गलाती 6
6
आखारी भलाई कोआ
1ऐ पाही जर कोहू माहू कीबी अपराध मेहे तोआत बी जाय ते तुमु आत्मिक होय नम्रता आरी एहलाहा पाला अने आपाआ बी चौकसी मेका का तुमु बी परीक्षा में ने पोड़ो. 2तुमु एक दिहराआ वोझो वीसे, अने या रीती ख्रिस्ताची नियमोहो पुरो को. 3काहाके जो कोडु किबी नि ओत बी आपाआ माह किबी होमजाडीत होय, ताहा आपाआ माह ठोगनारू. 4पोन हर एक जोओ आपाआ ए कामा याकोअता तोपासित पाला, फासाडी तेहलाम दिहरा विषयी नाहा पण आपाआ विषयी तियाहा अभिमान कोअलाआ जागू जोडीत. 5काहाके आखेज माहहू आपाज वोझो उसली नारो.
जीवन खेत बोनोहे तेहलो होय
6जे वचनाने शिक्षण लत्ले, ते आखे हाजलो वस्तुपो हिकाडनारो भागिदार कोअनारू. 7दोखू मा खाहा; परमेश्वर मुर्खात नाहा जोडीलू जात, काहाके मांहु जो काही उरे तोओज वाडे. 8काहाके जो आपाआ डीलाकोता पेअत्लू, तोज डीलोओ व्दारे विनाशो कोमाय वाडे अने जो आत्मा कोअता कोए, तो आत्माआ व्दारे सार्वकालिक जीविले वाडीलो कोअनारू. 9आमू हाजो काम कोइला कोअता मदत कोय दिही सोडीत, काहाके जर आमाहा मोकले नाहा होय ताहा त्या टायमोहो वाडीलो कोअनारू. 10आव होआता जोपोरोत प्रसंग मिले आमाहा आखाहा आरी हाजो कोईओलो, विशेषता विश्वासाम बंधून आरी.
आखरी चेतावनी अने शुभकामना
11पाला आय केहलो वोडा अक्षरांआ आय तुमामे आपाआ आताई लेखिलो होय. 12जे मांहे डीलो देखाडीले कोअता तोज तुमाआ खतना कोइला कोअता दबाव टाकतले, फक्त याकोअता का ते ख्रिस्ताच्या क्रूसच्या कारनो कोईत तोओल्यो नाहा जालो. 13काहाके लेहा आवता कोअनारे खुद हीन नियमशास्त्र पाळीत नाहा, पण तुमाआ संता याकोअता कोइला कोअता पालत्लू का तुमाआ डीलो दशापो अभिमान बाळगा. 14पोन एहलो नाहा ओवो का आय दिहरे कोडला गोठीई अभिमान सबालोहो, फक्त आमाआ प्रभू येशु ख्रिस्ताच्या क्रूसच्या ज्याआ व्दारे संसार माआ दृष्टीट अने आय संसारच्या नजरेम वंधस्भावर सोढया गोल्यू. 15काहाके नाहा सुंता अने न सुंतारहित किबी होय, पण नवो जग महत्वपूर्ण होय. 16ऐताके नियमापो सालनारू तियापो, अने परमेश्वरोओ इस्राएल पोओ शांती अने दया आवीत रोही. 17आगाडी पोरोत कोडु माहु दु:ख नाहा आपी, काहाके आय येशुउ खुनाला आपाआ डीलोम लेत फिरनारो. 18ऐ पाही, आमा प्रभू येशु ख्रिस्ताची कृपा आमा आत्मा आरी राहो आमेन.
നിലവിൽ തിരഞ്ഞെടുത്തിരിക്കുന്നു:
गलाती 6: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.