ nkfokə.” 11Lá tantso bɨgwe nkɨ wu fɨgɨnɨ wa a báŋnɨ́ ndzúʼ be anu za mboŋ abáŋ a nkyi za bo ntyǐŋ abáŋ za sóŋnɨ́, ɨ nyɛʼ a zə Baolo ghe. 12Nɨtɛmnɨ nə abáŋ a nkyi na sé bɔŋ a nchyɛ́ ɨwu a nkfu ɨfɛgɨ wu tən wa; ma lan, nɨghaʼ ɨbɛn a bémtɨ́ ngə́ á bɨ ghɛn nɨ mbyi njwə́ŋtə́ a ndzé ngə́ be bo ghɛn nkuʼ a Finigɨsɨ taŋ ɨ tiʼ tsi ɨwu a nkfu ɨfɛgɨ wu tən wa. Finigɨsɨ a nɨ nɨtɛmnɨ nə abáŋ a nkyi a mu Kritɨ na nɨ lenɨ mbuʼ ntɨ́ŋ mbyɛn nɨbɨŋə bo mbuʼ atú mbyɛn nɨbɨŋə ghe.
Kɨfɛrɨ wu Ntən a mu Sagɨrə wu Ngwi ə
13Kɨfɛrɨ wu mbɔnɨnɨ a ló nɨ bagɨ ntɨ́ŋ mbiʼnɨ ntsǎ, ɨbɛn ba kwáʼtɨ́ ngə́ bo kɨ chi ghɨ anu za bo kyáŋtɨ́nɨ́, ma lan, bo shwúŋ a təkɨŋ atɨŋə wa a chwánɨ́ abáŋ a nkyi za nkɔ́ʼsɨ́, ntiʼ ngyiŋ nɨyen a mu nkyi, nghɔ́btə́ tsɛʼ ghɔbtɨnɨ ngə́rɨ́ sagɨrə wu ngwi wa a tsinɨ a Kritɨ ə. 14Lá tsɛʼ mɨmboŋnɨ, kɨfɛrɨ wu ntən, wa bɨ kɨ́nə́ ntɔ́ŋə́ ngə́, “Nɔtɨ-ista”, a ló a mu adiʼ za nkyi kárɨ́sɨ́nɨ́ lá, ndzɔrɨsɨ ɨ shiʼ a mu sagɨrə wu ngwi wa. 15A túm abáŋ a nkyi za. Mbáʼ bɨgɨ kɨ chi keʼ a kɨfɛrɨ wu ntən wa jintɨ lá, bɨgɨ sé bə njwəŋtɨ a ngɨ anu zə tsɛrə ghe. Bɨgɨ nyɛ́ʼtɨ́ kɨfɛrɨ wa a tyiŋ abáŋ a nkyi za ngɛn nɨ zɛrə a ndóm wa a kɨ́nə́ ngěn ɨwu ə. 16Bɨgɨ tsí nɨ mbɔnɨ zɨ tse a nkfu za bɨgɨ tsánɨ́ ntíʼə ngyíŋə́ a bagɨ ntɨ́ŋ mɨnya mɨ adiʼ za nkyi kárɨ́sɨ́nɨ́ bɨ tɔŋə ngə́ Kɔda lá. Ɨwu, bɨgɨ tíʼ ntyikɨ tsɛʼ nɨ ngɨ́ʼ zɨ ngwi a ndé akanuʼ zə wi za abáŋ a nkyi za a kɨ́nə́ shwuŋə á keʼ nchíʼnə́ ghe. 17Bɨ shwúŋ nkón nɨ zɛrə a mu abáŋ a nkyi za ntiʼ sɨtɨ a zɛrə nɨ mɨnkɨ ntsa nkárɨ́sɨ́ abáŋ a nkyi za. Bo kə́ mbɔ́gə́ ngə́ bo chi ghɛn ɨniʼnɨ a nye aláŋsə́ awaŋə za