इफिसी 3

रहस्य प्रगट ओवयु

1या कारणों वाही आय पौलुस जे तुमु अन्यजातिई कोअता मसीह येशुउ बंधी होय 2जर तुमु देवोओ तियाअ कृपाचे तिया व्यवस्थे विषयी होमलित होय, जो तुमाआ याकोअता मांहु आप्या गोये, 3म्हणजे ओ का ते भेद तुमापो प्रगटीकरणा व्दारे जोडयो ओवयू, जेहलो आय पहिलुच थोडोजे लेखिलो होय, 4ज्याही तुमु वासित होमज्यू शकहू का आय ख्रिस्ताआ तो भेद काजा होमजीत्लू. 5जे दिहरे टाईमोमें मांहाहा पोऱ्याहा ऐहलोच कोयु गोल्यो ओतो, एहलो का आत्माआ व्दारे ओमे तियाआ पवित्र प्रेषित अने संदेष्टानवर प्रगट कोयु गोये ओते. 6म्हणजे ओ का ख्रिस्त येशुमेहे सुवार्ताआ व्दारे अन्यजाति मांहे मीरामेहे साक्षी, अने एकुच डीलोओ अने वचनाने सहभागी होय. 7आय देवाची कृपाच्या तिया दानआ नुसार, जो तियाआ सामर्थाच्या कोअला नुसार, जो तियाआ सामर्थ्य कोअला नुसार माहु आप्या गोये, तिया सुवार्ताआ सेवक बोन्यु.

रहस्योंओ उद्देश

8मापो जे आखे पवित्र माहुंमे पण हाणो हानू होय, ए कृपा उवी का आय अन्यजातीही ख्रिस्ताआ अगाध संपतीई सुवार्ता होमलावणार, 9अने आखापो ए गोठी प्रकाशाम कोहू का तिया भेदचे व्यवस्था की होय, जो आखाहा सूजमहार देवो मेहे सुरवात सी गुप्त ओतो. 10म्हणजे ओमे मंडळीच्या व्दारे, देवोओ बहूविध ज्ञान तिया अधिपती अने अधिकाऱ्यापो जे होर्गांम होय, प्रगट कोयु जालो. 11तिया सार्वकालिक मनसा अनुसार जो तिये आमाआ प्रभू ख्रिस्त येशु माय कोअयी ओती 12ज्यामेहे आमाहा तियापो विश्वास कोईलावाही धेर्य अने भोरुसो बी आव आरी देवोओ जागे आवीला अधिकार होय. 13याकोअता आय विनंती कोअत्लू काजे त्रास तुमा कोअता माहु उवनारा होय, तियाआ कारनो कोईत साहस मा सूडाहा, काहाके तियामे तुमाआ गौरव होय.

इफिसियों कोअता प्रार्थना

14आय या कारनावाही तिया बाह्हा आगाडी गुडघे टेकविलो, 15जियासी स्वर्ग अने धोरती अने धोरतीपो, हर एक घरानाआ नाव मेक्ल्ये जाहो, 16की तोओ आपाआ गौरवाच्या धन नुसार तुमामे ओ दान आप्लु का तुमु तियाआ आत्मावांहि आपाआ मायतो मनुष्यत्व मेहे सामर्थ मिलवीत ताकतवान उवनारा जालो; 17अने विश्वासाआ व्दारे ख्रिस्त तुमाआ हृदय मह बोह्ये का तुमु प्रेमोमेहे मुळ तोईत अने गुडू कालीला, 18आखे पवित्र मांहाहा आरी हाजो वाईट होमजीलो शक्ती मिलीजावू का तियाआ लांबी, अने रुदी, अने उचु, अने उंडो केतो होय, 19अने ख्रिस्ताच्या तिया प्रेम होमज्यू सेकेहे जे ज्ञानाणी प्रार्थना होय का तुमु देवाआ आखे भरपुरी जाआ पुरोओत जावा. 20ओमे जो एहेलू सामर्थ होय का आमाआं विनंती अने होम्जीलो थोडो जाखो काम कोहू सेकोहो, तिया सामर्थाआ व्यवस्था जी आमा माय काम कोअते, 21मंडलीम अने ख्रिस्त येशुमेहे तियाआ गौरव पिढ्यानपिढ्या पर्यंत कायम ओवती रोय आमेन.

നിലവിൽ തിരഞ്ഞെടുത്തിരിക്കുന്നു:

इफिसी 3: NOINT

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു