Matye 11
11
Bot ɛ Zaŋ Nduuel-bot nalwom ɔ
1Dáa Yezu nasilal ɛlyo bɛdjekel bɛ kam nɛ bɛbá ɛ, nyɛ eezɛdus tin, tɔ́ kɛlyo nɛ ɛkɛgoola Mbɛɛ Bhaadal pɛ eghaada kyee dik'enek.
2Zaŋ Nduuel-bot, pɛ nyɛ nadi tɔ ndjaa membok ɛ, nyɛ naagwak menduk ɛ Mɛsia. Tin, nyɛ ɛ́ boolwom bɛdhiiti bɛdjekel bɛ, 3bɛ kɛdji Yezu náá: «Yɛ ɛ́ wɔy ɛ di Mɛsia nabɛ náá, nyɛ ɛpezyɛ ohoo, nɛghu yɛ ɛ́ náá, ye baabwoodaa dhiiti baadi ezyɛ ɔ?» 4Yezu eezɛbɔɔza nɛ nɔɔ náá: «Kɛlɛɛka Zaŋ sa bi bee ɛ́ nɛ yii bi gwak nɛ mɛlɔ men ɛ. 5Bot ɛ edhim moo nyaasok. Bot ɛ di nɛ edjam ɔ moo kɛ ɛnyɔɛpe. Bot ɛ mɛbɛ́ mɛ ezezam eezetsak. Bɛ na endiila e mɛlɔ moo gwak, bot ɛ nazegwyɛ ɔ, bɛ eezegom. Mbɛɛ Bhaadal ɛpegoolel kɛkum pɛ daa bɛdjel ɛ bot. 6Mɛnyɔ nɛ mot aadi ààkat ɛdum ɛ koŋ ɛ lɛ nɛ nam ɔ!»
7Bhii bɛdjekel ɛ Zaŋ nasik ɛ, Yezu moo tin elii nɛ zukamwaa nɛ mot nadi tin kɔ ɛsu ɛ Zaŋ ɔ. Nyɛy nɛ nɔɔ náá: «Bi nakɛbee yé tɔ bal? Bi nakɛbee ɛ́ mɔɔ le ghwaazok edheegel nɛ pup é? 8Haaa bi nakɛbee yé tɔ bal? Bi nakɛbee ɛ́ mot ngɔt nɛ vaŋ mbi bhet é? Bi nɛ gu náá, bot ɛ dyeebabɔt evaŋ ekaad ɔ, dyeebadi ɛ́ pɛ tɔ eboo mendjaa mɛ bɛmɛkoozi. 9Bi nakɛbee yé? Bi nakɛbee ɛ́ ngoolel-Mɛkpa ɛ Zɛɛb é? Nɛ tsɛɛtsɛ, mɛ lɛɛ bin ɛ́ náá, nyɛ eedhaa-dhaŋak ngoolel-Mɛkpa ɛ Zɛɛb. 10Etɛɛ náá, yɛ ɛ́ kɔ ɛsu ɛ Zaŋ ɛ Ekwyala nalɛɛ náá:
“Ɛsok nɛ wɔ nɛ tɔ́, mɛ waalwom ngoola-ngoola yam,
nyɛ neekɛdii wɔ ze.”
11Mɛ lɛɛ bin ɛ́ etɛp e tsɛɛtsɛ náá: pɛ tɔ bot djas Zɛɛb nasa ɔ, ye tok nɛ mot dhaa Zaŋ Nduuel-bot. Saabɛgɔs ɛ́ náá, mot di mɔɔ dhyeeb tɔ Ɛyoŋ ɛ di tɔ gwoo ɔ, nyɛ ɛ́ boo boo-mot nɛ Zaŋ. 12Kɛkan membu mɛ Zaŋ Nduuel-bot nadi elyo bot tɔ Mɛkpa ɛ Zɛɛb ɛ, kɛyaka nɛ ɛlu ɛ mos, ɛni ɛ́ tɔ Ɛyoŋ ɛ di tɔ gwoo ɛ nɛ lyel. Bot ɛ di nɛ mɛghaaz ɔ di nɛ ghwyil ɛdɛk yɛ. 13Kana nɛ bɛngoolel ɛ Mɛkpa ɛ Zɛɛb djas, zɛnɔɔ etsi ɛ Moiiz, Mɛkpa ɛ Zɛɛb naagoolel kɛkum membu mɛ ɛkwyil ɛ Zaŋ. 14Bi ɛ kwyɛl ɛtiibal ɛnyɔɛpe ɔɔ, yɛ ɛ́ Zaŋ ɛ di Eli, ngoolel-Mɛkpa ɛ Zɛɛb nalookɛkaa náá, nyɛ waabula ɔ. 15Yɛ bɛ náá, bi ɛ́ nɛ mɛlɔ mɛ ɛgwak ɔɔ, gwakeka yɛ ɛnyɔɛpe!
16Mɛ gek bot ɛ membu mak nɛ bɛzɛ? Bɛ ɛ́ dáa zɛɛga bɔɔ dhyeeb mendiindil kɔ ɛbɛsɛɛ ɛ bot djas di di ɛ, da bɛdhiiti ɛ́ gheetsim kɔ bɛsɔ bɔɔ náá: 17“Bis eebwom bin ngɔmbi, bi ààpabɔl. Bis eedjeeb bin mɛdjeeb mɛ ɛsyee, bi ààpadje!” 18Etɛɛ náá, Zaŋ eezyɛ, nyɛ nabɛ ɛ́, nyɛ eetsi edee nɛ mɛnyok. Deenek, bot kake ɛ́ náá: “Yɛ ɛ́ embee esisim ɛ di esa nyɛ deenek!” 19Sɛɛŋɛlɛ Mɔn Mot eezyɛ. Nyɛ ɛpedɛ yɛ edee, bi kake ɛ́ náá: “Beeka nwyak é? Na ghaa-dek nɛ mɛnyok. Nyɛ be mɛsɔ ɛ́ nɛ bɛnɔŋel ɛ epata e lapo dɔɔ nɛ bot ɛ di nɛ mbee tsik ɔ!” Tin, etsoŋ e Zɛɛb nadi enyen tɔ mɛsa mɛ.»
Eghaada di ebyen ɛdum ɛ koŋ nɛ Zɛɛb ɔ
20Tin, Yezu eezɛni nɛ mɛlyo mɛ ɛdul ɛ mɛlɔ mɛ bot ɛ eghaada ee nyɛ nasa bɛtɛ nɛ endem e mɛbwala ɔ, etɛɛ náá, bot ɛ eghaada tak nabɛ ɛ́ ààliig elyem bɔɔ. Nyɛ ɛ́ boozɛlɛɛ náá: 21«Haaa kpaa-ghoŋ nɛ nɔ, dɛl ɛ Koodazin, kpaa-ghoŋ nɛ nɔ, dɛl ɛ Bhɛtsaida! Etɛɛ náá, bɛtɛ nɛ endem e mɛbwala nasael pɛ yebɔ ɛ, yɛ ɛpedi ɛ́ náá, ye nasael ɛ́ pɛ ghaada Tiid nɛ yii Sidɔn ɔɔ, pe bot ɛ eghaada binɔk naaloobɔt kaad ɛpum, pe bɛ naazelɔɔba mɛsii, pe bɛ naaloozeliig elyem bɔɔ. 22Yɛ ɛ́ etɛp tak ɛ mɛ di elɛɛ nɛ nen náá, dwoo Zɛɛb aazɛpɛ́ɛ bot ɛ, yebɔ epɛ́ɛ ɛ́ waadhaa yii bot ɛ ghaada Tiid nɛ yii Sidɔn nɛ mɛlyel. 23Yɛ kabɛ wɔy ɔɔ, dɛl Kapɛlnaum, wɔ gek ɛ́ náá, wɔ ɛ́ nɛ ghwyil ɛbyet tɔ́ pɛ tɔ gwoo? Wɔ waasilaa kɛkum pɛ dɛl ɛ edim e bot ɛ nazegwyɛ ɔ. Etɛɛ náá, endem e mɛbwala mɛ nasɛɛ penek ɛ, yɛ ɛpedi ɛ́ náá, ye naasɛɛ ɛ́ pɛ dɛl ɛ Sodɔm ɔɔ, pe dɛl ɛlenek dinaa tak dɔɔ nɛ mos. 24Yɛ ɛ́ étɛp tak ɛ mɛ di elɛɛ bin náá, dwoo Zɛɛb aazɛpɛ́ɛ bot ɛ, epɛ́ɛ nyɛ aapɛ́ɛ bin ɛ, yɛ waadhaa yii bot ɛ kyee bɔs Sodɔm nɛ mɛlyel.»
«Dhaka pɛ daa lam, mɛ needjɛ bin ɛwala!»
25É ghɛŋ tak, Yezu naazɛke náá: «Heee Saagam, Ghɛŋ gwoo nɛ bɔs, mɛ ɛpeghaapɛɛ wɔ, etɛɛ náá, esonok ee wɔ nasyel bɛtsoŋ ɛ bot nɛ bot ɛ di etselal ɔ, wɔ eelyaal yɛ nɛ bɔɔ dhyeeb. 26Iyooo, Saagam, wɔ nakwyɛl ɛ́, ye sael deenek.
27Saagam naadjɛ mɛ esonok djas. Ye tok nɛ mot di egu Mɔn, yɛ di ààbɛ Sɛɛg ɔɔ. Deenek, ye tok nɛ mot di egu Sɛɛg, yɛ di ààbɛ Mɔn nɛghu mot Mɔn aakwyɛl ɛlyaal ɔɔ.
28Biyɔ, bot ɛ zewak étɛp ɛbɛp edil-dil mɛkɔm men ɔ, dhaka pɛ daa lam, mɛ needjɛ bin ɛwala. 29Bɛpka kɔm etɛp bam. Betka náá, mɛ djɛ bin etsoŋ, etɛɛ náá, mam ɛ́ mot mɛsila nɛ ɛtela ɛ lyem. Tin, bi ɛ́ waabela di ɛwala biyɔ bɛmet. 30Kɔm etɛp mɛ di edjɛ bin ɛ, yɛ ààdil, ɛbɛp ɛ lam mɛ di djóo bin náá, bi zɛbɛp ɛ, nɛ gwyaa.»
നിലവിൽ തിരഞ്ഞെടുത്തിരിക്കുന്നു:
Matye 11: bkwNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Matye 11
11
Bot ɛ Zaŋ Nduuel-bot nalwom ɔ
1Dáa Yezu nasilal ɛlyo bɛdjekel bɛ kam nɛ bɛbá ɛ, nyɛ eezɛdus tin, tɔ́ kɛlyo nɛ ɛkɛgoola Mbɛɛ Bhaadal pɛ eghaada kyee dik'enek.
2Zaŋ Nduuel-bot, pɛ nyɛ nadi tɔ ndjaa membok ɛ, nyɛ naagwak menduk ɛ Mɛsia. Tin, nyɛ ɛ́ boolwom bɛdhiiti bɛdjekel bɛ, 3bɛ kɛdji Yezu náá: «Yɛ ɛ́ wɔy ɛ di Mɛsia nabɛ náá, nyɛ ɛpezyɛ ohoo, nɛghu yɛ ɛ́ náá, ye baabwoodaa dhiiti baadi ezyɛ ɔ?» 4Yezu eezɛbɔɔza nɛ nɔɔ náá: «Kɛlɛɛka Zaŋ sa bi bee ɛ́ nɛ yii bi gwak nɛ mɛlɔ men ɛ. 5Bot ɛ edhim moo nyaasok. Bot ɛ di nɛ edjam ɔ moo kɛ ɛnyɔɛpe. Bot ɛ mɛbɛ́ mɛ ezezam eezetsak. Bɛ na endiila e mɛlɔ moo gwak, bot ɛ nazegwyɛ ɔ, bɛ eezegom. Mbɛɛ Bhaadal ɛpegoolel kɛkum pɛ daa bɛdjel ɛ bot. 6Mɛnyɔ nɛ mot aadi ààkat ɛdum ɛ koŋ ɛ lɛ nɛ nam ɔ!»
7Bhii bɛdjekel ɛ Zaŋ nasik ɛ, Yezu moo tin elii nɛ zukamwaa nɛ mot nadi tin kɔ ɛsu ɛ Zaŋ ɔ. Nyɛy nɛ nɔɔ náá: «Bi nakɛbee yé tɔ bal? Bi nakɛbee ɛ́ mɔɔ le ghwaazok edheegel nɛ pup é? 8Haaa bi nakɛbee yé tɔ bal? Bi nakɛbee ɛ́ mot ngɔt nɛ vaŋ mbi bhet é? Bi nɛ gu náá, bot ɛ dyeebabɔt evaŋ ekaad ɔ, dyeebadi ɛ́ pɛ tɔ eboo mendjaa mɛ bɛmɛkoozi. 9Bi nakɛbee yé? Bi nakɛbee ɛ́ ngoolel-Mɛkpa ɛ Zɛɛb é? Nɛ tsɛɛtsɛ, mɛ lɛɛ bin ɛ́ náá, nyɛ eedhaa-dhaŋak ngoolel-Mɛkpa ɛ Zɛɛb. 10Etɛɛ náá, yɛ ɛ́ kɔ ɛsu ɛ Zaŋ ɛ Ekwyala nalɛɛ náá:
“Ɛsok nɛ wɔ nɛ tɔ́, mɛ waalwom ngoola-ngoola yam,
nyɛ neekɛdii wɔ ze.”
11Mɛ lɛɛ bin ɛ́ etɛp e tsɛɛtsɛ náá: pɛ tɔ bot djas Zɛɛb nasa ɔ, ye tok nɛ mot dhaa Zaŋ Nduuel-bot. Saabɛgɔs ɛ́ náá, mot di mɔɔ dhyeeb tɔ Ɛyoŋ ɛ di tɔ gwoo ɔ, nyɛ ɛ́ boo boo-mot nɛ Zaŋ. 12Kɛkan membu mɛ Zaŋ Nduuel-bot nadi elyo bot tɔ Mɛkpa ɛ Zɛɛb ɛ, kɛyaka nɛ ɛlu ɛ mos, ɛni ɛ́ tɔ Ɛyoŋ ɛ di tɔ gwoo ɛ nɛ lyel. Bot ɛ di nɛ mɛghaaz ɔ di nɛ ghwyil ɛdɛk yɛ. 13Kana nɛ bɛngoolel ɛ Mɛkpa ɛ Zɛɛb djas, zɛnɔɔ etsi ɛ Moiiz, Mɛkpa ɛ Zɛɛb naagoolel kɛkum membu mɛ ɛkwyil ɛ Zaŋ. 14Bi ɛ kwyɛl ɛtiibal ɛnyɔɛpe ɔɔ, yɛ ɛ́ Zaŋ ɛ di Eli, ngoolel-Mɛkpa ɛ Zɛɛb nalookɛkaa náá, nyɛ waabula ɔ. 15Yɛ bɛ náá, bi ɛ́ nɛ mɛlɔ mɛ ɛgwak ɔɔ, gwakeka yɛ ɛnyɔɛpe!
16Mɛ gek bot ɛ membu mak nɛ bɛzɛ? Bɛ ɛ́ dáa zɛɛga bɔɔ dhyeeb mendiindil kɔ ɛbɛsɛɛ ɛ bot djas di di ɛ, da bɛdhiiti ɛ́ gheetsim kɔ bɛsɔ bɔɔ náá: 17“Bis eebwom bin ngɔmbi, bi ààpabɔl. Bis eedjeeb bin mɛdjeeb mɛ ɛsyee, bi ààpadje!” 18Etɛɛ náá, Zaŋ eezyɛ, nyɛ nabɛ ɛ́, nyɛ eetsi edee nɛ mɛnyok. Deenek, bot kake ɛ́ náá: “Yɛ ɛ́ embee esisim ɛ di esa nyɛ deenek!” 19Sɛɛŋɛlɛ Mɔn Mot eezyɛ. Nyɛ ɛpedɛ yɛ edee, bi kake ɛ́ náá: “Beeka nwyak é? Na ghaa-dek nɛ mɛnyok. Nyɛ be mɛsɔ ɛ́ nɛ bɛnɔŋel ɛ epata e lapo dɔɔ nɛ bot ɛ di nɛ mbee tsik ɔ!” Tin, etsoŋ e Zɛɛb nadi enyen tɔ mɛsa mɛ.»
Eghaada di ebyen ɛdum ɛ koŋ nɛ Zɛɛb ɔ
20Tin, Yezu eezɛni nɛ mɛlyo mɛ ɛdul ɛ mɛlɔ mɛ bot ɛ eghaada ee nyɛ nasa bɛtɛ nɛ endem e mɛbwala ɔ, etɛɛ náá, bot ɛ eghaada tak nabɛ ɛ́ ààliig elyem bɔɔ. Nyɛ ɛ́ boozɛlɛɛ náá: 21«Haaa kpaa-ghoŋ nɛ nɔ, dɛl ɛ Koodazin, kpaa-ghoŋ nɛ nɔ, dɛl ɛ Bhɛtsaida! Etɛɛ náá, bɛtɛ nɛ endem e mɛbwala nasael pɛ yebɔ ɛ, yɛ ɛpedi ɛ́ náá, ye nasael ɛ́ pɛ ghaada Tiid nɛ yii Sidɔn ɔɔ, pe bot ɛ eghaada binɔk naaloobɔt kaad ɛpum, pe bɛ naazelɔɔba mɛsii, pe bɛ naaloozeliig elyem bɔɔ. 22Yɛ ɛ́ etɛp tak ɛ mɛ di elɛɛ nɛ nen náá, dwoo Zɛɛb aazɛpɛ́ɛ bot ɛ, yebɔ epɛ́ɛ ɛ́ waadhaa yii bot ɛ ghaada Tiid nɛ yii Sidɔn nɛ mɛlyel. 23Yɛ kabɛ wɔy ɔɔ, dɛl Kapɛlnaum, wɔ gek ɛ́ náá, wɔ ɛ́ nɛ ghwyil ɛbyet tɔ́ pɛ tɔ gwoo? Wɔ waasilaa kɛkum pɛ dɛl ɛ edim e bot ɛ nazegwyɛ ɔ. Etɛɛ náá, endem e mɛbwala mɛ nasɛɛ penek ɛ, yɛ ɛpedi ɛ́ náá, ye naasɛɛ ɛ́ pɛ dɛl ɛ Sodɔm ɔɔ, pe dɛl ɛlenek dinaa tak dɔɔ nɛ mos. 24Yɛ ɛ́ étɛp tak ɛ mɛ di elɛɛ bin náá, dwoo Zɛɛb aazɛpɛ́ɛ bot ɛ, epɛ́ɛ nyɛ aapɛ́ɛ bin ɛ, yɛ waadhaa yii bot ɛ kyee bɔs Sodɔm nɛ mɛlyel.»
«Dhaka pɛ daa lam, mɛ needjɛ bin ɛwala!»
25É ghɛŋ tak, Yezu naazɛke náá: «Heee Saagam, Ghɛŋ gwoo nɛ bɔs, mɛ ɛpeghaapɛɛ wɔ, etɛɛ náá, esonok ee wɔ nasyel bɛtsoŋ ɛ bot nɛ bot ɛ di etselal ɔ, wɔ eelyaal yɛ nɛ bɔɔ dhyeeb. 26Iyooo, Saagam, wɔ nakwyɛl ɛ́, ye sael deenek.
27Saagam naadjɛ mɛ esonok djas. Ye tok nɛ mot di egu Mɔn, yɛ di ààbɛ Sɛɛg ɔɔ. Deenek, ye tok nɛ mot di egu Sɛɛg, yɛ di ààbɛ Mɔn nɛghu mot Mɔn aakwyɛl ɛlyaal ɔɔ.
28Biyɔ, bot ɛ zewak étɛp ɛbɛp edil-dil mɛkɔm men ɔ, dhaka pɛ daa lam, mɛ needjɛ bin ɛwala. 29Bɛpka kɔm etɛp bam. Betka náá, mɛ djɛ bin etsoŋ, etɛɛ náá, mam ɛ́ mot mɛsila nɛ ɛtela ɛ lyem. Tin, bi ɛ́ waabela di ɛwala biyɔ bɛmet. 30Kɔm etɛp mɛ di edjɛ bin ɛ, yɛ ààdil, ɛbɛp ɛ lam mɛ di djóo bin náá, bi zɛbɛp ɛ, nɛ gwyaa.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.