a tsínɨ́ a ngə́rɨ́ sagɨrə wu ngwi wa a tsínɨ́ a Libya lá, ma lan, bo shíʼsɨ́ atsɛʼ za kɨfɛrɨ a kɨ́nə́ ntɔʼə abáŋ a nkyi za ɨwu a ghěnə lá, ntiʼ nyɛʼtɨ kɨfɛrɨ wa a tyiŋ abáŋ a nkyi za ngɛn nɨ zɛrə a ndóm wa a kɨ́nə́ ngěn ghe. 18Kɨfɛrɨ wu ntən wa a kə́ ntsǎ tsɛʼ tsanə, ma lan, njwi zɨ mɔʼɔ lanə, bo biʼnɨ ngwáŋnɨ́ abyɛʼ zə mɔʼɔ za abáŋ a nkyi za a byɛ́ʼnɨ́ a mu nkyi ɛ. 19Njwi zɨ mɔʼɔ lanə, bo wáŋnɨ́ ɨdzúm afaʼ abáŋ a nkyi za tsə mɔʼɔ a mu nkyi ɛ. 20Atú njwi tsə ghaʼnɨ, bɨgɨ kɨ chi keʼ ze ntsu nɨnyom kə mɨndzɔŋ ə. Kɨfɛrɨ wu ntən wa a kə́ ntsǎ tsɛʼ tsanə. Ntsiŋə nɨ ntəm tsum ngə́ bɨ chi loŋ awɨgɨ ɨ miə.
21Bo ba bɨ tsínɨ́ a mu abáŋ a nkyi za ghɨnə ntsí a nye abaŋ zə sa tɨ dzɨ, Baolo a tɛm atɨ́ ɨ soŋ a mbó bo ngə́, “Ɨbɔmbɨma, nɨ kɨ ba be zhwiʼtɨ anu za ma kɨ soŋnɨ, ɨ keʼ biʼnɨ a Kritɨ a ngyiŋ nɨyen nen a mu nkyi muŋ, ka bɨgɨnə tsənkɨ awɨgɨnə ɨdzúm adzaŋ wen, nkeʼ kɨ ntsi nɨ ndvuŋ byé wiŋ ə. 22Lá ma buʼ mbó a mbó bɨŋ ə, á nɨ chwatɨ mɨntəm ɨmɨŋ ə! Táʼ ŋwɔn nɨ bən wu tse a mɨ keʼ kfoə; bɨ mɨ byɛgɨ tsɛʼ abáŋ a nkyi ziŋ ə. 23Mbɨ́ʼ ngə́ a lo mbe nɨ ɨtfúʼ sɨŋə, ntsendá za a nɨ zɨ Ŋwi, zɨ wa ma tsinɨ wə bagɨ nkə́ ngúʼsə́ ayi, ɨ yen a mbó me 24ɨ soŋ ngə́, ‹Baolo koʼ bɔgə! O mɨ zagɨ tɛm a ɨshi Kaisa ghe. Ŋwi a tsa a ndzum ɨbɔŋ wa wɛrə a tsinɨ nɨ wɛrə a nye gho ntsuʼ atú a ŋwɔn tsum wa a yenɨ nɨyen nen a mu nkyi bɨŋ bo ghe.› 25Ma lan, nə ɨbɔmbɨma, á nɨ chwatɨ mɨntəm ɨmɨŋ ə! Mbɨ́ʼ ngə́ ma nɨŋ ntəm ɨghan a nye Ŋwi ngə́ a mɨ be tsɛʼ adzaŋ za bɨ kɨ fɨʼtɨnɨ a mbó me lá. 26Lá bɨ mɨ tyiŋ awɨgɨnə ɨ ghɛn nyɛʼtɨ a nye adiʼ za nkyi karɨsɨnɨ zə tse ghe.”
27A kɔ́ʼnə nkuʼ njwi nɨghúm ntsɔb nɨkwa nɨ ɨtfúʼ, kɨfɛrɨ wu ntən wa a mbvurə ntyiŋə awɨgɨ tsɛʼ tyiŋnɨ nkárɨ́sə́ a mu sagɨrə wu ngwi Mediterenia ghe. A ghɨnə mbé tso ntɨŋ ɨtfúʼ, ɨbɛn ba bɨ kɨ́nə́ ntyíŋə́ abáŋ a nkyi za kwaʼtɨ ngə́ bɨgɨ kɨ chínə́ ntíʼə fátɨ́ ngə́rɨ́ nkyi ɛ. 28Ma lan, bo shíʼsɨ́ nkɨ wa bɨ kórɨ́nɨ́ azúm zə dɨrɨnɨ wə ndwitə ndzɛn ngə́ adiʼ məzen a shwí ɨ shiʼ ngɛn a nye bɨmita 40; abaŋ a bənə mbé ɨwu, bo kwiʼ nkwatɨ ɨ fɨʼ ndzɛn ngə́ a nɨ bɨmita 30 ghe. 29Bo kə́ mbɔ́gə́ ngə́ kɨfɛrɨ a mɨ tyiŋ abáŋ a nkyi za ɨ ghɛn nyɛʼtɨ atú mɨngɔʼ ə. Ma lan, bo shíʼsɨ́ bɨtəkɨŋ bɨ ɨtɨŋə bi nɨkwa a ndzum abáŋ a nkyi za, ntiʼə ntsáʼtə́ a Ŋwi ngə́ á njwi yaŋnɨ ndə̌. 30Ɨbɛn ba bɨ kɨ́nə́ ntyíŋə́ abáŋ a nkyi za tíʼ njwə́ŋtɨ́ a fúə a mu abáŋ a nkyi za ɨ kɨə awa ghe. Adzaŋ məwen, bo tíʼ ngɨ abáŋ a nkyi za a kontɨ ngɛn a mu nkyi, ntiʼ ngɨ ɨtsi ngə́ bo kə́ ndǒ ɨ shiʼsɨ bɨtəkɨŋ bɨ ɨtɨŋə bə tse a ɨshi abáŋ a nkyi za. 31Baolo a sóŋ a mbó tantso bɨgwe nkɨ wu fɨgɨnɨ wa abɔʼnɨ bɨgwe ba ngə́, “Be bɨntyǐŋ bɨ abáŋ biŋ tú ghɔŋ a mu abáŋ a nkyi zen muŋ bɨgɨnə se bə mbvurɨ ntsi nɨ ntsiŋə nɨ ntəm tsum tse ngə́ bɨ mɨ loŋ awɨgɨnə ghe.” 32Ma lan, bɨgwe ba tíʼ tə́ntɨ́ mɨnkɨ ma mɨ chwánɨ́ akanuʼ zə wi za ntiʼ nyɛʼtɨ a zɛrə ghe.
33Bɔŋ á njwi ndə̌, Baolo a búʼ mbó a mbó bo ngə́ á bo dzɨ mɨdzɨ adzaŋ za wɛrə a sóŋnɨ́ ngə́: “A nɨ njwi nɨghúm ntsɔb nɨkwa ɨ yen kuʼ tɨtsɔŋnɨ mbáʼ nɨ tsinɨ adzaŋ wen tɨ zhi a za a mɨ yiŋə. Atú nkfu ziŋ tsum nɨ se azúm zə tse dzɨə. 34Ma buʼ mbó a mbó bɨŋ ə, á nɨ dzɨ mɨdzɨ ə; nɨ lǒ a mɛrə taŋ ɨ tsi ntɨŋ ə. Kə́ tsɛʼ táʼ ɨnyɔŋ atú a mɨ keʼ atú ŋwɔn nɨ bən wu tse tsɔʼnə.” 35Baolo a ghɨnə mɛ́tɨ́ a sóŋ məzen, ndɔgɨ abán, nga a mɨya a mbó Ŋwi a ɨshi bo bɨtsum, mbatɨ a zɛrə, ntiʼ mbiʼnɨ nkfúrə́ ghe. 36Bo chwátɨ́ mɨntəm ɨma, ŋwɔn tsum a tɨtərɨ bo a dzɨ a məzum ə. 37Bɨgɨ bɨtsum ba bɨ tsínɨ́ a mu abáŋ a nkyi za be 276 ghe. 38Ŋwɔn tsum a ghɨnə ndzɨ́ nzhwurɨ, bo waŋnɨ nchwi mɨsaŋ tsum za ɨ tsínɨ́ a mu abáŋ a nkyi za a mu sagɨrə wu ngwi wa taŋ ɨ ghɨ á abáŋ a nkyi za a yaŋtə.
Nkyi Yiŋənɛmə Bɛʼtɨ Abáŋ a Nkyi za
39Njwi ghɨnə ndán, ɨbɛn ba bɨ kɨ́nə́ ntyíŋə́ abáŋ a nkyi za keʼ ngə́rɨ́ nkyi wa bo tsínɨ́ ɨwu zhi, lá mbaŋnɨ ndzɛn ngə́rɨ́ nkyi ngwɔ́ŋ tse wa ɨ tsínɨ́ nɨ ɨsamnɨ awaŋə ghe. Bo tíʼ ntsɔ́ʼ a mu mɨntəm ɨma ngə́ be a be ngə́ a chi fu, bo mɨ nyɛʼtɨ á abáŋ a nkyi za a ghɛn ntɛm atú ɨshe ɨwu ə. 40Ma lan, bo shíʼsɨ́ bɨtəkɨŋ bɨ ɨtɨŋə ba bɨ chwánə́ abáŋ a nkyi za, ɨ nyɛʼtɨ tsɨ shiʼ ngɛn nɔŋ a mbyi sagɨrə wu ngwi wa. Tsɛʼ a nyom məwa, bo kyɛ́gɨ́ mɨnkɨ ma mɨ chwánɨ́ ntɛ́ʼ ntyiŋ abáŋ a nkyi za. Bo tíʼ nkɔ́ʼsɨ́ ɨtsɛʼ ntyiŋ abáŋ a nkyi za taŋ á kɨfɛrɨ a tyiŋ a zɛrə ngɛn nɨ zɛrə nɨ mbyi ɛ. Bɨgɨ tíʼə ngěn nɨ ngə́rɨ́ nkyi ɛ. 41Lá abáŋ a nkyi za a túm a kɨkfobuŋ awaŋə wu tse, bɨgɨ niʼnɨ ɨwu ə; ɨshi abáŋ a nkyi wa jigɨnɨ nchi keʼ chiʼnɨ le buŋ nkyi yiŋənɛmə wu tən kə́ mbatɨ ndzum abáŋ a nkyi za a ɨbagɨ ɨbagɨ ə.
42Bɨgwe ba ghɨ́ akyaŋtɨ a njwítɨ́ ngaŋ atsáŋ tsa ɨtsum, taŋ á bo keʼ zɔʼ nkyi ngɛn a ngə́rɨ́ nkyi nkɨəkɨ awa ghe. 43Lá tantso bɨgwe nkɨ wu fɨgɨnɨ wa a kə́ ndǒ ndoŋ Baolo, ma lan, wɛrə a tsúʼnɨ́ awa a ngɨ məziŋ ə. Wɛrə a báŋnɨ́ sóŋ ngə́ ɨbɛn ba bɨ chínɨ́ zɔʼ nkyi fom nkanɨ ndzɔʼ nkyi ngɛn a ngə́rɨ́, 44abvuʼ a tiʼ ndzɔŋ, nchwǎ ɨbabtɨ ɨtɨ kə ɨbagɨ ɨtɨ tsa tsɨ fúnɨ́ a nye abáŋ a nkyi za. Nə tíʼ mbé adzaŋ za bɨgɨ bɨtsum ghɛ́nɨ́ nkón a ngə́rɨ́ nkyi ɨ shiʼnɨ ə.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, CABTAL