2 तीमुथियुस 1

शुभकामना

1पौला वोलरोत जे तियाआ जीवनाआ प्रतिज्ञा अनुसार जे मसीह येशुमेहे होय परमेश्वरोओ इच्छावाही मसीह येशुउ प्रेषित होय, 2प्रिय पोऱ्या, तीमुथियुसो नावापो परमेश्वर बाह्हू अने आमाआ प्रभू येशु ख्रिस्ता वोलरोत ताहु कृपा, दया, अने शांती मिलीअलो राहो.

विश्वास योग्यता कोअता प्रोत्साहन

3ज्या परमेश्वरोओ सेवा आय आपाआ पूर्वजाआ रीतीपो शुद्ध विवेकाने कोईत होय त्याआं धन्यवाद कोअत्लू का आय आपाआ प्रार्थनाम निरंतर ओर कोअत्लू, 4अने ताआ आहवा ओर कोईत-कोईत रातदीही ताहु मिलीलो इच्छा कोईत रोत्लू का आनंदावाही पोईत जानारू. 5माहु ताआ तिया निष्कपट विश्वासाआ ओर येत जो पहीले ताआ वोडी याहही लोईस अने ताआ याह्ही युनी माय ओतु अने माहु खात्री होय का तुमामे पोन होय. 6त्याकोईत आय ताहु ओर कोईत आपोहो का तू परमेश्वरोओ तिया वरदानोहो जे माआ आथे मिकल्यू जे मिल्ये होय वाप्रिलो कोईत आप. 7काहाके परमेश्वराने आमाहा बिनारा नाहा पोन सामर्थ्याआ अने प्रेम अने सयमांची आत्माआ आप्यी होय.

सुसमाचारो कोअता लज्जित मा ओवाहा

8त्यापोत आमा प्रभूऊ साक्षीवाइहि अने माआ वोजोसे जो आय तिया कैदी होय लाजवायल नाहा पोन तिया परमेश्वरोओ सामर्थ्याआ नुसार सुवार्तेकाजे माआरी दुख सहन को. 9जीआ आमाहा तारण कोयु होय अने पवित्र बुलाहाट सी हाद्यु अने ओ आमा का मापोरोत नाहा पोन तिया उद्देश अने तिया कृपेआ अनुसार होय जे येशु ख्रिस्तामेहे सुरवाती काल मेहेरोत आमापो होय, 10पोन ओमे आमाआ तारण कोअनाऱ्या येशु ख्रिस्ताआ प्रकट उविलाआ त्यापोरत प्रकाशाम उवे जीआ मोईलो नाश कोयु अने जीवोन अने अमरत्वाला सुवार्ते वाही प्रकाशाम कोईत आप्लु. 11याकोअता आय प्रचारक अने प्रेषित अने हिकाडनारो बी ठरविल्यो. 12यामुळे बी आय ओ दुख बी सहन कोअत्लू पोन लाजवात्लो नाहा काहाके आय तियाहा ज्यापो आय विश्वास कोअयु होय, आय तियाहा ओलखीत्लू अने माहु खात्री होय का तो माआ धोरहराआ तिया दिहेजा रखवाली कोईत सेकत्लू.

विश्वासों प्रति वफादार

13ज्या खोरी गोठी तू मापोरोत होमल्युहू होय तियाहा तिया विश्वास अने प्रेमोरी जो येशु ख्रिस्तात होय आपाआ आदर्श बोणाडीत मेका. 14अने पवित्र आत्माआ त्यापोरत जो आमा माय बोहयूहू होय आव हाजा धोरहराची राखिलो कोअही. 15ताहु मालुम होय का आशिया तियाआ आखे मापोरोत अलग उवे होय ज्यामेहे फुगीलूस अने हिरमुगीनेस होय. 16उन्नेसीफुरूसआ परिवारापो प्रभू दया कोहू जोवे काहाके तिये जास्तीज टायमोआ माआ जीवोहो ठावकू कोयु होय अने माआ हाकूल सी लाजवातलु नाहा. 17पोन जाहा ते रोम माय आव्ये ताहा वोडो कोइलो माहु होदिलो माआ भेट लेदि 18प्रभू कोहू जोवे का तिया तेदीही तियापो प्रभूऊ दया रोनारु अने जी सेवा तिये इफिसा मेहे कोअयी होय ते पण ताहु हाजो मालुम होय.

നിലവിൽ തിരഞ്ഞെടുത്തിരിക്കുന്നു:

2 तीमुथियुस 1: NOINT

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു