2 थिस्लोनी 2

पापोओ मांहो म्हणजे नाशोओ सुउ

1ऐ पाही ओमे आय आपाआ प्रभु येशु ख्रिस्तआ आविलाआ अने तियाआ आरी आपुह एकठे उवीलाआ विषयोमेहे आय तुमाहा विनंती कोअताहा 2का एखादो आत्माआ किंवा वचन किंवा पत्राआ त्यापोरत जे जेहेका ही आमाही रोते होय ओ जाईत ले प्रभूऊ दीही आविलो गोये होय तुमाआ मोन अचानक आलविनारू कायना अने तुमु बित नाहा. 3कोडनीबि प्रकारे कोडाआ त्यापोरोत फसुस नाहा काहाके तो दीही आविलो नाहा जाहुजा धर्माआ त्याग उवे नाहा अने तो पापाहा माहु कोअतीज विनाशो पुत्र प्रकट उवे नाहा. 4ख्रिस्तविरोधी कोअत्लू अने आखाप रोत देव किंवा उपासना मानाडत्लू अने स्वतःहा वोडू मोनोहो इहिंजा का तो देवाआ मंदिरोम बोहित स्वतःहा देव मोनोहो. 5की तुमामे ओर नाहा का जाहा आय तुमाही ओतू आव गोठी तुमामे कोयु रोहिजे? 6तुमु तिया वस्तूउ ओलखीत जी तियाहा ओमे थांबाडीत रोली होय तो त्याज दिहोम प्रकट उवूंहू जोवे. 7काहाके अधर्म गूढ ओमे बी काम कोईत जात होय, पोन ओमे एक उब राखनारू होय जोपोरोत तो सेटे उवनारा नाहा तो थोबिलो रोही. 8तेहलाम तो अनीतिमान प्रकट उवे ज्याहा प्रभून येशु आपाआ सोबिमरोत फुकिलो माईत टाकही अने आपाआ आगमनाआ लाडीवाला नाश कोअनारू. 9तिया नितीमानाआ शैतानाआ कामु होस आखे प्रकारोओ वाईट शक्ती अने चिन्ह अदभूत का मापोरोत, 10अने नाश कोअनारा कोअता अधर्म आखा प्रकारो कपट उवे, काहाके तियाआ सत्या बरोबर प्रेम कोयु नाहा ज्याआपोरोत त्याआं तारण उवे. 11यामुळे परमेश्वर तीयाम एक भ्रांतीई शक्ती मोकलीनारा काजे का ते ठोगनारा विश्वास पालनारू, 12कोअतीज जेवडे मांहे सत्य विश्वास पालीत नाहा पोन अनीतीई खुश ओये तिया आखाज दंड मिले.

दृड रोवा

13ऐ पाही, अने प्रभूउ प्रिय माहु जोवे का आमू तुमा बारामे कायम परमेश्वरोओ धन्यवाद कोईत रोअलो काहाके परमेश्वराने पेलेरोत तुमामे निवडीत लेधलो का आत्माआ त्यापोरत पवित्र बोणीत अने विश्वास पालीत तारण मिलुजोवे. 14त्याजमेहे तिये तुमामे आमू सुवार्तेमुळे हादाडये का तुमु आमा प्रभू येशु ख्रिस्त गौरवाला जोडयो कोईओलो. 15त्यापोत ऐ पाही स्थिर रो अने ज्या-ज्या गोठी तुमु जेबी वाचनाने किंवा पत्राआ त्यापोरत आमापोरोत शिक्षा होय तियाहा तोईत रो. 16आमाआ प्रभून येशु ख्रिस्त स्वतः अने आमाआ बाह्हू परमेश्वर जीआ आमापो प्रेम कोयु अने कृपेणे सार्वकालिक शांती अने श्रेष्ठ आशा आप्यी होय, 17तुमाआ मोनामे शांती आपे अने तुमामे हर एक हाजा कामोम अने वचनोमे मजबुते कोआ.

നിലവിൽ തിരഞ്ഞെടുത്തിരിക്കുന്നു:

2 थिस्लोनी 2: NOINT

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു