2 कुरिन्थि 13
13
आखरी चेतावनी
1ओमे तिसऱ्या टायमोमें आय तुमाआ जागे आवत्लू बेन किंवा तीन साक्षीदारांच्या सोबिमरोत हर एक गोठी नियुक्त कोअयी जाइलो. 2जेहलो आय जांहा दिहरा टायमोमें तुमाआरी ओतु तेहलूज ओमे सेटेरोत ओतलू तियाअ मांहाआरी जिये पहीले पाप कोल्यु अने दिहरा आखे माहुंहु ओमे पहिलुच कोत आपोहो का जर आय फासी आविलो ताहा सोडविणारू नाहा, 3काहाके तुमु ताहा याआ प्रमाण मागतेहे का ख्रिस्त मामेहे गोगीत होय जे तुमा कोअता अशक्त नाहा पण तुमामे समर्थी होय. 4तो निर्बल मुळे क्रूसापोओ सोडवियू गोल्यो तेबी पण परमेश्वरोओ सामर्थ्यावाही जिवंत होय आमाहा पण तीयाम अशक्त होय पण परमेश्वरोओ सामर्थ्यावाही तुमाआ याकोअता त्याआरी जिवंत रोही. 5स्वतःहा पारखिल्यु पाला का विश्वास मेहे होय का नाहा, स्वतःहा पारखत्लू की तुमामे स्वतः विषयी मालुम नाहा का येशु ख्रिस्त तुमामे होय? नहाते तुमु पारखिल्यो बेन कामोओ निकलीलू होय. 6पोन माआ आशा होय का तुमामे मालुम ओत जानारू का तुमु बेन कामोओ नाहा. 7आमू आपाआ परमेश्वरोओ ए प्रार्थना कोअत्लू का तुमु किबी वाईट कोहू कायना, याकोअता नाहा का आमाहा खोरो देखिलो जोवे, पण यकोअता का तुमु हाजो कोअला जोवे, जेबी आमाहा बेन कामोओ ठराविलो. 8काहाके आमू सत्त्याआ विरोधाम किबी कोहू शकत नाहा, पण सत्यासाठीच कोहू शकतो. 9जाहा आमू अशक्त होय अने तुमु बलवान होय, ताहा आमाहा खुश ओतू, अने ए प्रार्थना पण कोअत्लू का तुमु पुरोओत जाहू जोवे. 10यामुळे जर तुमाआ फासओ आव गोठी लेखातुलू, का उपस्थित ओत माहु तियाअ अधिकारा प्रमाणोओ ज्याहा प्रभूने बिगडाविलो कोते नाहा पण बोनाविलाकाजे माहु आप्लु होय वातडो डोआवाही वागुई कायना.
शुभकामना अने आशीर्वाद
11आखरी ऐ पाही, आनंदाम रो, पुरो उवनारा जा; हिमंत मेका एकुच मोन मेकिलो रो, अने प्रेम अने शांतीचा दाता परमेश्वर तुमाआ आरी रोही. 12एक दिहराहा पवित्र चुंबनाने नमस्कार को 13आखे पवित्र मांहे तुमामे सलाम कोअता. 14प्रभु येशु ख्रिस्ता अनुग्रह अने परमेश्वरा अने प्रेम अने पवित्र आत्माआ सहभागिता तुमु आखा आरी ओती रोय.
നിലവിൽ തിരഞ്ഞെടുത്തിരിക്കുന്നു:
2 कुरिन्थि 13: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.