इफिसी 1
1
अभिवादन
1पौलाआ वोलरोत जो परमेश्वराआ इच्छावाही येशु मसीहाआ प्रेषित होय, ते पवित्र अने मसीह येशुमेहे विश्वासी माहाआ नावे जे इफिसुस मेहे होय. 2आमाआ बाह्हू परमेश्वर अने प्रभू येशु ख्रिस्ता वोलरोत तुमामे कृपा अने शांती मिलती रोय.
मसीह मेहे छुटकारु
3आमाआ प्रभू येशु ख्रिस्ताआ परमेश्वर अने बाह्हाआ धन्यवाद होय का तिये आमाहा ख्रिस्तामेहे होर्गाआ स्थानामेहे आखे प्रकाराआ आत्मिक आशीर्वाद कोयु होय. 4जेहलो तिये आमाहा जुगाआ उत्पतीई पेले तीयाम निवडीत लेधलो का आमू तियाआ जागे प्रेमाम पवित्र अने निर्दोष रोहू जोवे. 5अने आपाआ आसा हाजा आज्ञेपो रोत आपाहा तिया कोअता पेलरोत ठेरव्यो का येशु ख्रिस्ताच्या त्यापोरत आमू तियाआ दत्तक पुत्र रोहू, 6का तियाआ तिया अनुग्रह वाइहि गौरवाने स्तुती ओये कोईत तिये तियाहा आमाहा तिया प्रिय जनामे आप्लु. 7आमाहा तीयाम तियाआ रक्ताआ त्यापोरत सोडव्ये अर्थात अपराधाची क्षमा, तियाआ तिया कृपाआ धनोओ नुसार जोड़ी होय, 8तिये तियाहा आखे ज्ञान अने समाजोआरी आमापो विपुलतेने कोल्यु. 9काहाके का तिये आपली इच्छा भेद तिया हाजा संकल्पा नुसार आमाहा कोयु, तिये तियाहा आपाहा स्वतःहा ठाणून लेधलो ओते. 10का तिया टाईम पुरो ओनारो एहेलू प्रबंध होय का जो कोडु होर्गाम अने जे किबी धोरतीपो होय आखे किबी तो ख्रिस्तामेहे एकठे कोअही. 11तीयाम ज्याम आमू बी तीयाम संकल्पनाने जो आपाआ इच्छेवाइहि मनापोरोत आखे किबी कोअत्लू, पेलरोत ठेरव्यो जात वतनदार बन्यो 12का आमू जिये पेलरोत ख्रिस्तापो आशा मेकल्यी ओती तियाआ गौरवाची स्तुतीच्या काहाके होय. 13अने ज्याम तुमापो बी जाहा तिये सत्यांआ वचन होमल्यु, जे तुमाआ उद्धाराआ सुवार्ता होय अने ज्यापो तुमु विश्वास कोअयु पवित्र कोयु पवित्र आत्माआ शिक्का लागाड्यू. 14तो तियाहा वेसातो लेद्लू छुटकारा आमा हिसाचे बोनाडहि होय का तिया गौरवाआ स्तुती होय.
आत्मिक ज्ञानो कोअता प्रार्थना
15आव कारनोवाही आय पोन तिया विश्वासाआ सुवार्ता होम्लाडित जो तुमाआ माहुंमे प्रभू येशुपोओ होय अने आखे पवित्र माहुपो प्रेम प्रगट कोअयु होय, 16त्यांकोअता धन्यवाद कोअला सोडीत नाहा, अने आपली प्रार्थनामे तुमामे स्मरण कोईत रोतलू 17का आमा प्रभू येशु ख्रिस्ताआ परमेश्वर जो गौरवोअ बाह्हू होय, तुमामे आपाआ ओलखील्यु ताहा ज्ञान अने उजवोडाआ आत्माआ आप, 18अने तुमाआ मोनाआ डोआं प्रकाशाम होय का तुमु ओलखीत ल्या का तिया बलवान आशा की होय अने पवित्र माहुंमे तिया वाटे गौरवोअ धन केहलु होय, 19अने तियाआ सामर्थ्य आमामेरोत जे विश्वास कोअता केतो महान होय, तियाआ शक्तीचे प्रभावाच्या तिया कामो कोअता 20जो तिये ख्रिस्तामेहे कोअयु होय का तियाहा मोल्यामरोत जिवंत कोईत होर्गाआ स्थानामेहे आपाआ हाजावोगे, 21आखे प्रकाराआ अधिपती मेहे अने अधिकार अने सामर्थ्य अने प्रभूताच्या अने फासी हर एक नावोओ उसे जेन फक्त तिया लोक आवणारा लोक बी लेधलो जाइलो बोहाड्यो, 22अने आखे किबी तियाआ गुडू निसे कोईत आप्लु अने तियाहा आखे बिडारापो बारी ठेरवीत मंडलीही आपित आप्लु, 23ते तियाआ देह होय, अने तियाआ परिपूर्णता होय जो आखामे आखे किबी पुरो कोअत्लू.
നിലവിൽ തിരഞ്ഞെടുത്തിരിക്കുന്നു:
इफिसी 1: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.